Pramāṇa · Search · About · API

Prapanca 8: atha hitavidhaye viduṣāṃ vakṣye prāṇāgnihotravihitavidhim

Prapañca 8

Language
Sanskrit

atha hitavidhaye viduṣāṃ vakṣye prāṇāgnihotravihitavidhim

8.1

badhvā padmāsanamṛjukāyo mantrī viśet purovadanaḥ

8.2

śakteḥ sattvanibaddhamadhyamatha tanmāyārajoveṣṭitaṃ
prāgakṣo'niladiggatāmbijaṭharaṃ madhye ca nābheradhaḥ
madhye prāgvaruṇenduyāmyalasitaiḥ kuṇḍairjvaladvahnibhirmūlādhāramanārataṃ samatalaṃ yogī smaret siddhaye

8.3

madhyendravaruṇaśaśiyamadigbhavāni krameṇa kuṇḍāni
āvasathajasabhyāhavanīyānvāhāryyagārhapatyāni

8.4

cidrūpāt sakalaprabhāprabhavakānmūlaprakṛtyātmanaḥ
kalpārkāt pratilomato'mṛtamayīṃ jyotīrucācchāṃ dhiyā
sṛṣṭāmakṣaramālikāntu juhuyāt kuṇḍeṣu teṣu kramāt
kalpāntāgniśikhāsphuratkuharakeṣvāstrāvitāṃ varṇaśaḥ

8.5

dyādyāste saptavargā marakatapaśumedāhnanīlābhravarṇā
bhūyaḥ syurvidrumābhāḥ kuliśasamarucaḥ puṣyavaidūryyabhāsaḥ
sarve te pañcaśo'bhistravadamṛtamayā vyāpakasparśasaṃjñā
muktāmāṇikyarūpāḥ sumatibhiruditāścāṣṭaśaḥ syuḥ svarākhyāḥ

8.6

ghṛtāni (1) ketoramṛtākarārairmendasya jīvasya ca somajasya
śukrārasomāṃśumatāṃ krameṇa navaiva ratnāni vidurbaṃvānām

8.7

ityevaṃ hutavidhimanvahaṃ dinādau ye samyagviddhati mantriṇaḥ śatārddham
te ratnerapi kanakāṃśukaiḥ sadhānyaiḥ sampannāḥ sakalajagatpriyā bhavanti

8.8

antyagavargānyā'se vāmaśravaṇānyāvasathajāte
asitāvavargacaturthī sūkṣmā satyāhvaye ca samprotāḥ

8.9

halayutavargadvatīyau parāḥ śāntīśca paścime vahnau
bhṛgurephaphādipañcaka sadyo'tithilocanāni savye'gnau

8.10

majjātvagvargādikabhautikabhāvāhvayapratiṣṭhāśca
gārhapatye juhuyādityuktaṃ homakramaṃ varṇānām

8.11

vyomnā madhyotthite'gnāvakhilamavirataṃ śabdamaindre'nilena
sparśaṃ svenaiva rūpaṃ punaraparabhave somaṃje'ṅgīrasañca
yāmye gandhaṃ pṛthivyobhayarucirucireṣvakṣarīcairhunedyo
mantro syāt sarvvevedyapratimathanasamudbhāsitapratyagātmā

8.12

satāraśaktyādyajapāntamevaṃ hutyā mahātmātha śatārddhasaṃkhyam
vinyasya tāvacca tathaiva sūtramātrākṛtirnityatanūśca bhūyāt

8.13

kalpādintyamukhaḥ svamūlabilasat kalyānalāntaḥ sphuraccandrārkagrahakālabhūtabhuvanabrahmeśaviṣṇādikaḥ (1)
avyakto'carasaṃjñako'mṛtamayastejodvayodyadvabho
nityānandamayassvanādinidhano yaḥ syāt sa haṃsātmakaḥ

8.14

anudinamamunā bhajatāṃ vidhināhārakriyāsu mantravidām
prāṇādyāḥ syurmaruto gārhapatyādikāni kuṇḍāni

8.15

saptamyantāṃ ca kuṇḍākhyāmākhyāñca marutāmapi
hiraṇyāgaganāraktākṛṣṇābhirvvarṇamīrayet

8.16

sasuprabhābhiḥ sahitaṃ śucayaḥ pāvakā iti
agniṃ vidmahe cetyevamātmānamupacaryya ca

8.17

jaṅghādhastiryyagūddhrddhādhastiryyaksamamatho vadet
gacchattvetvā ṭhayugmañca pañcāgnīn saṃsmarettataḥ

