[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Śaiva traditions](https://indike.org/pramana/in.sampradaya.saiva) › [Shivadvaitamanjari](https://indike.org/pramana/in.sampradaya.saiva.sivadvaitamanjari) › 10.2 # Shivadvaitamanjari 10.2 Śivādvaitamañjarī 10.2 - **Language:** Sanskrit ### [10.2](https://indike.org/pramana/in.sampradaya.saiva.sivadvaitamanjari.10.2) pṛ0 11) pūjanīyaḥ parameśvara iti strīvaśyārthaṃ maṃtrataṃtrauṣadhāni coktāni | bhūtataṃtreṇa tu sadyojātaṃ brahmasvarūpavaddhyātvā parameśvaraḥ pūjanīya ityuktaṃ bhūtapretapiśācacikitsārthaṃ maṃtrauṣadhāni ca śaktitattvavāsinā kena cidātmanā śāktataṃtramuktam | bhāskarīyavedāntavādiproktavajjaḍājaḍamakhilaṃ śaktipariṇatirityetattaṃtrasya mataṃ tānyadhaḥsrotāṃsi catvāri ca sākṣācchivapraṇītāni bhavanti | kau?ādiśāstrāṇi manuṣyairmaccheṃdranāthādisiddhairuktāni | lokāyitajñānināṃ pṛthivyaptejovāyūnāṃ caturṇāṃ bhūtānāṃ jñānena tattattvodbhūtaṃ janma viramati | bauddhānāṃ buddhitattvādarvākprapaṃcajananaṃ viramati | ārhatānāṃ guṇatattvādarvāktattvajanma viramati nyāyavaiśeṣikayorbuddhitattvāntasaṃsārasāro viramati | sāṃkhyānāṃ prakṛtipuruṣayorvivekajñāne satyapi prakṛterupari miśrādhvaviṣayatattvajñānāsaṃbhavādaśeṣakarmanāśānutpattervijñānakai valyaṃ nāsti pāṃcarātrāṇāṃ prakṛterarvāksaṃsāro viramati | vedāntināṃ puruṣatattvaprāptiḥ syāt paurāṇikānāṃ rāgatattvaprāptiḥ syāt | kāpālikānāṃ kālatattvaprāptiḥ syāt| pāśupatānāṃ māyātattvaprāptiḥ syāt | mahāvratānāṃ vidyātattvaprāptiḥ syāt | śrotontaragāruḍadakṣiṇavāmabhūtataṃtreṣu dīkṣitānāṃ śaktitattvasthitanivṛttipratiṣṭhāvidyāśāṃtibhuvanaprāptiḥ syāt | śuddhaśāktānāṃ śaktitattvaprāptiḥ syāt | kaulayāma?ādiśāstrāṇāṃ hiṃsāmaithunasaṃgasya saṃbhavāt piśācapadaprāptiḥ syāt | - [Previous: 10.1](https://indike.org/pramana/in.sampradaya.saiva.sivadvaitamanjari.10.1) - [Next: 10.3](https://indike.org/pramana/in.sampradaya.saiva.sivadvaitamanjari.10.3) - [Up: 10](https://indike.org/pramana/in.sampradaya.saiva.sivadvaitamanjari.10) --- Source: [https://indike.org/pramana/in.sampradaya.saiva.sivadvaitamanjari.10.2](https://indike.org/pramana/in.sampradaya.saiva.sivadvaitamanjari.10.2) · Pramāṇa