Prapanca 24
Prapañca 24
- Language
- Sanskrit
Contents
- 24.48 — 1 part
24.1
❊ || iti śrīprapañcasāre dvāviṃśaḥ paṭalaḥ || ❊
trayoviṃśaḥ paṭalaḥ
athocyate śrīkaranāyadheyamaṣṭākṣaraṃ lokahitāya tāvat
yena prajaptena samarccitena hutena siddhiṃ samupaiti mantrī
24.2
sargādarkaḥ kṣato viṃśatiyuga miyutaṃ śāntagaṃ candrabimbaṃ
śrīvāhuḥ śukramedo hariśayanavahakārā manuḥ śrīkarākhyaḥ
ṛṣyādyā vāmapaṅktau harirapi punaraṅgāni yāntairhumantairbhīṣatrāsapramardaprasahitagaditachaṃsaraccairddiruktaiḥ
24.3
mūrddhākṣikaṇṭhahṛdayodarasorujānupādadvayeṣu lipiśo nyasatu svadehe
viprādikānmukhakarorupadeṣu varṇāṃścakrādikānapi kareṣu tatastadastvān
24.4
dugdhābdhaupavaryepravilasitasurodyānakalpadrumādho
bhadrāmbhojanmapīṭhoparigatavinatānandanaskandhasaṃsthaḥ
dorbhirbibhradrathāṅgaṃ sadaramatha gadāpaṅkaje svarṇavarṇoṃ
bhāsvanmaulirvicitrābharaṇaparigataḥ syācchriye vo mukundaḥ
24.5
dikpatreṣu śrīratidhṛtikāntīḥ koṇeṣu mūrttīśca
dakṣābhito nidhīśī viṣvaksenañca dikpatīn prayajet
24.6
ārādhya caivaṃ vidhinātha viṣṇuṃ mantrī punarhomavidhiṅkarotu
śrīvṛkṣadugdhotthasamidbhirajaiḥ sājyena dogdhena ca sarpiṣā ca
24.7
pṛthagaṣṭaśataṃ krameṇa hutvā kanakādyairapi tarpite gurau ca
abhiṣicya tathābhipūjya viprānmanumenaṃ prajapedyathāṣṭalakṣam
24.8
dravyaistaiḥ pratijuhuyāddaśāṃśamānairācāryaṃ punarapi pūjayejjapānte
sa prāpnotyaparimitāṃ śriyañca kīrttiṃ
kāntiñcāciramanurajyate ca lokaiḥ
24.6-2
dūrvvāṃ ghṛtaprasiktāṃ juhuyādayutaṃ narastu hutaśiṣṭaiḥ
ācyaiścarumupayuñjyāddadyādgurave ca dakṣiṇāṃ bhaktyā
24.10
paribhojayecca viprāṃsteṣu dineṣu svaśaktito bhaktyā
apamṛtyurogapaṃāpānvijitya sa tu dīrghamāyurāpnoti
24.11
anudinamādityābhimukhaḥ prajapedūrddhīkṛtasvabāhuyugaḥ
tasya gṛhe'nnasamṛddhiścirāya saṃjāyate suṣṭhutarā
24.12
evaṃ proktaiḥ pratijapahutārccādibhirmantramenaṃ
bhaktyā yo vā bhajati manujo nityaśaḥ so'cireṇa
iṣṭaiḥ putrairdhanadharaṇidhānyādibhirhṛṣṭacetāḥ
syādapyante paramapariśuddhaṃ paraṃ dhāma viṣṇoḥ
24.13
atha kathayāmi vidhānaṃ mahāvārāhābhidhānamantrasya
sāṅgaṃ sajapaṃ sahutārādhanamapi mantriṇāmabhīṣṭāyai
24.14
vākyaṃ proktā hṛdākhyaṃ tadanu bhagavate yugvarāhaṃ ca rūpāyetyuktvā vyāhṛtīnāmupari ca pataye bhūpatitvañca me'nte
dehītyābhāṣya dāntaṃ sumatiratha punarḍāpayakheti hāntaṃ
proktā tārādikaṃ proddharatu manuvaraṃ taṃ trayastriṃśadarṇam
24.15
ṛṣistu bhārgavaḥ prokto'nuṣṭup chanda udīritam
varāho devatā cāsya kathyante'ṅgānyataḥparam
24.16
asyaikaśṛṅgo hṛdayaṃ śiro'pi vyomolkātejo'dhipatī śikhā ca
