Prapanca 36
Prapañca 36
- Language
- Sanskrit
Contents
- 36.22 — 1 part
36.1
pañcaviṃśaḥ paṭalaḥ
prāṇapratiṣṭhānamanorvidhānaṃ pravakṣyate saṃprati sarvvasiddhai
yasmādṛte'smin kathitāḥ prayogā vyarthā bhaveyurgatajīvakalpāḥ
36.2
proktvā pūrvvamamuṣya śabdamatha ca prāṇā iha prāṇakā
stadvajjīva iha sthiteti ca tathā sarvvendriyāṇīti ca
tadvadvāṅmanasī dṛśaṃ śrutimatho ghrāṇañca saprāṇakaṃ
saivehāgatayāmayuka sukhacire tiṣṭhantu ṭhadvandvayuk
36.3
mantrasyāsya vidhirhariśca hara ityete munitve sthitāṛkchandayryujuṣaṃ sasāmakamatho'ticchandasaṃ vā bhavet
sraṣṭrī yā jagatāmanādinidhanā sarvvasya ceṣṭākarī
prāṇākhyā prakṛtiḥ kriyāmayavapurdevī parā devatā
36.4
pratyekaṃ kādivargaiḥ pratigatalipivirvinduyuktairradharādyaiḥ
śabdādyaiḥ śrotramukhyairvvadanakaramukhaistatkriyābhiḥ krameṇa
buddhyādyaiścātmano'ntairupāri ca vilasajjātibhiḥ ṣaḍbhirevaṃ
kuryyādaṅgāni samyagviṣadamatiratho viśvarūpatvasiddhai
36.5
nābhīdeśādāpadaṃ pāśabījaṃ hṛddeśādānābhideśañca śaktim
āhṛddeśaṃ mastakādaṅkuśākhyaṃ nyasvā yādīn dhātuṣu nyasya sapta
36.6
prāṇe jīve caiva haṃsadvayāṇīṃ nyasyenmūlaṃ vyāpakaṃ mastakādi
evaṃ nyasya prāṇaśaktisvarūpāṃ vimbīṃ dhyāyedātmarūpāñca devīm
36.7
raktāmbhodhisthapotollasadaruṇasarojādhirūḍhā karābjaiḥ (1)
pāśaṃ kodaṇḍamicchūdbhavamathaguṇamapyaṅkuśaṃ pañcabāṇān
bibhrāṇāsṛkkapālaṃ trinayanalasitāpīnavakṣoruhāḍhyā
devī bālārkavarṇā bhavatu sukhakarī prāṇaśaktiḥ parā vaḥ
36.8
dhyātvā devīmevaṃ prajapellakṣaṃ manuṃ samāhitadhīḥ
ājyenānte juhuyāccaruṇā vā taddaśāṃśato mantrī
36.6-2
śākte pīṭhe devīṃ ṣaṭkoṇasthaiḥ prajeśaharirudraiḥ
vāṇīlakṣmīgirijāsahitairaṅgaiśca mātṛlokaiśaiḥ
36.10
japeccaturbhirevaṃ prativārairnityameva mantritamaḥ
[ evaṃ saṃsiddhamanurvvaśyādyānyārabheta karmāṇi ] (1)
36.11
pāśāṅkuśāntaritaśaktimanoḥ parastāduccāryya yādivasuvarṇagaṇaṃ sahaṃsaṃ
paścādamuṣya padamukhyatamaḥ prayogaṃ mantro'yamityamudito(2) grahasaṃkhyayā vā
36.12
mṛtā vaivasvatā caiva jīvahā prāṇahā tathā
ākṛṣyā grasanā (3) caiva bhramadā (4) visphuliṅginī
36.13
caitannapratihantīti prāṇadūtyaśca yādikāḥ
baddhā sādhyaṃ pāśabījena śaktyā gṛhṇannākṛṣyāṅkuśenātha yādīn
dūtīścoktvā sādhyanāmātha dhātūnevaṃ mantro yāvadātmā savordhyaḥ
36.14
suptāśeṣajane niśīthasamaye sādhye svapityādarā
dāruhya svavakṣaṃ nidhāya hṛdaye sādhyākṛteḥ kīṭakam
baddhā tacca nipīḍyameva sahasā kālasya yacyāśiraspātādya kṣubhitākhilendriyagaṇaṃ sādhyaṃ smaret sādhakaḥ
36.15
vāyavyāgneyendravārīśameśakravyātsomapretarāṇamadhyageṣu
sthāneṣveteṣvaṣṭayādīn sahaṃsān bhṛṅgāna dhyāyet vindusantuprabaddhān(5)
36.16
strīye'pyevaṃ saṃsmareddhṛtsaroje bhṛṅgīrūpānnirgatān śvāsamārgeḥ
sādhyāṅgasthān cañcarīkān gṛhītvā svīyaṃ sthānaṃ pūrvvavat saṃpraviṣṭaḥ(1)
36.17
bījāni raktāni tu vaśyakarmmaṇyambhodarābhāṇyabhicārakāle
'dhūmrāṇi vidveṣavidhau sahome pītāni saṃstambhavidhau smarecca
36.18
athavā sādhyaprāṇān maṇḍūkākāradhāriṇo dhyāyet
strīyān bhujagākārānabhicārādau nṛśaṃsakarmmavidhau
36.16-2
prāṇapratiṣṭhākarmmaivaṃ vidhāyaikādaśāvaram
puttalyādau khacitte vā tāṃstu saṃstambhayeddhruvā (2)
36.20
ākṛṣṭānāṃ sādhyadeśādasūnāṃ puttalyādāvapyayaṃ syātprakāraḥ
kintu svīye hṛtsaro je praveśo vaśyākṛṣṭyoreva nātrābhicāre
36.21
pāśāditikayuktamūlahṛdayabhrūmadhyasūtrāgritā (3)
sāgniḥ sādhyalalāṭarandhrapathato'pyāmūlamājagmuṣī
yonyāvātmahṛdabja (4) mevamaniśaṃ bhrāmyatyasau cintitā
śaktirjanmaśatānyapīha vaśayet sādhyaṃ tathākarṣayet
36.22
prāṇapratiṣṭhāvidhiraivamuktaḥ sāṅgaḥ sayogo viniyogayuktaḥ
asmin pravīṇo girikānanadīn pracālayet kiṃ punarātmayuktān
36.22.p1
iti śrīprapañcasāre pañcaviṃśaḥ paṭalaḥ
Linked texts (1)
- Prāṇatoṣiṇī — Rāmatoṣaṇa Śarman 1796, Sanskrit