Pramāṇa · Search · About · API

Prapanca 37

Prapañca 37

Language
Sanskrit

Contents

37.1

ṣaṭtriṃśaḥ paṭalaḥ
dharmmavittasukhamokṣaphalāptau yoṣitāmapi nṛṇāṃ pravaraṃ yat
mantraratnamatiguhyamidānīṃ vacyate matimatāmapi ramyam

37.2

daurbhāgyavyādhidāridryajarāśokabhayāturāḥ
bharttṛrājābhibhūtāśca strīvighnārttāstadīpsavaḥ

37.3

putrabhṛtyārthino yuddhajayakāmānyavāñchitāḥ (1)
hṛtārthāḥ (2) kliṣṭasaṃsāravaśyasaṃvananārthinaḥ

37.4

valisiddhyarthina (3) ścaiva antarddhānābhikāṅkṣiṇaḥ
śatrubhiḥ paribhūtāśca sarvvavighnai rupadrutāḥ

37.5

māraṇoccāṭanadveṣastambhākarṣaṇakāṅkṣiṇaḥ
bhajeyuḥ sarvvayaivairna mantraṃ trailokyamohanam

37.6

hṛdayapuruṣottamānte tvapratirūpeti cāpi saṃbhāṣya
lakṣmīnivāsaparato jagadādau sakala ityudāhṛtya

37.7

kṣobhaya (4) sarvvapadānte strīhṛdayavidāraṇa (5) tribhuvaneti
samanonmādakareti ca surāsurānte vadenmanujapadam

37.8

bhūyaśca sundarījanamanāṃsyatho tāpayādikān vauṣaṭ
tāpaya dīpaya śoṣaya māraya bhṛgukāmikālavānte tu (6)

37.6-2

mohaya (1) drāvayeti ca bhūyaścākarṣayetyudīryyāntaḥ
samasta paramasubhagaṃ (2) sarvvapradayostu madhyataḥ pravadet

37.10

saubhāgyasṛṣṭivahnīn sasarvīdikaṃ kāmaśabdañca
mantro śrīkaṇṭhākhyaṃ (3) saplavaṇaṃ kaṃ hanadvayañca vadet

37.11

cakreṇa vātha gadayā khaḍgena ca sarvvavāṇaiśca
bhindadvayañca pāśenānte ghaṭdvayaṃ samābhāṣya

37.12

bhūyo'ṅkuśena tār̤aya turuyugmakamca kiñca pravadet
tiṣṭhasi tāvadyāvat samīhitaṃ me samābhāṣya

37.13

siddhaṃ bhavatu ca huṃphaṭ namo'ntikaṃ mantramuddharenmantrī
manmathavījopetaṃ tārādyaṃ sarvvasiddhidaṃ bhavati

37.14

mantrapadāni dvādaśa vidyādājñāpadāni tāvanti
sambuddhāntā huṃphaṭ namo'nvitāśceme mantrāḥ syuḥ (4)

37.15

madhyalavānte ca pare gaditā munibhirmanoramuṣya punaḥ
ṛṣistu jaiminiḥ proktaśchandaśca jagatyauṣate

37.16

sarvvalokaśaraṇyo'sau devatā puruṣottamaḥ
puruṣottamatribhuvanamanonmādakareti ca

37.17

hṛdayaṃ sakalānte ca jagatkṣobhaṇa ityapi
salakṣmīdayitetyevaṃ śiromantra udāhṛtaḥ

37.18

manmathotta smashśabdānte aṅkaje kāmadīpini
śikhā tu bhagaśabdantu paramādyantadantataḥ

37.19

śarvve saubhāgya ityante karamapratirūpakam (5)
keśavasmaravarṇānte jātiñca kavacaṃ viduḥ

37.20

surāsurahṛdayayormadhye manujasundarī
vidāraṇapadaṃ tasmāt sarvvapraharaṇeti ca

37.21

dharasarvvapadānte tu kāmikaṃ hanayugmakam
hṛdayānte vaśyanānītyākarṣayavīpsayet

37.22

tato mahāvaletyetadastamantramudīritam
tribhuvaneśvarasarvvānte janetyuktā manāṃsi ca

37.23

hanadārayayoryugmaṃ pṛthaṅme vaśamānaya
netraṃ tārādikāḥ sarvve huṃphaḍāntā namo'ntikāḥ

37.24

trailokyamohanānte tu hṛṣīkeśa pratīti ca
rūpamanmatha sarvvastrīhṛdayākarṣaṇeti ca

37.25

āgacchāgaccha ca namo mantraḥ syādāpakāhvayaḥ
āvāhādivisargānteṣūkto'yaṃ cāpi sūribhiḥ

37.26

sudarśana (1) mahācakrarājetyuktā dhamadvayam
sarvvaduṣṭabhayānte tu kurucchindayugantataḥ

37.27

vidārayadvayānte tu paramantrān (2) grasa grasa
bhakṣayadvayabhūtāni trāsayadvayavauṣaṭ (3)

37.28

cakrāya nama ityeṣa cakramantraḥ prakīrttitaḥ
śaṅkhamantro jalacarāya svāheti parikīrttitaḥ

37.26-2

kaumodaki mahānte tu vale sarvvāsurāntaki
prasīda huṃphaṭ svāheti gadāmantra udāhṛtaḥ

37.30

samvarttakānte musala pothayadvitayaṃ tataḥ
huṃphaṭ svāhā mausalakaḥ śārṅgāya saśarāya ca

37.31

[ ati vihvalaṃ smarasya śarairatirucirā
aṅkuśādyaṃ kundayugaṃ aṅkuśasya samīritā ] (1)

37.32

sāntalohitavahnau vanyākarṣayavīpsakau
vahnijāyā ca pāśasya svamudrābhirnyasedimān

37.33

svāhāntaḥ pakṣirājāya tasya mantraḥ prakīrttitaḥ
trailokyamohanāyānte vidmahe tu samuccaran

37.34

smarāya dhīmahītyuktvā tanno viṣṇuḥ pracodayāt
gāyatryaiṣā tayārcāsu snānadravyāṇi śodhayet

37.35

vyastairdvādaśabhirmantrairnamo'ntaiścārcayete hariḥ
bhṛguḥ sabinduḥ khaṅgīśo devyā mantra udāhṛtaḥ
sūkṣmāmara mahāsena klīvahīnaḥ svarairasau
lakṣmādīnāntu śaktīnāṃ mantrāḥ pūjāvidhau smṛtāḥ

37.36

udyadinendu payodabhramarapikārāvakusuma saurabhe
sumanohare ca kalpakavṛkṣodyāne ramāpatiṃ dhyāyet

37.37

aruṇāravindakarṇikāmadhyagagaruḍopari sthitaṃ devam
udyaddinakarakoṭipratimaṃ sindūranavajavākāntim

37.38

daracāpamusalapāśān cakrāsigadāṅkuśān bhujairdadhānam
atihṛdyayauvanonmukhasaundaryātiśayasāmyanirmuktam

37.36-2

audāryyakāntisaurabhalāvaṇyasudhārasairjagat sakalam
siñcantamiva samastānugrahiṇaṃ śrīmukhāmbhojasaktasudṛśam

37.40

vāmorusaṅgatāyāliṅgitadehaṃ śriyā madotkaṭayā
tadvaktrāmburuhāsavapipāsitabhrāntanetraṣaṭpadayā

37.41

romāñcaharṣanirgatajalamuktā'laṅkṛtāṅgayā satatam
vāmakarasthāmbujayā prataptakanakābhayātisundarayā

37.42

anupamasaundaryeṇa ca sarvvābharaṇopetayātimudā
viṣvagbahuprakārānikaiḥ saparicchadaiśca devagaṇaiḥ

37.43

gandharvvadaityarakṣoyakṣapannagermunīndraiśca
saṃsevitaṃ purastrīvṛndaiścānaṅgabāṇasantaptaiḥ

37.44

bhāvahnāva (1) madhurasmitavaktraprekṣaṇaskhalitabhāṣaṇajātaiḥ
spaṣṭakacajaghanastanabhāraiḥ srastavastracikurai (2) mpadalolaiḥ

37.45

jvaritamadanavārikhedakarmmairvivastrairmmadanavigatalajjaiḥ syandamānādharoṣṭhaiḥ
mṛdutarakarapadmāklṛptanatyañjalīkaiḥ
śirasi muṣitadhairyaiḥ kampitāśeṣagātaiḥ

37.46

jvarārttaiḥ khasadbhiḥ patadbhiḥ śarīraiḥ
śarairhāritairmanmathasyātighoraiḥ
samāpyāyitaistasya lāvaṇyadṛṣṭyā
samutthāya viṣṇostamevābhiyātaiḥ

37.47

karatalakalitakokanadaistatpadayugalaṃ ca punaḥ paripūjya
nayanajalaiḥ sagadgadavākyairbhava parameśvara patiḥ (3) śaraṇaṃ naḥ

37.48

itthaṃ saṃprārthitaṃ taṃ sakalasuravarastrīsahasrairajasraṃ
divyairbhogāthiṃbhiścāpyakhilamunivarairbhaktito muktikāmaiḥ
dhyātvā lakṣārddhasaṃkhyaṃ japatu manumimaṃ prāptadīkṣo'bhiṣikto
dravyairetaiśca juhvan bhavati manuvarasyādhikārī kriyāsu

37.49

śataṃ dadhi ghṛtaṃ payaḥ pṛthagathāyutaṃ sājyahaviṣā
śṛtena payasā hunedravimitaṃ tathā sākṣatatilaiḥ
tathā daśaśatonmitaṃ trimadhubhirvaraiścārkaphalaiḥ
palāśasamidhāṃ śataṃ samabhitoṣayet svaṃ gurum

