Pramāṇa · Search · About · API

Tantragandharva 2

Tantragandharva 2

Language
Sanskrit

2.1

pārvatyuvāca
śaktitantraṃ mahādeva saṃdeharahitaṃ kuru
tathā kathaya deveśa bhogena muktisādhanam

2.2

īśvara uvāca
niḥsaṃdehaṃ mahātantraṃ śrūyatāṃ khalu sāṃpratam
gopitavyaṃ paśoragre pūrṇācandranibhānane

2.3

parātmajīvayoraikyaṃ mayātra pratipādyate
brahmaṇo'pi paraṃ rūpaṃ nirguṇaṃ varṇyate mayā

2.4

śrūyatāṃ vimale bhadre ātmānamātmanā punaḥ
praṇamāmi mahādevīṃ turīyāṃ brahmarūpiṇīm

2.5

yasyā smaraṇamātreṇa bhavāmbhodhau na nimajjate
asyāścārādhanaṃ kṛtvā nānyasyārādhanaṃ caret

2.6

anyasya smaraṇād duḥkhaṃ yoginīśāpamāpnuyāt
apamṛtyurbhavet tasya mṛte ca narakaṃ vrajet

2.7

enāmupāsya deveśi kiṃ na sidhyati bhūtale
sakṛdenāmupāsyaiva na mātuḥ stanapo bhavet

2.8

tasmād devi śubhe bhadre turīyāṃ samupāśrayet
ādau kāmeśvarī jñeyā dvitīyā bhagamālinī

2.6-2

vajreśvarī tṛtīyā ca turyā tripurasundarī
trayāṇāmapi devānāṃ pracodikā tripādikā

2.10

tripureti samākhyātā kāmadā sā kāmeśvarī
trīn yasmāt purato dadyād durgā sā parameśvarī

2.11

tripureti samākhyātā saundaryātiśayāt tathā
mayāpi cintyate sā tu tatprasādādahaṃ prabhuḥ

2.12

jagatāmīśvaratvaṃ ca labdhaṃ tadanukampayā
brahmatvaṃ brahmaṇā prāptaṃ viṣṇutvaṃ viṣṇunā tathā

2.13

surāsuramunīndrāṇāṃ mahattvaṃ tatprasādataḥ
teneyaṃ mahatī vidyā durlabhā bhuvanatraye

2.14

devyuvāca
bhagavan sarvamantrāśca bhavatā me prakāśitāḥ
mahātripurasundaryāṃ mantrā ye pūrvasūcitāḥ

2.15

tāṃstānevādhunā nātha saṃdeharahitān kuru
īśvara uvāca
sarvakāryeṣu sarvatra tāntrike vaidike tathā

2.16

aviśvāso mahān doṣo yannatastaṃ vivarjayet
saṃsiddheḥ kāraṇaṃ devi viśvāsaḥ samudāhṛtaḥ

2.17

viditvā ratnaṇaṃ yattu saguṇaṃ vīryavardhanam
ratneṣu kīlakaṃ yadvad granthirmalayasaṃbhave

2.18

āstiko'tha śucirdānto dvaitahīno jitendriyaḥ
brāhmiṣṭho brahmavādī ca brahmī brahmaparāyaṇaḥ

2.19

sarvahiṃsāvinirmuktaḥ sarvaprāṇihite rataḥ
so'smin śāstre'dhikārī syāt tadnyo bhramasādhakaḥ

2.20

nāstikāya kuśīlāya dāmbhikāya kadācana
na vaktavyaṃ paśoragne kuṭile cumbake tathā

2.21

śṛṇu devi mahad guhyaṃ mantroddhāraṃ varānane
ādau pañcadaśī vidyā kathyate vīravandite

2.22

❃ kāmadevastato yonisturyasvarapurandarau
bhuvaneśī tataḥ paścāt pañca (raṅm̐?varṇa) vibhūṣitaḥ

2.23

ayaṃ sa vāgbhavo devi vāgīśvarapradāyakaḥ
etajjaptvā mahābījaṃ kiṃ na sidhyati bhūtale

2.24

bālakasya tu jihvāyāṃ tridinābhyantare nyaset
madhunā śvetadūrvābhiḥ suvarṇasya śalākayā

2.25

idaṃ vāgbhavakūṭaṃ tu likheddha jananāntare
sa eva paṇḍito bhūyānnaiṃ tu mūrkho bhaved dhruvam

2.26

em̐tadvāgbhavakūṭaṃ tu bāliśasyāpi mūrdhani
hastaṃ dattvā paṭhet siddhamaṣṭottaraśataṃ priye

2.27

so'pi ślokānmaheśāni karotyeva na saṃśayaḥ
satarkapadavākyārthaśabdālaṃkārasāravit

