Pramāṇa · Search · About · API

Prapanca 18

Prapañca 18

Language
Sanskrit

Contents

18.1

atha saṃgraheṇa kathayāmi manumapi mahāgaṇeśituḥ
yaṃ samavahitadhiyaḥ sudhiyaḥ samupāsya siddhimadhikāṃ prapedire

18.2

tāraḥ śrīśaktimārāvanigaṇapatibījāni daṇḍīni coktvā
paścādvighnaṃ caturthyā varavaradamatho sarvvayuktaṃ janañca
ābhāṣya cvelame'ntaṃ vaśamiti ca tathaivānayeti dviṭhāntaḥ
prokto'yaṃ gāṇapatyo manurakhilavibhūtipradaḥ kalpaśākhī

18.3

ṛṣirapi gaṇako'sya syācchando nivṛdanvitā ca gāyatrī
sakalasurāsuravanditacaraṇayugo devatā gaṇādhipatiḥ

18.4

praṇavādivījapīṭhasthitena dīrghasvarānvitena satā
aṅgāni ṣaḍvidadhyānamantrī vighneśvarasya vījena

18.5

mandārādyaiḥ kalpakavṛkṣaviśeṣairviśiṣṭataraphaladaiḥ
śiśiritacaturāśreḍantarjvālātapacandrikākule ca tale

18.6

aikṣavajalanidhilaharīkaṇajālakavāhinā ca gandhavahena
saṃsevite ca suratarusumanaḥsmitamadhupapañcacalanapareṇa

18.7

ratnamaye maṇivajrapravālaphalapuṣpapallavasya sataḥ
mahato'dhastādṛrtubhiryugapatsaṃsevitasya kalpataroḥ

18.8

siṃhamukhapādapīṭhagalipimayapadme triṣaṭkoṇollasite
āsīnaskhekarado bṛhadudaro daśabhujo'ruṇo gajavadanaḥ

18.6-2

vījāpūragadekṣukārmukarujācakrābjapāśotpalavrīhyagrasvaviṣāṇaratnakalaśaprodyatkarāmabhoruhaḥ
dhyeyo vallabhayā ca padmakarayāśliṣṭo jvaladbhūṣaṇo
viśvotpattivināśasaṃsthitikaro vighno viśiṣṭārthadaḥ

18.10

karapuṣkaradhṛtakalaśasrutamaṇimuktāpravālavarṣeṇa
aviratadhārāṃ vikiran paritaḥ sādhakasamagrasampattye

18.11

madajalalolupamadhukaramālāṃ nijakarṇatālatāḍanayā
nirvāsayan muhurmuhuramarairasuraiśca sevito yugapat

18.12

agre'tha vilvamabhitas ramārameśau taddakṣiṇe vaṭajuṣau girijāvṛṣāṅkau
pṛṣṭhe'tha pippalajuṣau ratipañcavāṇau savye priyaṅgumabhitaśca mahīvarāhau

18.13

dhyeyau ca padmayugacakradaraiḥ puroktau
pāśāṅkuśākhyaparaśutriśikhairathāntyau
yugmotpalekṣumayacāpaśaraistṛtīyāvantyau śukāṅkakalamāgragadārathāṅgaiḥ

18.14

dhyeyāḥ ṣaṭ koṇāstriṣu paritaḥ pāśāṅkuśābhayeṣṭakarāḥ
sapramadā gaṇapatayo raktākārāḥ prabhinnamadavivaśāḥ

18.15

agrāstrāvāmodaḥ pramodasumukhau ca tamabhito'striyuge
pṛṣṭhe ca durmukhākhyassvamabhito'vighnavighnakarttārau (1)

18.16

savyāpasavyabhāge tasya dhyeyau ca śaṅkhapadmanidhī
mauktikamāṇikyābhau varṣantau dhārayā dhanāni sadā

18.17

siddhisamṛddhī cānyā kāntirmadanāvatī madadravayā
drāviṇivasudhārākhye vasumatyapi vighnanidhiyugapramadāḥ

18.18

dhyātvaivaṃ vighnapatiṃ catvāriṃśatsahasrasaṃyuktam
prajapellakṣacatuṣkaṃ catuḥsahasrañca dīkṣito mantrī

