Pramāṇa · Search · About · API

Prapanca 32

Prapañca 32

Language
Sanskrit

Contents

32.1

ekatriṃśaḥ paṭalaḥ
athābhi vakṣye mahitasya mantrasyānuṣṭubhaḥ saṃgrahato vidhānam
ṛṣyādikairaṅgapadairyathāvaddīkṣājapārcāhavanakrameṇa

32.2

ṛṣirabhihito vasiṣṭhaśchando'nuṣṭup ca devatā rudraḥ
tryambakapadādikaḥ syānmanunāmunaiva ṣaḍaṅgaklṛptiriha kathitā

32.3

tribhistu varṇairhṛdayaṃ śiraśca caturbhiraṣṭābhiratho śikhā ca
uktaṃ navārṇaiḥ kavacaṃ tathātti pañcārṇakaṃ tryambakamastramāhuḥ

32.4

caraṇāgrasandhiguhyādhārodarahṛdayakandhareṣu punaḥ
bāhvoḥ savyagrāsyaghrāṇadṛkśrutibhrūśīrṣeṣu

32.5

varṇān nyasya śirobhrūdṛgvaktragalahṛdudaraguhyeṣu
ūrvorjānvoḥ padayoḥ padaiśca manuvit krameṇa vinyasyet

32.6

acchaḥ svacchāravindasthitirubhayakarāṅkasthitaṃ pūrṇakumbhaṃ
dvābhyāṃ vedākṣamāle nijakarakamalābhyāṃ ghaṭau nityapūrṇau
dvābhyāṃ tau ca sravantau śirasi śaśikalāvañcure plāvayantau
dehaṃ devo dadhānaḥ pradiśatu viśadākalpajātaḥ śriyaṃ vaḥ

32.7

prāsādokte ca pīṭhe gavyairvā dugdhatarukaṣāyairvā
saṃpūryya kalaśamasmin maheśamāvāhya pūjayedbhaktyā

32.8

aṅgairāryārkyādyaiḥ punarāvṛtiraṣṭabhirdvitīyā syāt
mantrārṇaśaktibhiḥ syuḥ punaścatasro diśāpavajrādyaiḥ

32.6-2

arkendudharaṇitoyānaleravipadātmasaṃjñakāste ca
ānuṣṭubhamityaṣṭāvaraṇaṃ proktaṃ vidhānavaramevam

32.10

ramā rākā prabhā jyotsnā pūrṇāṃdhā (1) pūraṇī sudhā
viśvā vidyā sitā śraddhā sārā satyā (2) śivā niśā

32.11

ārdrā prajñā parā medhā kīrttiḥ (1) śāntirdhṛtirmmatiḥ
dharomā pāvanī padmā śānto'moghā jayā'malā

32.12

dvātriṃśaditi nirddiṣṭāḥ śaktayo'nuṣṭubhaḥ kramāt
śivānubhāvato nityaṃ jagadāpyāyayanti yāḥ

32.13

iti paripūjya maheśaṃ kalaśajalaiḥ samabhiṣecayecchiṣyam
kanakāṃśukairanādyairgurumapi paripūjya manumataḥ siddhai (2)

32.14

prajapellakṣāvṛttyā dravyairjjuhuyājjapāvasāne ca
vilvapalāśau khadiravaṭasiddhārthadogdhadugdhāni

32.15

dadhi dūrvveti daśaitānyājyasametāni homavastūni
ekaikaśaḥ sahasraṃ daśabhirhutvā pratarpya viprāṃśca
bhavati naraḥ siddhamanurmantreṇa ca sarvvakarmmakṛttvāṃ syāt

32.16

vilvairayutaṃ hutvā mahatīṃ lakṣmīramavāpnuyādvipraḥ
tāvadbhirdvijavṛttairdvijaḥ śriyaṃ puṣkalāmavāpnoti

32.17

khadirasamidayutahomāttejobalapuṣṭimāpnuyādiṣṭām
nyagrodhāyutahomāddhanadhānyasamṛddhimeti na cireṇa

32.18

ayutaṃ tilaiḥ prajuhvannapamṛtyoḥ pāpmano vimuktaḥ syāt
siddhārthāyutahomairvairiraṇamapamṛtyumapi vināśayati

