[Pramāṇa](https://indike.org/pramana/) › [Indian literature](https://indike.org/pramana/in) › [Sangam Literature](https://indike.org/pramana/in.sangam) › [The Eight Anthologies](https://indike.org/pramana/in.sangam.eight_anthologies) › [Purananuru](https://indike.org/pramana/in.sangam.eight_anthologies.purananuru) › 8 # Purananuru 8 Puṟanāṉūṟu 8 - **Language:** Tamil ### [8](https://indike.org/pramana/in.sangam.eight_anthologies.purananuru.8) கதிர்நிகர் ஆகாக் காவலன்! பாடியவர் : கபிலர். பாடப்பட்டோன் : சேரமான் கடுங்கோ வாழியாதன் : சேரமான் செல்வக் கடுங்கோ வாழியாதன் என்பவனும் இவனே. திணை : பாடாண். துறை: இயன்மொழி; பூவை நிலையும் ஆம். வையம் காவலர் வழிமொழிந்து ஒழுகப், போகம் வேண்டிப், பொதுச்சொல் பொறாஅது , இடம் சிறிது என்னும் ஊக்கம் துரப்ப, ஒடுங்கா உள்ளத்து, ஓம்பா ஈகைக், கடந்து அடு தானைச் சேரலாதனை யாங்கனம் ஒத்தியோ? வீங்குசெலல் மண்டிலம்! பொழுதுஎன வரைதி; புறக்கொடுத்து இறத்தி; மாறி வருதி; மலைமறைந்து ஒளித்தி; அகல்இரு விசும்பி னானும் பகல்விளங் குதியால் பல்கதிர் விரித்தே. - [Previous: 7](https://indike.org/pramana/in.sangam.eight_anthologies.purananuru.7) - [Next: 9](https://indike.org/pramana/in.sangam.eight_anthologies.purananuru.9) ## Commentaries (1) - [Puṟanāṉūṟu paḻaiya urai](https://indike.org/pramana/in.sangam.eight_anthologies.purananuru!old-urai.8) — Tamil --- Source: [https://indike.org/pramana/in.sangam.eight_anthologies.purananuru.8](https://indike.org/pramana/in.sangam.eight_anthologies.purananuru.8) · Pramāṇa