[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Śaiva traditions](https://indike.org/pramana/in.sampradaya.saiva) › [Śaiva and Śākta scriptures (Mantramārga)](https://indike.org/pramana/in.sampradaya.saiva.agama) › [The ten Śivāgamas](https://indike.org/pramana/in.sampradaya.saiva.agama.siva) › [Kāmikāgama](https://indike.org/pramana/in.sampradaya.saiva.agama.siva.kamika) › [Mṛgendra](https://indike.org/pramana/in.sampradaya.saiva.agama.siva.kamika.mrgendra) › [Mrgendra Agama](https://indike.org/pramana/in.sampradaya.saiva.agama.siva.kamika.mrgendra*alt) › 1 # Mrigendra 1 Mṛgendra (another edition) 1 - **Language:** Sanskrit ### [1.1](https://indike.org/pramana/in.sampradaya.saiva.agama.siva.kamika.mrgendra*alt.1.1) śivābhyāṃ namaḥ | ### [1.2](https://indike.org/pramana/in.sampradaya.saiva.agama.siva.kamika.mrgendra*alt.1.2) mṛgendram | ### [1.3](https://indike.org/pramana/in.sampradaya.saiva.agama.siva.kamika.mrgendra*alt.1.3) dīpikāsahitayā vṛttyā'laṅkṛtam | ### [1.4](https://indike.org/pramana/in.sampradaya.saiva.agama.siva.kamika.mrgendra*alt.1.4) vidyāpādaḥ | ### [1.5](https://indike.org/pramana/in.sampradaya.saiva.agama.siva.kamika.mrgendra*alt.1.5) dīpikā | ### [1.6](https://indike.org/pramana/in.sampradaya.saiva.agama.siva.kamika.mrgendra*alt.1.6) yasya jñānakriyārūpā śaktirbhuvi vimuktidā | sarvajñānavidhātāraṃ taṃ vande parameśvara || 1 || śrīmanmṛgendravṛttau nārāyaṇakaṇṭhapādaracitāyām | yuktyāgamāviruddhaṃ tātparyārthaṃ prakāśayāmyadya || 2 || yortho vṛttikṛtā svayaṃ sphuṭataraṃ vyākhyāyate śāṅkare śāstre'sminna hi tatra kiñcana mayā vaktavyamālokyate | yassyādvistarabhīruṇā na gadito yaścāsphuṭaṃ sūcita - statraivāgamayuktiyuktamadhunā kiñcinmayāpyucyate || 3 || ### [1.7](https://indike.org/pramana/in.sampradaya.saiva.agama.siva.kamika.mrgendra*alt.1.7) rāmakaṇṭhamahākaṇṭhakaṇṭhīravapadānugaḥ | na kutārkikamātaṅgagarjitebhyo bibhemyaham || 4 || ### [1.8](https://indike.org/pramana/in.sampradaya.saiva.agama.siva.kamika.mrgendra*alt.1.8) tatra tāvadatrabhavānācāryaśśiṣṭācārānuvidhānāya śāstrasyāpyavighnaparisamāptaye ca śāstrasya karaṇopādānakartṝnavatārakāṃśca gurūn pūrvordhena praṇamati | uttarārdhena tu śāstravyākhyāṃ pratijānīte | candrārdhetyādi | ### [1.9](https://indike.org/pramana/in.sampradaya.saiva.agama.siva.kamika.mrgendra*alt.1.9) \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ aṣṭāviṃśatyāgameṣvādibhūtakāmikasyopāgamamidaṃ mṛgendram | mṛgendrasaṃjñākāraṇaṃ lagne spaṣṭībhaviṣyati | ### [1.10](https://indike.org/pramana/in.sampradaya.saiva.agama.siva.kamika.mrgendra*alt.1.10) vṛttiḥ | ### [1.11](https://indike.org/pramana/in.sampradaya.saiva.agama.siva.kamika.mrgendra*alt.1.11) candrārdhacūḍacaraṇābjayugaṃ praṇamya vāgīśvarīṃ gaṇapatiṃ kramaśo gurūṃśca | leśādyathāmati yathāgamayuktigūḍhaṃ śrīmanmṛgendraparamārthamahaṃ vyanajmi || 1 || ### [1.12](https://indike.org/pramana/in.sampradaya.saiva.agama.siva.kamika.mrgendra*alt.1.12) dīpikā | ### [1.13](https://indike.org/pramana/in.sampradaya.saiva.agama.siva.kamika.mrgendra*alt.1.13) candrārdhaṃ candrakalā prakāśakatvādāhlādakatvācca jñānaśaktireva candrakalātvenocyate, saiva cūḍā bhūṣaṇaṃ yasya | jñānacandrakalāñcita iti śruteḥ | tasya parameśvarasya | caryate gamyate jñāyate ācaryate anuṣṭhīyate kriyate cāneneti caraṇau jñānakriyāśaktī śāstrapraṇayanakaraṇabhūte | yadvakṣyati karaṇaṇ ca na śaktyanyat | iti | vikasanaśīlatvādvimalatvācca ta evābje tayoryugaṃ samaṣṭirūpam | ekatve'pi śakterupacārātjñeyakāryopādhibhedavivakṣayā yugamityuktam | praṇamya kāyavāṅganobhiḥ prahvībhūya | vāgīśvarīṃ | śāstropādānabhūtāṃ mahāmāyātmikāṃ parigrahavartinīṃ paravidyāsvarūpāṃ śaktim | yaduktaṃ śrīmatpauṣkare parā vāgīśvarī vidyā māyāvidyā'parā smṛtā | iti | yadvakṣyāṃte śakternādo bhavedi tyādi | tathā gaṇapatiṃ gaṇānāṃ vidyeśvarāṇāṃ vidyānāṃ aparamantreśvarāṇāṃ paśusaṅghānāṃ ca patiḥ paramaśivaḥ taṃ ca śāstrapraṇetāraṃ praṇamya | kartuḥ kriyāyāṃ sādhakatamatvātprathamaṃ karaṇopādānam | sakaraṇasyāpyupādānāpekṣitvāt upādānopādānaṃ paścātkarturupādānam | kramaśaḥ | yathā kramam | gurūn | anantaśrīkaṇṭha śakrabharadvājahārītān tantrāvatārakān anyāṃśca svaguruparyantān praṇamya śrīmanmṛgendraparamārthaṃ vyanajmīti sambandhaḥ | anena śāstrasya parameśvarapraṇītatvena prāmāṇyaṃ ātmanaścāvichinnasampradāyāgatatvena''satvaṃ darśayati | leśāt saṃkṣepāt | yathāmati yathābodham | na hi pārameśaṃ śāstraṃ brahmaṇāpyaśeṣataḥ parijñātuṃ śakyam | yadyevaṃ svamanīṣikayā yatkiṃcidabhidadhānosāvanāpta eva syāt | ata āha yathāgamayuktīti | āgamānumānānatikrameṇetyarthaḥ | gūḍhaṃ atigambhīram | ayaṃ ca vyākhyāpravṛttau viśeṣaṇadvāreṇa hetuḥ | gūḍhatvādevāsau vyākhyeya ityarthaḥ | śrīmanmṛgendraparamārthamiti | śrīmat sarveśvaratvātparameśvaro'pi śrīḥ sā vidyate yathā kartṛtayā yasmin śāstre śrīmaccedaṃ mṛgendraṃ ca | nanu daśāṣṭādaśabhinneṣu śivaśāstreṣu mṛgendrākhyayā kimapi na śrūyate | satyam | ata evedaṃ kāmikākhyaṃ jñānaśāstraṃ mṛgendrarūpiṇā śakreṇā''śritatvāt mṛgendramityucyate | yadvakṣyatyupasaṃhāre ityetatkāmikaṃ jñānamavāptaṃ parameśvarāt iti | tathā | jñānaṃ caitatparaṃ guhyaṃ yadvispaṣṭaṃ jagattraye | śroturmṛgendrarūpatvānmṛgendramiti sūribhi riti || tasya paramārthe arthayāthārthyaṃ | vyanajmi | prakaṭīkaromi iti | ### [1.14](https://indike.org/pramana/in.sampradaya.saiva.agama.siva.kamika.mrgendra*alt.1.14) dīpikā | ### [1.15](https://indike.org/pramana/in.sampradaya.saiva.agama.siva.kamika.mrgendra*alt.1.15) ye kila vyākhyātāraḥ prakṛtānupayogi yatkiṃcidbahutaraṃ pralapanti | ye ca kuśalaṃmanyamānā vyākhyeyamarthaṃ spaṣṭamityupekṣante tānubhayaprakārān dvitīyena ślokenā''kṣipati | ### [1.16](https://indike.org/pramana/in.sampradaya.saiva.agama.siva.kamika.mrgendra*alt.1.16) vṛtīḥ | ### [1.17](https://indike.org/pramana/in.sampradaya.saiva.agama.siva.kamika.mrgendra*alt.1.17) kecitsvabodhavibhavaprathanāya tāva - dgarjantyalaṃ na kila yatprakṛtopayogi | anye punaḥ paṭudhiyo na vivecayanti spaṣṭārthametaditi tattadupekṣamāṇāḥ || 2 || ### [1.18](https://indike.org/pramana/in.sampradaya.saiva.agama.siva.kamika.mrgendra*alt.1.18) dīpikā | ### [1.19](https://indike.org/pramana/in.sampradaya.saiva.agama.siva.kamika.mrgendra*alt.1.19) tṛtīyenā''tmavyākhyāyāssādhutvaṃ sūcayan - ### [1.20](https://indike.org/pramana/in.sampradaya.saiva.agama.siva.kamika.mrgendra*alt.1.20) vṛttiḥ | ### [1.21](https://indike.org/pramana/in.sampradaya.saiva.agama.siva.kamika.mrgendra*alt.1.21) saṃkṣepataḥ prakṛtavastvaparisphuṭaṃ ye vyācakṣate padapadārthasamanvayena | prāyaḥ kuśāgramatibhistadihādriyante vyākhyākṛto viphalavistarabhīrubhiśca || 3 || ### [1.22](https://indike.org/pramana/in.sampradaya.saiva.agama.siva.kamika.mrgendra*alt.1.22) dīpikā | ### [1.23](https://indike.org/pramana/in.sampradaya.saiva.agama.siva.kamika.mrgendra*alt.1.23) sādhuvyākhyālakṣaṇamāha sākṣādityādiślokatrayeṇa | ### [1.24](https://indike.org/pramana/in.sampradaya.saiva.agama.siva.kamika.mrgendra*alt.1.24) vṛttiḥ | ### [1.25](https://indike.org/pramana/in.sampradaya.saiva.agama.siva.kamika.mrgendra*alt.1.25) sākṣācchrīkaṇṭhanāthādiva sukṛtijanānugrahāyāvatīrṇā- cchrutvā śrīrāmakaṇṭhācchivamatakamalonmīlanaprauḍhabhāsvān | śrīvidyākaṇṭhabhaṭṭastadidamupadiśannādideśaitadenāṃ spaṣṭārthāmatra laghvīṃ viracaya vivṛtiṃ vatsa sarvopayogyām || uparyuparyeva kṛtāni kaiści - nmatāntarāṇāṃ hi nibandhanāni | nodbhinnamudraṃ tvidamadya yāva - ttasmādgururmāmidamanvaśātsaḥ || 5 || tenāhamasyāṃ vivṛtau pravṛto nollaṅghanīyā hi guroranujñā | yadṛcchayā ko'tigabhīraśabdaṃ mṛgendramākṣeptumidaṃ vyavasyet || 6 || ### [1.26](https://indike.org/pramana/in.sampradaya.saiva.agama.siva.kamika.mrgendra*alt.1.26) dīpikā | ### [1.27](https://indike.org/pramana/in.sampradaya.saiva.agama.siva.kamika.mrgendra*alt.1.27) śāstrasampradāyavyākhyāpravṛttau ca kāraṇamabhidhatte | adhyayanaśravaṇādāvitra śāstravyākhyāne'pi gurvājñaiva pravartanaheturityabhiprāyaḥ | yaduktamācāryairapi | gurūpasadanātprabhṛti sarvatra tairguruvākyādeva pravartitavyamiti | mṛgendramiti | mṛgendraṃ śāstraṃ siṃhaṃ ca | gabhīraśabdamiti | gabhīratvaṃ śāstrasya gabhīrārtthatayā mantratvena ceti | ### [1.28](https://indike.org/pramana/in.sampradaya.saiva.agama.siva.kamika.mrgendra*alt.1.28) kimapītyādinā anuktaduruktasandigdhāni samādhatte | ### [1.29](https://indike.org/pramana/in.sampradaya.saiva.agama.siva.kamika.mrgendra*alt.1.29) vṛttiḥ | ### [1.30](https://indike.org/pramana/in.sampradaya.saiva.agama.siva.kamika.mrgendra*alt.1.30) kimapi yadiha noktaṃ yacca kiñcidduruktam kathitamapi mayā yatprasphuṭaṃ nāvabhāti | dinakṛta iva doṣāpahnavaikapravṛttā - stadapi vibudhamukhyāsspaṣṭayantaḥ kṣamantām || ### [1.31](https://indike.org/pramana/in.sampradaya.saiva.agama.siva.kamika.mrgendra*alt.1.31) ataḥ paraṃ pravartantāṃ vṛttayopyuttarottarāḥ | prajvālitātpradīpādvikasvarā dīpasantatiḥ || ### [1.32](https://indike.org/pramana/in.sampradaya.saiva.agama.siva.kamika.mrgendra*alt.1.32) dīpikā | ### [1.33](https://indike.org/pramana/in.sampradaya.saiva.agama.siva.kamika.mrgendra*alt.1.33) doṣeti | rātrirityarthaḥ guṇaviparyayāśca | vṛtyaṃtarāṇyapyanayaiva mātṛkayā pravartantāmityāha | ataḥ paramityādi || ### [1.34](https://indike.org/pramana/in.sampradaya.saiva.agama.siva.kamika.mrgendra*alt.1.34) vṛttiḥ | ### [1.35](https://indike.org/pramana/in.sampradaya.saiva.agama.siva.kamika.mrgendra*alt.1.35) athānādimalāpeta iti tantram | yatpunaḥ parameśaṃ namaskṛtyetyādyupoddhātaprakaraṇaṃ tatsambandhābhidheyaprayojanaṃ tantrāvatārakramanidarśanārtham | purā khalu tatra bhagavān bharadvājaśiṣyassamadhigatasakalavedaśāstrārthatatvo munirhārītanāmā śivaśaktyunmukhī kṛtacetobhissamāsāditadīkṣairjñānakriyācaryā- yogajijñāsubhirnaimiśāraṇyavāsibhistapodhanaiḥ kṛtapraṇāmāṃjalibhirūrdhvasrotaḥprasṛtaṃ śrīmatkāmikabhedamimaṃ mṛgendrottarasaṃjñakaṃ pṛṣṭaṃssadā śiṣyaguṇopapannān dṛṣṭvā parameśvarādipraṇāmapūrvakamidamāheti hārītaśiṣyastatpraśiṣyo vā viraktimanukurvan svaśiṣyānidamavadat | ### [1.36](https://indike.org/pramana/in.sampradaya.saiva.agama.siva.kamika.mrgendra*alt.1.36) mūlam | ### [1.37](https://indike.org/pramana/in.sampradaya.saiva.agama.siva.kamika.mrgendra*alt.1.37) parameśaṃ namaskṛtya bharadvājamṛṣiṃ tataḥ | harādindrakramāyātaṃ jñānaṃ śṛṇuta suvratāḥ || ### [1.38](https://indike.org/pramana/in.sampradaya.saiva.agama.siva.kamika.mrgendra*alt.1.38) vṛttiḥ | ### [1.39](https://indike.org/pramana/in.sampradaya.saiva.agama.siva.kamika.mrgendra*alt.1.39) he suvratāḥ parameśvarabhaktiprakarṣaparipoṣitaśobhātiśaya-vatvātsu śobhanaṃ vrataṃ śāstrīyaniyamānuṣṭhānaṃ yeṣāṃ te | ye ca śrotārassambodhitāḥ yadvakṣyatyupasaṃhāre bhavatsu śivaśītāṃśujyotsnāpāṇḍuṣvidaṃ mayā | tadicchayokta miti | harādindrakramāyātaṃ jñānaṃ śṛṇuta ākarṇayata iti sambandhaḥ | harati paśubhyaḥ pāśān puṃsopyūrdhve padamatastu haraḥ iti | yadyapi yaugikīyaṃ saṃjñā ananteśādiṣvapi sāmānyāḥ | tathā'pīndraśabdasannidherihomāpatāveva haraśabdo jñeyaḥ | yadāhuḥ arthaḥ prakaraṇaṃ liṅgaṃ śabdasyānyasya sannidhiḥ | proktāssāmānyaśabdānāṃ viśeṣasthitihetavaḥ | iti | kuta etaditi cedyasmādaindre'smin kāmikabhede bhagavata umāpatervaktṛtvenendrasya śrotṛtvenaiva sambandhaḥ pratītaḥ | tathāhi purastādihaiva munīnāmindro vakṣyati | ### [1.40](https://indike.org/pramana/in.sampradaya.saiva.agama.siva.kamika.mrgendra*alt.1.40) śivodgīrṇamidaṃ jñānaṃ mantramantreśvareśvaraiḥ | kāmadatvātkāmiketi pragītaṃ bahuvistaram || tebhyovagatya dṛgjyotirjvālālīḍhasmaradrumaḥ | ### [1.41](https://indike.org/pramana/in.sampradaya.saiva.agama.siva.kamika.mrgendra*alt.1.41) dadāvumāpatirmahyam | iti | tasmā ddharādindratkramācchrīkaṇṭha- nāthāt indrādikrameṇā''yātamavatīrṇam | jñāyante'nena vidyācaryākriyāyogā iti jñānaṃ śāstram | kiṃkṛtvā śṛṇuta parameśvaraṃ namaskṛtya sṛṣṭisthitisaṃharaṇādibhiścidacillakṣaṇaṃ viśvamīṣṭa itīśaḥ | īśitṛtvaṃ cānanteśādīnāmapyastīti paramapadena viśeṣaṇam | paramaścāsau anyeṣāṃ tadanugrahataśśivatvābhivyakterīśvaraśca svātantryeṇa sṛṣṭyādikaraṇāt parameśaḥ | taṃ namaskṛtya kāyavāṅmanobhistasmin prahvībhūya tataḥ anantaraṃ tantrāvatārakaṃ bharadvājaṃ ṛṣimiti ṛṣa gatāviti dhātossarveṣāṃ ca gatyarthānāṃ jñānārthatvādapi paramārthatayā ṛṣiḥ | taṃ ca namaskṛtya śṛṇuteti śrotṝṇāṃ namaskāropadeśaḥ | anamaskṛtaparameśvarāṇāmapraṇata-gurūṇāṃ ca nirvighnaṃ saṃhitādhigamanāsambhavāt | yaśca śrotṛjana-mevaṃ śikṣayati saḥ arthātkṛtatathāvidhaḥ pravartata iti gamyate, tena yathā parameśvaraṃ gurūṃśca natvāhaṃ upadeṣṭuṃ pravṛttastathā yūyamapi śrotuṃ pravartadhvamiti vyavasthitam | yathā caitadindrasyomāpa-tinopadiṣṭaṃ tatparisamāptau yadyapi grantha evāsti | tathā'pi vyākhyā-nopakrame sambandhāderavaśyābhidheyatvātkiñciducyate | kadācit atiruciraratnaprakaravinicitakanakamayakamanīyamahītalamano- harasaptamajaladhiṃ tadviharaṇabhoginaṃ nīlotpalatviṣaṃ caturbhujaṃ dvikandharādhāramukhadvayena vedādhyayanasurāpānasāṅkaryakā-riṇaṃ asuranivahaparivṛtaṃ durmataṃ mahāsuraṃ tridaśapatirapaśyat | atha tathāvidhadurācāradarśanajanitakopākulitamunigaṇasahitaśśata- kraturakṣamamāṇo labdhavaratvātprasabhamastrairavadhyaṃ budhyan phenāntarhitavajreṇa asurasya śirodvayaṃ ciccheda | tadvyāpādanataśca vṛhmahatyājanitamaghamāśaṅkamānastatpraśāntaye bhagavantamacyutaṃ nāmnāṃ sahasreṇa ṛgyajussāmabhiścāstauṣīt | prasannena hariṇā navoditabhāsvadbhāsuraṃ sarvahatyabhibhāvukaṃ nārasiṃhaṃ kavacaṃ prayacchatā proktaṃ yathaitatsannaddhadehastvaṃ tapaḥ kuruṣva bhagavantaṃ pinākinamārādhayan varṣasahasrānte tu taṃ dṛṣṭvā'bhimatamāsādayiṣyasītyuktvāntarhite murārau sarvaṃ tadindreṇa kṛtam | atha pratyakṣībhūte bhagavati pinākini nikhiladuḥkhāntaścāsya sañjātaḥ | śrīmatkāmikākhyañcāsmai parameśvara upadideśa | yataścendrasya nṛsiṃharūpiṇassamupadiṣṭamidamumāpatinā tato mṛgendraśrotṛtvānmṛgendrasaṃjñayā prathitam | ### [1.42](https://indike.org/pramana/in.sampradaya.saiva.agama.siva.kamika.mrgendra*alt.1.42) sambandhastvatra ṣaṭprakāraḥ parādiḥ | tathā hi sargādau parameśvara ūrdhvaprāgdakṣiṇottarapaścimasrotaḥpañcakabhedabhinnaṃ jñānaṃ svecchānugṛhītavidyeśvarāṣṭakaprabodhanānantaraṃ tadabhivyaktaṃ mantreśvarādibhyo vakṣyamāṇavadādideśa | tathā coktaṃ kiraṇe - sṛṣṭyanantarameveśaśśivān sṛṣṭvā daśātmajān | jñānamekaṃ vibhajyāśu teṣāṃ tatsaṅkhyayā'vadat | kāmikaṃ praṇavākhyasya yogajamityādi || atra ātmajāniti ātmanaiva niradhikaraṇenānugraheṇānugṛhītānityāśayaḥ | tebhyaḥ umāpatiḥ prāpa | tasmācca śakraḥ | tato'pi bharadvājaḥ | tatsakāśāttu hārītaḥ | sa punaḥ svaśiṣyebhyaḥ prāheti parastātsarvaṃ spaṣṭīkariṣyāmaḥ | abhidheyāśceha jñānakriyāyogacaryāḥ | prayojanaṃ cā'tra tatjñaptiḥ | tatprayojanamapi bhuktimuktī | parameśvarasadbhāvasādhakapramāṇopa-nyāsaḥ tadbādhakanirākaraṇaṃ ca yadyapi tatpraṇītāgamaprāmāṇyasādhanāya prathamamevopayujyate | tathāpi śāstrakāreṇaivā'traitadvicāritaṃ atastatraiva vakṣyāmaḥ | kevalametāvadeveha pratijānīmahe | yaduktaṃ - āyurvedācca gaṇitānmantravādācca sasvarāt | rasopaniṣadāṭopādāptassa parigṛhyate | iti | taccā''ptatvaṃ sāñjanatvādasarvārthadṛśāṃ darśanāntarapraṇetṝṇāṃ svasvaviṣayameva | nityanirmalaniratiśayasarvārthajñānakriyāśaktestu sarvadā sarvānugrahapravṛttasya parameśvaratvādeva sarvādhiṣṭhātussarvaviṣayam | evaṃvidhaviśeṣaṇaviśiṣṭasya vaktuṃrvipralambhakatvāsambhāvanāt nā'prāmāṇyam | etacca yathāvasaraṃ vakṣyāmaḥ | tadevamīdṛgrūpo bhagavānāgamasya kartā | āgamastu taṃ jñāpayati | ataśca dvayorapi visadṛśakriyatvāt nātretaretarāśrayadoṣassyāt | yathā kaścidevaṃ vakti devadatto'hamāyāta-iti | tadvākyaśravaṇācca tadanye manyante devadatto'yamāyāta iti | na cātra devadattasya tadvākye cetaretarāśrayatvaṃ yuktam | tadukteṣu ca dṛṣṭārtheṣu viṣabhūtarasavādādiṣu tadāgamasya phalavatvamupalabhyā'dṛṣṭārthasya tacchāsanasyāpi phaladatvamanumīyata ityalamanena | prakṛtamanusarāmaḥ || 1 || ### [1.43](https://indike.org/pramana/in.sampradaya.saiva.agama.siva.kamika.mrgendra*alt.1.43) dīpikā | ### [1.44](https://indike.org/pramana/in.sampradaya.saiva.agama.siva.kamika.mrgendra*alt.1.44) śāstrasvarūpaṃ darśayati athānādītyādinā | upodghātapaṭalasya prayojanamāha yatpunarityādinā | yadāhuḥ cintāṃ prakṛtasiddhyarthāmupodghātaṃ pracakṣata iti | upodghātapaṭalasya prastāvamāha purā khalvityādinā | samāsāditadīkṣaiḥ iti, nādīkṣitānāṃ śravaṇādhikāra ityarthaḥ | ūrdhvasrota ityādi siddhāntarūpaṃ na vāmādikam | mṛgendrottarasaṃjñamiti mṛgendraṃ pratyuktavān mṛgendrottarākhyaṃ na tu mṛgendraikadeśabhūtam | jñānādipādacatuṣṭayayogāt | śiṣyaguṇopapannāniti | yaduktaṃ arthī śakto vidvān śāstreṇāparyudastastantre'dhikriyata iti | parameśvarādīti ādigrahaṇādbharadvājaḥ vyākhyānādau pūjyo'bhivandyaśca guruḥ yataḥ | hārītaśiṣya ityādi hārītavacanameva hārītaśiṣyādibhiranūdyata ityarthaḥ | vrataṃ śāstrīyaniyamānuṣthānaṃ sāmānyaviśeṣaśāstrasiddham | śrīmadbhārgave iti varṇāśramācārān manasāpi na laṃghayet | yo yasminnāśrame tiṣṭhan prāpto dīkṣāṃ śivātmikām | sa tasminneva santiṣṭhet śivadharmaṃ ca pālayediti | śrīmatsvāyambhuve'pi - gṛhiṇo lokamārgasthā laṅghayeyurna laukikam | acāradīkṣitāstadvatkurvīranniti | harati paśubhyaḥ pāśānityādi haraśabdenātrānantaśiṣyaḥ śrīkaṇṭhaḥ procyata iti | atra hetumāha indraśabdasannidheriti tasyaiva brahmāṇḍamadhyādhikāritvādityarthaḥ | etadeva prapañcayituṃ praśnayati | kuta etadityādi | pariharati yasmādityādi harādindrakramāyātamityatra indraśabdo bharadvājasyāpyupalakṣaṇamityāha indrakrameṇeti | jñānapadaṃ vyācaṣṭe jñāyante'nenetyādi | vidyāśabdenātra vidyāpādavācyaḥ patyādirartho gṛhyate | tadanugrahataśśivatvābhivyakteriti | ### [1.45](https://indike.org/pramana/in.sampradaya.saiva.agama.siva.kamika.mrgendra*alt.1.45) vidyeśvarādīnāṃ śivānugrahādeva