Pramāṇa · Search · About · API

Prapanca 23

Prapañca 23

Language
Sanskrit

23.1

dvāviṃśaḥ paṭalaḥ
athocyate dvādaśavarṇasaṃjño mantrastu sāṅgaḥ sajapaḥ sahomaḥ
vidhānato yaṃ pratijapya bhaktā bhukteśca mukteśca padaṃ bhaveyuḥ

23.2

tāraṃ sahṛdayaṃ madhye gavate syurbhavārṇayoḥ
suyayostu tathā devā mantro'yaṃ dvādaśākṣaraḥ

23.3

ṛṣiḥ prajāpatiśchando gāyatrī viṣṇurucyate
devatā hṛṅgeṇa syānnamasā śira ucyate

23.4

caturbhiṃśca śikhā varṇaiḥ pañcabhiḥ kavacaṃ bhavet
proktamastraṃ samastena pañcāṅgavidhirodṛśaḥ

23.5

sapādajānuyugalaliṅganābhyudareṣu ca
hṛddoglāsa dṛkśrotraśikhāsvakṣarato nyaset

23.6

iti saṃhāraḥ
śikhā lalāṭanetrāsyagaladorhṛdayeṣvapi
sakukṣinābhiliṅgākhyajānupādeṣu vinyaset

23.7

iti sthitiḥ
hṛtkukṣinābhiṣu tathā guhyajānupadeṣvatha
karakaṇṭhāsyadṛkśrotraśikhāmūrddhasu (1) vinyaset

23.8

iti sṛṣṭiḥ
saṃhṛterhoṣasaṃhāraḥ sṛṣṭeśca śubhasṛṣṭayaḥ
sthitestu śāntivinyāsastasmātkāryyastridhā manuḥ

23.9

harimujjvalacakradarābjagadākuladoḥparivaṃ sita(2)padmagatam
valayāṅgadahārakirīṭadharaṃ navakundarucaṃ praṇamāmi sadā

23.10

vidhivadatha vihitadīkṣo japenmanuṃ varṇalakṣamānamamum
śuddhaiśca tilairjuhuyādvādaśasahasrasaṃkhyakaṃ mantrī

23.11

pīṭhe harerathāṅgaiḥ saśaktibhirmūrttibhistadanu yajet
keśavasuranāthādyairapi devaṃ bhaktisaṃyuto vidvān

23.12

samidhāmatha dugdhavṛkṣajānāṃ juhuyādarkasahasrakaṃ sadigdham
manasaḥ pariśuddhaye manasvī saghṛtenāpi payo'mbhasā sitena

23.13

dvādaśākṣarajapaṃ tu sārccanaṃ yo bhajenniyamato dine dine
aihikaṃ samupalabhya vāñchitaṃ pretya yāti padamakṣayaṃ hareḥ

23.14

atha pravakṣyāmi sudarśanasya vidhiṃ manoḥ saṃgrahato japādeḥ
yatsiddhitaḥ siddhimavāpuragryāṃ siddhā munīndrā api sadya eva

23.15

antyaturīyaṃtadādikabhṛgudahanānantavahnisaṃstrāstaiḥ
tārādirmanuruktaḥ syādabhimatasiddhido rathāṅgākhyaḥ

23.16

ṛṣirasyāhirbudhnaśchando'nuṣṭubdevatā ca viṣṇuḥ
cakrapadairādisudhīsaṃjvālādyaiḥ śiro'nvitairaṅgam

23.17

aindrīṃ samārabhya diśantvadhastādantaṃ samuktā kramaśo daśānām
cakreṇa badhnāmi namastayoktvā cakrāya śīrṣañca diśāmprabandhaḥ

23.18

trailokyaṃ rakṣa rakṣeti huṃ phaṭ svāheti coditaḥ
tārādiko'yaṃ mantraḥ syādagniprākārasaṃjñakaḥ

23.18-2

tārantu mūrddhanyaṃ sitāruṇakṛṣṇavarṇaṃ
madhye bhruvośca samatho vadane hakāram
hṛdguhyajānupadasandhiṣu cāvaśiṣṭān
varṇānyasediti manoḥ punaragnivarṇān

23.20

avyādbhāskarasaprabhābhirakhilābhābhirdiśo bhāsayan
bhīmākṣaḥ sphuradaṭṭahāsavikasaddaṃṣṭrāyadīptānanaḥ (1)
dorbhiścakradarau gadāñjamusalaprāsāṃśca (2) pāśāṅkuśau
bibhrat piṅgalaśiroruho'tha bhavattaścakrābhidhāno hariḥ

23.21

proktā sudarśanāyeti vidmahe'nte mahāpadem
jvālāya dhīmahi proktā tannaścakraḥ pracodayāt