svāhāisvarupaḥ kavacaṃ mahādidaṃṣṭro'stramuktaṃ svayameva cāṅgam
24.17
saptamabhiḥ punaḥ ṣaḍbhiḥ saptabhiścātha pañcabhiḥ
aṣṭabhirmūlamantrārṇairvidadhyādaṅgakalpanām
24.18
jānvorāpādamudyatkanakamiva himaprakhyamājānu nābheḥ
kaṇṭhādānābhi vahniprabhamatha śirasaścāgalaṃ nīlavarṇam
maulervyomābhamākaṅkaralasadariśaṅkhāsikheṭaṃ gadāśaktyākhyeṣṭābhītihastaṃ (1) praṇamata vasudhollāsidaṃṣṭraṃ varāham
24.19
sajalāmbuvāhanibhamudyatadoḥparighaṃ dharādharasamānatanum
sitadaṃṣṭrikādhṛtabhuvaṃ tvathavā pravicintayet sapadi kolamumum
24.20
hemaprakhyaṃ pārthive maṇḍale vā nīhārābhaṃ nīraje'gnestadābham
vāyoḥ kṛṣṇaṃ dyuprabhaṃ vā diviṣṭhaṃ kroḍaṃ vyāptaṃ satyasaṃsthaṃ yajedvā
24.21
aṣṭapatramatha paṅkajamullasatkarṇikaṃ vidhivadāracayya ca
maṇḍalaṃ ravisahasrasannibhaṃ śūkaraṃ yajatu tatra siddhaye
24.22
prāgdakṣiṇapratyagudagdikṣvaṅgasu catvāri cāṅgāni yajet krameṇa
astraṃ vidikṣūrdhvamadhaśca cakrādyastrāṇi pūjyāni varāhamūrtteḥ
24.23
ariśaṅkhakṛpāṇakheṭakasaṃjñān sagadāśaktivarābhayāhvayāṃśca
abhipūjya digādhipān yathāvadvaragandhākṣatapuṣpadhūpadīpaiḥ
24.24
daṃṣṭrāyāṃ vasudhā saśailanagarāraṇyāpagā hyuṃ kṛtau
vāgīśo śvasite'nilo ravividhū vāhvośca dantānyayoḥ
kukṣau syurvvasavo diśaḥ śrutipathe dasrau dṛśoḥ pādayoḥ
padmottho hṛdaye hariḥ pṛthagamī pūjyā mukhe śaṅkaraḥ
24.25
evaṃ kāle kolamabhyarcayitvā japyo mantro'sau punarlakṣasaṃkhyam
homaṃ kṛtvā taddaśāṃśaiśca pañcaistisvādvaktaiḥ prāpnuyādbhūsamṛddhim
24.26
dhyānādapi dhanasiddhirmantrajapācchādharo bhavet sadyaḥ
japapūjāhutavidhibhirmaṅkṣu naro dhanadharendrarāvān syāt
24.27
dhyātaḥ san bhūgṛhe'sau bhuvamatulatarāṃ vāruṇe śāntimuccairāgneye vaśyakṛtyādika(1)manilapurastho'yamuccāṭanādīn
rakṣāṃ vyomno'ribhūtagrahaviṣaduritebhyo'nilāgnyośca pīḍām
yuddhe vaṅgīrayorvai jayamapi sutarāṃ saṃvidhatte varāhaḥ
24.28
harikhe'rke'ṣṭamyāmtha sitarucau kolavapuṣā
sitāṃ gavyairyuktāmayutamabhijaptā(2)mapi śilām
udagvaktro mantrī manujaparataḥ sthāpayatu tāmayatnaṃ cenneṣu drutamarinirodhaṃ śamayati
24.29
bhaume vāre'tha bhānūddayamanujapavān san gṛhītvā mṛdaṃśaṃ
kolātmā vairuddhādapi ca kṛtalatastacca kṛtvā guṇāṃśam
ekaṃ jātau vilimpyāt punaraparataraṃ pākapātre tathānyattoye tasmin sadigdhve pratipacatu haviḥ saṃskṛte havyavāhe
24.30
ārādhya cāṣṭorḍṅśataṃ pramāṇaṃ sājyena mantrī haviṣāya tena
saptāravāraṃ (3) juhuyādyathāvat cetotthitāpannaśamaṃ prayāti
24.31
bhṛguvāre ca sukhe'ṅgaḥ saṃgṛhya mṛdaṃ haviḥ susampādya
juhuyādīritavidhinā valimapi dadyānmahīvirodheṣu
