[Pramāṇa](https://indike.org/pramana/) › [Indian literature](https://indike.org/pramana/in) › [Sangam Literature](https://indike.org/pramana/in.sangam) › [The Eight Anthologies](https://indike.org/pramana/in.sangam.eight_anthologies) › [Puṟanāṉūṟu](https://indike.org/pramana/in.sangam.eight_anthologies.purananuru) › [Purananuru palaiya urai](https://indike.org/pramana/in.sangam.eight_anthologies.purananuru!old-urai) › 4 # Purananuru 4 Puṟanāṉūṟu paḻaiya urai 4 - **Language:** Tamil ### [4.p1](https://indike.org/pramana/in.sangam.eight_anthologies.purananuru!old-urai.4.p1) வாள், வலந்தர மறுப்பட்டன செவ்வானத்து வனப்புப்போன்றன தாள், களங்கொளக் கழல்பறைந்தன கொல்ல் லேற்றின் மருப்புப்போன்றன ### [4.p2](https://indike.org/pramana/in.sangam.eight_anthologies.purananuru!old-urai.4.p2) 5 தோல், துவைத்தம்பிற் துளைதோன்றுவ நிலைக்கொராஅ விலக்கம் போன்றன மாவே, எறிபதத்தா னிடங்காட்டக் கறுழ்பொருத செவ்வாயான் எருத்துவவ்விய புலிபோன்றன ### [4.p3](https://indike.org/pramana/in.sangam.eight_anthologies.purananuru!old-urai.4.p3) 10 களிறு, கதவெறியாச் சிவந்துராஅய் நுதிமழுங்கிய வெண்கோட்டான் உயிருண்ணுங் கூற்றுப்போன்றன நீயே, அலங்குளைப் பரீஇயிவுளிப் பொலந்தேர்மிசைப் பொலிவுதோன்றி ### [4.p4](https://indike.org/pramana/in.sangam.eight_anthologies.purananuru!old-urai.4.p4) 15 மாக்கட னிவந்தெழுதரும் செஞ்ஞாயிற்றுக் கவினைமாதோ அனையை யாகன் மாறே தாயி றூவாக் குழவி போல ஓவாது கூஉநின் னுடற்றியோர் நாடே. ### [4.p5](https://indike.org/pramana/in.sangam.eight_anthologies.purananuru!old-urai.4.p5) (பி - ம்.) 10 ‘களிறே’ 14 ‘பொலிவொடு’ ### [4.p6](https://indike.org/pramana/in.sangam.eight_anthologies.purananuru!old-urai.4.p6) திணை - வஞ்சி; துறை - கொற்றவள்ளை. ### [4.p7](https://indike.org/pramana/in.sangam.eight_anthologies.purananuru!old-urai.4.p7) சோழன் உருவப்பஃறேரிளஞ்சேட்சென்னியைப் பரணர்பாடியது. ### [4.p8](https://indike.org/pramana/in.sangam.eight_anthologies.purananuru!old-urai.4.p8) (இ - ள்.) வாள் வெற்றியைத்தருதலாற் குருதிக்கறைபட்டன, செக்கர் வானத்தினதுஅழகையொத்தன; கால்புடை பெயர்ந்துபோர் செய்துகளத்தைத் தமதாக்கிக்கொள்ளுதலால் வீரக்கழல் ¹அருப்புத்தொழில் பறைந்தவை, கொல்லும் ஆனேற்றினதுகோட்டையொத்தன;பரிசைகள் ஒலித்துத் தைத்த அம்புகளால் துளைதோன்றுவன,நிலையிற் றப்பாத இலக்கத்தையொத்தன; குதிரைகள்எதிரியை எறியும் காலமுடையான் ² இடவாய்வலவாயாகிய இடத்தைக் காட்ட முகக்கருவி பொரப்பட்டசெவ்வாயை உடைமையான் மான்முதலாயினவற்றின் கழுத்தைக்கவ்வி உதிரம் ³ உவற்றியுண்ட புலியை யொத்தன;களிறுகள், கதவை முறித்து வெகுண்டு உலாவி நுனைதேய்ந்தவெளியகோட்டையுடைமையான் உயிரையுண்ணும் கூற்றையொத்தன;நீதான், அசைந்த தலையாட்டமணிந்த கதியையுடைய குதிரையாற்பூட்டப்பட்ட பொற்றேரின்மேலே பொலிவொடு தோன்றுதலாற்கரிய கடலின்கண்ணே ஓங்கியெழுகின்ற செய்யஞாயிற்றினது ஒளியையுடையை; அத்தன்மையையாதலால்,தாயில்லாத உண்ணாக் குழவிபோல ஒழியாது கூப்பிடும்நின்னைச் சினப்பித்தவருடைய நாடு - எ - று. ### [4.p9](https://indike.org/pramana/in.sangam.eight_anthologies.purananuru!old-urai.4.p9) நாடென்றது (19) நாட்டுள்வாழ்வாரை. மாறென்பது (17) ஏதுப் பொருள்படுவதோர்இடைச்சொல். கழல்பரிந்தன (3) வென்றோதி, வீரக்கழல் நீங்கியவையென்றுஉரைப்பாருமளர். ### [4.p10](https://indike.org/pramana/in.sangam.eight_anthologies.purananuru!old-urai.4.p10) வாளாகிய மறுப்பட்டவை (1) யெனவும்,கழலாகிய பறைந்தவையெனவும் (3) தோலாகிய துளைதோன்றுவ(5) வெனவும் கொள்க. ### [4.p11](https://indike.org/pramana/in.sangam.eight_anthologies.purananuru!old-urai.4.p11) துவைத்துத் தோன்றுவவென இயையும். ### [4.p12](https://indike.org/pramana/in.sangam.eight_anthologies.purananuru!old-urai.4.p12) எறிபதத்தா (7) னென்பதற்கு ⁴ ஒத்தும்காலையுடையானென்று உரைப்பாருமுளர். ### [4.p13](https://indike.org/pramana/in.sangam.eight_anthologies.purananuru!old-urai.4.p13) செஞ்ஞாயிற்றுக் கவினை (16) யென்றதுணையும்மன்னவன் புகழும், ஓவாது கூஉநின் உடற்றியோர் நாடென(19) ஒன்னார் நாடழிபிரங்கலு மோதலான், இது கொற்றவள்ளை(பு. வெ. 43) ஞாயிற்று. ### [4.p14](https://indike.org/pramana/in.sangam.eight_anthologies.purananuru!old-urai.4.p14) (கு - ரை.) 1 - 2 நேரசை கூனாய்நின்றதற்குஇவ்வடிகள் மேற்கோள்; தொல். செய். சூ. 48; பேர்.;49, ந. ### [4.p15](https://indike.org/pramana/in.sangam.eight_anthologies.purananuru!old-urai.4.p15) 3. களத்தைத் தமதாக்கிக் கொள்ளுதல்: புறநா. 53 : 5. கு - ரை. “வென்று களங்கொண்ட வேல்வேந்தே”(பு - வெ. 225) என்பதனாலும், “தேன்மிடைந்த தாரினான்செங்களஞ் சிறந்ததே” (சீவக. 279) என்பதற்குஎழுதப்பட்ட ‘இத்துணையும் இவன் வெற்றியாதலின்இவன் களமென்றார்’ என்னும் குறிப்புரையாலும்விளங்கும். “பறைதாள் விளவு” (பெரும்பாண்.95). இவ்வடி பதினோரெழுத் திருசீரடி வஞ்சிப்பாவிற்குமேற்கோள்; யா - வி. ஒழிபியல், சூ. 95. ### [4.p16](https://indike.org/pramana/in.sangam.eight_anthologies.purananuru!old-urai.4.p16) 5. துவையென்னும் உரிச்சொல் ஓசைப்பொருளில்வந்ததற்கு இவ்வடி மேற்கோள்; நன். மயிலை. சூ.458; நன். வி. சூ. 459. ### [4.p17](https://indike.org/pramana/in.sangam.eight_anthologies.purananuru!old-urai.4.p17) 5 - 6. குறளடியும் சிந்தடியும் வந்தமையான்மயக்கடி வஞ்சிப் பாட்டானதற்கு மேற்கோள்; தொல்.செய். சூ. 47. ந. ### [4.p18](https://indike.org/pramana/in.sangam.eight_anthologies.purananuru!old-urai.4.p18) 6. “கம்பமொடு துளங்கிய விலக்கம்”(புறநா. 260 : 23) ### [4.p19](https://indike.org/pramana/in.sangam.eight_anthologies.purananuru!old-urai.4.p19) 9. ‘எருத்துவ்விய’ எனப்பாடங்கொண்டுஎரு, இறைச்சியெனப் பொருள்கூறுவர் தக்க. உரையாசிரியர்(386) ### [4.p20](https://indike.org/pramana/in.sangam.eight_anthologies.purananuru!old-urai.4.p20) 10 - 11. கடிமதிற் கதவம் பாய்தலிற்றொடிபிளந்து, நுதிமுக மழுகிய மண்ணைவெண்கோட்டுச்,சிறுகண்யானை” (அகநா. 24 : 11 - 3) ### [4.p21](https://indike.org/pramana/in.sangam.eight_anthologies.purananuru!old-urai.4.p21) 10 - 12. களிறு....போன்றன; நிரைபசைவஞ்சியடியிற் கூனாய் வந்ததற்கு மேற்கோள்; தொல்.செய். சூ. 