sarvajñatvābhivyakteḥ | yadvakṣyati - tatrādau kevalāṇūnāṃ yogyānāṃ kurute'ṣṭakam | vāmādiśaktibhiryuktaṃ saptakoṭiparichada miti | atastasminneveśaśabdasya mukhyatvamityāha svātantryeṇetyādi anantādīnāṃ tatpreraṇayaiva sṛṣṭyādikaraṇāt sarvajñatve'pi teṣāṃ śivāpekṣayā kartṛtvaṃ nyūnamityarthaḥ | bharadvājasya ṛṣitvaprasiddhau ṛṣiśabdasya punaruktatāmāśaṅkaya pariharati ṛṣa gatāvityādi | sambandhāderityādigrahaṇāt abhidheyaṃ prayojanaṃ ca gṛhyete | tatra sambandhaprakāśanārthamitihāsamāha | kadācidityādi | viharaṇabhoginamiti krīḍāvyasaninam | nikhiladuḥkhāntaścāsya sañjāta iti nikhiladuḥkhahetutvāt nikhilaṃ duḥkhaṃ malaḥ tasyānto vyapagamaḥ sañjātaḥ tatkāla eva malaparipākavaśācchaktinipātapūrvakaṃ nirvāṇadīkṣāsya sampannetyarthaḥ | ata evādhikāritvāt śrīmatkāmikākhyaṃ cāsmai parameśvara upadideśa śāstramiti śeṣaḥ | sambandhaprakārānāha sambandhastvityādi parādiriti paro mahānantarālo divyo divyādivyo'divyaśceti | tāneva darśayati tathāhītyādinā | srotaḥ pañcakabhinnamiti siddhāntarūpamevedaṃ pañcamantraparigrahatvāt pañcakṛtyapratipādakatvāt pañcamantrātmakaśivadehābhivyaktatvācca pañcasrotorūpamucyate | na vāmādikamapi teṣāmaśivakartṛkatvāt kathaṃ punasteṣāmapi śaivatvena kvacitprasiddhiḥ upacārāt śivādhiṣṭhitā''tmāntarapraṇītatvena | yadyevaṃ parameśvarasyāśarīratvāt śāstropadeśānupapattiḥ | na jagatsṛṣṭyādivatsaṅkalpamātreṇaiva vidyeśvarādīmāṃ śāstrāvabodhakatvāt | tadevāha svecchānugṛhītetyādi | nanu kāmikādayaśśivabhedāḥ praṇavādīnāmupadiṣṭā iti śrūyante | tatkathaṃ vidyeśvarāṇāmupadeśaḥ | ata āha vidyeśvarāṣṭakapravodhanānantaramiti prathamaṃ vidyaśverāṇāmupadeśaḥ paścātpraṇavādīnāmiti | tebhya umāpatiriti tebhyo'nantaram anantabhaṭṭārakācchrīkaṇṭhaḥ prāpa na tu sūkṣmādibhyo vā | anantaśiṣyatvenaiva prasiddheḥ | uktañca śrīmadraurave jagataḥ kāraṇaṃ devamananteśaṃ paraṃ gurum | tenoktaṃ parameśāna śrīkaṇṭhāya mahātmane iti | tadevaṃ śivānantayoḥ parassabandhaḥ | ananta śrīkaṇṭhayormahān | śrīkaṇṭhaśakrayorantarālaḥ | śakrabharadvājayoḥ divyaḥ | bharadvājahārītayordivyādivyaḥ | hārītatacchiṣyayoradivyaḥ | ### [1.46](https://indike.org/pramana/in.sampradaya.saiva.agama.siva.kamika.mrgendra*alt.1.46) jñānakriyāyogacaryā iti jñānaśabdenātra jñeyāḥ patipaśupāśāḥ kathyante prayojanañcātra jñaptiriti ata evopāyopeyalakṣaṇaścāyaṃ sambandho'tra sūcitaḥ tadevamīdṛgrūpa iti paramāptaḥ | dvayorapīti kartṛjñāpakatvena visadṛśakriyatvānnetaretarāśrayadoṣa iti | tadevodāharaṇena spaṣṭayati yathā kaścidityādi || 1 || ### [1.47](https://indike.org/pramana/in.sampradaya.saiva.agama.siva.kamika.mrgendra*alt.1.47) vṛttiḥ | ### [1.48](https://indike.org/pramana/in.sampradaya.saiva.agama.siva.kamika.mrgendra*alt.1.48) tadevaṃ hārītamunissvaśiṣyāṇāṃ jñānopadeśaṃ pratijñāya tata indrakramāyātatvaṃ darśayitumāha | ### [1.49](https://indike.org/pramana/in.sampradaya.saiva.agama.siva.kamika.mrgendra*alt.1.49) || mū || nārāyaṇāśrame puṇye bharadvājādayo dvijāḥ | tepuḥ śivaṃ pratiṣṭhāpya tadekāhitamānasāḥ || 2 || ### [1.50](https://indike.org/pramana/in.sampradaya.saiva.agama.siva.kamika.mrgendra*alt.1.50) badarikāśramanāmni viṣṇorāśrame tadāśramatvādeva pāvane bharadvājaprabhṛtayo munayastepuriti sambandhaḥ | bharadvājādīnāmṛṣīṇāṃ dvijatvaprasiddhisambhavāt dvijā iti viśeṣaṇaṃ vāgīśvarīvibhavasaṃyogāt na sañjananādinā | kṛtadīkṣatvenotkarṣavatvapratipādanārtham | tadānīṃ na punarupanītatvamātraṃ smārtavadvijaśabdeneṣṭam | adīkṣitānāṃ tantrādiśravaṇānadhikārāt pratyuta pratyavāyaśruteḥ | śivaṃ pratiṣṭāpyeti | lohabāṇaliṅgādāvādhāre sāmānyamantrādinā parameśvarapratiṣṭhāpanaṃ parikalpyetyāśayaḥ | anyathā yathāvadviditatattadvidhānānāṃ parastātpratiṣṭhādiviṣayasya praśnasyānupapatteḥ | tasminnevaikasminnāhitaṃ ekāgrīkṛtaṃ mānasaṃ yaiste tathāvidhāssantastepuḥ | śivārādhanalakṣaṇaṃ tapaścakrurityarthaḥ || ### [1.51](https://indike.org/pramana/in.sampradaya.saiva.agama.siva.kamika.mrgendra*alt.1.51) dīpikā | ### [1.52](https://indike.org/pramana/in.sampradaya.saiva.agama.siva.kamika.mrgendra*alt.1.52) dvitīyasūtraṃ sambandhayati tadevamityādinā | nārāyaṇāśramasyānekatvātkasminnityākāṃkṣāyāmāha vadaryāśramanāmnīti | dvijapadaṃ vyācaṣṭe bharadvājādīnāmityādi | yaduktaṃ māyāyāḥ prathamaṃ janma vidyājanma tataḥ paraṃ ityādi | kathaṃ punaḥ bharadvājādīnāṃ indrasākṣātkaraṇātpūrvaṃ dīkṣitatvam | na tadānīṃ | hārītavacanakāle tvastyeva | smārtavaditi sūtraproktadvijaśabdavat | yadāha devalaḥ mātāpitṛbhyāṃ garbhādhānādibhissaṃskṛte garbhāṣṭame varṣe upanayanārho bhavati | tatropādhyāyaḥ pitā | mātā gāyatrī | evamupanīto dvipitṛko dvijātissyāditi | tantrādiśravaṇānadhikārāditi | atra ādigrahaṇāt mantraparigrahaḥ | yaduktaṃ śrīmatkālottare mantraṃ tantraṃ tvayā prokta miti | mantratantraśravaṇe ca dīkṣitānāmevādhikāraḥ yaduktaṃ śrīmatparākhye dīkṣito yo'dhikārī syādyogyassnānārcanādiṣu iti | vakṣyati cādhyayanaprakaraṇe pūte mahītale sthitvā paśuśravaṇavarjitaḥ | iti | pratyavāyaśruteriti | yaduktaṃ śrīmadraurave ājñāvilaṃghanātproktaṃ kravyādatvaṃ śataṃ samāḥ | iti | yadi vā dvijaśabdena teṣāṃ dvijatvavyāptiphaleneśajñānena yogādutkarṣaḥ procyate tataścānātmādāvātmajñānādyabhāve'pi sarvajñatvādyadarśanāt bandhāntarabaddhyamātmānamāśaṅkamānānāmeteṣāṃ śaktinipātavaśāttaducchedopāyajñasya śivasyārādhanamupapadyata iti | śivārādhanalakṣaṇamiti | pariṇatamalatvena śaktinipātavaśācchivadharmādyātmakam | yaduktaṃ kiraṇe same karmaṇi sañjāte kālāntaravaśātpunaḥ | tīvraśaktinipātena iti | ### [1.53](https://indike.org/pramana/in.sampradaya.saiva.agama.siva.kamika.mrgendra*alt.1.53) śrīmatsvāyambhuve'pi sā śaktirāpatatyādyā puṃso janmanyapaścime | sannipātātkṣaratyasya malassaṃsārakāraṇaṃ kṣīṇe tvasmin dhiyā sā syātparaṃ niśreyasaṃ prati iti || 1 || ### [1.54](https://indike.org/pramana/in.sampradaya.saiva.agama.siva.kamika.mrgendra*alt.1.54) || mū || atha tān bhāvitān matvā kadācittridaśādhipaḥ | tadāśramapadaṃ bheje svayaṃ tāpasaveṣabhṛt || 3 || ### [1.55](https://indike.org/pramana/in.sampradaya.saiva.agama.siva.kamika.mrgendra*alt.1.55) vṛttiḥ | ### [1.56](https://indike.org/pramana/in.sampradaya.saiva.agama.siva.kamika.mrgendra*alt.1.56) anantaraṃ ca tān bhāvitān tantraśraddhālūn jñātvā kasmiṃścitkāle munirūpadhārī śakraḥ tadīyamāśramaṃ siṣeve || 3 || ### [1.57](https://indike.org/pramana/in.sampradaya.saiva.agama.siva.kamika.mrgendra*alt.1.57) dīpikā | ### [1.58](https://indike.org/pramana/in.sampradaya.saiva.agama.siva.kamika.mrgendra*alt.1.58) tatra śraddhālūn iti pāṭhe śive śraddhālūnityarthaḥ || 3 || ### [1.59](https://indike.org/pramana/in.sampradaya.saiva.agama.siva.kamika.mrgendra*alt.1.59) || mū || sa taissampūjitaḥ pṛṣṭvā tāṃśca sarvānanāmayam | provāca codanādharmaḥ kimarthaṃ nānuvartyate || 4 || ### [1.60](https://indike.org/pramana/in.sampradaya.saiva.agama.siva.kamika.mrgendra*alt.1.60) sa indrastairbharadvājādibhirāśramasamucitenātithisatkāreṇābhyarcita-stān bharadvājādīn pratyekaṃ kuśalaṃ pṛṣṭvā'bravīt kiṃ tadityāha codanādharmaḥ kimarthaṃ nānuvartyata iti | codaneti kriyāyāḥ pravartakaṃ vacanamāhuḥ tadāmnāto dharmaḥ kimiti nānuṣṭhīyate | codanaiva hi dharme pramāṇaṃ pramāṇameva codanā ityevamayogānyayogavyavacchedena tataḥ pravartamānānāmaihikasyā''muṣmikasyāpi phalasyāvisaṃvādāt | tathā coktam | śrutismṛtyuditān dharmānanutiṣṭhan hi mānavaḥ | iha kīrtimavāpnoti pretya cānuttamāṃ gatim || ### [1.61](https://indike.org/pramana/in.sampradaya.saiva.agama.siva.kamika.mrgendra*alt.1.61) iti | tadviparītaṃ tu trayībāhyaliṅgārādhanādi yat tattrayībāhyatvādeva phalguprāyam | yadāha bhaṭṭaḥ | ### [1.62](https://indike.org/pramana/in.sampradaya.saiva.agama.siva.kamika.mrgendra*alt.1.62) tathā'tikrāntavedoktamaryādavyavahāriṇām | saṃvādiṣvapi vākyeṣu neṣyate mānahetutā || ### [1.63](https://indike.org/pramana/in.sampradaya.saiva.agama.siva.kamika.mrgendra*alt.1.63) manurapi yā vedabāhyāssmṛtayo yāśca kāścitkudṛṣṭayaḥ | sarvāstā niṣphalāḥ pretya tamobhūtā hi tāssmṛtāḥ || 4 || ### [1.64](https://indike.org/pramana/in.sampradaya.saiva.agama.siva.kamika.mrgendra*alt.1.64) dīpikā | ### [1.65](https://indike.org/pramana/in.sampradaya.saiva.agama.siva.kamika.mrgendra*alt.1.65) sarvaśabdārthamāha pratyekamiti abravīditi mīmāṃsakadṛṣṭyā coditavānityabhiprāyaḥ | codanāśabdenātra vidhiniṣedhavākyānyabhidhīyanta ityāha codanetyādi codanāvākyānāṃ kārya evārthe prāmāṇyābhyupagamāt na siddha iti | nanu liṅādeḥ pratyayamātrasya viddhyarthakatvena pravartakatvāt kathaṃ vacanamityupanyāsaḥ | satyam | pratyayamātrasyaiva vidhirarthaḥ | sa tu bhāvanāpekṣa eva puruṣaṃ pravartayati | ayamarthaḥ | kuryādityukte kiṃ, kena, kathamityākāṃkṣāyāṃ anena itthaṃ kuryāditi vākyasyaiva pravartakatvam | yadāhuḥ kimādyapekṣitaiḥ pūrṇassamarthaḥ pratyayo vidhau iti | dharmaśabdenātra na bhāvapratyayarūpo buddhiguṇo vivakṣitaḥ | mīmāṃsakānāmanabhimatatvāt | nā'pi