23.22

saudarśanīyaṃ gāyatrī japtavyā japtumicchatā
sānnidhyakāriṇīṃ mudrāṃ darśayedanayā sudhīḥ

23.23

namo bhagavate proktā mahāsudarśanāya ca
mahācakrāya ca tathā mahājvālāya cetyapi (1)

23.24

dīptarūpāya cetyuktā sarvvato rakṣa rakṣa mām
mahābalāya svāheti proktastārādiko manuḥ
rakṣākaraḥ prasiddho'yaṃ kriyamāṇeṣu karmasu

23.25

ṣaṭkośāntaḥsthatāraṃ vivaralikhitamantrākṣaraṃ sanvirājat
svāṅgaṃ bāhye kalākesaramudaragatāṣṭākṣarañcāṣṭapatram
padmaṃ varṇai(2)rvirājat vikasadalalasatṣoḍaśārṇa trivītaṃ
vyomānyārṇaṃ svanāmnā viracitaguṇapāśāṅkuśaṃ cakrayantram

23.26

praṇavahṛdbhagavadyutaṅe mahādikarathāṅgacaturthī hramastakaiḥ
nigaditasthiti ṣor̤aśavarṇako manuvaro munibhirvihitādaraḥ

23.27

kāthaiḥ payoruhahvacarbhaiḥsiddhairdugdhena gavyairapi pañcabhirvā
mūtraiḥ paśorvā pratipūryya kumbhaṃ samarcayeccakrahariṃ krameṇa

23.28

aṅgaiḥ prathamāvṛtirapi ca pūjyā cakrādibhirdvitīyā ca
lakṣmyādibhistṛtīyā kramāttathendrādibhiñcaturthī syāt

23.26-2

cakraśaṅkhagadāpadmamusalā dhanureva ca
pāśāṅkuśau pītaraktasitaśyāmatviṣastrimāḥ

23.30

lakṣmīḥ sarasvatī cātha ratiḥ prītyāhvayā tataḥ
kīrttiḥ kāntistuṣṭipuṣṭī krameṇaiva tu śaktayaḥ

23.31

saṃpūjya caivaṃ vidhinā harintu śiṣyaṃ guruḥ prītatamo'bhiṣiñcet
bhaktyā svaśaktyā vibhavairdvijātīn santarpya bhūyo guruṇānuśiṣṭaḥ

23.32

ekāgracitto ravilakṣasaṃkhyaṃ japenmanuṃ nityakṛtābhipūjaḥ
tāvat sahasraṃ tilasarṣapātra (1) vilvājyadaugdhāni juhotu samyak

23.33

samudratīre'pyathavādriśṛṅge samudragānāṃ saritāñca tīre
japedvivikte nija eva gehe viṣṇorgṛhe vā puruṣo manasvī

23.34

yathoktasaṃkhye vidhivat prajapte mantre yathoktaiśca hute hutāśe
dravyairatha svārthaparārthahetoḥ kuryāt prayogān vidhinā yathāvat

23.35

pītābhā karṇikā syādaruṇataramaraṃ śyāmalañcāntarālaṃ
nemiḥ śvetā ca vāhye viracitaśikharekhākulaṃ pārthivāntam
cakradvandvaṃ likhitvā viśadamatiratho saumyayāmyañca mantrī
kumbhaṃ saṃpūrthya saumye praracayatu tathā dakṣiṇe homakarma

23.36

ṣaḍ‌viṃśacchatasammitai (2) raṃtha ghṛtāpāmāgaikeśākṣataiḥ
sadbhājītalapāyasaiśca sakalairgavyairvṛtāktaiḥ kramāt
hutvā tadbhutaśiṣṭamatra vidhivat kṣiptvā pratidravyakaṃ
prasthāddhānnakṛtañca piṇḍamamalaṃ kumbhodake mantravit

23.37

saṃsthāpya digni dakṣiṇyāṃ sādhyaṃ kumbhena tena nīrājya
tamatha ghaṭaṃ sadravyaṃ vahnirāpādaṣṭame kṣipedrāśau

23.38

astrādikamapi (3) sarvvaṃ kṣipedaya ghaṭasya dakṣiṇe bhāge
hutaśeṣānena ca valiṃ mantreṇānena mantravit kuryāt

23.36-2

hṛdayānte viṣṇupadaṃ proktvā gaṇeśya uccaret pūrvvam
śāntikarebhyaśca valiṃ gṛhṇantviti śāntaye namo'ntaḥ syāt

23.40

dvāviṃśaḥ paṭalaḥ
jvarādikāṃ rogaparamparāṃ vā vismṛtyapasmārabhavāṃ rujaṃ vā
rakṣaḥpiśācagrahavaikṛtaṃ vā vidhirastvayaṃ saṅgha haredvikāram

