Pramāṇa · Search · About · API

Prapanca 35

Prapañca 35

Language
Sanskrit

35.1

catustriṃśaḥ paṭalaḥ
atha lavaṇamanuṃ vadāmi sāṅgaṃ sajapaṃ sapratipattikaṃ sahomaṃ
vividhavihitena yena sarvvāṃ jagatīmātmavaśe karoti mantrī

35.2

lavaṇāmbhasi cetyādyā dvitīyā lavaṇeti ca
daheti ca tṛtīyā syāt dambheti ca caturthyapi

35.3

ṛk pañcamī ca yā te syādyayā proktamayarvvaṇi
ṛgbhirābhistu pañcāṅgaṃ pañcabhirvvā samīrinam

35.4

vidyākṣaraiḥ ṣaḍaṅgaṃ vā praṇavādyairnigadyate
pañcabhiñca tribhirapi pañcabhiḥ karaṇākṣaraiḥ
sapañcabhiryugārṇaina jātiyuktaiḥ samīrinam

35.5

aṅgirāḥ syādṛṣiśchando'nuṣṭup taddevatā api (1)
agnīrānistathā durgā bhadrakālī samīritā

35.6

aruṇo'ruṇapaṅkajasannibhaḥ sruvaśaktivarābhayayuktakaraḥ
amitārccirajātagatirvilasannayanatritayo'vatu vo dahanaḥ

35.7

nīlatarāṃśukakeśakalāpā nīlatanurnivir̤astanabhāgā (2)
sāṅkuśapāśasaśūlakapālā yāmavatī bhavato'vatu nityam

35.8

karakamalavirājaccakraśaṅkhāsiśūlā
parilasitakirīṭā pātitānekadaityā
trinayanalasitāṅgī devasiddhādipūjyā (3)
pavanasakhanibhāṅgī pātu kātyāyanī vaḥ

35.6-2

suraudrasitadaṃṣṭrikā trinayanordhvakeśolbaṇā
kapālaparaśūllasaḍḍamarukatriśūlākulā
ghanāghananibhā raṇadrucirakiṅkiṇīmālikā
bhavadvibhavasiddhaye bhavatu bhadrakālī ciram

35.10

ayutaṃ niyato mantramṛkpañcakasamānvitam (1)
prajapettrisahasraṃ vā samyagenaṃ samāhitaḥ

35.11

daśāṃśena hunetsiddhair haviṣā ghṛtasaṃyujā
evaṃ kṛte prayogārho mantrī bhūyānnacānyathā

35.12

vahnirātrau vare syātāṃ vaśyākarṣaṇakarmaṇoḥ
durgābhadre (2) tathā devyau śaste māraṇakarmaṇi

35.13

ārabhya karmakṛnmantrī tṛtīyāṃ kṛṣṇapakṣajām
saṃdīkṣito bhavetpūte (3) mandire mantrajāpavān

35.14

nikhanyāttatra kuṇḍañca dormmāttraṃ trastamekhalam
catuṣkaṃ sundarākāraṃ puttalīnāñca kārayet

35.15

ekāṃ sādhyarttṛvṛkṣeṇa śālīpiṣṭena cā'parām
cakrihastamṛdā cānyāṃ madhūcchiṣṭena cāparām

35.16

tāsu hṛddeśalikhitasādhyākhyāsu samāhitaḥ
samyak saṃsthāpayet prāṇān sādhyādānīya sādhakaḥ

35.17

uttānāṃ dāravīṃ kuṇḍe khanenmantrābhimantritām
piṣṭajāṃ viṣṭarasyādhaḥ pādasthāne ca mṛṇmayīm

35.18

lambayedambare sikthamayīmūrddhamadhomukhīy
punaḥ kṛṣṇāṣṭamīrātrau pūrvvayāme gate sati

35.16-2

raktamālyāmbaro mantrī kṣataraktānulepanaḥ
samyak kṣatalipinyāsaḥ prāṇāyāmādikañchuciḥ

35.20

kur̤avaṃ potalavaṇaṃ suślakṣṇaṃ paricūrṇitam
dadhicaudraghṛtakṣīraiḥ prokṣayitvā suśodhitam

35.21

āloḍya guḍamaddhvājyairvispaṣṭāvayavāmatha
tena puttalikāṃ mantrī cārmūlaṅgīṃ kārayedbudhaḥ

35.22

tasyāñca sthāpayetprāṇān gurvādeśavidhānataḥ
aṣṭorddhaśatasaṃkhyaṃ vā tathāṣṭorddhasahasrakam

35.23

ṛkpañcakaṃ pañcaviṃśasaṃkhyaṃ pratikṛtiṃ spṛśan
japitvāṅgāni vinyasyet svāṅge pratikṛtāvapi

35.24

satāraistriṭimantrārṇaiścaturviṃśatisaṃkhyakaiḥ
śirolalāṭadṛkkaṇaṃnāsāsyacibukeṣvapi

35.25

sakaṇṭhahṛdayorojanābhikukṣikaṭīṣu ca
mer̤hapāyūrujānvagrajaṅghāṅghriṣu ca vinyaset

35.26

adhoguhyādabhedaḥ syādūrddhaṃ bhedo dvike sati
ātmanyevaṃ pravinyasya punaḥ pratikṛtau nyaset

35.27

aṅguṣṭhasandhiprapadajaṅghājānūrupāyuṣu (1)
saliṅganābhijaṭharahṛdayeṣu stanadvaye

35.28

kandharācibukāsyeṣu ghrāṇadṛkkaṇayugmake
lalāṭaśirasornyasyet pratimāyāñca saṃghaśaḥ

