[Pramāṇa](https://indike.org/pramana/) › [Indian literature](https://indike.org/pramana/in) › [Sangam Literature](https://indike.org/pramana/in.sangam) › [The Five Great Epics](https://indike.org/pramana/in.sangam.five_great_epics) › [Maṇimēkalai's Renunciation](https://indike.org/pramana/in.sangam.five_great_epics.manimekalai) › 29 # Maṇimēkalai's Renunciation 29: தவத்திறம் பூண்டு தருமம் கேட்ட காதை Maṇimēkalai 29 - **Language:** Tamil ### தவத்திறம் பூண்டு தருமம் கேட்ட காதை ### [29.1](https://indike.org/pramana/in.sangam.five_great_epics.manimekalai.29.1) இறைஞ்சிய இளங்கொடி தன்னை வாழ்த்தி அறம் திகழ் நாவின் அறவணன் உரைப்போன் 'வென் வேல் கிள்ளிக்கு நாகநாடு ஆள்வோன் தன் மகள் பீலிவளை தான் பயந்த புனிற்று இளங் குழவியைத் தீவகம் பொருந்தி ### [29.6](https://indike.org/pramana/in.sangam.five_great_epics.manimekalai.29.6) தனிக் கலக் கம்பளச் செட்டி கைத் தரலும் வணங்கிக் கொண்டு அவன் வங்கம் ஏற்றிக் கொணர்ந்திடும் அந் நாள் கூர் இருள் யாமத்து அடைகரைக்கு அணித்தா அம்பி கெடுதலும் மரக்கலம் கெடுத்தோன் மைந்தனைக் காணாது ### [29.11](https://indike.org/pramana/in.sangam.five_great_epics.manimekalai.29.11) அரைசற்கு உணர்த்தலும் அவன் அயர்வுற்று விரைவனன் தேடி விழாக்கோள் மறப்பத் தன் விழாத் தவிர்தலின் வானவர் தலைவன் நின் உயிர்த் தந்தை நெடுங் குலத்து உதித்த மன் உயிர் முதல்வன் மகர வேலையுள் ### [29.16](https://indike.org/pramana/in.sangam.five_great_epics.manimekalai.29.16) முன்னிய வங்கம் முங்கிக் கேடுற பொன்னின் ஊசி பசுங் கம்பளத்துத் துன்னியதென்னத் தொடு கடல் உழந்துழி எழு நாள் எல்லை இடுக்கண் வந்து எய்தா வழுவாச் சீலம் வாழ்மையின் கொண்ட ### [29.21](https://indike.org/pramana/in.sangam.five_great_epics.manimekalai.29.21) பான்மையின் தனாது பாண்டு கம்பளம் தான் நடுக்குற்ற தன்மை நோக்கி "ஆதி முதல்வன் போதி மூலத்து நாதன் ஆவோன் நளி நீர்ப் பரப்பின் எவ்வம் உற்றான் தனது எவ்வம் தீர்" எனப் ### [29.26](https://indike.org/pramana/in.sangam.five_great_epics.manimekalai.29.26) பவ்வத்து எடுத்து "பாரமிதை முற்றவும் அற அரசு ஆளவும் அற ஆழி உருட்டவும் பிறவிதோறு உதவும் பெற்றியள்" என்றே சாரணர் அறிந்தோர் காரணம் கூற அந்த உதவிக்கு ஆங்கு அவள் பெயரைத் ### [29.31](https://indike.org/pramana/in.sangam.five_great_epics.manimekalai.29.31) தந்தை இட்டனன் நினை தையல் நின் துறவியும் அன்றே கனவில் நனவென அறைந்த மென் பூ மேனி மணிமேகலா தெய்வம் என்பவட்கு ஒப்ப அவன் இடு சாபத்து நகர் கடல் கொள்ள