32.18-2

pāyasahutena paramāṃ ramāmayathāyuryaśo labhenmartyaḥ
dugdhahutācchāntiḥ syāt parakṛtyā naśyati śriyaṃ labhate

32.20

dadhihomatī'nnavān syāt saṃvalanakaraṃ ca tadvadanti budhāḥ
dūrvvāyatena juhvan rogānnirvāsya sarvvamapamṛtyum
garvvitadhīrabdānāṃ vipravaraḥ sarvvathā śataṃ jīvet

32.21

nijajanmadine payo'ndhasā vā śatavīryyāvitayaiḥ payoghṛtāktaiḥ
juhuyācca śataṃ ca viṃśatiṃ yaḥ sa labhedāmurarogitāṃ cirāya

32.22

kāśmaryyadārusamidhāṃ triśataṃ sametasarpiḥ payo'nnasahitaṃ tridinaṃ juhotu
viprān pratarpya ca gurūn paripūjya samyagdīrghaṃ vimuktagadamāyuravāptukāmaḥ

32.23

snātvā cārkamūkho'mbhasi sthita imaṃ mantraṃ sahasraṃ japedāyūṣyaṃ pratiparvva dugdhahaviṣā homo mahāśrīpradaḥ
lājābhirnijavāñchitāya havanāt kanyāśu saṃdīyate
khādaṃstannajadṛddhomavidhinā varṇān vaśe sthāpayet

32.24

gāyatrivarṇaparipūrṇatanuśca bhānustriṣṭubviśiṣṭamahimā mahitaḥ kṛśānuḥ
ānuṣṭubhākṣarasamagraruciḥ śaśāṅko
dadyuḥ samudyatamamī parivāñchitaṃ vaḥ

32.25

ebhistribhirmanuvaraistu śatākṣarākhyo
mantro'bhikāṅkṣitaphalāptidakāmadhenuḥ
prokto hitāya jagatāṃ munibhiḥ kṛpārdracittairyathoktamatha saṃgrahato vadāmi

32.26

ṛṣyādyāḥ pūrvvoktāstrividhāḥ syurhṛttayodaśabhirvvarṇaiḥ
śira ekādaśabhiśca dvāviṃśadbhistathā śikhā kavacam

32.27

nayanaṃ pañcadaśārṇaiḥ saptaptabhirhyaśabhirastramaṅgavidhiḥ
vinyāsacca manūnāṃ mantrajñaḥ pūrvvavat kramāt kuryyāt

32.28

smarttavyākhilalokavartti satataṃ yajjaṅgamaṃ sthāvaraṃ
vyāptaṃ yena ca yatprapañcavihitaṃ suktiśca yatsidvitaḥ
yadvā syāt praṇavatribhedagahanaṃ śrutyā ca yadgīyate
taddvaḥ kāṅkṣitasiddhaye'stu paramaṃ jyotistrayotthaṃ mahaḥ

32.29

lakṣāyato japavidhiḥ śatākṣarasyātha homavidhiruktaḥ
ayutāvadhiko dravyaṃ daugdhānnaṃ sarpiṣā samāyuktam

32.30

saure pīṭhe pūjāproktairaṅgaiḥ samāvṛtiḥ prathamā
prahlādinyādyābhistisraḥ proktāḥ kramāt samāvṛtayaḥ

32.31

pañcamyāvṛtiruktā traiṣṭubha iva jāgatādibhistadanu
syācca ramādibhirāvṛticatuṣkamuktaṃ daśamyathendrādyaiḥ

32.32

iti śatākṣaramantrasamarcanā nigaditeha daśāvara ṇāyudhaiḥ
prabhajatāmabhikāṅkṣitasiddhaye nikhilasaṃsṛtimokṣapadāptaye

32.33

dugdhāktairjuhuyāt sahasramamṛtākāṇḍaistu dīrghāyuṣe
dūrvvāṇāṃ tritayaistathā ghṛtapayaḥsiktairghṛtenaiva vā
lakṣmai kokanadaiśca śoṇarucibhistrisvāduyuktaistathā
raktairutpalakaistadaṅghri vikacairbilvaiḥ prasūnairapi

