Yonitantra 2.14

2.14

śiva uvāca = śivuḍiṭlanenu :
ślō.. mahācīnakramōktēna sarvaṁ kāryaṁ japādikam .
iti tē kathitaṁ dēvi! yōnipūjāvidhirmayā .. 1
ślō.. sugōpyaṁ yadi dēvēśi! tava snēhātprakāśitam .
kōcākhyānē ca dēśē ca yōnigartāsamīpataḥ .. 2
ślō.. gaṁgāyāḥ paścimē bhāgē mādhavī nāma viśrutā .
tatra cāharniśaṁ dēvi! yōnipūjanatatparaḥ .
bhikṣācāraprasaṁgēna gacchāmi ca divāniśam .. 3
ślō.. mādhavīsadr̥śī yōnirnāsti yōnirmahītalē .
tatkucau kaṭhinau durgē! yōnistasyāḥ supīnatā .. 4
ślō.. tasyāḥ pūjanamātrēṇa śivō'haṁ śr̥ṇu pārvati! .
rādhāyōniṁ pūjayitvā kr̥ṣṇaḥ kr̥ṣṇatvamāgataḥ .. 5
ślō.. śrīrāmō jānakīnāthaḥ sītāyōniprapūjakaḥ .
rāvaṇaṁ sakulaṁ hatvā punarāgatya suṁdari! .. 6
ślō.. ayōdhyāṁ nagarīṁ ramyāṁ vasatiṁ kr̥tavān svayam .
samudrasya mahāviṣṇurvēlāyāṁ vaṭamūlataḥ .. 7
ślō.. bhaginīyōnimāśritya baladēvastu bhairavaḥ .
lakṣmyā sudarśanē nāpi tiṣṭhatyēkō'kutōbhayaḥ .. 8
ślō.. ahaṁ viṣṇuśca brahmā ca munayaśca mahāśayāḥ .
ābrahmastambaparyantaṁ yōnau sarvaṁ prajāyatē .. 9
ślō.. yōnitattvasya māhātmyaṁ kō vadēdbhuvanatrayē .
madyaṁ māṁsaṁ tathā matsyaṁ mudrā maithunamēva ca .
pañcatattvaṁ vinā dēvi sarvañca niṣphalaṁ bhavēt .. 10
ślō.. sarvēbhyaścōttamā vēdā vēdēbhyō vaiṣṇavaṁ param .
vaiṣṇavāduttamaṁ śaivaṁ śaivāddakṣiṇamuttamam .. 11
ślō.. dakṣiṇāduttamaṁ vāmaṁ vāmātsiddhāntamuttamam .
siddhāntāduttamaṁ kaulaṁ tatrāpi yōnilaṁpaṭaḥ .. 12
ślō.. sūryakhadyōtayōryadvanmērusarṣapayōriva .
kulīnasarvavidyānāmadhikārīti gīyatē .. 13
ślō.. yadi bhāgyavaśēnāpi kulīnadarśanaṁ labhēt
bhakṣyairbhōjyaiśca santōṣya prārthayēdbahuyatnataḥ .
āgaccha sādhakaśreṣṭha! yonipūjanatatparaḥ
tava darśanamātreṇa kṛtārtho'smi na saṃśayaḥ