24.32
hutakriyaivaṃ divasaiśca saptabhiḥ praṇāśayedbhūmivivādasaṅkaṭam
petavetālapiśācaḍākinīsamutthitāñcāvikṛtiṃ vidhitsvayam
24.33
vilodya tāmeva mṛdañca dugdhe hunedghṛtenāṣṭayutaṃ sahasram
ddimaṇḍalādeva mahī mahārdhyā syānmantriṇo'syaiva tu niḥsapannā
24.34
nṛpatarusamidhāmayutaṃ mantreṇāniena yo hunenmantrī
gṛhayācā(4)sya na sīdet kṣetrādikamapi varddhate kramaśaḥ
24.35
aṣṭorḍṅśataṃ mantrī dinaśo yo vā juhoti śālībhiḥ
sa tu vatsareṇa mantrī virājate brīhipuñjapūrṇagṛhaḥ
24.36
mantreṇānena sarpirjuhuta daśaśataṃ maṇḍalāt svarṇasiddhiḥ
syāttenāñjalinyā api kusumasahasreṇa vā vāsasāñca
lājānāṃ kanyakāyā api ca madhuyujāṃ homato vāñchitāyāḥ
siddhīraktotpalānāmapi madhurayujāṃ syādutācchrīḥ samagrā
24.37
daṇḍīrghīśo vyomāsanastu vārāhamucyate bījam
amunā tu sādhitena prāpsyanti narāḥ siddhimatullatarām
24.38
tāre'sumapi (1) likhitvā tadvāhye'nalapuraṃ samāṃpuṭitam
tadvāhyake caturdalamathaṃ syāttadbahistathāṣṭadalam
24.39
vāhye ṣoḍaśapatraṃ maṇḍalamākhaṇḍalīyamapi vāhyam
śūkarabīje sādhyañcetākhyañcakramantramastriṣu ca
24.40
randhreṣvaṅgamanūnapi dalamūle'ṣṭārṇakesarāṇi likhet
aṣṭāvaṣṭau dalamanu śūkaramantrasya cākṣarān kramaśaḥ
24.41
ante'vaśiṣṭamakṣaramathāṣṭapatre svarākhyakiñjalke
varṇoścatuścaturapi tathāṣṭame pañca cālikhet patre
24.42
vyañjanakiñjalke'nye dvau dvau trayamantyake dale vilikhet
tāramahnīkolāṃsaiḥ praveṣṭayet sādhyavarṇaparapuṭitaiḥ
24.43
tadvāhye manuvarṇairvidarbhitābhiśca sādhyapadalipibhiḥ
kṣmāvimbacatuṣkoṇe garbhaṃgasādhyākṣaraṃ bhūbījam
24.44
aṣṭasu śūleṣu tathā vārāhaṃ vāyuvena saṃyuktam
lākṣākuṅkumacandanalaghukarpūraiḥ sarocanairvilikhet
gośakṛdambhoyutairlekhanyā haimayā dine pravare
24.45
sauvarṇe rājyasiddhiṃ rajatajaphalake grāmasiddhiñca tāmre
sāhasrasvarṇasiddhiṃ bhujadalalikhitaṃ cāśu saṃsādhayedrām (2)
bhaume lābhaṃ dharāyāḥ picutaruphalake kāryyasiddhiṃ nijeṣṭāṃ
mantraṃ sañ japametadṛtaśatakṛtasampātapātaṃ karoti
24.46
manvī samāsthāya varāharūpaṃ sādhyapradeśe nikhanecca yantram
sthirākhyarāśāvabhivāhya kīlamaṅgāni dikṣu kṣipatāṃ yathāvat
24.47
yantramamuṃ racāyai rogagrahavekṣateṣu jantūnām
saṃyajya (1) śirasi badhnīt sa tu nīrogastvayatnato bhavati
24.48
ityevaṃ praṇigadito varāhamantro
yastvenaṃ prabhajati nityaśo japādyaiḥ
samprāptyakhilamahīsamṛddhimasmin
dehānte vrajati hareḥ paraṃ padaṃ tat
24.48.p1
iti śrīprapañcasāre trayoviṃśaḥ paṭalaḥ
Linked texts (2)
- Prapañcasāratantra — Śaṅkara, Sanskrit
- Prapañcasārasaṃgraha — Gīrvāṇendra Sarasvatī 1505, Sanskrit