bhāvasvabhāvaḥ | tasya kāryatvāt | nāpyapūrvākhyassaṃskāraḥ | tasyānuṣṭhānottarakālabhāvitvāt | api tu yāgādyanuṣṭhānarūpa evetyāha | tadāmnāto dharma iti | nānuṣṭhīyata iti | codanaivahi dharme pramāṇamiti | dharmasyānuṣṭhānarūpasya pratyakṣatve'pi tajjanyasyāpyapūrvākhyasya tatphalasya ca svargādestatsambandhasya cātīndriyatvāt pratyakṣādipramāṇānāṃ tatra prāmāṇyaṃ na sambhavatīti | yadyevaṃ pramāṇānantarbhāvāt codanā'pi na pramāṇaṃ ata āha pramāṇameva codaneti codanāyāstu nityatvena kartṛgatavipralambhādidoṣādyabhāvāt atīndriyeṣvartheṣu jñāpakatvena prāmāṇyamanivāryameva | yadāhuḥ - anadhigatārthagaṃtṛ pramāṇamiti | ayogānyayogavyavacchedeneti pramāṇa | mevetyavadhāraṇaṃ codanāyāḥ prāmāṇyāyogaṃ vyavacchinati | codanaivetyavadhāraṇaṃ tu pratyakṣādīnāṃ prāmāṇyayogaṃ vyavacchinatti | phalasyāvisaṃvādāditinanu kvacitputreṣṭyādau phalavisaṃvādo dṛśyate tatkathaṃ phalāvisaṃvādāccodanāyāṃ prāmāṇyam | ucyate | kvacitkṛṣyādāviva karmakartṛtvasādhanavaiguṇyena phalavisaṃvādaḥ | sa ca nāprāmāṇyaphalasādhaka iti | phalguprāyamiti alpaprayojanam || 4 || ### [1.66](https://indike.org/pramana/in.sampradaya.saiva.agama.siva.kamika.mrgendra*alt.1.66) vṛttiḥ | ### [1.67](https://indike.org/pramana/in.sampradaya.saiva.agama.siva.kamika.mrgendra*alt.1.67) ityevaṃ jaiminimatānusāriṇastasya vācaśśrutvā - ### [1.68](https://indike.org/pramana/in.sampradaya.saiva.agama.siva.kamika.mrgendra*alt.1.68) || mū || ta ūcurnanvayaṃ dharma - ścodanāvihito mune | devatārādhanopāya stapasā'bhīṣṭasiddhaye || 5 || ### [1.69](https://indike.org/pramana/in.sampradaya.saiva.agama.siva.kamika.mrgendra*alt.1.69) te bharadvājādaya indraṃ tāpasarūpatvena muniśabdenā''mantrya nanviti vacanamavocan | yo'yamasmābhirabhimatarudrākhyadevatā- prasādanopāyalakṣaṇo dharmastapasā samīhitasiddhyarthamāsevyate sa codanayaiva hi | vihitaḥ | vyavasthāpitaḥ | tathā hi - codanā nāma liṅloṭtavyādiśabdavyavasthāpitavidhiniṣedharūpayajanādikriyā-pravartakaṃ vacanamabhidhīyate | yathā jyotiṣṭomena yajeta svargakāma ityādi | tacca mukhyatayā śrautam | tanmūlatvācca smārtamapi | tathā coktaṃ - tasmācchrutismṛtī hyeva pramāṇaṃ dharmagocara iti | tathā vedo'khilo dharmamūlaṃ smṛtiśīle ca tadvidām | iti | ### [1.70](https://indike.org/pramana/in.sampradaya.saiva.agama.siva.kamika.mrgendra*alt.1.70) tadāstāṃ tāvadevaṃvidhāśśrutyādisadāgamārthāvirodhinyaḥ paurāṇikyassaṃhitāḥ anyāśca kāścana śrutayaḥ | yāsāmidaṃ tātparyam | yathā mahābhāratādau - ### [1.71](https://indike.org/pramana/in.sampradaya.saiva.agama.siva.kamika.mrgendra*alt.1.71) ye bhaktā varadaṃ devaṃ śivaṃ rudramumāpatim | iha loke sukhaṃ prāpya te yānti paramāṃ gatim iti | ### [1.72](https://indike.org/pramana/in.sampradaya.saiva.agama.siva.kamika.mrgendra*alt.1.72) sarvarūpaṃ bhavaṃ jñātvā liṅge yo'rcayati prabhuḥ | tasminnabhyadhikāṃ prītiṃ karoti vṛṣabhadhvajaḥ | iti | ### [1.73](https://indike.org/pramana/in.sampradaya.saiva.agama.siva.kamika.mrgendra*alt.1.73) tathā - ### [1.74](https://indike.org/pramana/in.sampradaya.saiva.agama.siva.kamika.mrgendra*alt.1.74) ādityā vasavo rudrā munayaśca mahaujasaḥ | vidhivalliṅgamārādhya padamiṣṭatamaṃ gatāḥ | iti | ### [1.75](https://indike.org/pramana/in.sampradaya.saiva.agama.siva.kamika.mrgendra*alt.1.75) tathā - mudbhasma gośakṛtpiṣṭaguḍakhaṇḍādiliṅgakam | sampūjayan pratiṣṭhārthaṃ śraddhāvānadhigacchati iti | ### [1.76](https://indike.org/pramana/in.sampradaya.saiva.agama.siva.kamika.mrgendra*alt.1.76) abhyupagamyāpi brūmaḥ yadābhiprāyeṇedamabhidhīyate bhavadbhissa tāvacchrutyartha eva smaryatām || 5 || ### [1.77](https://indike.org/pramana/in.sampradaya.saiva.agama.siva.kamika.mrgendra*alt.1.77) dīpikā | ### [1.78](https://indike.org/pramana/in.sampradaya.saiva.agama.siva.kamika.mrgendra*alt.1.78) uttarasūtramavatārayati ityevamityādi yoyamasmābhirityādi codanaiva dharme pramāṇamastu vayamapi codanādharmamevānutiṣṭhāma ityarthaḥ | samīhitasiddhyarthamiti | samīhitaṃ caiṣāṃ malanivṛttyādiḥ | codanādharmatāmevopapādayati tathāhītyādi | pravartakaṃ codanaivetyuktam | nanu nāsmābhiḥ pravartakavākyamātraṃ pramāṇamiṣyate ; api tu śrutirūpaiva codanā | ata āha abhyupagamyāpi brūma ityādi || 5 || tra hi | ### [1.79](https://indike.org/pramana/in.sampradaya.saiva.agama.siva.kamika.mrgendra*alt.1.79) || mū || vede'sti saṃhitā raudrī vācyā rudraśca devatā | sānnidhyakaraṇe'pyasmin vihitaḥ kālpiko vidhiḥ || 6 || ### [1.80](https://indike.org/pramana/in.sampradaya.saiva.agama.siva.kamika.mrgendra*alt.1.80) vṛttiḥ | ### [1.81](https://indike.org/pramana/in.sampradaya.saiva.agama.siva.kamika.mrgendra*alt.1.81) rudro devatā asyeti raudrī saṃhitā ṛgyajussāmalakṣaṇe cātharvaṇe ca vede'sti | yajurvede hi rudraikādaśinī saṃhitā śruyate | yasyāṃ bhagavanto rudrāssarvābhipretasādhakāḥ paṭhyante | ṛgvede'pi tryambakaṃ yajāmahe | imā rudrāya tapase kapardine | imā rudrāya sthiradhanvine giraḥ | ityādikāḥ rgvidhānāmnātatattadviśiṣṭavidhāna-phalā vidyanta eva | sāmavede'pi śruyate hi sāmnāṃ vidhāne | āvo rājānaṃ tadvargā devaprāvṛjyāto hanītyeṣā raudrī saṃhitā | etāṃ prayuñjāno rudraṃ prīṇātīti | evamātharvaṇe'pi rudrārādhanavidhayastanmantrasaṃhitāśca sambhavanti | na ca kevalaṃ saṃhitāmātramevā'sti | tatra rudra eva devatā vācyarūpatayā śrūyate | yamuddiśya eṣa te rudrabhāgassaha svasrāmvikayā | taṃ juṣasva svāheti śrutiḥ | na caitadyāvat kālpika iti kalpo vedāṅgaṃ tadukto vidhirbhagavatassānnidhyakalpanāya śrūyate | tathā hi kāṭhake sūtrapariśiṣṭīye rudrakalpe - triṣavaṇamudakopasparśī tyuktvoktam | darbheṣvāsīno darbhamuṣṭiṃ dhārayamāṇo rakṣobhyopyavijñeyo bhavati | śākayāvakapayobhaikṣabhakṣaṣṣaḍbhirmāsaiḥ pratyakṣībhavantaṃ bhagavantaṃ pinākinaṃ paśyatīti | evaṃ cāśraddhadhānamanasāṃ jaiminīyacchāyānusāriṇāmapi codanāpradarśito'yamastyeva prasiddhaḥ panthāḥ | kiṃ punaḥ parameśvaraprakāśanavihatamahāmohatimiratayā vispaṣṭadṛṣṭīnāmanyeṣām || 6 || ### [1.82](https://indike.org/pramana/in.sampradaya.saiva.agama.siva.kamika.mrgendra*alt.1.82) dīpikā | ### [1.83](https://indike.org/pramana/in.sampradaya.saiva.agama.siva.kamika.mrgendra*alt.1.83) kiṃ punariti | śaktipātavaśādīśvaraviṣayasaṃśayaviparyayajñānavināśena prakāśitatadastitvaniścayānāmityarthaḥ | natvatra mahāmoho mala iti vyākhyeyaṃ dīkṣayaiva tatkṣapaṇasya vakṣyamāṇatvāt || 6 || ### [1.84](https://indike.org/pramana/in.sampradaya.saiva.agama.siva.kamika.mrgendra*alt.1.84) || mū || ityukte'pi paraṃ bhāvaṃ jijñāsuḥ prahasan prabhuḥ | tānāha mithyājñānaṃ va - śśabdamātraṃ hi devatā || 7 || ### [1.85](https://indike.org/pramana/in.sampradaya.saiva.agama.siva.kamika.mrgendra*alt.1.85) vṛttiḥ | ### [1.86](https://indike.org/pramana/in.sampradaya.saiva.agama.siva.kamika.mrgendra*alt.1.86) evamapi kathite tadīyaṃ bhaktiprakarṣaṃ jñātumicchuḥ indratvena paramaiśvaryayogāt prabhuḥ prabhavanaśīlassa tān munīn sasmitamāha | kiṃ tat mithyājñānaṃ vaḥ yuṣmākaṃ sambandhi yadetat liṅgārcanādiśivārādhana- pratipādakaṃ jñānaṃ śāstraṃ tanmithyā na satyaṃ tat | praṇetṛtathāvidhadevatānupapatteḥ | yataḥ karmānuṣṭhānādeva phalam | na devatātaḥ | śabdamātraṃ hi devatā | na khalu vayaṃ pratyakṣapramāṇetarapramāṇāpahnavapravṛttadurācāra- cārvākavadasambhavameva devatāyāḥ pratipādyāmahe kiṃ tarhi, vidyata eva devatā sā tu na śabdādatiricyate | api tu ayogolakavahnivadanupalabhyamānavācyārthāpṛthakbhāvaśśabda eva | naiṣa teṣu kriyāviśeṣeṣu aṅgabhāvaṃ gacchan yāgasampradānadevatāviśeṣākhyāṃ labhate | taduktaṃ - avinirbhiṇṇaśabdārthe dhyāyedoṅkāramīśvaraṃ iti | na cātra kaścideka eva viśveśitā astīti niyamaḥ pratijñātuṃ śakyaḥ | anekākārasuprasiddhabahutaradevatāviśeṣaśravaṇāt | taccedamanupamamahimnaśśabdarūpasyaiva vijṛmbhitam | yadekamapi tat tattaddevatāviśeṣapratītihetutāmātmapratītihetutāṃ cābhyeti | tathaiva śrutiḥ - ### [1.87](https://indike.org/pramana/in.sampradaya.saiva.agama.siva.kamika.mrgendra*alt.1.87) indraṃ mitraṃ varuṇamagnimāhurathodivyassuparṇo garudmān | ekaṃ sadviprā bahudhā vadantyagniṃ yamaṃ mātariśvānamāhuḥ iti | tatsusthitametacchabdātmikā devateti || 7 || ### [1.88](https://indike.org/pramana/in.sampradaya.saiva.agama.siva.kamika.mrgendra*alt.1.88) dīpikā | ### [1.89](https://indike.org/pramana/in.sampradaya.saiva.agama.siva.kamika.mrgendra*alt.1.89) ityukte'pītyādisūtraṃ vyācaṣṭe evamapītyādi | paraṃ bhāvamiti vyācaṣṭe tadīyaṃ bhaktiprakarṣamiti | śaktipātayogyataiva tanniṣṭhatvaṃ bhaktiḥ yogyatāveśalakṣaṇo jñanaviśeṣaḥ | yaduktam - ### [1.90](https://indike.org/pramana/in.sampradaya.saiva.agama.siva.kamika.mrgendra*alt.1.90) anyo'pi yogyatāveśalakṣaṇo'para ucyate | bhaktitvena samākhyāto vijñānāvayavopyatha | iti || ata evedānīṃ malapariṇatissampannā | yataśśaktipātacihnabhūtā parameśvaraśaktirvartate tadahameteṣāṃ tatprakarṣaṃ jñātuṃ punarapi mīmāṃsakadṛṣṭyā''kṣipāmīti samandahāsamāha na tvapahāsaśīla ityāha | karmānuṣṭhānādeva phalaṃ na devatāta iti | tasyā devatāyā vācakābhimatarudreśādiśabdabhedena pramāṇāntarairasiddheḥ tena saha sambandhagrahaṇāsambhavādāgamenāpyasiddhaḥ tata eva ca sambandhagrahaṇāditaretarāśrayato'siddhireva | tataśca raudraṃ caruṃ nirvapedityādāvapi uddeśyākāratayā viśiṣṭa karmāṅgatvena sa devatāśabda eva pratīyata iti kriyāta - eva phala na devatāta iti | ihā'pi vakṣyati na ca tatsādhakaṃ kiñcitpramāṇaṃ bhātyabādhitam iti | ataśśabdetaratvābhyupagame'pi na yuṣmadabhimata devatāviśeṣasiddhirityāha | na cātretyādi brahmaviṣṇvādīnāmapi viśveśitṛtvena śravaṇādityabhiprāyaḥ | na cābhyupagamo yukta ityāha tatsusthitametaditi niścitamityarthaḥ || 7 || ### [1.91](https://indike.org/pramana/in.sampradaya.saiva.agama.siva.kamika.mrgendra*alt.1.91) vṛttiḥ | ### [1.92](https://indike.org/pramana/in.sampradaya.saiva.agama.siva.kamika.mrgendra*alt.1.92) evamanvayenābhidhāya vyatirekeṇāmumevārthaṃ dṛḍhayitumāha || ### [1.93](https://indike.org/pramana/in.sampradaya.saiva.agama.siva.kamika.mrgendra*alt.1.93) || mū || śabdetaratve yugapa - dbhinnadeśeṣu yaṣṭṭaṣu | na sā prayati sānnidhyaṃ mūrtatvādasmadādivat || 8 || ### [1.94](https://indike.org/pramana/in.sampradaya.saiva.agama.siva.kamika.mrgendra*alt.1.94) śabdavyatiriktā hi yadi devatā vidyate kiṃ vigrahavatī avigrahavatī ubhayarūpā anubhayarūpā vā | anubhayarūpatve'vastutvāt | kiñca na tatvaṃ tasyāḥ | ubhayarūpatve viruddhadharmādhyāsataḥ svasiddhāntaviruddhānekāntavādābhyupagamaḥ | vyastapakṣadvayodbhāvitadoṣaprasaṅgaśca | avigrahavatve śabdenaivaṃ kimaparāddham | vigrahavatve tu bhinnadeśāvasthiteṣu yugapatprārabdhayāgeṣu yajvasu mūrtatvāt tasyāstatsānnidhyānupapattiḥ | nanu mūrtatve satyapi sānnidhyaṃ parasparavidūradeśasthopasthātṛjano- pahṛtasaparyayorarkendubimbayordṛṣṭamityanaikāṃtitikaṃ mūrtatvam | nānaikāntikam | arkendubimbayossvaprabhābhāsvarayoruccataratvena sakaladeśopalakṣyasthānamātrasthayorbahujanopalambhayogyadeśā- vasthānameva sānnidhyaṃ bhavatāṃ pratibhāti na vāstavam | yathācātyuttuṅgaraṅgotsaṅgavartinī nartakī vidūradeśavartibhirbhūyobhūyo'bhiprekṣakaiḥ prekṣyamāṇā naikaikaṃ prati prākāmyaśaktyā sānnidhyaṃ bhajate | yathā ca samakālamanekapraṇayijanopanimantritānāmasmākaṃ mūrtatvādyugapadanekagṛhabhojanaṃ na dṛṣṭam | evaṃ devatāyāstulyakālaṃ bhinnadeśasthayāgasānnidhyaṃ mūrtatvānna sambhāvyamiti śabdamātratvamevasassyāssādhīyaḥ || 8 || ### [1.95](https://indike.org/pramana/in.sampradaya.saiva.agama.siva.kamika.mrgendra*alt.1.95) dīpikā | ### [1.96](https://indike.org/pramana/in.sampradaya.saiva.agama.siva.kamika.mrgendra*alt.1.96) śabdetara ityādisūtrasya sambandhamāha evamanvayenetyādi anubhaya rūpa ityādivigrahavatvāvigrahavatvābhyāmanyasyāḥ koṭerasambhavāditi | ubhayarupatve ityādi tadevasattadevāsadityādinā naikāntavādasya nirākariṣyamāṇatvāditi bhāvaḥ | vyastapakṣadvayetyādi vigrahavatvāvigrahavatvayoḥ pakṣayorye doṣāssambhāvyante kiṃcitjñatvādayo'kartṛtvādayaśca teṣāmubhayeṣāmatraprasaṅga iti || 8 || ### [1.97](https://indike.org/pramana/in.sampradaya.saiva.agama.siva.kamika.mrgendra*alt.1.97) vṛttiḥ | ### [1.98](https://indike.org/pramana/in.sampradaya.saiva.agama.siva.kamika.mrgendra*alt.1.98) kiṃca | ### [1.99](https://indike.org/pramana/in.sampradaya.saiva.agama.siva.kamika.mrgendra*alt.1.99) na ca tatsādhaṃ kiñci - tpramāṇaṃ bhātyabādhitam ### [1.100](https://indike.org/pramana/in.sampradaya.saiva.agama.siva.kamika.mrgendra*alt.1.100) na kila tathāvidhavyatyayadaśāvirahitaparamaparokṣavapuṣaḥ prakṛṣṭātiśayaiśvaryopapannajñānānandamahimno devatāviśeṣasya sādhakaṃ kimapi pramāṇaṃ pratibhāti | tathāhi - aparokṣatvena sakalapramāṇajyeṣṭhasya pratyakṣapramāṇasya tāvannāsau gocaraḥ na hyatīndriyagrahaṇakṣamatvaṃ pratyakṣasya sambhavati | atha vyavahitaviprakṛṣṭārthaviṣayaṃ yogipratyakṣaṃ tatsattāniścāyakamiti cet | tanna | yato'smadādyatīndriyārthadarśino yoginassūkṣmādiviṣayaṃ tatpratyakṣaṃ tena ceśvarassākṣātkiyata iti sarvametadanupapannaṃ pramāṇābhāvāt | atīndriyo'tīndriyārthadarśī ca kaścitsādhayitumiṣṭaḥ | tasya tathāvidhapuruṣapratyakṣeṇāsiddhena sādhanaṃ prāmāṇikasyāpi bhavataḥ kimiti na trapāvaham | nanvastyatrānupahatasāmarthyamanumānam | tathāhi - jagadidamurvīparvatasaritsamudrādidharmikāryamiti sādhyo dharmaḥ | sāvayavatvāt | yadyatsāvayavaṃ tattatkāryaṃ yathā valabhiprākārapuṣkariṇyādi vipakṣavyāvṛttaścāyaṃ hetuḥ | yatra kilā''tmādau kāryatvaṃ nāsti tatra sāvayavatvamapi nāstīti | na cāsya hetorīśvaraśarīreṇānaikāntikatvam | yathāhurjaiminīyāḥ anekāntaścahetuste taccharīrādinā bhavet | iti | tasyā'pi tadicchākāryatvenāsmābhiriṣyamāṇatvāt | iti | siddhe ca jagataḥ kāryatve yadyatkāryaṃ tattadviśiṣṭajñānakriyopapannakartravinābhāvi ghaṭapaṭādikāryavat | kāryaṃ cedaṃ jagat | tasmādidamapi niratiśayajñatvakartṛtvasampannanirmātāraṃ gamayati | yaścātra nirmātā sa īśvara iti kimetanna pramāṇam | bhavedetatpramāṇaṃ yadyabādhitaṃ syāt | yāvatā paramāṇvindriyāderjagadbhāgasyāsiddhaṃ sāvayavatvamiti bhāgāsiddho'yaṃ hetuḥ | paramāṇūnāmacaitanye satyanekatvāt ghaṭādivat kāryatvamavyabhicārīti kila bhavatāmabhyupa-gamaḥ | yadapyetaddṛṣṭāntīkṛtaṃ valabhiprākārapuṣkariṇyādi tadgatamupādānasahakārikāraṇādyānuguṇyavaiguṇyanirvṛttasadasat- sanniveśaṃ sāvayavatvaṃ tadanyadeva tattatsanniveśavisadṛśamitaradeva hi mahīmahīdharādigataṃ sāvayavatvaṃ vastusādṛśyāvalambanapūrvakavyāptidarśanāhitasaṃskārācca tadanuguṇasādhyasādhanārthaṃ pramāṇikamiti pravartata iti yuktam | na punassāvayavatvaṃ śabdamātrasāmānyāśrayaṇena | yadāha dharmakīrtiḥ - ### [1.101](https://indike.org/pramana/in.sampradaya.saiva.agama.siva.kamika.mrgendra*alt.1.101) siddhaṃ yādṛgadhiṣṭhātṛbhāvābhāvānuvṛttimat | sanniveśādimadyuktaṃ tasmādyadanumīyate || vastubhedaprasiddhe'pi śabdasāmyādabhedinaḥ | nayuktā'numitiḥ pāṇḍudravyādiva hutāśanaḥ || ### [1.102](https://indike.org/pramana/in.sampradaya.saiva.agama.siva.kamika.mrgendra*alt.1.102) iti | api ca valabhyādīnāṃ pakṣāntarbhāvāt dṛṣṭāntatvāyogaḥ | na ca dṛṣṭaṃ kāraṇamapahāya kāraṇāntaramīśvarākhyaṃ kalpayitumupapannam | evaṃ hi sati sarvatra kāryakāraṇabhāvo viplavet | taduktam - ### [1.103](https://indike.org/pramana/in.sampradaya.saiva.agama.siva.kamika.mrgendra*alt.1.103) yasmin sati bhavatyeva tattato'nyasya kalpane | taddhetutvena sarvatra hetūnāmanavasthitiḥ || iti | kiṃ ca na tāvadaśarīranirmātṛdevatāviśeṣābhyupagamo yuktaḥ | tasya jagallakṣaṇakāryasampādanāsambhavāt | yadāha - ### [1.104](https://indike.org/pramana/in.sampradaya.saiva.agama.siva.kamika.mrgendra*alt.1.104) kāryaṃ śarīrayuktena kartrā vyāptaṃ sadaiva yat | kāryatvāttena jagataḥ kartā dehī prasajyata || iti | tataśca 1dharmasvarūpaviparītasādhanaḥ kāryatvahetuḥ | śarīravatvetvasmadādivadutpattipralayayogitvamataścāsya śarīraṃ svanirmitaṃ kartrantaranirmitaṃ vā | svanirmitatve kimasau sargakāle saśarīraśśarīrarahito vā | dehendriyarahitaścet tarhyapi na kvacitkiñcitkāryaṃ dṛṣṭamityuktam | śarīravāṃścet śarīraṃ sṛjati | tarhi tadapyasya śarīraṃ kiṅkṛtam | svakṛtatve'nyakṛtatve \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ 1. sādhyadharmasvarūpetyarthaḥ | ### [1.105](https://indike.org/pramana/in.sampradaya.saiva.agama.siva.kamika.mrgendra*alt.1.105) vā anavasthetyevamādibādhakasadbhāvāttatsādhakaṃ pramāṇaṃ na kiñcidupapadyate | ### [1.106](https://indike.org/pramana/in.sampradaya.saiva.agama.siva.kamika.mrgendra*alt.1.106) dīpikā | ### [1.107](https://indike.org/pramana/in.sampradaya.saiva.agama.siva.kamika.mrgendra*alt.1.107) evaṃ sāmānyena devatāyāśśabdamātratvaṃ prasādhya tadviśesyeśvarākhyasya sadbhāve pramāṇābhāvo na ca tatsādhakamityādinā procyata ityāha | na kiletyādi | tatra tāvadīśvarasya pratyakṣāviṣayatvamāha aparokṣatvenetyādi nahītyādi yadāhuḥ sati samprayoge puruṣasya indriyāṇāṃ buddhijanma tatpratyakṣanimittam | vidyamānopalambhanatvādi ti | athetyādinā yogipratyakṣaṃ pramāṇatvenāśaṅkyate | pariharati tannetyādi pramāṇābhāvādyogyeva tāvanna siddhaḥ | kiṃ punastatpratyakṣeṇeśvara iti | īśvarasadbhāve'numānaṃ pramāṇaṃ bhavatīti codayati nanvityādi | bharadvājādīnāṃ siddhāntaśāstrānadhigamāt | paurāṇikamateneśvarasyaiva śarīramabhyupagamyocyate | tasyāpītyādi | 1tasyāpi bādhāmāha bhavedetadityādi | tatra sāvayavatvāditi hetorbādhāmāha paramāṇvindriyāderityādi | bhavatāmabhyupagama iti | yuṣmādṛśāṃ paramāṇvanityatvavādināṃ sāṃkhyādīnāmityartha | tarhi tenaiva teṣāṃ kāryatvamiti cet | na | nityāḥ paramāṇavaḥ | niravayavadravyatvāt ātmavadityādyapi vaktuṃ śakyaṃ yataḥ ata eva jagatāṃ kāryatvāsiddheḥ kartṛpūrvakatvamapi bādhitaṃ bhavatīti | idānīṃ jagataḥ kāryatvamabhyupagamya dūṣaṇamāha kiñcetyādi | ### [1.108](https://indike.org/pramana/in.sampradaya.saiva.agama.siva.kamika.mrgendra*alt.1.108) vṛttiḥ | ### [1.109](https://indike.org/pramana/in.sampradaya.saiva.agama.siva.kamika.mrgendra*alt.1.109) athocyate