[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Vaiṣṇava traditions](https://indike.org/pramana/in.sampradaya.vaisnava) › [Other Vaiṣṇava hymns](https://indike.org/pramana/in.sampradaya.vaisnava.stotra) › [Hymns to the Avatāras of Viṣṇu](https://indike.org/pramana/in.sampradaya.vaisnava.stotra.avatara) › [Matsyastotra](https://indike.org/pramana/in.sampradaya.vaisnava.stotra.avatara.matsyastotra) › 1 # Matsyastotra 1 Matsyastotra 1 - **Language:** Sanskrit ### [1.1](https://indike.org/pramana/in.sampradaya.vaisnava.stotra.avatara.matsyastotra.1.1) śrīgaṇeśāya namaḥ || nūnaṃ tvaṃ bhagavānsākṣāddharirnārāyaṇo'vyayaḥ anugrahāya bhūtānāṃ dhatse rūpaṃ jalaukasām ### [1.2](https://indike.org/pramana/in.sampradaya.vaisnava.stotra.avatara.matsyastotra.1.2) namaste puruṣaśreṣṭha sthityutpattyapyayeśvara | bhaktānāṃ naḥ prapannānāṃ mukhyo hyātmagatirvibho ### [1.3](https://indike.org/pramana/in.sampradaya.vaisnava.stotra.avatara.matsyastotra.1.3) sarve līlāvatārāste bhūtānāṃ bhūtihetavaḥ | jñātumicchāmyado rūpaṃ yadarthaṃ bhavatā dhṛtam ### [1.4](https://indike.org/pramana/in.sampradaya.vaisnava.stotra.avatara.matsyastotra.1.4) na te'ravindākṣa padopasarpaṇaṃ mṛṣā bhavetsarvasuhṛtpriyātmanaḥ | yarhetareṣāṃ pṛthagātmanāṃ satāmadīdṛśo yadvapuradbhutaṃ hi naḥ ### [1.1-2](https://indike.org/pramana/in.sampradaya.vaisnava.stotra.avatara.matsyastotra.1.1-2) iti śrīmadbhāgavatapurāṇāntargataṃ matsyastotraṃ saṃpūrṇam śrīgaṇeśāya namaḥ || devā ūcuḥ || namāma te deva padāraviṃdaṃ prapannatāpopaśamātapatram | yanmūlaketā yatayo'ñjasorusaṃsāraduḥkhaṃ bahirutkṣipanti ### [1.2-2](https://indike.org/pramana/in.sampradaya.vaisnava.stotra.avatara.matsyastotra.1.2-2) dhātaryadasminbhava īśa jīvāstāpatrayeṇopahatā na śarma | ātmaṃśchabhaṃte bhagavaṃstavāṅghicchāyāṃ savidyāsata āśrayema ### [1.3-2](https://indike.org/pramana/in.sampradaya.vaisnava.stotra.avatara.matsyastotra.1.3-2) mārgaṃti yatte mukhapadmanīḍaiśchaṃdaḥsuparṇairkaṣayo vivikte | yasyādhamarṣodasariddharāyāḥ padaṃ padaṃ tīrthapadaḥ prapannāḥ ### [1.4-2](https://indike.org/pramana/in.sampradaya.vaisnava.stotra.avatara.matsyastotra.1.4-2) yacchddhayā śrutavatyā ca bhattyā saṃmṛjyamāne hṛdaye'vadhāya | jñānena vairāgyabalena dhīrā vrajema tatte'ṅghrisarojapīṭham ### [1.5](https://indike.org/pramana/in.sampradaya.vaisnava.stotra.avatara.matsyastotra.1.5) viśvasya janmasthitisaṃyamārthe kṛtāvatārasya padāṃbujaṃ te | vrajema sarve śaraṇaṃ yadīśa smṛtaṃ prayacchatyabhayaṃ svapuṃsām ### [1.6](https://indike.org/pramana/in.sampradaya.vaisnava.stotra.avatara.matsyastotra.1.6) yatsānubaṃdhe'sati