48, பேர்.; ந. ### [4.p22](https://indike.org/pramana/in.sangam.eight_anthologies.purananuru!old-urai.4.p22) 13. புறநா. 2 - 13. ### [4.p23](https://indike.org/pramana/in.sangam.eight_anthologies.purananuru!old-urai.4.p23) 15 - 6. “பலர்புகழ் ஞாயிறு கடற்கண்டாஅங், கோவறவிமைக்குஞ் சேண்விளங் கவிரொளி”(முருகு. 2 - 3) ; தொல். கிளவி. சூ. 18 : தெய்வச்.;கல். மேற்.; புறநா. 228 : 8 - 9; பு - வெ. 201) ; சீவக.2371. ### [4.p24](https://indike.org/pramana/in.sangam.eight_anthologies.purananuru!old-urai.4.p24) 13 - 6. வாழ்த்து வகையில் தேரடுத்துவந்ததற்கு இதுமேற்கோள்; தொல். புறத்திணை. சூ.31. ந. ### [4.p25](https://indike.org/pramana/in.sangam.eight_anthologies.purananuru!old-urai.4.p25) 17. மு. புறநா. 20 : 20; பதிற்.80 : 12. மாறு, மூன்றாம்வேற்றுமைப்பொருட்கண் வருமென்பதற்கும்(தொல். இடை. சூ. 2, சே.; இ - வி. சூ. 251, உரை), காரணப்பொருளுணர்த்திநிற்குமென்பதற்கும் (தொல். இடை. சூ. 2, ந.),ஆகலென்னும் வினைக்குறிப்புச்சொல் சார்ந்து நின்றசொற்பொருளையே உணர்த்தி நிற்குமென்பதற்கும்முச்சீரடி இடை வந்ததற்கும் (தொல். இடை. சூ. 32,ந.; தொல். செய். சூ. 71, பேர்.) இது மேற்கோள். ### [4.p26](https://indike.org/pramana/in.sangam.eight_anthologies.purananuru!old-urai.4.p26) 18 - 9. “ஈன்றோ ணீத்த குழவிபோல”, தாயி, றூவாக் குழவி போல” (புறநா.230 : 7, 379 : 14 - 5); “குழவிகொள் வாரிற் குடிபுறந்தந்து”(பதிற். 6 - ஆம்பத்துப் பதிகம்); “தாயிலாக்குழவி போலச் சாதுய ரெய்துகின்றேன்; (சீவக.1581) ; ‘தாயி றூவாக் குழவித்துயர்” “தாயொழிகுழவி போலக் கூஉம்” (மணி. 13 : 11, 25 : 111); ### [4.p27](https://indike.org/pramana/in.sangam.eight_anthologies.purananuru!old-urai.4.p27) “ஓங்குகுடை நீழ லுலகுதுயின் மடியக்,குழவிகொள் பவரி னிகழா தோம்பி” (பெருங்.4. 10 : 133 - 4) ### [4.p28](https://indike.org/pramana/in.sangam.eight_anthologies.purananuru!old-urai.4.p28) 15 - 9. வஞ்சிப்பா மண்டில ஆசிரியத்தான்இற்றதற்கு மேற்கோள்; தொல். செய். சூ., 71, பேர். ### [4.p29](https://indike.org/pramana/in.sangam.eight_anthologies.purananuru!old-urai.4.p29) இதன் 14 - ஆம் அடியாற் பாட்டுடைத்தலைவனதுபெயர்க்காரணம் புலப்படுகின்றது. (4) ### [4.p30](https://indike.org/pramana/in.sangam.eight_anthologies.purananuru!old-urai.4.p30) 1. அருப்புத்தொழில் : கலித்.104 : 23, ந. ### [4.p31](https://indike.org/pramana/in.sangam.eight_anthologies.purananuru!old-urai.4.p31) 2. ‘இடவாய்வலவாயாகிய இடம்’(கலித். 140 : 14, ந.) ### [4.p32](https://indike.org/pramana/in.sangam.eight_anthologies.purananuru!old-urai.4.p32) 3. உவற்றி - ஊற்றி; “ஒண்செங்குருதியுவற்றியுண்டருந்துபு,புலவுப்பலி துறந்த கலவுக்கழி கடுமுடை” (அகநா.3) ### [4.p33](https://indike.org/pramana/in.sangam.eight_anthologies.purananuru!old-urai.4.p33) 4. ஒத்துதல் - அழுத்தல்; “ஒத்துந்தாளத் தொக்கத் தத்தித், தத்தும் பரிதன்றான் வைத்ததுவே”(திருவால. 28 : 53) --- Source: [https://indike.org/pramana/in.sangam.eight_anthologies.purananuru!old-urai.4](https://indike.org/pramana/in.sangam.eight_anthologies.purananuru!old-urai.4) · Pramāṇa