நின் தாயரும் யானும் ### [29.36](https://indike.org/pramana/in.sangam.five_great_epics.manimekalai.29.36) பகரும் நின் பொருட்டால் இப் பதிப் 'படர்ந்தனம்' என்றலும் அறவணன் தாள் இணை இறைஞ்சி 'பொன் திகழ் புத்த பீடிகை போற்றும் தீவதிலகையும் இத் திறம் செப்பினள் ஆதலின் அன்ன அணி நகர் மருங்கே ### [29.41](https://indike.org/pramana/in.sangam.five_great_epics.manimekalai.29.41) வேற்றுருக் கொண்டு வெவ் வேறு உரைக்கும் நூல் துறைச் சமய நுண் பொருள் கேட்டே அவ் உரு என்ன ஐ வகைச் சமயமும் செவ்விது அன்மையின் சிந்தையின் வைத்திலேன் அடிகள்! மெய்ப்பொருள் அருளுக' என்ன ### [29.46](https://indike.org/pramana/in.sangam.five_great_epics.manimekalai.29.46) 'நொடிகுவென் நங்காய்! நுண்ணிதின் கேள் நீ ஆதி சினேந்திரன் அளவை இரண்டே ஏதம் இல் பிரத்தியம் கருத்து அளவு என்னச் சுட்டுணர்வைப் பிரத்தியக்கம் எனச் சொலி விட்டனர் நாம சாதி குணம் கிரியைகள் ### [29.51](https://indike.org/pramana/in.sangam.five_great_epics.manimekalai.29.51) மற்று அவை அனுமானத்தும் அடையும் என காரண காரிய சாமானியக் கருத்து ஓரின் பிழைக்கையும் உண்டு பிழையாதது கனலில் புகைபோல் காரியக் கருத்தே ஏனை அளவைகள் எல்லாம் கருத்தினில் ### [29.56](https://indike.org/pramana/in.sangam.five_great_epics.manimekalai.29.56) ஆன முறைமையின் அனுமானம் ஆம் பிற பக்கம் ஏது திட்டாந்தம் உபநயம் நிகமனம் என்ன ஐந்து உள அவற்றில் பக்கம் "இம் மலை நெருப்புடைத்து" என்றல் "புகையுடைத்து ஆதலால்" எனல் பொருந்து ஏது ### [29.61](https://indike.org/pramana/in.sangam.five_great_epics.manimekalai.29.61) "வகை அமை அடுக்களை போல்" திட்டாந்தம் உபநயம் "மலையும் புகையுடைத்து" என்றல் நிகமனம் "புகையுடைத்தே நெருப்புடைத்து" என்றல் "நெருப்புடைத்து அல்லாது யாதொன்று அது புகைப் பொருத்தம் இன்று புனல்போல்" என்றல் ### [29.66](https://indike.org/pramana/in.sangam.five_great_epics.manimekalai.29.66) மேவிய பக்கத்து மீட்சி மொழி ஆய் வைதன்மிய திட்டாந்தம் ஆகும் தூய காரிய ஏதுச் சுபாவம் ஆயின் "சத்தம் அநித்தம்" என்றல் பக்கம் "பண்ணப்படுதலால்" எனல் ### [29.71](https://indike.org/pramana/in.sangam.five_great_epics.manimekalai.29.71) பக்க தன்ம வசனம் ஆகும் "யாதொன்று யாதொன்று பண்ணப்படுவது அநித்தம் கடம் போல்" என்றல் சபக்கத் தொடர்ச்சி "யாதொன்று அநித்தம் அல்லாதது பண்ணப் படாதது ஆகாசம் போல்" எனல் ### [29.76](https://indike.org/pramana/in.sangam.five_great_epics.manimekalai.29.76) விபக்கத் தொடர்ச்சி மீட்சி மொழி என்க அநன்னுவயத்தில் பிரமாணம் ஆவது "இவ் வெள்ளிடைக்கண் குடம் இலை" என்றல் செவ்விய பக்கம் "தோன்றாமையில்" எனல் பக்க தன்ம வசனம் ஆகும் ### [29.81](https://indike.org/pramana/in.sangam.five_great_epics.manimekalai.29.81) "இன்மையின் கண்டிலம் முயற்கோடு" என்றல் அந் நெறிச் சபக்கம் "யாதொன்று உண்டு அது தோற்றரவு அடுக்கும் கைந் நெல்லிபோல்" எனல் ஏற்ற விபக்கத்து உரை எனல் ஆகும் இவ்வகை ஏது பொருள் சாதிப்பன ### [29.86](https://indike.org/pramana/in.sangam.five_great_epics.manimekalai.29.86) "என்னை காரியம் புகை சாதித்தது?" என்னின் "புகை உள இடத்து நெருப்பு உண்டு" என்னும் அன்னுவயத்தாலும் "நெருப்பு இலா இடத்துப் புகை இல்லை" என்னும் வெதிரேகத்தாலும் புகஈ நெருப்பைச் சாதித்தது என்னின் ### [29.91](https://indike.org/pramana/in.sangam.five_great_epics.manimekalai.29.91) நேரிய புகையில் நிகழ்ந்து உண்டான ஊர்த்தச் சாமம் கௌடிலச் சாமம் வாய்த்த நெருப்பின் வரு காரியம் ஆதலின் மேல் நோக்கிக் கறுத்திருப்ப பகைத்திருப்ப தாமே நெருப்பைச் சாதிக்க வேண்டும் ### [29.96](https://indike.org/pramana/in.sangam.five_great_epics.manimekalai.29.96) அன்னுவயம் சாதிக்கின் "முன்னும் கழுதையையும் கணிகையையும் தம்மில் ஒருகாலத்து ஓர் இடத்தே அன்னுவயம் கண்டான் பிற்காலத்து கழுதையைக் கண்ட இடத்தே கணிகையை ### [29.101](https://indike.org/pramana/in.sangam.five_great_epics.manimekalai.29.101) அனுமிக்க வேண்டும் அது கூடா" "நெருப்பு இலா இடத்துப் புகை இலை எனல் நேர் அத் திருத்தகு வெதிரேகம் சாதிக்கும்" என்னின் "நாய் வால் இல்லாக் கழுதையின் பிடரில் நரி வாலும் இலையா காணப்பட்ட ### [29.106](https://indike.org/pramana/in.sangam.five_great_epics.manimekalai.29.106) அதனையே கொண்டு பிறிதோர் இடத்து நரி வாலினால் நாய் வாலை அனுமித்தல் அரிதாம்" அதனால் அதுவும் ஆகாது ஒட்டிய உபநயம் நிகமனம் இரண்டும் திட்டாந்தத்திலே சென்று அடங்கும் ### [29.111](https://indike.org/pramana/in.sangam.five_great_epics.manimekalai.29.111) பக்கம் ஏது திட்டாந்தங்கள் ஒக்க நல்லவும் தீயவும் உள அதில் வௌிப்பட்டுள்ள தன்மியினையும் வௌிப்பட்டுள சாத்திய தன்மத்திறம் பிறிதின் வேறு ஆம் வேறுபாட்டினையும் ### [29.116](https://indike.org/pramana/in.sangam.five_great_epics.manimekalai.29.116) தன்கண் சார்த்திய நயம் தருதல் உடையது நன்கு என் பக்கம் என நாட்டுக அது தான் "சத்தம் அநித்தம் நித்தம்" என்று ஒன்றைப் பற்றி நாட்டப்படுவது தன்மி சத்தம் சாத்திய தன்மம் ஆவது ### [29.121](https://indike.org/pramana/in.sangam.five_great_epics.manimekalai.29.121) நித்த அநித்தம் நிகழும் நல் ஏது