Pramāṇa · Search · About · API

Devipancastavi 2

Devīpañcastavī 2

Language
Sanskrit

2.1

iti laghustavaḥ
saundaryavibhramabhuvo bhuvanādhipatyasaṅkalpakalpataravastripure jayanti
ete kavitvakumudaprakarāvabodhapūrṇendavastvayi jagajjanani praṇāmāḥ

2.8

devi stutivyatikare kṛtabuddhyaste
vācaspatiprabhṛtayo'pi jaḍībhavanti
tasmānvisargajaḍimā katamo'hamatra
stotraṃ tava tripuratāpanapatni kartum
mātastathāpi bhavatīṃ bhavatīvratāpavicchittaye stavamahārṇavakarṇadhāraḥ
stotuṃ bhavāni sa bhavaccaraṇāravindabhaktigrahaḥ kimapi māṃ mukharīkaroti
dhyate jaganti bhavatī bhavatī bibharti
jāgarti tatkṣayakṛte bhavatī bhavāni
mohaṃ bhinatti bhavatī bhavatī ruṇaddhi
līlāyitaṃ jayati citramidaṃ bhavatyāḥ
yasminmanāgapi navāmbujapatragaurīṃ
gaurīṃ prasādamadhurāṃ dṛśamādadhāsi
tasminbirantaramanaṅgaśarāvakīrṇasīmantinīnayanasantatayaḥ patanti
pṛthvībhujo'pyudayanaprabhavasya tasya
vidyādharapraṇaticumbitapādapīṭhaḥ
taccakravartipadavīpraṇayassa eṣaḥ
tvatpādapaṅkajarajaḥkaṇajaḥ prasādaḥ
tvatpādapaṅkajarajaḥpraṇipātapūrvaiḥ
puṇyairanalpamatibhiḥ kṛtibhiḥ kavīndraiḥ
kṣīrakṣapākaradukūlahimāvadātā
kairapyavāppi bhuvanatritaye'pi kīrtiḥ
kalpadrumaprasavakalpitacitrapūjāṃ
uddīpitapriyatamāmadaraktakagītim
nityaṃ bhavāni bhavatīmupavīṇayanti
vidyādhārāḥ kanakaśailaguhāgṛheṣu

2.9

lakṣmīvaśīkaraṇakarmaṇi kāminīnāṃ
ākarṣaṇavyatikareṣu ca siddhamantraḥ
nīrandhramohatimiracchidurapradīpo
devi tvadaṅghrijanito jayati prasādaḥ

2.10

devi tvadaṅghrinakharatnamayūkhāḥ
pratyagramauktikaruco mudamudvahanti
sevānativyatikare surasundarīṇāṃ
sīmantasīmni kusumastavakāyitaṃ yaiḥ

2.11

mūrdhnisphuraddhihinadīdhitidīptidīptaṃ
madhyelālāṭamamarāyudharaśmicitram
hṛccakracumbi hutabhukkaṇikānukāri
jyotiryadetadidamamba tava svarūpam

2.12

rūpaṃ tava sphuritacandramarīcigauraṃ
ālokate śirasi vāgadhidaivataṃ yaḥ
nissīmasaundaryakiracanāmbhūtanirjharasya
tasya prasādamadhurāḥ prasaranti vācaḥ

2.13

sindūrapāṃsupaṭalacchuritāmiva dyāṃ
tvattejasā jaturasasnapitāmivorvīm
yaḥ paśyati kṣaṇamapi tripure vihāya
vrīḍāṃ mṛḍāni suhṛdaśśastamanudravanti

2.14

mātarmuhūrtamapi yaḥ smarati svarūpaṃ
lākṣārasaprasaratantunibhaṃ bhavatyāḥ
dhyāyantyananyamanasastamanaṅgatannāḥ
pradyumnasīmi subhagatvaguṇaṃ taruṇyaḥ

2.15

yo'yaṃ cakāsti gaganārṇavaratnaminduḥ
yo'yaṃ surāsuraguruḥ puruṣaḥ purāṇaḥ
yadvāmamardhamidamandhakasūdanasya
devi tvameva taditi pratipādayanti