18.19

dinamanu sacatuścatvāriṃśatsaṃkhyaṃ santarpayedvighnam
uktajapānte mantrī juhuyācca daśāṃśato'ṣṭabhirdravyaiḥ

18.20

modakapṛthukasalājāḥ saśaktavaḥ sekṣunārikelatilāḥ
kadalīphalasahitānotyaṣṭa dravyāṇi saṃpradiṣṭāni

18.21

anudinamarccayitavyo japatā manumapi ca mantriṇā gaṇapaḥ
prākproktapadmapīṭhe saśattike sāptikāmanau vidhinā

18.22

tīvrā jvālino nandā sabhogadā kāmarūpiṇī cogrā
tejovatī ca satyā saṃproktā vighnanāśinī navamī

18.23

sarvvayutaṃ śaktipadaṃ proktvā kamalāsanāya nama iti ca
āsanamantraḥ prokto navaśaktyante samarcayedamunā

18.24

ādyā mithunairāvṛtiraparā syānnidhitirapi ca ṣaḍ‌vighnaiḥ
aṅgairanyā mātṛbhiraparendrādyaiśca pañcamī pūjyā

18.25

dīkṣābhiṣekayuktaḥ prajapet saṃpūjayediti gaṇeśam
abhidhīyate'sya ca punargūvvādeśena mantriṇo dīkṣā

18.26

madhye ca digdalānāṃ catuṣṭayāgre (1) pravin‍yaset kalaśān
kṣīradrubilvarohiṇapippalaphalinītvagudbhavaiḥ kvāthaiḥ

18.27

saṃpūrayedyathāvat kramāt samāvāhya gaṇapatimithunāni
abhyarcya copacārairhutvā vidhivat punaḥ samabhiṣiñcet

18.28

iti japahutārccanādyaiḥ siddho mantrī karmma kurvvīta
aṣṭadravyairvvān‍yairhunecca tanniyojanāvāptyai

18.29

svarṇārthya madhunā ca gavyapayasā gosiddhaye sarpiṣā
lakṣmyai śarkarayā juhotu yaśase dadhnā ca sarvvarddhaye
annairannasamṛddhaye ca satilairdravyāsaye taṇḍulairlājābhiḥ pataye kusumabhakusumaiḥ sāmbāribhirvvāsase

18.31

padmairbhūtimamutyalainṛpavadhūṃ tanmantriṇaḥ kairavairabhbhaktyādisamiśriragrajamukhān varṇān vadhūḥ piṣṭajaiḥ
puttalyādibhiranvahaṃ ca vaśayejjuhvannavāptyaṣṭa
mantreṇātha purā'munāaiva caturāvṛttyā samātarpya ca
śrīśaktismarabhūvināyakataraunāmnaiva bījādikam
āmodādinidhidvayañca sa catuḥpūrvaiścaturvārakaṃ
mantrī tarpaṇatatparo'bhilaṣitaṃ saṃprāpnuyānmaṇḍalāt

18.32

atha gajalipsurnṛpatirgajavanamadhye prasādhayeddhārīm
tannikaṭe suviśālaṃ caturasraṃ kārayecca gṛhavaryyam

18.33

parivītadṛḍhāvaraṇaṃ taccaturdvāratoraṇollasitam
tasminmaṇḍapavarye caturasrāmunnatāṃ sthalīṃ kṛtvā

18.34

uttarabhāge tasyāḥ kuṇḍaṃ racayedyathā purā tatra
cāpajaharibhavamānuṣacakraproktānathāttarānmantrī

18.35

arddhādimekhalāsu krameṇa vilikhennijeṣṭasamavāptyai
saṃproktalakṣaṇayutaṃ praviracayenmaṇḍalaṃ sthalīmadhye

18.36

āvāhya vighneśvaramarcayitvā prāguktayā tanvavidhānaklṛtyā (1)
nivedya cārthyo sahabhakṣyalehyaiḥ prājyaiśca sājyairapi bhojyajātaiḥ

18.37

ādhāya vaiśvānaramata kuṇḍe samarcya mantraiḥ kramaśaḥ kṛśānoḥ
taireva pūrvvaṃ juhuyādghṛtena mantrī samṛdbhā ca tatastrivāram

18.38

tāreṇa lakṣmābhiyutā smarakṣmāvighneśabījaiḥ kramaśoḍanubaddhaiḥ
padatrayeṇāpi ca mantrarājaṃ vibhajya mantrī navadhā juhotu