vākyamāgamalakṣaṇaṃ pramāṇamasti | yadatyantātīndriyārthaniścāyakaṃ tataḥpravartamānasyābhipretasampatterdṛṣṭatvāt | ### [1.110](https://indike.org/pramana/in.sampradaya.saiva.agama.siva.kamika.mrgendra*alt.1.110) \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ 1. anumānasyāpītyarthaḥ | ### [1.111](https://indike.org/pramana/in.sampradaya.saiva.agama.siva.kamika.mrgendra*alt.1.111) tadāhuḥ akṣaliṅgādigopyārthaḥ puṃsaśśāstreṇa darśita iti | etadeva nirākartumāha | ### [1.112](https://indike.org/pramana/in.sampradaya.saiva.agama.siva.kamika.mrgendra*alt.1.112) vākyaṃ tadanyathāsiddham | lokavādāḥ kva sādhavaḥ || 9 || ### [1.113](https://indike.org/pramana/in.sampradaya.saiva.agama.siva.kamika.mrgendra*alt.1.113) purāṇetihāsādigītam1 | yathā - mahābhāratādau bhagavān vyāsamuniḥ sa śivastāta tejasvī prasādāt dyotate'grataḥ | sendrādiṣu ca deveṣu tasyaivaiśvaryamucyate | taṃ gaccha śaraṇaṃ devadevādiṃ bhuvaneśvaraṃ ityādi | śrutāvapi yo rudro agnau yo apsu ya oṣadhīṣu yo rudro viśvā bhuvanāviveśa | tasmai rudrāya namo astu | tathā - trayambakaṃ yajāmaha ityādi | tadetadanyathā siddham | atra hi paurvāparyaparyālocanakākuto yathāśrutaśrutisamutpādito na vākyārthaḥ | anena pratītimātravipralabdhabuddhayastatheti pratipattiṃ bhāvayanti | yathā kilaviṣaṃ bhakṣaya sā paragṛhe bhuṅkthā ityatra viṣabhakṣaṇe'bhyanujñānaṃ śrūyamāṇamapi na vākyārthaḥ | kintarhi pratikūlagṛhabhojananiṣedha eva tātparyam | evaṃ bhāratādāvupākhyānadvāreṇa sodvegasya vijīgīṣordviṣadupaśamo nirvighnaḥ | kṣatriyāṇāṃ ca svadharmānuṣṭhānamabhyudayāya | ityevamarthaḥ | śrutau tu mantrārthavādapadānāṃ kāryātiśayāvedanaṃ ### [1.114](https://indike.org/pramana/in.sampradaya.saiva.agama.siva.kamika.mrgendra*alt.1.114) \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ 1. vākyāmiti śeṣaḥ ### [1.115](https://indike.org/pramana/in.sampradaya.saiva.agama.siva.kamika.mrgendra*alt.1.115) vinākṛtānāṃ pravṛtteśśraddhāvahavividhayajñajñānopajananapratī- tyaṅgatvāt na svarūpayāthārthyamiti na taduktimātraṃ viśiṣṭadevatāsad- bhāvāvedakam | tathā cāhuḥ | stutivādakṛtajñāna....ṃati vibhramaḥ | paurvāparyāparāmṛṣṭaśśabdo'nyāṃ kurute matim | iti | atha sakalaloka-siddhā prasiddhiranapahnavanīyā vidyate | yatsarvo hyayamāvidvadaṅga-nābālo janaḥ parameśvarasyecchāvidhipreritaḥ pravartate | daivamevātra kāraṇamiti bruvāṇo dṛśyate ca | upākhyānāni ca te te dakṣamakhama- thanakāladamanamadanadāhāndhakavadhatrailokyākramaṇādyupāracitāni bahuśaḥ paṭhantaḥ kathayantaśśṛṇvantaścopalabhyante | taduddeśenātra yoganiyamajapatapaḥ prabhṛtikleśakāriṇīmapi karmapaddhatimanu-tiṣṭhantaḥ mānavā gamayanti | taduta santi devatāviśeṣā ityāha lokavāda ityādi | aparyālocitapaurvāparyagatānugatamūrkhajanapravartitāt pravādamātrāt asakṛtsiddhavyabhicārāt vastusiddhimicchan aho bata vṛthaiva dainyāspadatāmupayāto'si | atha pratyayitapuruṣapravartitaḥ pravādaḥ tarhyāgama evāsau | pratyayitatvaṃ ca tasya katamena pramāṇena siddham | tatpravartitādāgamaprāmāṇyācca tatsiddhiḥ tatsiddheścāgamaprāmāṇyaṃ iti itaretarāśrayadoṣaḥ | nityatvetvāgamasya kārya evārthe prāmāṇyam na siddha iti na yuṣmadabhimatadevatāviśeṣaḥ kathamapi siddhyati || 9 || ### [1.116](https://indike.org/pramana/in.sampradaya.saiva.agama.siva.kamika.mrgendra*alt.1.116) dīpikā | ### [1.117](https://indike.org/pramana/in.sampradaya.saiva.agama.siva.kamika.mrgendra*alt.1.117) vākyaṃ tadanyathāsiddhamiti vyākhyātumāśaṅkāmāha | athocyata iti | athottaramanena sūtrakhaṇḍenocyata ityāha | etadevetyādi | purāṇetihāsādigītamiti pravartakavākyasāmānyavivakṣayā | śrutāvapīti viśeṣavivakṣayā | ubhayaprakāramapi vākyaṃ dūṣayituṃ tadanyathāsiddhamiti vyācaṣṭe | tadetadanyathā siddhamiti | codanānāṃ kārya evārthe prāmāṇyamityabhiprāyaḥ | tadevopapādayati atra hītyādi | tarhi vede hyarthavādādivākyānāmaprāmāṇyaprasaṅgaḥ | ata āha śrutau tvityādi idānīmupamānārthāpattyoranumānāntarbhāvāttānya-nādṛtya lokavādāḥ kva sādhava iti vyākhyātuṃ paurāṇikamatenaitihyapramāṇasiddhatvamīśvarasyā''śaṅkate | atha sakalalokasiddhetyādi āheti | uttaramāhetyarthaḥ | tameva sūtrakhaṇḍaṃ vyācaṣṭe aparyālocitetyādi | naitihyasya prāmāṇyaṃ sambhavati | vyabhicāradarśanāditi bhāvaḥ | nanu āsapravartitasya pravādasya vyabhicāro na dṛśyata ityāśaṅkate | athetyādi atrāpi dūṣaṇamāha tarhītyādi | āgamasya tu ayamevokto doṣa iti | āsatvaṃ ca tattadvākyakartṝṇām | na1 pramāṇasiddhamityāha | pratyayitatvaṃ cetyādi tasyeti āgamakartuḥ | nanu vede'sti saṃhitā raudrī vācyo rudraśca devatā ityuktamata āha nityatve tvityādi | etacca pūrvoktamiti || 9 || ### [1.118](https://indike.org/pramana/in.sampradaya.saiva.agama.siva.kamika.mrgendra*alt.1.118) vṛttiḥ | ### [1.119](https://indike.org/pramana/in.sampradaya.saiva.agama.siva.kamika.mrgendra*alt.1.119) iti śakroktimabhidhāya hārītamunissvoktyā svaśiṣyānāha || ### [1.120](https://indike.org/pramana/in.sampradaya.saiva.agama.siva.kamika.mrgendra*alt.1.120) ityanīśavacovāri - velānunno'bdhineva saḥ | \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ kutaḥ pramāṇeti pāthabhedaḥ ### [1.121](https://indike.org/pramana/in.sampradaya.saiva.agama.siva.kamika.mrgendra*alt.1.121) śakreṇa na cacālaiṣāṃ dhīśailassāragauravāt || 10 || ### [1.122](https://indike.org/pramana/in.sampradaya.saiva.agama.siva.kamika.mrgendra*alt.1.122) ityanena krameṇeśvaranirākaraṇavacanānyeva nimnamārgānusaraṇāt vārīṇi teṣāṃ velā samullāsaḥ tayā nunnaḥ preritopyeṣāṃ bharadvājādīnāṃ sambandhī matiparvataḥ sāravatvāt gurutvācca hetorna cacāla na cakampe | kena nunna ityāha | abdhineva śakreṇa | yathā kila velācalassamudraḥ jalataraṅgadṛḍhāhataḥ svāvaṣṭambhanānna calatyevaṃ munimatistīkṣṇāgratvādi sādharmyāt parvatena rūpīkṛtaḥ svasthairyānna vyacalat || 10 || ### [1.123](https://indike.org/pramana/in.sampradaya.saiva.agama.siva.kamika.mrgendra*alt.1.123) dīpikā | ### [1.124](https://indike.org/pramana/in.sampradaya.saiva.agama.siva.kamika.mrgendra*alt.1.124) ityanīśetyādisūtramavatārayati iti śakroktimityādi sāravatvātgurutvācceti | buddhessāravatvaṃ sūkṣmārthagrāhitvam | gurutvaṃ ca sthairyam | 1gṛhītārthāparityāge ityarthaḥ || 10 || ### [1.125](https://indike.org/pramana/in.sampradaya.saiva.agama.siva.kamika.mrgendra*alt.1.125) vṛttiḥ | ### [1.126](https://indike.org/pramana/in.sampradaya.saiva.agama.siva.kamika.mrgendra*alt.1.126) tataścendraṃ prati te punaridamabhyadadhuḥ | ### [1.127](https://indike.org/pramana/in.sampradaya.saiva.agama.siva.kamika.mrgendra*alt.1.127) na jātu devatāmūrti - rasmadādiśarīravat | viśiṣṭaiśvaryasampannā sā'to naitannidarśanam || 11 || \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ 1. gṛhītārthaparigraha iti pāhtaḥ | ### [1.128](https://indike.org/pramana/in.sampradaya.saiva.agama.siva.kamika.mrgendra*alt.1.128) vibhūtiyogatāratamyamasmadādilocanagocarasaśarīrasāmānyapuruṣa- mātrāśrayaṃ dṛṣṭaṃ adṛṣṭavigrahasya devatāviśeṣasyāṇimādyaiśvaryasampattimanumāpayati tatkathaṃ prākāmyaśaktijanitaṃ yugapadanekadeśasannidhimasambhāvyaṃ manyase | nahi kadācidasmadādiśarīrādivat devatāmūrtiḥ kleśakarmavipākayoginyavyāpikā vā | icchāmātreṇāsmadādisṛṣṭisthitidhvaṃsakaraṇakṣamaviśiṣṭaiśvarya- sampannatvāt | mūrcchitāṇutrāṇāddhi mūrtatvaṃ asmadādimūrtatvavilakṣaṇaṃ cāsya | tataśca yugapadanekadeśasannidhinirākaraṇāyopāttasya mūrtatvākhyasya hetoraprayojakatvam | dṛṣṭāntaścānupapannaḥ | sādhyadharmāsiddhatvāt | sādhyo hi dharmaḥ tulyakālamanekadeśāsannidhilakṣaṇo'tra sarvātmanā nāstīti yasmādasmadādimadhyavartināṃ mūrtimatāṃ satāmapyaṇimādisiddhiprakarṣayogināṃ yugapadanekadeśasannidhiradyatve'pi nāsambhāvyaḥ | na ca niratiśayasakalotkarṣayoginaḥ parameśavarasya svadarśanābhiniveśibhiḥ kumbhakārādinidarśanakaluṣīkriyamāṇajagannirmāṇasya kiyān kimāśrayaḥ kimupakaraṇaḥ ityādyasadvikalpaviplavo'nupraviśati | tathācoktaṃ siddhacūḍāmaṇinā | ### [1.129](https://indike.org/pramana/in.sampradaya.saiva.agama.siva.kamika.mrgendra*alt.1.129) kimīhaḥ kiṅkāyassa khalu kimupāyastribhuvanaṃ kimādhāro dhātā sṛjati kimupādāna iti ca | atarkyaiśvarye tvayyanavasaraduḥstho hatadhiyaḥ kutarko'yaṃ kāṃścinmukharayati mohāya jagataḥ || iti | yathā ca aśariradevatāviśaṣasambhavo'sambhavādbādhitaḥ tathā īśvaraprakaraṇe vakṣyāmaḥ | sa tu tathā tathā pratipādyamāno'pi na tannirākaraṇapravīṇānāṃ prayojanaheturbhaviṣyatīti | yathā cāha rājā'jānako utkaladevaḥ - ### [1.130](https://indike.org/pramana/in.sampradaya.saiva.agama.siva.kamika.mrgendra*alt.1.130) samujvalan nyāyasahasrasādhito- pyupaiti siddhiṃ na vimūḍhacetasām | maheśvaraḥ pāṇitale sthito'pi san palāyate devahatasya sanmaṇiḥ | iti || 11 || ### [1.131](https://indike.org/pramana/in.sampradaya.saiva.agama.siva.kamika.mrgendra*alt.1.131) dīpikā | ### [1.132](https://indike.org/pramana/in.sampradaya.saiva.agama.siva.kamika.mrgendra*alt.1.132) na jātu iti sūtrasya sambandhamāha tataścetyādi