Prapanca 28
Prapañca 28
- Language
- Sanskrit
Contents
- 28.55 — 1 part
28.1
saptaviṃśaḥ paṭalaḥ
atha pravakṣyate mantro dakṣiṇāmūrttisaṃjñitaḥ
japatāmiṣṭasaṃsiddhividhānasurapādapaḥ
28.2
adriciṇā kālakarṇakāmikāyugmayetsvarāḥ
tuṣyāmadhyagatāḥ syurbhyaṃ vaṭamūlanivāsine
28.3
naidhātmaniratāṅgāya namo rudrāya śambhave
tāraśaktiniruddho'yaṃ mantraḥ ṣaṭtriṃśadakṣaraḥ
28.4
śukaḥ prokto muniścchando'pyanuṣṭup samudāhṛtam
dakṣiṇāmūttirudro'sya devatā samudāhṛtā
28.5
tāraśaktyādikairṛṅgāmādyantairmanvākṣaraiḥ kramāt
ṛtvagnivasuvahnagniguṇavarṇairvibhāgaśaḥ
28.6
mantrī kuryāt ṣaḍaṅgāni jātiyuñji samāhitaḥ
kālikaśrutidṛggaṇḍadaśanāsāsyake dṛśa
28.7
doḥsandhikaṇṭhānanahṛnnābhikaṭyambuṣu kramāt
pakṣmandhiṣu punardvābhyāṃ mantravidvyāpakaṃ nyaset
evaṃ nyastaśarīro'tha cintayenmantradevatām
28.8
mudrāṃ bhadrārthadātrīṃ saparaśuhariṇāṃ bāhubhirvāhumekaṃ
jānvāsaktaṃ dadhāno bhujagavarasamābaddhakacco vaṭādhaḥ
āsīnaścandrakhaṇḍapratighaṭitajaṭaḥ kṣīragaurastrinetro
dadyādādyaiḥ śukādyairmunibhirabhihato bhāvaśuddhiṃ bhavo vaḥ
28.6-2
prāk proktavidhānena ca samyak saṃpūjya sādhu kalaśādyaiḥ
kṛtasaṃdoco mantrī japyādādre maṃnuṃ samāhitadhīḥ
28.10
dvātriṃśadyutamānaṃ pratijapya juhotu taddaśāṃśamitaiḥ
dugdhāplutaistilairvā sājyena payondhasā dvayenāpi
28.11
japtvaivaṃ mantramenaṃ dinamanu giriśaṃ pūjayitvā ca hutvā
stutvānatvā manovāktanubhiravahitaḥ prāpya kāmānaśeṣān
vyākhyātā cāgamānāṃ bhuvi kaviṣu varaḥ sādhu vedāntavedī
vādī cāhaitavidyāphalamamalataraṃ yāti śaivaṃ padaṃ tat
28.12
sajīvaśikhikarṇarephān prativīpsa prādikāṃśca punarapi tān
medhāpyāyaniyāntāṃstāneva tarāntikān satanurūpān
28.13
ābhāṣya caṭapracaṭau sakahavamau bandhaghātayau vīpsa
proktā varmmāstāvadhi samuddharecchaktipūrvakaṃ mantram
28.14
(hrīm̐ sphura sphura prasphura prasphura ghora ghoratara tanurūpa caṭa caṭa pracaṭa pracaṭa
kaha kaha vama vama bandha bandha ghātaya ghātaya huṃ phaṭ (1)
ṛṣirasyāghorākhyaḥ saṃproktastriṣṭuvucyate cchandaḥ
rudro'pyaghorapūrvaḥ saṃproktā devatāsya manoḥ
28.15
hṛt pañcabhistadarṇaiḥ śiro'pi ṣaḍbhiḥ śikhā tathā daśabhiḥ
tāvadbhireva kavacaṃ dṛgaṣṭabhirdvādaśabhirapi cāstram
28.16
kaṇṭhāsyakaṇṭhahṛnnābhyūruṣu jānujaṅghayoḥ padayoḥ
ekādaśadhābhinnairmantrārṇairnyasatu vigrahe mantrī
28.17
pañcabhiratho saṣaḍbhirdvābhyāmapyaṣṭabhiṃścaturbhiṃśca !