dehagehe mamāhamityūḍhadurāgrahāṇām | puṃsāṃ sudūraṃ vasato'pi puryāṃ bhajema tatte bhagavan padābjam ### [1.7](https://indike.org/pramana/in.sampradaya.vaisnava.stotra.avatara.matsyastotra.1.7) tānvā asadvṛttibhirakṣibhirye parāhṛtāṃtarmanasaḥ pareśa | atho na paśyatyurugāya nūnaṃ ye te padanyāsavilāsalakṣyāḥ ### [1.8](https://indike.org/pramana/in.sampradaya.vaisnava.stotra.avatara.matsyastotra.1.8) pānena te deva kathāsudhāyāḥ pravṛddhabhaktyā viśadāśayā ye | vairāgyasāraṃ pratilabhya bodhaṃ yathāṃjasāñjīvīyurakuṇṭhadhiṣṇyam ### [1.9](https://indike.org/pramana/in.sampradaya.vaisnava.stotra.avatara.matsyastotra.1.9) tathāpare cātmasamādhiyogabalena jitvā prakṛtiṃ baliṣṭhām | tvāmeva dhīrāḥ puruṣaṃ viśanti teṣāṃ śramaḥ syādna tu sevayā te ### [1.10](https://indike.org/pramana/in.sampradaya.vaisnava.stotra.avatara.matsyastotra.1.10) tatte vayaṃ lokasisṛkṣayādya tvayānusṛṣṭāstribhirātmabhiḥ sma | sarve viyuktāḥ svavihāratantraṃ na śaknumastatpratihartave te ### [1.11](https://indike.org/pramana/in.sampradaya.vaisnava.stotra.avatara.matsyastotra.1.11) yāvadbaliṃ te'ja harāma kāle yathā vayaṃ cānnamadāma yatra | yathobhayeṣāṃ ta ime hi lokā baliṃ haranto'nnamadaṃtyanūhāḥ ### [1.12](https://indike.org/pramana/in.sampradaya.vaisnava.stotra.avatara.matsyastotra.1.12) tvaṃ naḥ surāṇāmasi sānvayānāṃ kūṭastha ādyaḥ puruṣaḥ purāṇaḥ | tvaṃ devaśaktyāṃ guṇakarmayonau retastvajāyāṃ kavimādadhe'jaḥ ### [1.13](https://indike.org/pramana/in.sampradaya.vaisnava.stotra.avatara.matsyastotra.1.13) tato vayaṃ satpramukhā yadarthe babhūvimātmankaravāma kiṃ te tvaṃ naḥ svacakṣuḥ paridehi śaktyā devakriyārthe yadanugrahāṇām ## Linked texts (6) - [Bhāgavatapurāṇa](https://indike.org/pramana/in.purana.bhagavata.3.5.38) — Vyāsa, Sanskrit - [Tṛtīyaskandha](https://indike.org/pramana/in.purana.bhagavata.trtiyaskandha.5.39) — Sanskrit - [Bhāgavatamāhātmya](https://indike.org/pramana/in.sampradaya.vaisnava.tantra.tantra.bhagavatamahatmya.44.38) — Kṛṣṇacandra, Sanskrit - [Toḍararāja](https://indike.org/pramana/in.astro.sangraha.nibandha.todararaja.4.69) — Nīlakaṇṭha Dīkṣita, Sanskrit - [Ṭoḍarānanda](https://indike.org/pramana/in.niti.dharma.nibandha.mahanibandha.todarananda.4.69) — Ṭoḍaramalla 1564, Sanskrit - [Aṣṭamaskandha](https://indike.org/pramana/in.purana.bhagavata.astamaskandha.34.27) — Sanskrit --- Source: [https://indike.org/pramana/in.sampradaya.vaisnava.stotra.avatara.matsyastotra.1](https://indike.org/pramana/in.sampradaya.vaisnava.stotra.avatara.matsyastotra.1) · Pramāṇa