2.28

jihvāyāṃ nyasanāddevi mūko'pi sukavirbhavet
bahunātra kimuktena jalpitenāpi sundari

2.29

vāgīśaṃ spardhate vākaiḥ sarvajño bhuvi jāyate
mūko bhavati vāgīśo vācaspatirivāparaḥ

2.30

śivacandrau samuddhṛtya kāmavyomapurandarān
uddharet parameśāni lajjābījaṃ tataḥ priye

2.31

kāmarājamidaṃ bhadre ṣeḍvarṇaṃ sarvaśobhitam
candraḥ kāmastathendraśca mahāmāyā tataḥ param

2.32

śaktibījaṃ varārohe vedākṣarasamanvitam
trikūṭeyaṃ mahāvidyā mahātripurasundarī

2.33

sarvatīrthama(yeyī) devī sarvadevasvarūpiṇī
sarvaśāstramayī śuddhā sarvadoṣavivarjitā

2.34

caturvedamayī sākṣāt sarvasaubhāgyadāyinī
kāmarājākhyavidyeyaṃ bhogamokṣaphalapradā

2.35

anayā sadṛśī vidyā triṣu lokeṣu durlabhā
etasyā eva vidyāyāḥ śaktiṃ turyaṃ ca pārvati

2.36

hitvā mukhe śivendubhyāṃ lopāmudrā prakāśitā
mārabījaṃ tato yoniḥ kāmaḥ (śu?śa)kaṃ tatheśvarī

2.37

pūrvavat kāmarājaṃ ca śaktikūṭaṃ tathaiva ca
savīryā siddhidā vidyā trailokyavaśakāriṇī

2.38

tava snehānmaheśāni mayeyaṃ tu prakāśitā
etacchāṃbhavamuddiṣṭaṃ śṛṇu śāktamataḥ param

2.39

śaktirmaheśaḥ kāmaśca indrabījamataḥ parama
mahāmāyā tataḥ paścāt pūrvavadaparaṃ tataḥ

2.40

vidyātrayamidaṃ bhadre durlabhaṃ bhuvanatraye
devyuvāca
ṣoḍaśārṇāṃ mahāvidyāṃ trailokyavaśadāyinīm

2.41

adhunā kathayeśāna yadyahaṃ tava vallabhā
īśvara uvāca
śṛṇu devi mahāvidyāṃ ṣoḍaśārṇarūpiṇīm

2.42

etasyā eva vidyāyā yadādye bhuvaneśvarī
tadeyaṃ parameśāni ṣoḍaśārṇarūpiṇī

2.43

māyāsthāne (vā ?ra) mābījaṃ dattvānyā ‡ ṣoḍaśī bhavet
varadā siddhidā vidyā kuberāspadadāyinī

2.44

cintāmaṇiriyaṃ vidyā trailokye cāpi durlabhā
vedādimaṇḍitā cānyā vidyā mokṣapradāyinī

2.45

tathaiva hi mahābījaṃ ramābījaṃ tathaiva ca
pañcadaśākṣarīvidyāṃ tathaiva ca samuddharet

2.46

seyaṃ ṣoḍaśī vidyā sākṣāt jāgratsvarūpiṇī
devyuvāca
tataḥ kathaya deveśa rājarājeśvarīṃ parām

2.47

ṣoḍaśārṇāṃ mahāvidyāṃ trailokyavaśadāyinīm
jananīṃ sarvamantrāṇāṃ parabrahmasvarūpiṇīm

2.48

īśvara uvāca
rājarājeśvarīṃ vidyāṃ tathāsyāḥ kavacaṃ priye
yo jānāti mahīpṛṣṭhe sa devo natu mānuṣaḥ

2.49

rājarājeśvarī vidyā kathyate śṛṇu pārvati
ramābījaṃ samuddhṛtya māyābījaṃ niyojayet

2.50

kāmabījaṃ samālikhya vāgbījaṃ tadanantaram
caturdaśasvaropetaṃ candraṃ binduyugānvitam

2.51

praṇavaṃ bhuvaneśānīṃ ramāṃ caiva maheśvari
pañcadaśākṣarīṃ paścāduddharet parameśvari

2.52

vyutkramāt parameśāni pūrvoktabījapañcakam
ālikhya saṃpuṭīkuryādu vidyeyaṃ dvyaṣṭakūṭakā

2.53

turīyeyaṃ mahāvidyā kevalātmasvarūpiṇī
ṣoḍaśārṇā mahāvidyā śrīvidyā kathinā parā

2.54

vakrakoṭisahasraistu jihmākoṭiśatairapi
varṇituṃ naiva śakyeyaṃ śrīvidyā ṣoḍaśākṣarī

2.55

ṣoḍaśārṇā mahāvidyā sarvatantreṣu gopitā
tava snehānmaheśāni gandharve vai prakāśitā

Linked texts (7)