Pramāṇa · Search · About · API

Devipancastavi 4

Devīpañcastavī 4

Language
Sanskrit

4.1

yāmāmananti munayaḥ prakṛtiṃ purāṇīṃ
vidyeti yāṃ śrutirahasyavido vadanti
tāmardhapañchāvitaśaṅkarūpamudrāṃ
devīmananyaśaraṇaśśaraṇaṃ prapadye

4.2

amba staveṣu tava tāvadakartṛkāṇi
kuṇṭhībhavanti vacasāmapi gumbhanāni
ḍimbhasya me stutirasāvasamañjasāpi
vātsalyanigrahṛdayāṃ bhavatīṃ dhinotu

4.2-2

vyometi binduriti nāda itīndulekhārūpeti vāgbhavatanūriti mātṛketi
nissyandamānasukhabodhasudhāsvarūpā
vidyotase manasi bhāgyavatāṃ janānām

4.4

āvirbhavatpulakasantatibhinnaśarīraiḥ
nissyandamānasalilairnayanaiśca nityam
vāgbhiśca gadgadapadābhirupāsate ye
pādau tavāmba bhuvaneṣu ta eva dhanyāḥ

4.5

vaktraṃ yadudyatamabhiṣṭutaye bhavatyāḥ
tubhyaṃ namo yadapi devi śiraḥ karoti
cetaśca yaccayi parāyaṇamamba tāni
kasyāpi kairapi bhavanti tapoviśeṣaiḥ

4.6

mūlālavālakuharāduditā bhavāni
nirbhidya ṣaṭsarasijāni taṭillateva
bhūyo'pi tatra viśasi dhruvamaṇḍalendunissyandamānaparamāmṛtatoyarūpā

4.7

dagdhaṃ yadā madanamekamanekadhā te
mugdhaḥ kaṭākṣavidhiraṅkurayāścakāra
dhatte tadāprabhṛti devi lalāṭanetraṃ
satyaṃ hiyaiva mukulīkṛtamindumauleḥ

4.8

ajñātasambhavamanākalitānvavāyaṃ
bhikṣuṃ kapālinamavāsasamadvitīyam
pūrvaṃ karagrahaṇamaṅgalato bhavatyāḥ
śambhuṃ ka eva bubudhe girirājakanye

4.9

carmāmbaraṃ ca śavabhasmavilepanaṃ ca
bhikṣāṭanaṃ ca naṭanaṃ ca paretabhūmau
vetālasaṃhatiparigrahatā ca śambhoḥ
śobhāṃ bibharti girije tava sāhacaryāt

4.10

kalpopasaṃharaṇakeliṣu paṇḍitāni
caṇḍāni khaṇḍaparaśorapi tāṇḍavāni
ālokanena tava komalitāni mātaḥ
lāsyātmanā pariṇamanti jagadvibhūtyai

4.11

jantorapaścimatanossati karmasāmye
niśśeṣapāśapaṭalacchidurā nimeṣāt
kalyāṇi deśikakaṭākṣasamāśrayeṇa
kāruṇyato bhavati śāmbhavavedhadīkṣā

4.12

muktāvibhūṣaṇavatī navavidrumābhā
yaccetasi sphurasi tārakiteva sandhyā
ekassa eva bhuvanatrayasundarīṇāṃ
kandarpatāṃ vrajati pañcaśarīṃ vināpi

4.13

ye bhāvayantyamṛtavāhibhiraṃśujālaiḥ
āpyāyamānabhuvanāmamṛteśvarīṃ tvām
te laṅghayanti nanu mātaralaṅghanīyāṃ
brahmādibhissuravarairapi kālakakṣām

4.14

yassphāṭikākṣaguṇapustakakuṇḍikāḍhyāṃ
byākhyāsamudyatakarāṃ śaradinduśubhrām
padmāsanāṃ ca hṛdaye bhavatīmupāste
mātassa viśvakavitārkikacakravartī

4.15

barhāvataṃsayutabarbarakeśapāśāṃ
guñjāvalīkṛtaghanastanahāraśobhām
śyāmāṃ pravālavadanāṃ sukumārahastāṃ
tvāmeva naumi śabarīṃ śabarasya jāyām

4.16

ardhena kiṃ navalattālalalitena mugdhe
krītaṃ vibhoḥ paruṣamardhamidaṃ tvayeti
ālījanasya parihāsavacāṃsi manye
mandasmitena tava devi jaḍībhavanti