37.50

tato lakṣatrayaṃ japtvā kuṇḍe cārddhendusannibhe
hunedambhoruhairjātikusumaiśca yavairapi
daśāṃśaṃ vaiṣṇave vahnau brāhmaṇāṃścaiva toṣayet (1)

37.51

ambhodhārāḥ sadā bhinne setau saṃsiddhayo'khilāḥ
yathāmbhonidhimāyānti tathā yānti nirantaram

37.52

mantriṇaḥ kṛtakṛtyatvaṃ kāṅkṣamāṇāḥ punaḥ punaḥ
pīṭhe tu vaiṣṇave nityaṃ pūjayet puruṣottamam

37.53

aṅgāni karṇikāyāmagnyādidaleṣu cāṣṭa lakṣmyādyāḥ
tāśca sphuratsatprītikāstvacādyāḥ (2) sudarśane jñeyāḥ

37.54

daracakragadāmusalāḥ pūrbvādyāśāsu cāgrakoṇeṣu
vajrādiṣu (3) śārṅgakhaṅgāṅkuśapāśā diśādhipāḥ pūjyāḥ

37.55

aṅgāni hevavarṇāṇi (4) madavivaśāḥ śaktayo'ṣṭa lakṣmyādyāḥ
cāmarahastāḥ sarvvāḥ svalaṅkṛtāścātha sundaryyaḥ

37.56

yo'rcayet sakṛdapyevaṃ puruṣaḥ puruṣottamam
prāpya rājyepsitāṃ lakṣmīṃ prāpnotyamaravanditām

37.57

durbhago vasusahasrahutena syādatīva subhagaśca manojñaḥ
dīptimannabhavatailavareṇa vyādhimokṣaṇaparastu tathaiva

37.58

śrīphalaiḥ prajuhuyātkamalairvākiñcano'pi ravisadṛśamato'sau
syāddhanādhipasamo'yutasaṃkhyaṃ japturādhirupayāti vināśam

37.59

yāṃ pramadāmabhikāṅkṣati tasyā nāmayutaṃ prajapenmanumetam
pañcamaharvadane'ṣṭasahasraṃ (1) sā vaśameti na tatra vicāraḥ

37.60

hyārikusumairhariṃ samabhipūjya cāṣṭottaraṃ
sahasramapi juhvataḥ śaśibhavaprasūnaiḥ śubhaiḥ
bhavantyavaśagā nṛpāstridaśabhirddinaiḥ kiṅkarāḥ
parairhṛtadhanastathā kaṭubhavena tailena vā

37.61

samidbhiratha bodhijairdaśaśataṃ tathāṣṭottaraṃ
trimāsamathavā japeddaśaśataṃ tathā nityaśaḥ
sa eva punaretya tadvasu samāhṛtaṃ mantriṇaṃ
praṇamya punararpayetsamabhitoṣya copāyanaiḥ

37.62

rājauñcāṣṭottaraśataṃ japtvā śatrugṛhe khanet
hyārikusumaṃ vāpi pakṣe śukle'site kramāt

37.63

śuklaṃ raktaṃ veṣṭitañca keśaiśyāṭanakṛdripoḥ
nityaṃ netrasamidbhisu cāṣṭottarasahasrakam

37.64

ṣaṇmāsantu tatastejovatyāstailaṃ sahasrakam
juhvato mriyate śatrurdṛṣṭvā māsacatuṣṭayāt

37.65

anena vidhinā vātha stambhanaṃ syāttathaiva ca
tathaivābhyāktadūrvāṇāṃ hosato mucyate bhayāt

37.66

payovratārcājapatatparasya trimāsamaṅkolaghṛtaṃ sahasram
nityaṃ huneccaiva tatastrimāse pūrṇe hutāgne'pi ca hvayamāne

37.67

prāpte ca madhye divasasya vahneḥ pārśve śaśāṅkapratimā sudīptā
saṃdṛśyate vai gulikā samānuḥ sahasramaṣṭottarameva mantram

37.68

pratimantrā ca tāṃ vahato gulikāmamarairapi darśanamasya bhavet
iha siddhirathāsya bhavatyakhilā vaḍavāmukhapuṣkarayānamukhā

37.69

iti siddhamunīndrayakṣavidyādharagandharvvasamahāpsaroragādyaiḥ
pratisevitamuttamaṃ vidhānaṃ gaditaṃ tat puruṣottamasya viṣṇoḥ

37.70

iti japahūtapūjādhyānakaiḥ śrīdharaṃ yo
bhajati (1) sa tu samagrāṃ sampadaiśvaryyalakṣmīm
adharakṛtavipakṣāṃ (2) prāpya lokaikavandyo
vrajati padamanantaṃ lokavandyasya viṣṇoḥ

37.70.p1

❊ || iti śrīparamahaṃsaparivrājakācāryyaśaṅkarācāryyaviracite
śrīprapañcasāre ṣaṭtriṃśaḥ paṭalaḥ || ❊

37.70.p2

samāpto'yaṃ prapañcasāraḥ

Linked texts (4)