ṣaḍbhiṃścatustrayeṇa ca ṣaḍbhirdvābhyāñca bheditaiḥ kramaśaḥ
28.18
kālābhrābhaḥ karāgraiḥ paraśuḍamarukau khaḍgakheṭau ca vāṇeṣvāsau śūlaṃ kapālaṃ dadhadatibhayadau bhīṣaṇo'syastrinetraḥ
raktākārāmbaro'hipravaraghaṭitagātro'rināgagrahādīn
khādanniṣṭārthadāyī bhavadanabhimatocchittaye syādaghoraḥ
28.19
svaccho mumukṣostu bhavedaghoraḥ kāmyakriyāyāmapi raktavarṇaḥ
kṛṣṇo'bhicāre grahavaikṛte ca prokto japaḥ syādapi lakṣamānaḥ
28.20
ghṛtāvasiktaistilataṇḍulaiśca japāvasāne juhuyāddaśāṃśam
ghṛtaplutervātha havirbhireva tāvannajuhvan samupaiti kāmān
28.21
hallekhāsthitasādhyākṣaravilasatkarṇikaṃ kalāvītam
vargāṣṭakāntakesaramante sahalattayākṣarollasitam
28.22
mantrākṣaradvayodvahalamadhyadalāgrakañca tadvāhye
vahnipuṭāsrisamāśritakavacāstraṃ prativilikhya yantramidam
28.23
kṛtvā samāpya maṇḍalamutra viniḥkṣipya pūrayet kalaśam
pīṭhe pinākapāṇergavyairvā kvāthaklṛptatoyairvā
28.24
aṅgāvṛteranu ca hetibhirīritābhiḥ
paścācca mātṛbhirathāpi digādhināthaiḥ
saṃpūjayeta vidhineti ṣaḍakṣarotthamārgeṇa vā manuparisphuraṇāya mantrī
28.25
ājyāpāmārgasamittilasarṣapasājyakaiśca pṛthak
rātrau sahastrahomādbhūtapasmārādiśāntiruddiṣṭā
28.26
sitakiṃśukanirguṇḍīkanakāpāmārgajanmanāṃ samidhām
pṛthagapi sahastrahomānnigrahamoco'cirādgrahārṇāṃ syāt
28.27
gavyairjuhuyāt pṛthagdaśaśataṃ mantrī mayūreśakairbhūyastaiḥ pratibhojayet pratiśamaṃ yāntyeva sarve grahāḥ
28.28
ṣaṭkoṇe karṇikāyāṃ sphurayugalayutāṃ (1) sādhyagarbhāñca śaktiṃ
koṇākhye prasphuradvandvakamatha vilikhenmantravarṇān daleṣu
ṣaṭke dvadvandvaṣaṭke dakacatuyagaṣaṭsaṃkhyākān vāhyaṣaṭake
varmmāstrākhyaṃ tadetadgrahagadabhayahṛdyantramāghoramāhuḥ
28.26-2
na ca ripavo na ca rogā na grahapīr̤ā na śasrabādhā ca
na cvelarajo matryān spṛśantyaghorāsra mantrajāparatān
28.30
tasmādaghorāsramanvaṃ prajapyāt samarccayettadvihitaṃ vidhānam
hunecca tenaiva samastavāñchāsaṃsiddhaye cātha vimuktaye ca
28.31
khasaptamaḥ karṇayuto'rddhacandravān
kupañcamo dīnduyuto dhruvādikaḥ
manustvayaṃ mṛtyujayātmakaḥ sphuṭaṃ
samīritaḥ sādhakarakṣaṇakṣamaḥ
28.32
ṛṣirasya kaholākhyaḥ chando devyādikā ca gāyatrī
syāddevatā ca mṛtyuñjaya rudro'ṅgānyācaredviguṇā
28.33
puṭitanalinasaṃsthaṃ maulibadvendurekhā
galadamṛtajalārdraṃ candravahnyarkanetram
svakarakalitamudrāpāśavedākṣamālaṃ
sphaṭikarajatamuktāgauramīśaṃ namāmi
28.34
japtavyo'yaṃ mantravaryyastilakṣaṃ dīkṣāpūrvaṃ homakṛtyāddaśāṃśaiḥ
dugdhānyāktaiḥ śuddhakhaṇḍairguḍaiścā guvvīdeśāt sādhako havyavāhe
28.35
arccā kāryyā nityaśaḥ śaivapīṭhe syādapyaṅgairlokapālaistadastaiḥ
samyak pūjāvastubhirmantrajāpī proktaṃ hyetanmṛtyujeturvidhānam
28.36
iti japahutārccanādibhiḥ siddho mantroktavihitatanuḥ
samācarennijāntaryyogaṃ kṛtyāpamṛtyunāśakaram
28.37
tāranālamatha madhyapatrakaṃ hyādyakarṇikayutaṃ kramotkramāt