மூன்றாய்த் தோன்றும் மொழிந்த பக்கத்து ஊன்றி நிற்றலும் சபக்கத்து உண்டாதலும் விபக்கத்து இன்றியே விடுதலும் சபக்கம் சாதிக்கின் பொருள் தன்னால் பக்கத்து ### [29.126](https://indike.org/pramana/in.sangam.five_great_epics.manimekalai.29.126) ஓதிய பொது வகை ஒன்றி இருத்தல் சத்த அநித்தம் சாத்தியம் ஆயின் "ஒத்த அநித்தம் கட ஆதி போல்" எனல் விபக்கம் விளம்பில் "யாதொன்று யாதொன்று அநித்தம் அல்லாதது பண்ணப் படாதது ### [29.131](https://indike.org/pramana/in.sangam.five_great_epics.manimekalai.29.131) ஆ அகாசம் போல்" என்று ஆகும் பண்ணப்படுதலும் செயலிடைத் தோன்றலும் நண்ணிய பக்கம் சபக்கத்திலும் ஆய் விபக்கத்து இன்றி அநித்தத்தினுக்கு மிகத் தரும் ஏதுவாய் விளங்கிற்று என்க ### [29.136](https://indike.org/pramana/in.sangam.five_great_epics.manimekalai.29.136) ஏதம் இல் திட்டாந்தம் இரு வகைய சாதன்மியம் வைதன்மியம் என சாதன்மியம் எனப்படுவது தானே "அநித்தம் கட ஆதி அன்னுவயத்து" என்கை வைதன்மிய திட்டாந்தம் "சாத்தியம் ### [29.141](https://indike.org/pramana/in.sangam.five_great_epics.manimekalai.29.141) எய்தா இடத்தில் ஏதுவும் இன்மை" இத்திறம் நல்ல சாதனத்து ஒத்தன தீய பக்கமும் தீய ஏதுவும் தீய எடுத்துக்காட்டும் ஆவன பக்கப் போலியும் ஏதுப் போலியும் ### [29.146](https://indike.org/pramana/in.sangam.five_great_epics.manimekalai.29.146) திட்டாந்தப் போலியும் ஆஅம் இவற்றுள் பக்கப்போலி ஒன்பது வகைப்படும் பிரத்தியக்க விருத்தம் அனுமான விருத்தம் சுவசன விருத்தம் உலோக விருத்தம் ஆகம விருத்தம் அப்பிர ### [29.151](https://indike.org/pramana/in.sangam.five_great_epics.manimekalai.29.151) சித்த விசேடணம் அப்பிரசித்த விசேடியம் அப்பிரசித்த உபயம் அப்பிரசித்த சம்பந்தம் என எண்ணிய இவற்றுள் பிரத்தியக்க விருத்தம் கண்ணிய காட்சி மாறுகொளல் ஆகும் ### [29.156](https://indike.org/pramana/in.sangam.five_great_epics.manimekalai.29.156) "சத்தம் செவிக்குப் புலன் அன்று" என்றல் மற்று அனுமான விருத்தம் ஆவது கருத்து அளவையை மாறாகக் கூறல் "அநித்தியக் கடத்தை நித்தியம்" என்றல் சுவசன விருத்தம் தன் சொல் மாறி இயம்பல் ### [29.161](https://indike.org/pramana/in.sangam.five_great_epics.manimekalai.29.161) "என் தாய் மலடி" என்றே இயம்பல் உலக விருத்தம் உலகின் மாறாம் உரை "இலகு மதி சந்திரன் அல்ல" என்றல் ஆகம விருத்தம் தன் நூல் மாறு அறைதல் அநித்த வாதியா உள்ள வைசேடிகன் ### [29.166](https://indike.org/pramana/in.sangam.five_great_epics.manimekalai.29.166) "அநித்தியத்தை நித்தியம்" என நுவறல் அப்பிரசித்த விசேடணம் ஆவது