35.26-2

upalipte'tha kuṇḍe'ntarbahirgomayavāriṇā
sādhyasaṃmukhamāsīna ādadhyāddhavyavvāhanam

35.30

prajvālya sādhyoḍutarukāṣṭhairabhyarcya dikkramāt
rājīvakuśautapuṣpādbhiścaṣake rājatādike

35.31

devatāṃ prati pādyārghyaṃ dattvā kāryyārthasiddhaye
upaniṣṭheddhutasyādānte mantrairitoritaiḥ

35.32

tvamānanamamitaghnaṃ (1) niśāyā havyavāhanaḥ
haviṣā manvadattena tṛpto bhava tayā saha

35.33

jātavedo mahādeva taptajāmbūnadaprabha
svāhāpate viśvabhakṣa lavaṇaṃ daha śatruhan

35.34

īśe śarvvari sarvvāṇi grastaṃ suptaṃ tvayā jagat
mahādevi namastubhyaṃ varade kāmadā bhava

35.35

tamomayi mahādevi mahādevasya suvrate
eṣā me puruṣaṃ hutyā vaśamānaya dehi me (2)

35.36

durge sargādirahite durgasaṃrodhamārgala
cakraśaṅkhadhare devi duṣṭaśatrubhayaṅkari (3)

35.37

namaste daha śatruṃ me vaśamāya caṇḍike
śākambhari mahādevi śaraṇaṃ me bhavānaghe

35.38

bhadrakāli bhavābhīṣṭe bhadrasiddhipradāyini
sapatnān me hana hana daha śoṣaya tāpaya (4)

35.39

śūlāsi śaktitrajjrāyairutkṛtyotkṛtya māraya
mahādevi mahākāli rakṣāsmānakṣatātmake

35.40

punaḥ pratikṛteraṅgasaptakaṃ niśitāyasā
dakṣapādādikaṃ chittvā pañcarcaṃ prajapenmanum

35.41

sādhyaṃ saṃsmṛtya sitadhaurjuhuyāt saptasaṃkhyayā
dakṣiṇaṃ caraṇaṃ pūrvvaṃ tato dakṣārddhakaṃ punaḥ

35.42

dakṣahastaṃ tṛtīyaṃ syādgalādūrddhaṃ caturthakam
pañcamaṃ vāmahastaṃ syāt ṣaṣṭhaṃ vāmārḍḍhameva ca

35.43

saptamaṃ vāmapādaṃ syādanyāpi syāddutakriyā
saptasaptavibhāgo vā kramādaṅgeṣu saptasu

35.44

ekādaśāṃśabhinnairvā tadaṅgaiḥ saptabhirhunet
homo'nyathā vā pūrvantu dakṣiṇaṃ caraṇaṃ bhavet

35.45

dvitīyo dakṣiṇakarastṛtīyaṃ śira ucyate
vāmabāhu (1)ścaturthantu madhyādūrddhantu pañcamam

35.46

adhobhāgastu ṣaṣṭhaḥ syādvāmapādastu saptamaḥ
hutvaivaṃ pūrvvasaṃproktairupasthāya ca mantrakaiḥ

35.47

arcayitvā daṇḍadīrghaṃ praṇameddhavyavāhanam
suvarṇavastrayuktāṃ gāṃ (2) śoṇāṃ dadyāt satarṇikām

35.48

dakṣiṇāṃ saptakarṣantu dadyānmāraṇakarmaṇi
aṃśukaṃ rucakaṃ dhānyaṃ dattvā saṃprauṇayedgurum

35.49

evaṃ kṛtena mantrīṣṭaṃ labhate homakarmaṇā
athavā māraṇākāṃkṣī sādhyavāmāṅghripāṃśubhiḥ

35.50

sanimbatilasiddhārthavraṇakṛttailasaṃyutaiḥ
hiṅgutrikaṭukaॉpetaimahiṣīmūtravir̤viṣaiḥ

35.51

varāhapārāvatayoḥ purīṣeṇa samanvitaiḥ
etairvimiśrayitvā tu loṇaṃ pūrvvoktasaṃkhya kam

35.52

pūrvvavat puttalīṃ tena loṇacūrṇena kārayet
prāṇān pratiṣṭhāpayecca tatra pūrvvoktasaṃkhyayā

35.53

pūrvoktābhiḥ puttalībhiḥ kuṇḍe dakṣiṇadiṅmukhaḥ
durgāṃ vā bhadrakālīṃ vā praṇipatya yathocitam

35.54

upasthite'rddharātre tu savyapāṇisthaśastrakaḥ
vāmapādaṃ samārabhya juhuyāt pūrvasaṃkhyayā

35.62

samāpayeddakṣapāde
pāpmā pāvakeneha karmmaṇā sūryyastvaṃ devo rājā jambhayatu stambhayatu mohayatu
mārayatu nāśayatu valiṃ tasmai prayacchatu kṛtaṃ mama śubhaṃ mama śivaṃ mama
śāntisvastyayanaṃ mama yo me sarvvagataḥ
evaṃ diśāsu daśasu devatābhyo valiṃ haret
valāvevaṃ kṛte śatrorāśu hṛtyā praṇaśyati
praṇavayugalaglobhyāṃ yugāntaṃ svakaṇṭhe śatacca tadvat svakuliśa saṃteṣāmagre
dhruvo bhramati vāsarapuragaṃ dvāre dvāre aṅkuśamāyayā valayitamañje jambhayalikhit
kurute jar̤am
stambhayastambhayau vauṣaṭ tathā vandhayamohayau
ityanantāstathāsyuste jambhādyaśe hiṭhāntikāḥ

Linked texts (6)