cintayenniyata mantarā śivaṃ nīruje ca niyatāyuṣe'ñjayoḥ
28.38
ūrddhādhaḥ protapadmadvayadalanihitairakṣaraistairdhruvādyairādyantairmandamandapratigalitasudhāpūrasaṃsicyamānam
īśānaṃ sūkṣmarūpaṃ vimalatarasuṣumnāntarā sanniṣaṇṇaṃ
dhyāyannāpnoti rogairniyataparihṛtastajjapāddīrghamāyuḥ
28.36-2
ādau tāraṃ vilikhatu sasādhyāhvayaṃ karṇikāyāṃ
dikpatreṣvapyaramaparaṃ vāpi tatkoṇakeṣu
bhūyo bhūmeḥ paramanu mṛgāṅkaṃ tadastreṣu ḍhāntaṃ (1)
jaghnā bandha(2)grahagadaviṣadhvaṃsi yantraṃ tadetat
28.40
iti kṛtayantravibhūṣitamaṇḍalamadhye nidhāya kalaśamapi
āpūrthya cābhiṣiñcecchīvaśyakaraṃ grahābhicāraharam
28.41
caturaṅguliparimāṇairamṛtākāṇḍairathārkasāhasram
juhuyācca dugdhasiktairārogyāyāyuṣe ca lakṣmyai ca
28.42
tataśchinnodbhāvāñca samidbhiścaturaṅgulaiḥ
dugdhasiktaiḥ samiddhe'gnau ṣaṭsahasradvayaṃ hunet
28.43
yastu vahnau juhotyevaṃ yāvatsaṃkhyena sādhakaḥ
tāvatsaṃkhyaiḥ sudhākumbhairagniḥ prīṇāti śaṅkaram
28.44
āpyāyito'gninā sarvvaiḥ sādhakasyepsitān varān
pradadyādāyurārogyaṃ durantān pralayāntikān
28.45
mantrānte sādhyākhyāṃ pālayayugalaṃ pratīpamapi mantram
proktā samāpayenmanumayamapi mṛtyuñjayāhvayo mantraḥ
28.46
athavā'malakamalapuṭāntaritaṃ śiśuveṣabhūṣaṇaṃ rudram
dhyātvā japyādayathāvadgatalakṣmyā mṛtyunāśanaṃ dṛṣṭam
28.47
amṛtā vaṭatiladūrvvāḥ payo ghṛtaṃ pāyasaṃ krameṇeti
saptadravyāṇyuktānyetairjuhuyāt pṛthak sahasratrayam
28.48
tīvrajvare ghoratare'bhicāre sonmādake dāhagade ca mohe
tanoti śāntiṃ na cireṇa homaḥ sañjīvanaṃ cābdaśatapramāṇam
28.46-2
sambhojayeddhomadineṣu viprān saptādhikān svādubhirannabhojyaiḥ
satarṇakā gāśca hutāvasāne dadyāddvijebhyo hṛtakarmakṛcchraḥ
28.50
nijajanmadine śataṃ śataṃ yo juhuyāddravyavaraiśca saptasaṃkhyaiḥ
madhuraiḥ pratibhojayecca viprānabhivāñchanniyamena dīrghamāyuḥ
28.51
athavā saptabhiretairdravyairekeṇa vā sahasratritayam
janmarkṣahomamātrānnirupadravamuttamaṃ vrajedāyuḥ
28.52
dūrvvāvitayaiḥ payasā juhuyādekādaśāhutīrdinaśaḥ
jitvāpamṛtyurogān prayātyasāvāyuṣaśca dairghyamapi
28.53
janmarkṣāṇāṃ citaye cchinnāruhāśmaryyavakulajairidhmauḥ
kramaśo hunet sahasraṃ naśyantyapamṛtyurogaduritāni
28.54
sitasiddhārthaiḥ sahasrāhutyā naśyantyupadravā jvarajāḥ
tadvadapāmārgahutānmṛtyuñjayamapyarogatāṃ labhate
28.55
proktairdhyānajapārccanāhutavidhānādyaiśca mṛtyuñjayaṃ
yo mantrī prabhajenmanuṃ pratidinaṃ prātaḥ prasannāśayaḥ
tasyeṣṭāni bhavanti sambhṛti(1)rapi sphītā ca putrādayaḥ
sampannāḥ susukhī ca jīvati ciraṃ dehāpadi syācchivaḥ
28.55.p1
iti śrīprapañcasāre saptaviṃśaḥ paṭalaḥ
Linked texts (4)
- Prapañcasāratantra — Śaṅkara, Sanskrit
- Mantrakośa — Āśādityatripāṭhin, Sanskrit
- Prapañcasārasaṃgraha — Gīrvāṇendra Sarasvatī 1505, Sanskrit
- Saubhāgyodaya — Rāmeśvara Bhaṭṭa, Sanskrit