23.41

pālāśairvvā stanajadrumajairvā pañcare kṛte phalakaiḥ
saṃpūryya pañcagavyaistatra tu saṃsthāpya śuddhamapi gadinam

23.42

pūrvoddiṣṭairhviṃcca ca sajapaṃ juhuyuḥ pṛthagdvijā vaśinaḥ
dravyaiḥ saddakṣiṇantānabhyarcya ca mucyate rujo jantuḥ

23.43

viprakṣīradrumatvaṅnalayajapurakāśmīrakuṣṭhatriyāmā
bilvāpāmārgarājotitalatulasiyugkrāntidūrvvājavākaiḥ
lakṣmīdevīkuśāgomayakamalavacārocanāpañcagavyaiḥ
siddhe'gnau kumbhasiddhaṃ manujapasahitaṃ bhasma sarvvārthadāyi

23.44

lakṣmyāyuṣkaramatulaṃ piśācabhūtāpasmārādikamacireṇa nāśayecca
kṣudrādīnapi vividhāṃstathopasargānetasmānna paratarā samāsti rakṣā

23.45

juhuyāt guggulugulikāsahasrakaṃ sāṣṭakaṃ ca mantritamaḥ
tridinaṃ caturddinaṃ vā sarvvopadravanivāraṇaṃ bhavati

23.46

kharamañjaryyāḥ samidhāmayutaṃ vā mantravittamo juhuyāt
jvarabhūtāmayavismṛtyapasmṛtīḥ śamayituṃ niyatacittaḥ

23.47

ājyāktairjuhuyācchriye sarasijairddūrvvābhirapyāyuṣe
medhāyai dvijabhūruhaiśca kumudaiḥ śvetaistathā vāsase
śuddhājyaiḥ paśave'pyudumbarabhavaiḥ putrāya cāśvatthajairekābdaṃ vidhivat sahasrasamitairaṣṭottaraṃ muktaye

23.48

cakrasya nābhisaṃsthaṃ (1) smṛtvātmānaṃ japenmanuṃ mantrī
svayameko'pi na yuddhe martyairbahubhiḥ parājito bhavati

23.46-2

mantrī suniyatacittaścakrasthaṃ bhāvayeddhiyā grastam
āviśya sakalamuktā muñcati dagdho'gninā śunābhibhuvā

23.50

dīptaṃ karāladahanapratimañca cakraṃ
yasya smarecchirasi kasyacidapriyasya
saptāhato'sya dahanapratimo jvaraḥ syātriṃśaddinaiśca sa paretapuraṃ prayāti

23.51

kalāhṛtaṃ vahnipadābhiveṣṭitaṃ
samakṣaraṃ yacchirasi smaret sadā
daśāhato'sau prati cārdyate ripurmṛtiṃ tathā maṇḍalataḥ prayāti

23.52

sāntaṃ (1) vāyasavarṇe śatroḥ śirasi smarecca saptāham
uccāṭayati kṣipraṃ mārayati vā dhiyo'sya naiścilyāt

23.53

sravatsudhāvarṣiṇamindusaprabhaṃ
samakṣaraṃ yacchirasi pracintayet
kṣaṇāt samāpyāyitasarvvavigraho
bhavet sa martyaḥ sucirañca jīvati

23.54

madhye tāraṃ tadanu ca manuṃ varṇaśaḥ koṇaṣaṭke
bāhye cāṅgaṃ likhatu kanake (2) rūpyake cātha tāmre (3)
pāṣāṇe vā vidhivadabhijapyātha saṃsthāpitaṃ taccakraṃ coragraharipubhayadhvaṃsi rakṣākarañca

23.55

sthāne hṛṣīkeśavidarbhitaṃ ca sāṣṭākṣarañcāpyabhijaptametat
rakṣāṃ grahādeḥ satataṃ vidhatte yantraṃ suklṛptañca manutrayeṇa

23.56

aṣṭākṣarāntaritapādacatuṣkakoṣṭhaṃ
koṣṭhatrayollikhitasādhyasudarśanañca
rekhābhirapyubhayataḥ śrutiśaḥ prabaddhaṃ
tatsaptakoṣṭhamiti yantramidaṃ praśastam

23.57

bhūrje vā kṣaumapaṭṭe tanumasṛṇatare karpaṭe vāsya yantraṃ
mantrī samyaglikhitvā punarapi gulikīkṛtya lākṣābhivītam
kṛtvā bhasmādihomapravihitaghṛtasampātātāttaśakti (1)
japtaṃ samyagviddhyāt (2) pratiśamamupayāntyeva sarvve vikārāḥ

23.58

[ iti japahutārccanābhiryantraviśeṣaiśca sādhu mantramimam
bhajate yo'sau mantrī labhate bhuktiṃ sukhena muktiñca ] (3)

Linked texts (9)