8.18

hutāhutisamuddīptaśikhāsaṃyuktarociṣaḥ
gārhapatyādikaṃ bhūya upacaryyāntameva ca

8.16-2

mantraṃ sarvvamanukramya jihvāḥ saṃskṛtya sarvvaśaḥ
bahurūpāntu saṅkalpya pañcānalaśikhāyutām

8.20

ahaṃ vaiśvānaro bhūtvā juhomyannaṃ caturvidham
pacāmyevaṃ vidhānenetyāpūryā saṃyatendriyaḥ

8.21

tūṣṇīṃ hutvā pidhāyāṅgirupaspṛśya vidhānataḥ
ārabhya mūlādhāraṃ svamāmastakamanusmaret

8.22

kṣetrajñasaṃjñakamamuṃ prakṛteḥkṣamādyaṃ
vyāptadvisaptabhuvanāntamananyamekam
pañcānalāgnirasanāparidattaśuddhasāmrājyatarpitamatarkitamātmarūpam

8.23

saṃcintyākṣaritāmṛtākṣaraśatārddhāmbho'vasiktaṃ havistairjagdhvā kuṭilāntarāgniradhikaṃ saṃdīptapañcānalaḥ
sāyaṃ prātaranena homavidhinā bhojyāni nityaṃ bhajan
prāṇānapramadodaraṃ viśati prāṇāgnihotrī punaḥ

8.24

iti tava ṣaḍaṅgavedaśāstrādyupahitasarvvavikāra saṅgamātuḥ
tanuriyamūditā viriñcaviśvasthitilayasṛṣṭikarīha varṇamālā

8.25

iti jagadanuṣaktāṃ tāmimāṃ varṇamālāṃ
nyasata japata bhaktyā juhvatābhyarccayota
nirupamakavitāyuḥkīrttikāttīndirākhyai
sakaladuritaduḥkhocchittaye muktaye ca

8.26

itīritā sakalajagatprabhāvinī
kramotkramakramaguṇitāṇam̐mālikā
abhīṣṭasādhanavidhaye ca mantriṇāṃ
bhavenmanupratipuṭitākṣaramālikā

8.27

madhye vadyakṣarayoḥ sadavadavāgvārṇakāni candrayuge
proktā daśākṣarīya kalavirājau ca vāgṭaṣipramukhāḥ

8.28

kaṇṭhottamanayananāsāvadanāmbugudeṣu vinyasedvarṇān
svarapuṭitairatha halbhiḥ kuryādaṅgāni ṣaṭ kramānmantrī

8.29

amalakamalasaṃsthā lekhanaupustakodyatkarayugalasarojā kundamandāragaurī
dhṛtaśaśadharakhaṇḍollāsikoṭīracūḍā
bhavatu bhavabhayānāṃ bhañjinī bhāratī vaḥ

8.30

aṣṭadalacajapānte juhuyātkamalaiḥ sitaiḥ payo'bhyaktaiḥ
trimadhurayutaiḥ suśuddhairyutaṃ niyatātmakastilairathavā

8.31

mātṛkoktavidhinākṣarāmbuje śaktibhiśca viniyujya pūrvvavat
pīṭhamatra vacasāmadhīśvarīṃ pūjayet prathamamaṅgamantrakaiḥ

8.32

yogā satyā vimalā jñānā buddhiḥ smṛtistathā medhā
prajñetyaṣṭābhirmātṛbhirapi lokeśaiḥ prapūjayet kramaśaḥ

8.33

iti siddhamanurmanojadūro na cirādeva kavirbhavenmanasvī
japahomarataḥ sadāvagacchan vanitāṃ vāgadhipatirgauraveṇa

8.34

nyāsānvitaṃ niścitadhīḥ prajapet sahasramaṅgo mukhe'nudivasaṃ prapibettathāpaḥ
tanmantritāḥ punarayanvitameva vācāṃ
siddhirbhavedabhimatā parivatsareṇa

8.35

hṛdayadvayasaṃsthito'tha toye ravibimbe pratipadya vāgadhīṣām
japatastrisahasrasaṃkhyamarvāk kavitāmaṇḍavato bhavet prabhutā

8.36

palāśabilvaprasavaistayośca samidbharaiḥ khāduyutaiśca homaḥ
kavitvasaubhāgyakaraḥ samṛddhilakṣmīprado rañjanakṛccirāya

8.37

caturaṅgulajaiḥ samidhrasūnairjuhuyādyo madhuratrayā'vasiktaiḥ
manujaḥ samavāpya dhīvilāsānacirātkāvyakṛtāmbhavet purogaḥ