18.36-2

punaḥ samastena ca mantravarṇasaṃkhyaṃ prajuhvannapi sarpiṣeva
pūrvvapradiṣṭairjuhuyādyathāṣṭadravyaiḥ prasiktairmadhuratrayeṇa

18.40

sacatuścatvāriṃśatsahasrasaṃkhyaiścatuḥśataiścaturbhiśca
daśakairacaturbhirapi hutāccatuścatvāriṃśaddinairato bhavati

18.41

karikalabhāḥ kariṇobhiḥ saṃpādyante (2)'vaṭe'tra gaṇapatinā
pratidinamabhyavahāryya ca viprān saṃvarddhitastadāśīrbhiḥ

18.42

teṣāṃ mātaṅgānāṃ dadyāt pañcāśaddakṣiṇāṃ gurave
tanniṣkrītaṃ vasu vā prasāditoyātha taddaśāṃśaṃ vā

18.43

mithunānāṃ gaṇapānāṃ nidhyośca tathāṅgamātṛlokeśānām
mantrairghṛtena hutvābhyarcya ca homaṃ samāpya samyagvahno

18.44

punaruddhṛtya nivedyādikaṃ samabhyarcya gaṇapatiṃ sāvaraṇam
udvāsya khe hṛdaye viharedityarcanākramo nirdiṣṭaḥ

18.45

proktastvevaṃ daśabhujamanuḥ saṃgraheṇātra bhakto
dīkṣāṃ labdhvā vidhivadabhijapyātha hutvārcayitvā
natvā nutvā dinamanu tathā tarpayitvā svakāmān
labdhvā cānte vrajati munibhiḥ prārthanīyaṃ padaṃ tat

18.46

smṛtipīṭhaḥ piṇākī sānugraho vindusaṃyuktaḥ
bījametat bhuvaḥ proktaṃ saṃstambhanakaraṃ param

18.47

caturīyo vilomena tārādirbindusaṃyutaḥ
vaihno mantro hṛdanto'rcrāvidhau home dviṭhāntakaḥ

18.48

gaṇakaḥ syādṛṣiśchando nivṛdvighno'sya devatā
bījena dīrghayuktena daṇḍināṅgakriyeritā

18.49

rakto raktāṅgarāgāṃśukakusumayutastundilaścandramaulirnetrairyuktastribhirvvā'malakaracaraṇo bījapūrāttanāsaḥ
hastāyāklṛptapāśāṅkuśaśarāvarado nāgavaktro'hibhūṣo
devaḥ padmāsano vo bhavatu suranato bhūtaye vighnarājaḥ

18.50

dīkṣitaḥ prajapellakṣacatuṣkaṃ prāksamīritaiḥ
juhuyādaṣṭabhirdravyairyathāpūrvaṃ daśāṃśataḥ

18.51

pīṭhe tīvrādibhiḥ padmakarṇikāyāṃ vināyakam
āvāhya pūjayeddikṣu caturṣvapi yajet punaḥ

18.52

gaṇādhipaṃ gaṇeśañca gaṇanāyakameva ca
gaṇakrīḍaṃ karṇikāyāmaṅgaiḥ kiñjalkasaṃsthitaiḥ

18.53

vakratuṇḍaikadaṃṣṭrau ca mahodaragajānanau
lambodarākhyavikaṭau vighnarāḍdhūmravarṇakau

18.54

samarcayenmātṛvarge bāhye lokeśvarānapi
iti proktā saṃgraheṇa gaṇeśīyasamarcanā

18.55

nārikerānvitairmantrī śaktulājatilairhunet
ārabhyācchāṃ pratipadaṃ caturthyantaṃ catuḥśatam

18.56

dinaśaḥ sarvvavaśyaṃ syāt sarvvakāmapradaṃ nṛṇām
tilataṇḍulakairlakṣmīvaśyakṛcca yaśaskaram

18.57

madhuratrayasiktābhirlājābhiḥ saptavāsaram
juhuyāt kanyākārthī vā kanyakā vā varārthinī

18.58

caturthyāṃ nārikelaistu homaḥ sadyaḥ śriyāvahaḥ
haviṣā ghṛtasiktena sarvvakāryyārthado hutaḥ

