[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Śaiva traditions](https://indike.org/pramana/in.sampradaya.saiva) › [Śaiva Siddhānta](https://indike.org/pramana/in.sampradaya.saiva.siddhanta) › [The Fourteen Meykaṇṭa Śāstras](https://indike.org/pramana/in.sampradaya.saiva.siddhanta.meykanda) › [சிவஞானபோதம](https://indike.org/pramana/in.sampradaya.saiva.siddhanta.meykanda.civananapotam) › 2.33 # சிவஞானபோதம 2.33 சிவஞானபோதம் 2.33 - **Language:** Tamil ### [2.33](https://indike.org/pramana/in.sampradaya.saiva.siddhanta.meykanda.civananapotam.2.33) இரண்டாம் அதிகரணம் மேற்கோள்: இனி, இறைபணி வழுவாது நிற்க என்றது. ஏது: அவன் அருளால் அல்லது ஒன்றையும் செய்யான் ஆகவே அஞ்ஞான கன்மம் பிரவேசியா ஆகலான். உதாரணம்: நாம் அல்ல இந்திரியம் நம்வழியின் அல்ல, வழி நாம் அல்ல நாமும் அரனுடைமை -- ஆம் என்னில் எத்தனுவில் நின்றும் இறைபணியார்க்கு இல்லைவினை முற்செய்வினையும் தருவான் முன். 63 சார்ந்தாரைக் காத்தல் தலைவர் கடனாதல் சார்ந்தாரைக் காத்தும் சலமிலனாய்ச் -- சார்ந்தடியார் தாந்தானாச் செய்துபிறர் தங்கள்வினை தான்கொடுத்தல் ஆய்ந்தார்முன் செய்வினையும் ஆங்கு. 64 இங்குளி வாங்கும் கலம்போல ஞானிபால் முன்செய் வினை மாயை மூண்டிடினும் -- பின்செய்வினை மாயையுடன் நில்லாது மற்றவன்தான் மெய்ப்பொருளே ஆய அதனால் உணரும் அச்சு. நண் அனல் வேவாத நற்றவர் தம்மினும் பண் அமர மாச்செலுத்தும் பாகரினும் -- எண்ணி அரனடி ஓர்பவர் ஐம்புலனில் சென்றும் அவர்திறல் நீங்கார் அதற்கு. 66 சதசத்தாம் மெய்கண்டான் சத்தருளிற் காணின் இதமித்தல் பாசத்தில் இன்றிக் - கதமிக்கு எரிகதிரின் முன்னிருள்போல், ஏலா அசத்தின் அருகு அணையார், சத்து அணைவார் ஆங்கு. 67 - [Previous: 2.32](https://indike.org/pramana/in.sampradaya.saiva.siddhanta.meykanda.civananapotam.2.32) - [Next: 2.34](https://indike.org/pramana/in.sampradaya.saiva.siddhanta.meykanda.civananapotam.2.34) - [Up: 2](https://indike.org/pramana/in.sampradaya.saiva.siddhanta.meykanda.civananapotam.2) --- Source: [https://indike.org/pramana/in.sampradaya.saiva.siddhanta.meykanda.civananapotam.2.33](https://indike.org/pramana/in.sampradaya.saiva.siddhanta.meykanda.civananapotam.2.33) · Pramāṇa