Pramāṇa · Search · About · API

Prapanca 26

Prapañca 26

Language
Sanskrit

26.1

pañcaviṃśaḥ paṭalaḥ
atha samprati viṣṇupañjarasya pravivakṣyāmi samāsato vidhānam
jitavāṃstripuraṃ haro'pi yena tridaśānāmadhipo valāsurañca

26.2

śakterdvādaśaguṇite yantre mantrāṇi maṇḍalānyapi ca
bījāni yāni coktānyebhiḥ kḷptantu pañjaraṃ viṣṇoḥ

26.3

viṣṇuṃ likhenmadhyagaśaktivindau kapolayoḥ siṃhavarāhabīje
tadviśvarūpādvaya mantravītaṃ praveṣṭayet ṣoḍaśavarṇakena

26.4

tārahṛdante bhagavatpadaṃ mahāviṣṇuvāsudevau ca ḍentau
viśvādirūpaśaraṇaṃ bhava me prabhaviṣṇave namaḥ syānmantraḥ

26.5

dvādaśākṣaramantrānte bhavetāṃ kavacāstrakau
svāhāntaḥ ṣoḍaśārṇo'yaṃ mantraḥ sarvvārthasādhakaḥ

26.6

krameṇa tadvarṇavikārajātāścakrādikāḥ ṣoḍaśa mūrttayaḥ syuḥ
yābhistu viṣṇorihapañjarasya pravarttate śaktiranekarūpā

26.7

yantrasya bījeṣu caturṣu pūrvvaprāgdakṣigapratyagudaggateṣu
vidvāṃstu cakrañca gadāñca śārṅgaṃ khaḍgañca mantraiḥ sahitaṃ vilikhyāt

26.8

śaṅkhahalamusalaśūlānyagnyādyastriṣvathāṣṭabījeṣu
vilikhet daṇḍaṃ kuntaṃ śaktiṃ pāśāṅkuśakuliśaparaśuśatamukhavajrīn

26.6-2

sapraṇavahṛdayabhagavadviṣṇusvākhyānamūrttidharayuktāḥ
senāpatisahitā nijamantrāntā mūrttayo'tra likhitavyāḥ

26.10

sahasrārapadaṃ pūrvvaṃ kaumodakī tato bhavet
mahāśārṅgapadaṃ paścāt mahākhaḍgapadaṃ punaḥ

26.11

proktāni vaṣaṭśāntāni nijamantrāṇi vai kramāt
pūrvvaṃ mahāpāñcajanyaṃ mahāhalamanantaram

26.12

tato mahāmusalakaṃ mahāśūlaṃ tataḥ param
svāhāntāni ca mantrāṇi śaṅkhādīnāṃ kramādviduḥ

26.13

daṇḍādīnāmathāṣṭānāṃ ante yujyānnamaḥpadam
proktaṃ dhṛtadharaṃ vidvan varāhaviṣṇubhistvayoḥ

26.14

antarā yojayenmantrau nārasiṃha puna: sudhīḥ !
nakhañca dalitañcaiva ripuvigrahameva ca

26.15

yojayitvā nṛsiṃhāt prāk siṃhamantraṃ samāpayet
viṣṇorante mahāpakṣirājāya ca garutmate

26.16

haripūrvvaṃ vāhanāya prāṇātmana itorayet
namo'nto'sau tu vidvadbhirmantro gārutmato mataḥ

26.17

saviṣṭabhā vadgiraheṇa pūrvvaṃ sānuṣṭabhendornilayena cāpi
gāyatramantrollasitena bhūyaḥ saṃveṣṭayedarkaniketanena

26.18

anulomavilomagaiśca varṇairabhivīṃtaṃ ca sudhāpuṭadvayena
nalinaṃ bahiraṣṭayugmapatraṃ pravidadhyādatha mūttimantrayuktam

26.16-2

tadvahirmaṇḍalaṃ sarvvalakṣaṇairabhilakṣitam
tasminnāvāhya vidhivadviśvarūpaṃ hariṃ yajet

26.20

agnīṣomātmakamarigadāśāṅgakhaṅgaiḥ saśaṅkhairudyadbāhuṃ halamusalaśūlaiḥ sadaṇḍaiḥ sakuntaiḥ
śaktyā pāśāṅkuśakuliśaṭaṅkāgnibhiryārkavahnidyotadvakṣāṅghrikasarasijaṃ taptakāṃccanarābham

26.21

viṣṇuṃ bhāsvatkirīṭaṃ maṇimukuṭa (1) kaṭīsūtrakeyūrahāragraiveyormyādimukhyābharaṇamaṇigaṇollāsidivyāṅgarāgam
viśvākāśāvakāśapravitatamayutādityasaṅkāśamudyadvāhvagravyagranānāyudhanikaradharaṃ viśvarūpaṃ namāmi