8.38

suvimalanakhadantapāṇipādo muditamanāḥ paradūṣaṇeṣu maunī
hariharakamalodbhavārṅghribhakto bhavati cirāya sarasvatīnivāsaḥ

8.36-2

ādyantapraṇavaśaktamadhyasaṃsthā
vāgbhūyo bhavati sarasvatī ca ṅentā
natyanto manurayamīśasaṃkhyavarṇaiḥ
saṃprokto bhuvi bhajamānapārijātaḥ

8.40

sauṣumnāgre bhrūyugamadhye navake tathaiva randhrāṇām
vinyasya mantravarṇān kuryādaṅgāni ṣaṭ kramādācā

8.41

haṃsārūḍhā harahasitahārendu kundāvadātā
vāṇī mandasmitayutamukhī maulibaddhendurekhā
vidyāvīṇā'mṛtamayaghaṭā'kṣasragādīptahastā
śubhrābjasthā bhavadabhimataprāptaye bhāratī syāt

8.42

dinakaralakṣaṃ prajapenmantramimaṃ saṃyatendriyo mantrī
dvādaśasahasrakamatho sitasarasijanāgacampakairjuhuyāt

8.43

pūjāyāṃ pārśvayuge sasaṃskṛtā prākṛtā ca vāgdevyāḥ
kevalavāṅmayarūpe sampūjyāṅgeṣu śaktibhistadanu

8.44

prajñā medhā śrutirapi śaktiḥ smṛtyāhvayā ca vāgīśī
sumatiḥ svastibhi(1)rābhirmātṛbhirāśeśvaraiḥ kramāt prayajet

8.45

iti nigadito vāgīśvaryāḥ sahomajapārcanāvidhiranudinaṃ mantrī tvenāṃ bhajan parimucyate
sakaladuritairmedhālakṣmīyaśobhiravāpyate
paramaparamāṃ bhaktiṃ prāpyobhayatra ca modate

8.46

iti mātṛkāvibhedān prajapanmantradvayañca mantritamaḥ
prajapedenāṃ stutimapi dinaśo vāgdevyanugrahāya budhaḥ

8.47

amalakamalādhivāsini manaso vaimalyadāyini manojñe
sundaragātri suśīle tava caraṇāmbhoruhaṃ namāmi sadā

8.48

acalātmajā ca durgā kamalā tripureti bheditā jagati
yā sā tvameva vācāmīśvari sarvātmanā prasīda mama

8.49

tvaccaraṇāmbhoruhayoḥ praṇāmahīnaḥ punardvijātirapi
bhūyādaneḍmūkastvadbhakto bhavati devi sarvvajñaḥ

8.50

mūlādhāramukhodgatabisatantunibhaprabhāprabhāvatayā
vistṛtalipibrātāhitasukhakaracaraṇādike prasīda mama

8.51

varṇatano'mṛtavarṣai niyatamatibhirvarṣite'pi yogīndraiḥ
nirṇītikaraṇadūre varṇayituṃ dehi devi sāmarthyam

8.52

sasurāsuramaulilasaṇmaṇiprabhādīpitāṅghriyuganaline
sakalāgamasvarūpe sarvveśvari sannidhiṃ vidhehi mayi

8.53

pustakajapavaṭahaste varadābhayacihnacārubāhulate
karpūrāmaladehe vāgīśvari viśodhayāśu mama cetaḥ

8.54

kṣaumāmbaraparidhāne muktāmaṇivibhūṣaṇe mudāvāse
smitacandrikāvikasitamukhendubimbe'mbike prasīda mama

8.55

vidyārūpe'vidyāvināśini vidyotite'ntarātmavidām
gadyaiḥ sapadyajātairādyairmunibhiḥ stute prasīda mama

8.56

trimukhi trayosvarūpe tripure vidaśābhivanditāṅghriyuge
trīkṣaṇavilasitavaktre trimūrttimūlātmike prasīda mama

8.57

vedātmike niruktajyotirvyākaraṇakalpaśikṣābhiḥ
sacchandobhiḥ santataklṛptaṣaḍaṅgendriye prasīda mama

8.58

tvaccaraṇasarasi janmasthitimahitadhiyāṃ (1) na lipyate doṣaḥ
bhagavati bhaktimatastvayi paramāṃ parameśvari prasīda mama

8.59

bodhātmike budhānāṃ hṛdayāmbujacāruraṅganaṭanapare
bhagavati bhavabhaṅgarauṃ bhaktiṃ bhadrārthade prasīda mama

8.60

vāgīśaustavamiti yo japārttanāhavanavṛttiṣu prajapet
sa tu vimalacittavṛttirddehāpadi nityaśuddhameti padam

Linked texts (3)