2.16

icchānurūpamanurūpaguṇaprakarṣasaṅkarṣiṇi tvamabhimṛśya yadā bibharṣi
jāyeta sa tribhavanaikagurustadānīṃ
devaśvivo'pi bhunatrayasūtradhāraḥ

2.17

dhyātasi haimavati yena himāṃśuraśmimālāmaladyutirakalmaṣamānasena
tasyāvilambamanavadyamanantakalpaṃ
alpairdinairastṛjasi sundari vāgvilāsam

2.18

ādhāramārutanirodhavaśena yeṣāṃ
sindūrarañjitasarojaguṇānukāri
dīpaṃ hṛdi sphurati devi vapustvadīyaṃ
dhyāyanti tāniha samīhitasiddhisārthāḥ

2.19

ye cintayantyaruṇamaṇḍalamadhyavarti
rūpaṃ tavāmba navayāvakapaṅkapiñjam
teṣāṃ sadaiva kusumāyudhabāṇabhinnavakṣaḥsthalā mṛgadṛśo vaśagā bhavanti

2.20

tvāmaindavīmiva kalāmanuphāladeśaṃ
udbhāsitāmbaratalāmavalokayantaḥ
sadyo bhavāni sudhiyaḥ kavayo bhavanti
tvaṃ bhāvanāhitadhiyāṃ kulakāmadhenuḥ

2.21

śarvāṇi sarvajanavanditapādapadme
padmacchadyutiviḍambitanetralakṣmiṃ
niṣpāpamūrtijanamānasarājahaṃsi
haṃsi tvamāpadamanekavidhāṃ janasya

2.22

uttaptahemarucire tripure punīhi
cetaścirantanamaghauvavanaṃ lunīhi
kārāgṛhe nigalabandhanayantritasya
tvatsaṃsmṛtau jhaṭiti me nigalāstruṭanti

2.23

tvāṃ vyāpinīti sumanā iti kuṇḍalīti
tvāṃ kāminīti kamaleti kalāvatīti
tvāṃ mālinīti lalitetyaparājiteti
devi stuvanti vijayeti jayetyumeti

2.24

uddāmakāmaparamārthasarojakhaṇḍacaṇḍadyutidyutimapāsitapaṅkaśaram
mohāndhipendrakadanodyatabodhasiṃhalīlāguhāṃ bhagavatīṃ tripurāṃ namāmi

2.25

gaṇeśavaṭukastutā ratisahāyakāmānvitā
smarārivaraviṣṭarā kusumabāṇabāṇairyutā
anaṅgakusumādibhiḥ parivṛtā ca siddhaistribhiḥ
kadambavanamadhyagā tripurasundarī pātu naḥ

2.26

rudrāṇi vidrumamayīṃ pratimāmiva tvāṃ
ye cintayantyaruṇakāntimananyarūpām
tānetya pakṣmaladṛśaḥ prasabhaṃ bhajante
kaṇṭhāvasaktamṛdubāhulatāstaruṇyaḥ

2.27

tvadrūpaikanirūpaṇapraṇayitāvandho dṛśostvadguṇagrāmākarṇanarāgitā śravaṇayostvatsaṃsmṛtiścetasi
tvatpādārcanacāturī karayuge tvatkīrtitaṃ vāci me
kutrāpi tvadupāsanavyasanitā me devi mā śāmyatu

2.28

tvadrūpamugdhasitadāḍimapuṣparaktaṃ
uddhāvayenmadanadaivatamakṣaraṃ yaḥ
taṃ rūpahīnamapi manmathanirviśeṣaṃ
ālokayantyurunitambataṭāstaruṇyaḥ

2.29

brahmendrarudraharicandrasahasraraśmiskandadvipānanahutāśanavanditāyai
vāgīśvari tribhuvaneśvari viśvamātaḥ
antarbahiśca kṛtasaṃsthitaye namaste

2.30

kastotrametadanuvāsaramīśvarāyāḥ
śreyaskaraṃ paṭhati vā yadi vā śṛṇoti
tasyepsitaṃ phalati rājabhirīḍyate'sau
jāyeta sa priyatamo madirekṣaṇānām

Linked texts (3)