26.22

abhyarcya pūrvvavat pīṭhaṃ navaśaktisamanvitam
arcayet kramaśo vidvānmūrttiśaktituṣṭayam

26.23

cakrañca cakrāṅkitakirīṭamauliṃ saśaṅkhacakraṃ sagadaṃ saśāṅgam
raktāmbaraṃ raktatanuṃ karāladaṃṣṭrānanaṃ prāgdalake'rcayīta

26.24

pūjyā gadā gadāṅkitamauliḥ sagadā sacakragaṅkhadhanuḥ
pītāmbarānulepā pītā kruddhā ca yāmyasaṃsthadale

26.25

śāṅgaṃ śārṅgāṅkitakaṃ śyāmaṃ śārṅgāridaragadāhastam
raktāṃśukānulepanamālyādi vāruṇe yajet patre

26.26

khaṅgaṃ sakhaṅgaśirasaṃ khaṅgārigadādhanuḥkaraṃ dhūmram
vikratāmbarānulepastrajaṃ samarccayedudakpatre

26.27

śaṅkhaṃ saśaṅkhaśirasaṃ śaṅkhārigadādhanuḥkaraṃ susitam
sitavasanamālyabhūṣaṃ yajenmahānādamagnisaṃsthadale

26.28

śaṅkhoktacihnabhūṣān svāstrādikadharacaturbhujānaparān
halamusalaśūlasaṃjñān saṃyajenniṛtyādikeṣu patreṣu

26.29

daṇḍādikāṃstathāṣṭau chidradaleṣvarcayīta raktābhān
svasvāyudhapradhānāṃścaturbhujāñchatamakhānalāntāṃśca

26.30

daṃṣṭrāgralagnavasudhaṃ sajalāmbuvāhacauratviṣannvabhiyajedatha sāṣṭabāhum (1)
cakrāsivāṇasagadādaracarmaśārṅgaśaktyākhyakān dadhatamādimahāvarāham

26.31

arkkānalojjvalamukhaṃ nayanaistribhiśca vahniṃ vamantamavadhūtasaṭākalāpam
śuklā bhabhūṣamariśaṅkhagadāsiyāhuṃ bhūyo'bhirāghayatu (2) khe ca mahānnṛsiṃham

26.32

agre samagrabalamugratanuṃ svapakṣavikṣepavikṣatavilakṣavipakṣapakṣam
khaṅgāya tuṇḍamasumaṇḍajadaṇḍanāthamārādhayedatha ca pañjarakasya viṣṇoḥ

26.33

bhūyo'pi keśavendrādikān samabhyarcayeccakravajrādīn
gandhādibhirupacāraiḥ pañcabhiratha saṃyatātmako mantrī

26.34

nijodito homavidhiśca kāryo dīkṣāvidhānābhihite ca vahnau
sasarpiṣānnena tu vahnimūrtīrhutvā tu viṣṇormanunā tathaiva

26.35

hutvā manuvarṇasamaṃ ṣoḍaśavarṇaṃ juhotu ṣoḍaśaśaḥ
juhuyācca vāsudevādhikaṃ śāntyādīṃścātha rudrasaṃkhyena

26.36

dugdhatarūtthāḥ samidhaḥ krameṇa cakrādibhiścaturmantraiḥ
juhuyādaṣṭorddhaśataṃ śaṅkhāyairdvādaśabhiratha manubhiḥ

26.37

tilasiddhārthairjuhuyāddiksaṃkhyaṃ pṛthak pṛthaṅmantrī
triṣṭubanuṣṭuptatpadamantrairmmanvārthasaṃkhyakaṃ haviṣā

26.38

saghṛtena keśavāyairddinakarasaṃkhyaṃ tathendravajrādyaiḥ
juhuyāt pṛthagapi vasumitamatha ca mahāvyāhṛtīrhunenmatimān

26.39

ārādhya ca visṛjyāgnimabhiṣicya susaṃyataḥ
viṣṇostu pañjaraṃ kuryādṛṣī brahmābṛhaspatī

26.40

chandasyanuṣṭup triṣṭup ca munibhiḥ samudāhṛte
viśvarūpādiko viṣṇurviṣṇupañjaradevatā

26.41

aṣṭāṇarcakramanumadhyagataiśca pādairvyastaistathā sumatirāracayet samastaiḥ
gītāmanoḥ kramaśca eva tu jātiyuñji
pañcāṅgakāni haripañjarakalpitāni

26.42

viṣṇuḥ prācyādikamatha japennārasiṃho'surāntaṃ (1)
trīṃstrīn mantrān punarapi tathā pañcaśastvekaviṃśam
buddhisvāsthyaprabhṛti ca tathā pañcavāraṃ trigāthāṃ
bhūyo japyadvimalaśitadhīścakramantrābhidhānam