தத்தம் எதிரிக்குச் சாத்தியம் தெரியாமை பௌத்தன் மாறாய் நின்ற சாங்கியனைக் குறித்து "சத்தம் விநாசி" என்றால் ### [29.171](https://indike.org/pramana/in.sangam.five_great_epics.manimekalai.29.171) அவன் அவிநாசவாதி ஆதலின் சாத்திய விநாசம் அப்பிரசித்தம் ஆகும் அப்பிரசித்த விசேடியம் ஆவது எதிரிக்குத் தன்மி பிரசித்தம் இன்றி இருத்தல் சாங்கியன் மாறாய் நின்ற ### [29.176](https://indike.org/pramana/in.sangam.five_great_epics.manimekalai.29.176) பௌத்தனைக் குறித்து "ஆன்மாச் சைதனியவான்" என்றால் அவன் அநான்ம வாதி ஆதலின் தன்மி அப்பிரசித்தம் அப்பிரசித்த உபயம் ஆவது மாறு ஆனோர்க்குத் தன்மி சாத்தியம் ### [29.181](https://indike.org/pramana/in.sangam.five_great_epics.manimekalai.29.181) ஏறாது அப்பிரசித்தமாய் இருத்தல் பகர் வைசேடிகன் பௌத்தனைக் குறித்து "சுகம் முதலிய தொகைப் பொருட்குக் காரணம் ஆன்மா" என்றால் சுகமும் ஆன்மாவும் தாம் இசையாமையின் அப்பிரசித்த உபயம் ### [29.186](https://indike.org/pramana/in.sangam.five_great_epics.manimekalai.29.186) அப்பிரசித்த சம்பந்தம் ஆவது எதிரிக்கு இசைந்த பொருள் சாதித்தல் மாறு ஆம் பௌத்தற்கு "சத்த அநித்தம்" கூறில் அவன்ன் கொள்கை அஃது ஆகலில் வேறு சாதிக்க வேண்டாது ஆகும் ### [29.191](https://indike.org/pramana/in.sangam.five_great_epics.manimekalai.29.191) ஏதுப் போலி ஓதின் மூன்று ஆகும் அசித்தம் அநைகாந்திகம் விருத்தம்ம் என உபய அசித்தம் அன்னியதர அசித்தம் சித்த அசித்தம் ஆசிரய அசித்தம் என நான்கு அசித்தம் உபய அசித்தம் ### [29.196](https://indike.org/pramana/in.sangam.five_great_epics.manimekalai.29.196) சாதன ஏது இருவர்க்கும் இன்றி "சத்தம் அநித்தம் கண் புலத்து" என்றல் அன்னியதர அசித்தம் மாறு ஆய் நின்றாற்கு உன்னிய ஏது அன்றாய் ஒழிதல் "சத்தம் செயலுறல் அநித்தம்" என்னின் ### [29.201](https://indike.org/pramana/in.sangam.five_great_epics.manimekalai.29.201) சித்த வௌிப்பாடு அல்லது செயலுறல் உய்த்த சாங்கியனுக்கு அசித்தம் ஆகும் சித்த அசித்தம் ஆவது ஏது சங்கயமாய்ச் சாதித்தல் ஆவி பனி என ஐயுறா நின்றே ### [29.206](https://indike.org/pramana/in.sangam.five_great_epics.manimekalai.29.206) "தூய புகை நெருப்பு உண்டு" எனத் துணிதல் ஆசிரய அசித்தம் மாறு ஆனவனுக்கு ஏற்ற தன்மி இன்மை காட்டுதல் "ஆகாசம் சத்த குணத்தால் பொருளாம்" என்னின் "ஆகாசம் பொருள் அல்ல" என்பாற்குத் ### [29.211](https://indike.org/pramana/in.sangam.five_great_epics.manimekalai.29.211) தன்மி அசித்தம் அநைகாந்திகமும் சாதாரணம் அசாதாரணம் சபக்கைக தேசவிருத்தி விபக்க வியாபி விபக்கைகதேச