18.59

dadhyaktaloṇamudrābhirhunenniśi caturddinam
iṣṭārthasiddhaye matimān sadyaḥ saṃvādasiddhaye

18.60

īdṛśaṃ gaṇapaṃ dhyātvā mantrī toyaiḥ sudhāmayaiḥ
dinādau dinagrastasya tarpayenmastake sudhīḥ

18.61

catvāriṃśattataḥpūrvvaṃ tatpūrvvaṃ vā catuḥśatam
catvāriṃśaddināttasya kāṅkṣitā siddhireṣyati

18.62

navanītena ve (1) likhyādanulomavilomakam
udarasthitasādhyākhyaṃ tadbījaṃ tannaveṣṭitam

18.63

samīraṇaṃ pratiṣṭhāpya japtvāṣṭaśatasaṃkhya kam
tūṣṇīṃ prabhakṣayedetat (2) saptarātrādvaśīkaram

18.64

antyāsano'tha sūkṣmro lohitago'gniḥ punaḥ sa eva syāt
sādāntenāyārṇau natyanto manurayaṃ svabījādyaḥ

18.65

ṛṣidevate tu pūrvve chandastu virāṭ‌sutha saṃproktam
bījena dīrghabhājā kathito'ṅgavidhiḥ krameṇa vindumatā

18.66

dhṛtapāśāṅkuśakalpalatikāsvaradaśca bījapūrayutaḥ
śaśiśakalakalitamaulistrilocano'ruṇatanuśca gajavadanaḥ

18.67

bhāsurabhūṣaṇadīpto bṛhadudaraḥ padmaviṣṭaro lalitaḥ
dhyeyo'nāyatadoḥpatsarasiruhaḥ sammade sadā manujaiḥ

18.68

dīkṣāyuktaḥ prajapellakṣaṃ manumenamaya tilairyutam
trimadhurayuktairjuhuyāt pūrvvoktairvvāthavāṣṭabhirdravyaiḥ

18.69

vighnavināyakavīrāḥ śaśūravaradebhavaktraikakūradāḥ
lambodaraśca mātrāṅgāvṛcyorantarātha lokeśāḥ

18.70

pūjyāḥ sitaghṛtapāyasabhavanātsañjāyate mahālakṣmīḥ
kevalaghṛtahutamudito vighnaḥ sadyo vaśīkaroti jagat

18.71

ekamapi nārikelaṃ sacūrmmaloṣṭendhanaṃ hutendhanvau
dinaśaścatvāriṃśaddinataḥ sa tu vāñchitārthamabhyeti

18.72

sapṛthukaśaktukalājātilairbhīṣṭārthasiddhaye juhuyāt
sāpūpanārikelekṣukadalībhistathā samadhurābhiḥ

18.73

aṣṭabhiretairvihito homaḥ sarvvārthasādhako bhavati
dinaśaḥ saṣṭatānrahuto gṛhyāvāprāpako gṛhasthānām

18.74

anvahamaṅgāmādau gaṇapaṃ santarpayettataḥpūrvvam
catvāriṃśadvāraṃ viśuddhajalairindirāptaye mantrī

18.75

samahāgaṇapatiyuktairvighnādyairaṣṭabhirāhvayairddinaśaḥ
tarpaṇapūjāhutavidhirapi vāñchitārthasiddhipradāyako bhavati

18.76

vimbādambudavat sametya savituḥ sopānake rājate
stoyaṃ toyajaviṣṭaraṃ dhṛtalatādantaṃ sapāśāṅkuśam
nāsāṃ sādhyanṛke nidhāya sudhayā tadrandhraniryyātayā
siñcantaṃ punaranvahaṃ gaṇapatiṃ smṛtvā'mṛtaistarpayet

18.77

prāgbhāṣitānapividhīn vidhivadvidadhyānmantrī viśeṣavidyathānvahamādareṇa
ekatna vā gaṇapatiṃ manujāḥ svarucyā
nāmānurūpamanumenadamī bhajantu

18.78

iti japahutapūrjātarpaṇairvighnarājaṃ
prabhajati manujo yastasya siddhirviśālā
bhavati sadhanadhānyaiḥ putramitrādiyukto
vigatasakalavighno viśvasamvādino ca

18.78.p1

iti śrīprapañcasāre saptadaśaḥ paṭalaḥ

Linked texts (5)