26.43

namo bhagavate sarvvajiṣṇave viśvarūpiṇe
vāsudevāya cakrādisarvvāyudhabhṛte namaḥ

26.44

arkenduvahnanilayasphuritarcimantraśaktipravṛddhamahasaḥ paramasya viṣṇoḥ
pādāravindagalitāmṛtasiktagātraṃ
sādhyaṃ smarejjapavidhāvapi sādhakeśaḥ

26.45

viṣṇoḥ sānnidhyalabdhollasitacalacaladdhastadaṇḍodyatāstraiścakrādyairbhīṣaṇāsyaiścaraṇacaraṇavacohāsahuṅkāraghoraiḥ
utcchinnābhinnaśaktasphuṭitavidalitāraṃścūrṇitadhvastagāvān (1)
dhyāyedvetālabhūtagrahaduritapiśācārināgādirogān

26.46

pūrvaṃ sthāne hṛṣīkeśamantrayuktaṃ vidhānavit
viśvarūpātmakaṃ japyādāṣṇavaṃ mūlamantrakam

26.47

yojayitvā japet paścāt cakrādiṣu yathākramam
caturṣu caturaḥ pādān gītāviṣṭuptsamudbhavān

26.48

pūrṇeṣu ṣoḍaśasvevamādyaṃ pādaṃ varāhake
dvitīyaṃ nārasiṃhe ca tṛtīyaṃ gārur̤e punaḥ

26.46-2

caturthaṃ cakramantre ca yojayitvā japet sudhīḥ
mantraṃ sudarśanaṃ cetyamimamaṣṭākṣaraṃ manum
saṃyojya kṛcchre mahati japenmanvī vidhānavit

26.50

atha prayogāttaramāha
āgneye vakṣyamāṇena vidhānena samāhitaḥ
sikatopalacūrvvādīn sādhayedatha taiḥ kriyām

26.51

vāstau pure vā grāme vā vidadhyādviṣaye'pi vā
madhye ca ṣor̤aśāśānte khanedaṣṭādaśāvaṭān

26.52

aṣṭādaśantu cakrasya (1) vidadhyāt purato'vaṭam
hastāgādhāṃ(2)stathāyāmāṃścaturasrān samantataḥ

26.53

anyonyatassaṃkramārthaṃ śuddhān mārgān vidhāya ca
gomayenopalipyaitānānīya sthāpya vastvapi

26.54

śuklapuṣkarapatreṣu nidadhyādviṃśatiṣvapi
tato madhyagakuṇḍasya praviśya purato guruḥ

26.55

tadantariṣṭvā pīṭhañca tatra yantramanusmaran
sthāpayedvaiṣṇave sthāne viśvarūpadhiyā sudhīḥ

26.56

tataḥ krameṇa cakrādīn dikkuṇḍeṣu caturṣvapi
punaḥ śaṅkhādikāṃstadvat kuṇḍeṣvastrāśriteṣvapi

26.57

tathā daṇḍādikānaṣṭau chidrāśāsu prakalpayet
madhye punaradhaścorddhaṃ kaulakesariṇau yajet

26.58

cakre'sya prāktane kuṇḍe sthāpayeddinatāsutam
tataḥ samasthalīkṛtya kramāt samupalipya ca

26.59

pratyagāsanamāsīno madhyagasthaṇḍile sthite
yantre kāñcanapaṭṭasthe pūjayet pūrvvavat prabhum

26.60

vāditraghoṣabahula nivedyānnaṃ (3) yathākramam
hunecca pūrvvasandiṣṭairdravyaiḥ pūrvvoktamānataḥ

26.61

āśropāśāntarāśāsu baliṃ dadyānniśīthinaḥ
kramāccakrādimūrttīnāṃ pañcakṛtvo'ndhasā sudhīḥ

26.62

tata udvāsya deveśaṃ pūjāṃ parisamāpya ca
dattvā suvarṇavāsāṃsi gurave brāhmaṇānapi

26.63

pratarpya vibhavaiḥ samyak bhojayeddevatādhiyā
tatropasargā naśyanti naranārīmahīsthitāḥ

26.64

grahakṣudrapiśācādyā nekṣante tāndigaṃ bhayāt
aśmapātādikā ye ca bhayā naśyanti te'cirāt

26.65

śasyarddhirgosamiṛddhiśca prajñāvṛddhiśca jāyate
dhanadhānyasamṛddhiśca varddhate tatkulaṃ kramāt
dāridryaroganirmuktaṃ sukhamābhūtasaṃplavam

26.66

rakṣobhirakṣatabalairasuraiśca daityaiḥ
sarvvaiḥ samudyatamahāstradharaiḥ parītam
viṣṇostu pañjaramidaṃ prabhajantamavyāt
sākṣādapīndrasamare'tra jane kathā kā

Linked texts (2)