4.17

brahmāṇḍabudbudakadambakasaṅkulo'yaṃ
māyodadhirvividhataccataraṅgamālaḥ
āścaryamamba jhaḍiti pralayaṃ prayāti
tvadhyānasantatimahāvaḍavāmukhāgnau

4.18

dākṣāyaṇīti kuṭileti kuhāriṇīti
kātyāyanīti kamaleti kalāvatīti
ekā satī bhagavatī paramārthato'pi
sandṛśyase bahuvidhā nanu nartakīva

4.19

ānandalakṣaṇamanāhatanāñci deśe
nādātmanā pariṇataṃ tava rūpamīśe
pratyaṅmukhena manasā paricīyamānaṃ
śaṃsanti netrasalilaiḥ pulakaiśca dhanyāḥ

4.20

tvaṃ candrikā śaśini tigmarucau rucistvaṃ
tvaṃ cetanāsi puruṣe pavane balaṃ tvam
tvaṃ svādutāsi salile śikhini tvamūṣmā
nissārameva nikhilaṃ tvadṛte yadi syāt

4.21

jyotīṃṣi yaddivi caranti yadantarikṣaṃ
srute payāṃsi yadahirdharaṇīṃ ca dhatte
yadvāti vāyuranalo yadudarcirāste
tatsarvamamba tava kevalamājñayaiva

4.22

saṅkocamicchasi yadā girije tadānīṃ
vākkarkayostvamasi bhūmiranāmarūpā
yadvā vikāsamupayāsi yadā tadānīṃ
tvannāmarūpagaṇanāssukarā bhavanti

4.23

bhogāya devi bhavatīṃ kṛtinaḥ praṇamya
śrīkiṅkarīkṛtasarojagṛhāssahasram
cintāmaṇipracayakalpitakeliśaile
kalpadrumopavana eva ciraṃ ramante

4.24

hartuṃ tvameva bhavasi tvadadhīnamīśe
saṃsāratāpamakhilaṃ dayayā paśūnām
vaikartanī kiraṇasaṃhatireva śaktā
dharmaṃ nijaṃ śamayituṃ nijayaiva vṛṣṭyā

4.25

śaktiśśarīramadhidaivatamantarātmā
jñānaṃ kriyā karaṇamānasajālamicchā
aiśvaryamāyatanamāvaraṇāni ca tvaṃ
kiṃ tanna yadbhavasi devi śaśāṅkamauleḥ

4.26

bhūmau nivṛttiruditā payasi pratiṣṭhā
vidyā'nale maruti śāntiratīva kāntiḥ
vyomnīti yāḥ kila kalāḥ kalayanti viśvaṃ
tāsāṃ hi dūrataramamba padaṃ tvadīyam

4.27

yāvatpadaṃ padasarojayugaṃ tvadīyaṃ
nāṅgīkaroti hṛdayeṣu jagaccharaṇye
tāvadvikalpajaṭilāḥ kuṭilaprakārāāḥ
tarkagrahāssamayināṃ pralayaṃ na yānti

4.28

nirdevayānapitṛyānavihārameke
kṛtvā manaḥ karaṇamaṇḍalasārvabhaumam
dhyāne niveśya tava kāraṇapañcakasya
parvāṇi pārvati nayanti nijāsanatvam

4.29

sthūlāsu mūrtiṣu mahīpramukhāsu mūrteḥ
kasyāśvanāpi tava vaibhavamamba yasyāḥ
patyā girāmapi na śakyata eva vaktuṃ
sāpi stutā kila mayeti titikṣitavyam

4.30

kālāgnikoṭirucimamba ṣaḍadhvaśuddhau
āṣplāvaneṣu bhavatīmamṛtaughavṛṣṭim
iyāmāṃ ghanastanataṭāṃ śakalīkṛtāghāṃ
dhyāyanta eva jagatāṃ guravo bhavanti

4.31

vidyāṃ parāṃ katicidambaramamba kecit
ānandameva katicitkaticicca māyām
tvāṃ viśvamāhurapare vayamāmanāmaḥ
sākṣādapārakaruṇāṃ gurumūrtimeva

4.32

kuvalayadalanīlaṃ varvarasnigdhakeśāṃ
pṛthutarakucabhārākrāntakāntāvalagnam
kimiha bahubhiruktaistvatsvarūpaṃ paraṃ naḥ
sakalajanani mātassantataṃ sannidhattām

Linked texts (2)