32.34

anudinamatha śāntyai (1) saṃyatātmā sahasraṃ
pratijuhutu tilairvā mantravinmāsamekam
api dinakarasaṃkhyān bhojayīta dvijātīn
vividharasaviśiṣṭairbhaktito bhojyajātaiḥ

32.35

śataṃ śataṃ prātaratandritodyato japeddvijo mantramamuṃ śatākṣaram
ārogyajuṣṭaṃ bahulendirāyutaṃ śataṃ prajīveccharadāṃ sukhena saḥ

32.36

praṇavavyāhṛtādyā vyāhṛtitārāntikā ca mantrivaraiḥ
japyā śatākṣarī syādiha paralokaprasiddhaye dinaśaḥ

32.37

manumamumatha śāntyai tatpadādyaṃ prajapyādgadagaṇarahitāyāpyāyuṣe'nuṣṭuvādyam
vimalamatirarātidhvaṃsane triṣṭuvādyaṃ
dinamanu dinavaktre vatsaraṃ saṃyatātmā

32.38

śatākṣaramanorayaṃ krama udīritaḥ saṃgrahājjapedamumatandrito dinaśa eva mantrī rahaḥ
abhīṣṭaphalasiddhaye suyaśase ca dīrghāyuṣe'pyaśeṣajanarañjanāya ciramindirāvāptaye

32.39

saṃvādasūktavihitaṃ vidhānamatha sāṅgadevatārūpam
vakṣyāmi sādhakānāmanudinamabhivāñchitapradānakaram

32.40

ṛṣirapi saṃvalano'syānuṣṭup sanniṭchuvucyate chandaḥ
saṃvādādyaḥ proktaḥ saṃjñānādyaśca devatā cāgniḥ

32.41

brahmākhyo hṛdayamanuḥ śiraśca viṣṇūrudraḥ syādiha tu śikheśvaraśca varma
netratve bhavati sadāśivastathāstraṃ sarvvātmetyatha kathitaṃ ṣaḍaṅgamevam

32.42

dhavalanalinarājaccandramadhye niṣaṇṇaṃ
karavilasitapāśaṃ sāṅkuśaṃ sābhayañca
savaradamamalendukṣīragauraṃ trinetraṃ
praṇamata suravaktaṃ maṅgu saṃvādayantam

32.43

sahasrakāṇāṃ daśakaiścaturbhiratho sahasraiśca caturbhiranvitam
japenmanuṃ samyagathābhidīkṣitaḥ payo'ndhasā'nte juhuyāddaśāṃśakam

32.44

yajet purāṅgaiśca tadarcanāvidhau punardvitīyāvaraṇe'gnimūrttibhiḥ
anantarañca tridaśeśvarādibhiḥ krameṇa vahniṃ vidhineti pūjayet

32.45

saṃvādasūkte vidhinetyanena saṃsādhite karmma karotu mantrī
catuḥśatañcāpi daśottareṇa catuścatuṣkaṃ prajapeddinecca

32.46

pāyasena madhuratrayabhājā viprarājarujaiḥ kusumairvvā
sarpiṣā stanajahṛttasamidbhirvvāñchitārthavidhaye prajuhotu

32.47

juhuyāt kalācatuṣkaiḥ pratyṛcamāyojya kādivargacatuṣkaiḥ
tadvacca payaśalānyairvvarṇaiḥ saṃyojya pūrvvasaṃkhyakaṃ matimān

32.48

tadvadṛcaṃ pratiyojya triṣṭuppādāṃśca pūrvvasaṃkhyena
juhuyāt sarpiḥsiktaṃ pāyasamacireṇa kāryyasamavāptyai

32.49

pratipādamathārkapādaṃ pratiyojya juhotu pūrvvavanmatimān
tenābhīṣṭāvāptirnacireṇa narasya hastagatā

32.50

ṛkpādaviṣṭugyuktaiḥ sūktaistu pūrvvasaṃkhyena
juhuyāt samājarūpaṃ saṃvādayituṃ pratarpayedvādbhiḥ