ayamatra siddhāntavādināmabhiprāyaḥ - devatāyāśśabdamātratve'bhyupagamyamāne jyotiṣṭomena svargakāmo yajetetyādau svargādyātmakamapi phalaṃ pramāṇāntarāsiddhatvāt śabdamātrameva syāt | atha purāṇetihāsādiprasiddhatvāt svargaśabdo'pi viśiṣṭamevārthaṃ phalatvenābhidhatta ityucyate tadihāpi samānāmiti devatāyāśśabdetaratvasiddhiriti | ataśca śabdetaratve devatāyāssā kiṃ vigrahavatī avigrahavatī ubhayarūpā anubhayarūpā vetti ye vikalpāḥ pūrvapakṣoktāḥ tatrottarayoḥ pakṣayoranabhyupagamena parihāraḥ | vigrahavatve yaddūṣaṇamuktaṃ yugapadanekadeśasannidhānāsambhava iti tasya parihāraḥ na jātvityādinocyata iti darśayati vibhūtiyogatāratamyamityādi | kleśakarmavipākātiśayayoginīti | nahi brahmendrādidevatāśarīrāṇi asmadādivadduḥkhabahulāni avyāpikāveti svādhikārāntamaṇimādyaiśvaryayoginītyarthaḥ | icchāmātreṇeti prākāmyaśaktyā yadāhuḥ - anekāni śarīrāṇi yogī nirmāya cātmanaḥ | yugapatstrīsahasrāṇi bhuṅkte prākāmyaśaktitaḥ iti | mūrcchitāṇutrāṇāddhi mūrtatvamiti | mūrcchitānāmajñānabahulānāmaṇūnāṃ, bhūtānāṃ trāṇādityupalakṣaṇaṃ sthityādikaraṇādityarthaḥ | aṇimādīnāṃ kāryakaraṇātmakaśarīrajatvāttatraiva teṣāṃ tatkāryāṇāṃ ca sṛṣṭyādīnāmāropaḥ | yaduktaṃ mataṅge tṛtīyaṃ kāryatassiddhamaiśvaryamaṇimādikam | prāptyādayo guṇāḥ pañca yoginaḥ karaṇātmajā iti | yogināmiti | na ca yogino'smākamasiddhā iti vācyam | yacchrūyate ātmānamaraṇiṃ kṛtvā praṇavaṃ cottarāraṇim | jñānanirmathanābhyāsāddevaṃ paśyennigūḍhavat | iti | ata eva yogipratyakṣeṇā'pi devatāsiddhiḥ | itthaṃ sāmānyena devatāstitvaṃ prasāddhya tadviśeṣamīśvarākhyaṃ darśayati | na cetyādi aśarīratve'pi devatāyāśśarīranairapekṣyeṇāparimitaśaktimatvāt arthasādhakatvam | ataśśabdenāvinābhūtā satī tatra tatra sānnidhyameti kevalastu śabdo'cetanatvānna phalādidāne śaktaḥ karmā'pi jaḍatvādadhiṣṭhātāraṃ vinā na phalajanakamiti vakṣyāmaḥ | yaduktaṃ īśvarasyāśarīratve jagatkaraṇaṃ nopapadyata iti | tatrāha yathācāśarīradevatāviśeṣasambhavo'sambhavāt bādhita iti | aśarīrasyā'pi svadehaspandādau kartṛtvaṃ dṛṣṭamiti bhāvaḥ | uttaratrā'pi bhaviṣyatītyācārya āha tathaiveśvaraprakaraṇe vakṣyāma iti | tataścānumānenāpi īśvarā?ya siddhiriti bhāvaḥ | paramāṇūnāṃ yathā kāryatvaṃ tathottare vakṣyāmaḥ | bhūtāvadhi jagadyeṣāṃ kāraṇaṃ paramāṇava ityādau | iti || 11 || ### [1.133](https://indike.org/pramana/in.sampradaya.saiva.agama.siva.kamika.mrgendra*alt.1.133) vṛttiḥ | ### [1.134](https://indike.org/pramana/in.sampradaya.saiva.agama.siva.kamika.mrgendra*alt.1.134) īdṛśāmyāṃ ca hetudṛṣṭāntābhyāṃ sāddhyasiddhyabhyupagame'nyatrāpyayameva nyāyaḥ prasajyata ityāha | ### [1.135](https://indike.org/pramana/in.sampradaya.saiva.agama.siva.kamika.mrgendra*alt.1.135) athāstvevaṃ ghaṭe nyāya śśabdatvādindraśabdavat | nādatte ghaṭaśabdombha ścandraśabdo na rājate || 12 || ### [1.136](https://indike.org/pramana/in.sampradaya.saiva.agama.siva.kamika.mrgendra*alt.1.136) bhavatā kila śabdamātraṃ hi devateti pratijñātaṃ ataśśabdavyatiriktadevatānabhyupagame satyetadāpatitam | yaduta vācakavyatiriktavācyārthāsambhavaḥ | indrādiśabdānāṃ yathā nānyo vācyo'rtho vidyate evaṃ śabdatvāviśeṣāt ghaṭādāvapyayameva nyāyaḥ | na caitadyuktam | anubhavavirodhāt | tathāhi nādatte ghaṭaśabdoṃbha iti ghaṭate ceṣṭate'rthakriyārthamiti ghaṭaḥ | candati āhlādayati dīpyate ceti candra ityevaṃ vidhayā śabdavyuptatyā śabdavyatiriktavācyārthāsambhavato ghaṭaśabdasyaivodakāharaṇaṃ candraśabdasyaiva cā''hlādanādi prāptaṃ na cānayostadasti apitu tadvācyayoḥ pṛthubudhnodarākārabhāsvarabimbasvarūpayostattadartha- kriyākaraṇakṣamatvaṃ dṛṣṭam | ato na vācyavācakayoraikyam | tataśca na śabdamātraṃ devatā kiṃ tarhi tadvācyaiveti siddham || 12 || ### [1.137](https://indike.org/pramana/in.sampradaya.saiva.agama.siva.kamika.mrgendra*alt.1.137) dīpikā | ### [1.138](https://indike.org/pramana/in.sampradaya.saiva.agama.siva.kamika.mrgendra*alt.1.138) athāstvevamiti sūtramavatārayati īdṛśābhyāṃ cetyādi mūrtatvādasmadādivat ityetābhyāṃ hetudṛṣṭāntābhyāṃ devatāyāśśabdamātratvābhyupagamepi anubhavavirodha ityarthaḥ || 12 || ### [1.139](https://indike.org/pramana/in.sampradaya.saiva.agama.siva.kamika.mrgendra*alt.1.139) vṛttiḥ | ### [1.140](https://indike.org/pramana/in.sampradaya.saiva.agama.siva.kamika.mrgendra*alt.1.140) idānīṃ vākyaṃ tadanyathāsiddhamiti paramatamanūdya dūṣayati | ### [1.141](https://indike.org/pramana/in.sampradaya.saiva.agama.siva.kamika.mrgendra*alt.1.141) athānyaviṣayaṃ vākya mastu śakrādivācakam | karmarūpādiśabdānāṃ sārthakatvaṃ kathaṃ bhavet || 13 || ### [1.142](https://indike.org/pramana/in.sampradaya.saiva.agama.siva.kamika.mrgendra*alt.1.142) indro vajrī hiraṇmaya ityādīni śakrādidevatāliṅgāni mantrārthavādaparāṇi | na tveṣāṃ svarūpayāthārthyamiti yadbhavadbhirabhihitaṃ tattathā'stu | svārthapratipādanaparāṇāṃ tu śrūyamāṇānāṃ karmarūpādiśabdānāṃ kathamarthavatvaṃ syāt | tatra karmaśabdāḥ kriyābhidhāyinaḥ vrīhīnavahantītyādayaḥ rūpaśabdā jātyādiśabdāśca | yathā śvetacchāgamālabhetetyatra śvetaśabdasya rūpābhidhāyinaścchāgasya ca jātivācinaśśakrādiśabdavacchabdatvāviśeṣāt svarūpayāthārthyāsambhave satyānarthakyam | tataśca codanāvākyānāṃ akiñcitkaratvaṃ | yadvā śakrādivācakasya vākyasya anyaviṣayatve kalpyamāne tadviṣayāṇāṃ indro vṛtramavadhīdityādīnāṃ karmaśabdānāṃ sahasradṛgvajrapāṇyādīnāṃ ca rūpādyabhidhāyināṃ śabdānāṃ kathamarthavatvaṃ syāt | na cārdhajaratīyanyāya upapādayituṃ śakyaḥ | yena vidhiśabdānāmeva svarūpayāthārthye na indrādiśabdānāmiti syāt || 13 || ### [1.143](https://indike.org/pramana/in.sampradaya.saiva.agama.siva.kamika.mrgendra*alt.1.143) dīpikā | ### [1.144](https://indike.org/pramana/in.sampradaya.saiva.agama.siva.kamika.mrgendra*alt.1.144) athānyaviṣayamityādisūtrasya sambandhamāha idānīmityādi tathāstviti śabdo hi tāvat viditapadapadārthasambandhasya mukhyato'rthapratyāyakatvena bhavato'pi siddhaḥ | tatastatpratyāyakatvānupapattyā indrādiśabdānāmapi svarūpayāthārthyamanivāryameva tathāpyabhyupagamya brūma ityarthaḥ | yadveti vyākhyānāntaram | kathaṃ punarviṣaṃ bhakṣayetyāderanyaparatvaṃ ācāryasya gṛhe bhuṅkthā ityuttaravacanasāmarthyāditi brūmaḥ | tadevamāgamenāpi viśiṣṭadevatāsambhava iti || 13 || ### [1.145](https://indike.org/pramana/in.sampradaya.saiva.agama.siva.kamika.mrgendra*alt.1.145) vṛttiḥ | ### [1.146](https://indike.org/pramana/in.sampradaya.saiva.agama.siva.kamika.mrgendra*alt.1.146) yadapyuktaṃ lokavādāḥ kva sādhava iti tadayuktaṃ yataḥ | ### [1.147](https://indike.org/pramana/in.sampradaya.saiva.agama.siva.kamika.mrgendra*alt.1.147) pravādo'pyakhilo mithyā samūlatvānna yuktimat | sa cedamūlo bhūtānāṃ hatāssarvapravṛttayaḥ || 14 || ### [1.148](https://indike.org/pramana/in.sampradaya.saiva.agama.siva.kamika.mrgendra*alt.1.148) nadyastīre guḍaśakaṭaṃ paryastamityādernirmūlasyāpi pravādasyaikāntena na mithyātvam | kadācitsaṃvāditvāt | tataśca sarvapravādo na satya ityetanna yuktimat | na pramāṇopapannam | samūlatve sati mithyātvāsiddheḥ | mūlaṃ cāsyāgamaḥ | tathā cāhuḥ prasiddhimāgamaḥ prāpto loka ityabhidhīyate | iti | atha nirmūlo yaḥ pravādaḥ sa cenmithyārūpaḥ tadapyayuktaṃ yasmādevaṃ kalpyamāne bhūtānāṃ sarvāḥ pravṛttayo vyāhanyeran | sarvo hi hitaprepsurahitajihāṃsurvā na pramāṇaghaṭanāṃ kṛtvā tāṃ puraskṛtya lokavyavahāre dṛṣṭaphale sevākṛṣyādau adṛṣṭaphale veṣṭāpūrtādau pravartate kintu prāyaśo gatānugatikayā pravādamātrādhivāsitamatiḥ | kīdṛśaṃ ca bhavatā pravādasya mūlamanveṣṭavyaṃ yadi cirakālapravṛttatvena bahujanoddhuṣyamāṇatvaṃ tadyuktameva anyathā pravāda eva nāsau | tathā sati nāsya mithyātvam | cirataramanekajanaprathitatve'pi kutosyodbhava ityevaṃvidhaṃ mūlaṃ parīkṣyate kintarhi āgamaparīkṣaiveyam | na lokavādavicāraḥ | na caitadevam | yato bhavadbhirapi śrutirūpādāgamādanya eva sajjanasevito vyavahāraśśiṣṭācārākhyo dharmamūlatvenābhyupagata ityalaṃ tatpradveṣaṇena | tadevaṃ samūlena lokapravādeneśvarākhyaviśiṣṭadevatāsambhavastūpapāditaḥ | upamanyurharaṃ dṛṣṭvā vimanyurabhavanmuniḥ | kiṃ na nāma akhilapratītametat | yathā hi munirupamanyuḥ parameśvareṇa \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ 1. pravartata iti śeṣaḥ | ### [1.149](https://indike.org/pramana/in.sampradaya.saiva.agama.siva.kamika.mrgendra*alt.1.149) varapradānenānugṛhītaḥ tathā ca mahābhārate ānuśāsanike parvaṇi bhagavadvyāsamuninā upamanyuvākyaṃ darśitam | ### [1.150](https://indike.org/pramana/in.sampradaya.saiva.agama.siva.kamika.mrgendra*alt.1.150) āgamya bhagavānīśaḥ prahasanniha śaṅkaraḥ | vatsopamanyo prītosmi paśya māṃ munipuṅkava | dṛḍhabhakto'si viprarṣe mayā jijñāsitastvasi | anayā vatsa bhaktyā te hyatyarthaṃ prītavānaham | tasmātsarvān pradāsyāmi varān yān manasi sthitān | iti | ### [1.151](https://indike.org/pramana/in.sampradaya.saiva.agama.siva.kamika.mrgendra*alt.1.151) athocyate mithyaitadupamanyunā ātmaprabhāvakathanāyoktam | atra hi kiṃ pramāṇaṃ yadevāyamasau bhagavatā'nugṛhīta iti | tadasat | yasmātkathaṃ tasya vaco mithyā yasya vaśyaḥ payonidhiḥ yasya kila sakalamunijanapratyakṣaparidṛśyamānaḥ kṣīrābdhissvādhīnaḥ tasya vacasaḥ kiṃ nāma mithyātvam | ayamāśayaḥ parameśvarātprāptavaro'hamiti anṛtavāditvaṃ tadidānīṃ tasya bhavedyadi dugdhodadhivaśīkāraḥ pracuramunijanapratyakṣo na syāt | yadi ca saṃvādīnyapi vacāṃsi mithyā tarhi na kiñcitsatyaṃ vacanam | praśāntarāgadveṣāṇāṃ sākṣātkṛtabhūtabhaviṣyadarthānāṃ munīnāmapi mithyāvāditvābhyupagame manvādayo'pi dattadakṣiṇāstvayetyaho tvaddarśanakauśalaṃ kiñca - ### [1.152](https://indike.org/pramana/in.sampradaya.saiva.agama.siva.kamika.mrgendra*alt.1.152) kroḍīkṛto hi pāśena viṣajvālāvalīmucā | huṅkṛtya mocitaḥ patyā dṛṣṭaśśveto ghanairjanaiḥ || ### [1.153](https://indike.org/pramana/in.sampradaya.saiva.agama.siva.kamika.mrgendra*alt.1.153) viṣānalārciḥ paramparākṣepabhīṣaṇenāśīviṣapāśena vivaśīkṛtaḥ śvetaḥ pātīti patiḥ tena patyā trāṇaśīlena parameśvareṇa huṅkāramātraṃ kṛtvā krodhāgninā bhasmīkṛtya mocita iti ghanairaviralairbhūyo janairasmatsajātīyairmuniprabhṛtibhiśca dṛṣṭaḥ | atrā'pi ca trikālāmaladarśibhirdevaiśca pravartite pravāde yadyasamāśvāsastarhi āgamameva na sahata iti vaktavyam | tathāca sati śrutirapyasahanasya bhavataḥ prāmāṇyālābhe dainyena bhītabhītā mukhamanvīkṣata iti tadanukampayā saṃtyajyatāmatisāhasam | nanu mithyātvahetūnāṃ doṣāṇāṃ kartrāśrayatvādakṛtakatvena nityatvaśruteḥ atastasyāḥ prāmāṇyāya ko'yamupahāsaḥ | na kaścit kintu kartrabhāvaniścaye pramāṇaṃ notpaśyāmaḥ | pratyuta svayambhuve namaskṛtyetyādi vākyavat racanāvatvāt kartṛvyāpārāvinābhāvitvamutprekṣāmahe ityalamanena | prakṛtamanusarāmaḥ || 14 || ### [1.154](https://indike.org/pramana/in.sampradaya.saiva.agama.siva.kamika.mrgendra*alt.1.154) dīpikā | ### [1.155](https://indike.org/pramana/in.sampradaya.saiva.agama.siva.kamika.mrgendra*alt.1.155) iṣṭāpūrtādāviti iṣṭaṃ yajñeṣu yaddānāvāptiḥ | kūpataṭākādi pūrvamiti | bhavadbhirityādi vedo'khilo dharmamūlaṃ smṛtiśīle ca tadvidā mityuktaṃ yataḥ samūlena lokapravādeneti purāṇetihāsādisiddhena | samūlatvameva darśayati yathāhītyādi | tarhyāgamameva na sahata iti | bhavāniti śeṣaḥ | āgamānāṃ devādipraṇītatvāditi bhāvaḥ | prasaṅgācchrutīnāmapyāptapraṇītatvena prāmāṇyamiti darśayati | tathācetyādi ata eva codyavādyāha nanvityādi | ācārya āha na kaściditi | nāyamupahāsa ityarthaḥ | ata eva yathārthamāha kiṃtvityādi uttarasūtramavatārayati prakṛtamanusarāma iti || 14 || ### [1.156](https://indike.org/pramana/in.sampradaya.saiva.agama.siva.kamika.mrgendra*alt.1.156) iti vādānuṣaṅgeṇa haraśaṃsāpraharṣitān | sāśrugadgadavācastān vīkṣya prīto'bhavaddhariḥ || 15 || ### [1.157](https://indike.org/pramana/in.sampradaya.saiva.agama.siva.kamika.mrgendra*alt.1.157) vṛtīḥ | ### [1.158](https://indike.org/pramana/in.sampradaya.saiva.agama.siva.kamika.mrgendra*alt.1.158) uktavatprastāvāyātaparameśvarapraśaṃsāharṣapravṛttānanda- vaśādavispaṣṭagirastān bharadvājādīn dṛṣṭvā indrastān prati paraṃ tutoṣetyevaṃ hārītamuniḥ svaśiṣyānāha || 15 || ### [1.159](https://indike.org/pramana/in.sampradaya.saiva.agama.siva.kamika.mrgendra*alt.1.159) dīpikā | ### [1.160](https://indike.org/pramana/in.sampradaya.saiva.agama.siva.kamika.mrgendra*alt.1.160) tān prati tutoṣetīti tīvraśaktyāghrātatvenāvetya teṣāmanugrahāya matiṃ cakra ityarthaḥ || 15 || ### [1.161](https://indike.org/pramana/in.sampradaya.saiva.agama.siva.kamika.mrgendra*alt.1.161) svaṃ rūpaṃ darśayāmāsa vajrī devaśśatakratuḥ | taruṇādityasaṃkāśaḥ stūyamānaṃ marudgaṇaiḥ || 16 || ### [1.162](https://indike.org/pramana/in.sampradaya.saiva.agama.siva.kamika.mrgendra*alt.1.162) vṛttiḥ | ### [1.163](https://indike.org/pramana/in.sampradaya.saiva.agama.siva.kamika.mrgendra*alt.1.163) pratyagrabhāsvaraṃ devagaṇaisstūyamānaṃ ātmīyarūpaṃ vajrapāṇiḥ devaśśatakratuḥ prakaṭīcakāra | tejotiśayayogasya hetutayā vajrīti śatakraturiti ca viśeṣaṇadvayaṃ kuliśasya hi svabhāva evāyaṃ yadadbhutaprabhāsvaratvaṃ śatakratutvācca tajjanitapuṇyaprabhāvodbhūtabhūrimahassamūhatvamiti || 16 || ### [1.164](https://indike.org/pramana/in.sampradaya.saiva.agama.siva.kamika.mrgendra*alt.1.164) dīpikā | ### [1.165](https://indike.org/pramana/in.sampradaya.saiva.agama.siva.kamika.mrgendra*alt.1.165) svaṃ rūpamityādessūtrasyārthadvayaṃ vidyate | tatraikastāvadācāryeṇa pradarśitaḥ | aparastu pradarśyate | śatakratuḥ anuṣṭhitānantaśaivakraturācārya ityarthaḥ | anyeṣāṃ śāstropadeśādyanadhikārādeva pūrvasūtraprakṛtatridaśādhipaḥ | vajrītyupalakṣaṇam | vajrahastatvasahasranetratvādiviśeṣaṇaviśiṣṭo bhūtvā malāndhakārāpagamādudarkasannibhaṃ marudbhiḥ brahmādibhirgaṇaiśca vidyeśvarādibhisstūyamānaṃ teṣāṃ bharadvājādīnāṃ ātmīyamanāgantukaṃ sarvajñasarvakartṛtvātmakaṃ rūpaṃ prakaṭīcakāra | etaduktaṃ bhavati śaktipātaniścayānantaraṃ prakaṭīkṛtādhikāranibandhananijaśarīrastridaśādhipo dīkṣākhyenā''tmavyāpāreṇa teṣāṃ malādibandhamapanīya śivatvaṃ vyaktaṃ karotīti | nanvevaṃ cedanantarameva śarīrapātaprasaṅgaḥ | asadyonirvāṇadīkṣāyāṃ prārabdhakāryakarmabhogoparodhena tadasambhavāt | yaduktaṃ kiraṇe yenedaṃ taddhi bhogata iti | imaṃ cārthaṃ praṇāmastutipratipādakenottarasūtreṇa śāstropadeśānyathānupapattyā cārthasiddhatvādupekṣitavānācāryaḥ || 16 || ### [1.166](https://indike.org/pramana/in.sampradaya.saiva.agama.siva.kamika.mrgendra*alt.1.166) te tamṛgbhiryajurbhiśca sāmabhiścāstuvannatāḥ | so'bravīducyatāṃ kāmo jagatsu pravaro hi yaḥ || 17 || ### [1.167](https://indike.org/pramana/in.sampradaya.saiva.agama.siva.kamika.mrgendra*alt.1.167) te vavrire śivajñānaṃ śrūyatāmiti so'bravīt | kintveko'stu mama praṣṭā nikhilaśrotṛsammataḥ || 18 || ### [1.168](https://indike.org/pramana/in.sampradaya.saiva.agama.siva.kamika.mrgendra*alt.1.168) vṛttiḥ | ### [1.169](https://indike.org/pramana/in.sampradaya.saiva.agama.siva.kamika.mrgendra*alt.1.169) te bharadvājādayastaṃ pratyakṣīkṛtasvarūpaṃ indramṛgyajussāmabhiḥ prahvāssantastuṣṭuvuḥ | sa ca sarvajagatpravaro varo bhavadbhirabhyarthyatāṃ iti tānāha | te tadaivamuktāḥ pārameśvaraṃ jñānaṃ śāstraṃ vṛtavantaḥ tadabhyarthitaṃ jñānopadeśaṃ dātuṃ tān prativacanaṃ śrūyatāmityāha | kintu mamaika eva bhavatāṃ madhyāt sakalaśrotṛjanābhimato yathāvasaramanuktavastunaḥ praṣṭā bhavatu | sarvaiścā'pi bhavadbhiśrśrūyatāmiti || 17 - 18 || ### [1.170](https://indike.org/pramana/in.sampradaya.saiva.agama.siva.kamika.mrgendra*alt.1.170) dīpikā | ### [1.171](https://indike.org/pramana/in.sampradaya.saiva.agama.siva.kamika.mrgendra*alt.1.171) ata evāha prahvāssantastuṣṭuvuriti | sa ca sarvajagatpravara iti niśśeṣabhuvanapatiḥ ucyatāṃ kāma iti vyācaṣṭe | varo bhavadbhirabhyarthyatā miti athavā sa cendraḥ | sarvotkṛṣṭo varo bhavadbhiḥ prārthyatāmityarthaḥ pārameśvaraṃ jñānamiti parameśvarapraṇītatvena prakṛṣṭataraṃ na vāmādikamiti || 17 - 18 || ### [1.172](https://indike.org/pramana/in.sampradaya.saiva.agama.siva.kamika.mrgendra*alt.1.172) vṛttiḥ | ### [1.173](https://indike.org/pramana/in.sampradaya.saiva.agama.siva.kamika.mrgendra*alt.1.173) evaṃ bhagavatā śakreṇokte sati | ### [1.174](https://indike.org/pramana/in.sampradaya.saiva.agama.siva.kamika.mrgendra*alt.1.174) atha teṣāṃ bharadvājo bhagavānagraṇīrabhūt || vāgmī pragalbhaḥ papracha nyāyatassurapūjitam || 19 || _First 174 of 281 passages. [Read on](https://indike.org/pramana/in.sampradaya.saiva.agama.siva.kamika.mrgendra*alt.1)_ ## Commentaries (1) - [Mṛgendravṛtti](https://indike.org/pramana/in.sampradaya.saiva.agama.siva.kamika.mrgendra*alt!narayanakantha.3) — Sanskrit ## Linked texts (9) - [Critical edition (BORI)](https://indike.org/pramana/in.lit.mahabharata.vyasa*crit.7.172.87) — Sanskrit - [Nāradapurāṇa](https://indike.org/pramana/in.purana.narada.1.63.114) — Vyāsa, Sanskrit - [Nyāyamañjarī](https://indike.org/pramana/in.darsana.nyaya.nyayamanjari.1.1.61) — Jayanta Bhaṭṭa, Sanskrit - [Kārikās (input Motoi Ono)](https://indike.org/pramana/in.bauddha.sanskrit.darsana.pramana.pramanavarttika*ono.2.1.2012) — Sanskrit - [Nyāyabhāṣya (complete text)](https://indike.org/pramana/in.darsana.nyaya.nyayasutra!vatsyayana*complete.11.p273) — Sanskrit - [Svacchandatantra](https://indike.org/pramana/in.sampradaya.saiva.agama.bhairava.svacchanda.9.110) — Sanskrit - [Kriyākramadyotikā](https://indike.org/pramana/in.sampradaya.saiva.siddhanta.paddhati.kriyakramadyotika.1.851) — Aghoraśiva, Sanskrit - [Śivajñānasiddhi Svapakṣa Dṛṣṭāntasaṅgraha](https://indike.org/pramana/in.sampradaya.saiva.siddhanta.meykanda.sivajnanasiddhisvapaksa.2.380) — Sanskrit - [Kiraṇatantra](https://indike.org/pramana/in.sampradaya.saiva.agama.rudra.kirana.1.20) — Sanskrit --- Source: [https://indike.org/pramana/in.sampradaya.saiva.agama.siva.kamika.mrgendra*alt.1](https://indike.org/pramana/in.sampradaya.saiva.agama.siva.kamika.mrgendra*alt.1) · Pramāṇa