[Pramāṇa](https://indike.org/pramana/) › [Indian literature](https://indike.org/pramana/in) › [Sangam Literature](https://indike.org/pramana/in.sangam) › [The Eight Anthologies](https://indike.org/pramana/in.sangam.eight_anthologies) › [Purananuru](https://indike.org/pramana/in.sangam.eight_anthologies.purananuru) › 15 # Purananuru 15 Puṟanāṉūṟu 15 - **Language:** Tamil ### [15](https://indike.org/pramana/in.sangam.eight_anthologies.purananuru.15) எதனிற் சிறந்தாய்? பாடியவர் :கபிலர். பாடப்பட்டோன் : சேரமான் செல்வக் கடுங்கோ வாழியாதன். திணை : பாடாண். துறை : இயன்மொழி கடுந்தேர் குழித்த ஞெள்ளல் ஆங்கண், வெள்வாய்க் கழுதைப் புல்லினப் பூட்டிப், பாழ்செய் தனை, அவர் நனந்தலை நல்லெயில்; புள்ளினம் இமிழும் புகழ்சால் விளைவயல், வெள்ளுளைக் கலிமான் கவிகுளம்பு உகளத் தேர்வழங் கினைநின் தெவ்வர் தேஎத்துத்; துளங்கு இயலாற், பணை எருத்தின், பா வடியாற்,செறல் நோக்கின், ஒளிறு மருப்பின் களிறு அவர காப் புடைய கயம் படியினை; அன்ன சீற்றத்து அனையை; ஆகலின், விளங்கு பொன் எறிந்த நலங்கிளர் பலகையடு நிழல்படு நெடுவேல் ஏந்தி ஒன்னார் ஒண்படைக் கடுந்தார் முன்புதலைக் கொண்மார், நசைதர வந்தோர் நசைபிறக்கு ஒழிய, வசைபட வாழ்ந்தோர் பலர்கொல்? புரையில் நற் பனுவல் நால் வேதத்து அருஞ் சீர்த்திப் பெருங் கண்ணுறை நெய்ம் மலி ஆவுதி பொங்கப், பன்மாண் வீயாச் சிறப்பின் வேள்வி முற்றி, யூபம் நட்ட வியன்களம் பலகொல்? யாபல கொல்லோ? பெரும! வார் உற்று விசிபிணிக் கொண்ட மண்கனை முழவின் பாடினி பாடும் வஞ்சிக்கு நாடல் சான்ற மைந்தினோய்! நினக்கே. - [Previous: 14](https://indike.org/pramana/in.sangam.eight_anthologies.purananuru.14) - [Next: 16](https://indike.org/pramana/in.sangam.eight_anthologies.purananuru.16) ## Commentaries (1) - [Puṟanāṉūṟu paḻaiya urai](https://indike.org/pramana/in.sangam.eight_anthologies.purananuru!old-urai.15) — Tamil --- Source: [https://indike.org/pramana/in.sangam.eight_anthologies.purananuru.15](https://indike.org/pramana/in.sangam.eight_anthologies.purananuru.15) · Pramāṇa