32.51

uddiśya yadyadiha mantritamo juhoti
sūktairamībhiruditaistrividhaiśca mantraiḥ
vyastairyathāvibhavato vidhivat samastaistattasya sidhyati samagramayatnameva

32.52

ṛgvāruṇī dhruvāskhādyā yā sā triṣṭunnigadyate
ṛṣirvasiṣṭhastriṣṭup ca chando vārīṭ ca devatā

32.53

aṣṭabhiḥ saptabhiḥ ṣaḍbhiḥ punastāvadbhirakṣaraiḥ
ṣaḍaṅgāni vidheyāni tanmantrasamudīritaiḥ

32.54

aṅgulyagrasasandhiyāyuśivasaṃjñādhāranābhiṣvatho
kukṣau pṛṣṭhahṛdorurojagaladoḥsandhyagravaktreṣu ca
gaṇḍaghrāṇavilocanaśravaṇayugbhrūmadhyamasteṣu ke
sarvāṅgeṣu tathā nyaseddaśadadhorvvarṇairmanūtthaiḥ kramāt

32.55

acchāṃśukābharaṇamālyavilepanāḍhyaḥ
pāśāṅkuśābhayavarodyatadoḥsarojaḥ
svacchāravindavasatiḥ susitaḥ prasanno
bhūyādvibhūtividhaye varuṇaściraṃ vaḥ

32.56

aṅgairaṣṭabhirahnibhirdiśādhipaiḥ samabhipūjya vārīśam
kalaśajalaiḥ punarabhiṣiñcet paramagururmantrajāpinaṃ śiṣyam

32.57

vasubhiḥ prasādya deśikamatha śiṣyo manumimaṃ japellakṣam
juhuyācca dugdhapakvairannairayutaṃ ghatāmṛtairmatimān

32.58

ṛgiyamṛṇamocanī syājjapairhutaistarpaṇaiśca mantravidaḥ
saṃgrāmadurgatairapi sadyo hṛdyāñca saṃvahellakṣmīm

32.56-2

ikṣoḥ sitasya śakalairghṛtasiktairyadyutardinaṃ juhuyāt
sakalopadravaśānyai tadyuktamuktyai ca sammade suciram

32.60

vetasasamidyutahutādṛṣṭikamakāle'pi vitanute varuṇaḥ
gavyakṣīrasametāccidinakṛtādinasukheṣu muditamanāḥ

32.61

śatabhiṣaji samudite'rke catuḥśataṃ pāyasaṃ hunet saghṛtam
ṛṇamocanāya lakṣmai janasaṃvananāya (1) śukravāre ca

32.62

pāśanibaddhaṃ vairiṇamaṅkuśasaṃprotamambudheḥ pāre
dhyāyan pare kṣipantaṃ varuṇaṃ juhuyācca tathā prajapet

32.63

pāśanibaddhaṃ vairiṇamasinācchidyāśu nāśayantamumum
dhyāyan vetasasamidho gomūtrayutā hunettadapahartyai

32.64

dogdhānnairbhṛguvāre ghṛtasaṃsiktaiḥ kṛtaśca havanavidhiḥ
ṛṇamocanaśca vividhopadravaśamanahladramākaraḥ proktaḥ

32.65

paścimasandhyāsamaye paścimavadano'nalaṃ samārādhya (2)
ṛcamenāmabhijapyāccatuḥśataṃ sakaladuḥkhaśamanāya

32.66

śālīrghṛtasaṃsiktāḥ saridantarito juhotu parasenām
saṃstambhayituṃ tridinaṃ sumanā mantrī catuḥśatāvṛttyā

32.67

pratyaṅmukho'tha mantrī pratarpayedvā jalaiḥ suśuddhataraiḥ
yaḥ sa hyupadravāṇāṃ rundhyānniścayaṃ śriyaṃ samṛcchati ca

32.68

bahunā kimanena mantrisukhyo manunāśu prasādhayedabhīṣṭam
havanakriyayā'tha tarpaṇairvā saṃjapaiḥ pāśabhṛto mahāmahimnaḥ

32.68.p1

iti śrīprapañcasāre ekaviṃśaḥ paṭalaḥ

Linked texts (9)