Pramāṇa · Search · About · API

Devipancastavi 3

Devīpañcastavī 3

Language
Sanskrit

3.1

iti carcāstavaḥ
ānandamantharapurandaramuktamālyaṃ
maulau haṭhena nihitaṃ mahiṣāsurasya
pādāmbujaṃ bhavatu me vijayāya mañjumañjīraśiñjitamanoharamambikāyāḥ

3.2

devi tryambakapatni pārvati sati trailokyamātaraśive
śarvāṇi tripure mṛḍāni varade rudrāṇi kātyāyani
bhīme bhairavi caṇḍi śarvarikale kālakṣaye śūlini
tvatpādapraṇatānanyamanasaḥ paryākulānpāhi naḥ

3.3

devi tvāṃ sakṛdeva yaḥ praṇamati kṣoṇībhṛtastaṃ namantyājanmasphuradghripīṭhaviluṭhatkoṭīrakoṭicchaṭāḥ
yastvāmarcati so'rcyate suragaṇairyastauti sa stūyate
yastvāṃ dhyāyati taṃ smarārividhurā dhyāyanti vāmabhruvaḥ

3.4

unmattā iva sagrahā iva viṣavyāsaktamūrchā iva
prāptaprauḍhamadā ivārtivirahagrastā ivārtā iva
ye dhyāyanti hi śailarājatanayāṃ dhanyāsta evāgrataḥ
tyaktopādhivivṛddharāgamanaso dhyāyanti tānsubhruvaḥ

3.5

dhyāyanti ye kṣaṇamapi tripure hṛdi tvāṃ
lāvaṇyayauvanadhanairapi viprayuktāḥ
te visphuranti lalitāyatalocanānāṃ
cittaikabhittilikhitapratimāḥ pumāṃsaḥ

3.6

etaṃ kiṃ nu dṛśā pibāmyuta viśāmyasyāṅgamaṅgairnijaiḥ
kiṃ vā vāḍamuṃ nigarāmyanena sahasā kiṃ vaikatāmāśraye
yasyetthaṃ vivaśo vikalpalalitākūtena yopijjanaḥ
kiṃ tadyatra karoti devi hṛdaye yasya tvamāvartase

3.7

viśvavyāpini yadvadīśvara iti sthāṇāvananyāśrayaḥ
śabdabrahmaśaktiriti vilokajanani tvayyeva tathyasthitiḥ
itthaṃ satyapi śaknuvanti yadimāḥ kṣudrā rujo bādhituṃ
tvadbhaktānapi na kṣiṇo'pi ca ruṣā taddevi citraṃ mahat

3.8

indormadhyagatāṃ mṛgāṅkasadṛśacchāyāṃ manohāriṇīṃ
pāṇḍūtphullasaroruhāsanagatāṃ snigdhapradīpacchavim
varṣantīmamṛtaṃ bhavāni bhavatīṃ dhyāyanti ye dehinaḥ
te nirmuktarujo bhavanti ripavaḥ projjhanti tāndūrataḥ

3.9

pūrṇendoraśśakalairivātibahalaiḥ pīyūṣapūrairiva
kṣīrābdherlaharībharairiva sudhāpaṅkasya piṇḍairiva
prāleyairiva nirmitaṃ tava vapurdhyāyanti ye śraddhayā
cittāntarnihitātitāpavipadaste sampadaṃ bibhrati

3.10

ye saṃsmaranti taralāṃ sahasollasantīṃ
tvāṃ granthipaścakabhidaṃ taruṇārkaśoṇām
rāgārṇave bahalarāgiṇi majjayantīṃ
kṛtsnaṃ jagaddhati cetasi tānmṛgākṣyaḥ

3.11

lākṣārasasnāpitapaṅkajatantutanvīṃ
antassmaratyanudinaṃ bhavatīṃ bhavāni
yastaṃ smarapratimamapratimasvarūpāḥ
netrotpalairmṛgadṛśo bhṛśamarcayanti

3.12

stumastvāṃ vācamavyaktāṃ himakundendurociṣam
kadambamālāṃ bibhrāṇāmāpādatalamambinīm

3.16

mūrdhnīndorasitapaṅkajāsanagatāṃ prāleyapāṇḍutviṣaṃ
varṣantīmamṛtaṃ saroruhabhuvo vaktre'pi randhre'pi ca
acchinnā ca manoharā ca lalitā cātiprasannāpi ca 13
tvāmevaṃ smaratassmarārihṛdayite vāksarvato valgati
dadātīṣṭānbhogānkṣapayati ripūnhanti vipado
dahatyādhīnvyādhīn śamayati sukhāni pratanvate
haṭhādantarduḥkhaṃ dalayati pinaṣṭīṣṭavirahaṃ 14
sakṛddhyātā devī kimiva niravadyaṃ na kurute
yastvāṃ dhyāyati vetti vindati japatyālokate cintayatyanveti pratipadyate kalayati stautyāśrayatyarcati
yaśca tryambakavallabhe tava guṇānākarṇayatyādarāt 15
tasya śrīrna gṛhadapaiti vijayastasyāgrato dhāvati
kiṃ kiṃ duḥkhaṃ danujadalini kṣīyate na smṛtāyāṃ
kā kā kīrtiḥ kulakamalini vyāpyate na stutāyām
kā kā siddhissuravaranute prāpyate nārcitāyāṃ
kaṃ kaṃ yogaṃ tvayi na cinute cittamālambitāyām

3.19

ye devi durdharakṛtāntamukhāntarasthāḥ
ye kāli kālaghanapāśanitāntabaddhāḥ
ye caṇḍi caṇḍagurukalmaṣasindhumagnāḥ 17
tānpāsi mocayasi tārayasi smṛtaiva
lakṣmīvaśīkaraṇacūrṇasahodarāṇi
tvatpādapaṅkajarajāṃsi ciraṃ jayanti
yāni praṇāmamilitāni nṛṇāṃ lalāṭe 18
lumpanti daivalikhitāni durakṣarāṇi
re mūḍhāḥ kimayaṃ vṛthaiva tapasā kāyaḥ parikliśyate
yajñairvā bahudakṣiṇaiḥ kimitare riktīkriyante gṛhāḥ
bhaktirucchedavināśinī bhagavatīpādadvayī sevyatāṃ
unnidrāmburuhātapatrasubhagā lakṣmīḥ puro dhāvati

3.20

yāce na kaścana na kaścana vaścyāmi
seve na kaścana nirastasamastadainyaḥ
ślakṣṇaṃ vase madhuramapi bhaje varastrīḥ
devī hṛdi sphurati me kulakāmadhenuḥ

3.21

namāmi yāminīnāthalekhālaṅkṛtakuntalām
bhavānīṃ bhavasantāpanirvāpaṇasudhānadīm

Linked texts (2)