விருத்தி சபக்க வியாபி உபயைகதேச விருத்தி ### [29.216](https://indike.org/pramana/in.sangam.five_great_epics.manimekalai.29.216) விருத்த வியபிசாரி என்று ஆறு சாதாரணம் சபக்க விபக்கத்துக்கும் ஏதுப் பொதுவாய் இருத்தல் "சத்தம் அநித்தம் அறியப்படுதலின்" என்றால் "அறியப்படுதல் நித்த அநித்தம் இரண்டுக்கும் ### [29.221](https://indike.org/pramana/in.sangam.five_great_epics.manimekalai.29.221) செறியும் கடம் போல் அநித்தத்து அறிவோ? ஆகாசம் போல நித்தத்து அறிவோ?" என்னல் அசாதாரணம் ஆவது தான் உன்னிய பக்கத்து உண்டாம் ஏதுச் சபக்க விபக்கம் தம்மில் இன்றாதல் ### [29.226](https://indike.org/pramana/in.sangam.five_great_epics.manimekalai.29.226) "சத்தம் நித்தம் கேட்கப்படுதலின்" என்னின் "கேட்கப்படல்" எனும் ஏதுப் பக்கத்து உள்ளதாயின் அல்லது சபக்க விபக்கத்து மீட்சித்து ஆதலின் சங்கயம் எய்தி அநேகாந்திகம் ஆம் ### [29.231](https://indike.org/pramana/in.sangam.five_great_epics.manimekalai.29.231) சபக்கைகதேச விருத்தி விபக்க வியாபி ஆவது ஏதுச் சபக்கத்து ஓர் இடத்து எய்தி விபக்கத்து எங்கும் உண்டாதல் ஆகும் "சத்தம் செயலிடைத் தோன்றாதாகும் அநித்தம் ஆகலின்" ### [29.236](https://indike.org/pramana/in.sangam.five_great_epics.manimekalai.29.236) என்றால் "அநித்தம்" என்ற ஏதுச் செயலிடைத் தோன்றாமைக்குச் சபக்கம் மின்னினும் ஆகாசத்தினும் மின்னின் நிகழ்ந்து ஆகாசத்தில் காணாது ஆகலின் அநித்தம் கட ஆதியின் ஒத்தலின் "கடம் போல் ### [29.241](https://indike.org/pramana/in.sangam.five_great_epics.manimekalai.29.241) அழிந்து செயலில் தோன்றுமோ? மின் போல் அழிந்து செயலில் தோன்றாதோ?" எனல் விபக்கைகதேச விருத்தி சபக்க வியாபி ஆவது ஏது விபக்கத்து ஓரிடத்து உற்று சபக்கத்து ஒத்து இயறல் ### [29.246](https://indike.org/pramana/in.sangam.five_great_epics.manimekalai.29.246) "சத்தம் செயலிடைத் தோன்றும் அநித்தம் ஆதலின்" எனின் அநித்த ஏதுச் செயலிடைத் தோன்றற்கு விபக்க ஆகாயத்தினும் மின்னினும் மின்னின் நிகழ்ந்து ஆகாசத்துக் காணாது சபக்கக் கட ஆதிகள் தம்மில் ### [29.251](https://indike.org/pramana/in.sangam.five_great_epics.manimekalai.29.251) எங்கும் ஆய் ஏகாந்தம் அல்ல "மின் போல் அநித்தம் ஆய்ச் செயலிடைத் தோன்றாதோ? கடம்போல் அநித்தம் ஆய்ச் செயலிடைத் தோன்றுமோ? எனல் உபயைகதேச விருத்தி ஏதுச் சபக்கத்தினும் விபக்கத்தினும் ஆகி ### [29.256](https://indike.org/pramana/in.sangam.five_great_epics.manimekalai.29.256) ஓர் தேசத்து வர்த்தித்தல் "சத்தம் நித்தம் அமூர்த்தம் ஆதலின்" என்னின் அமூர்த்த ஏது நித்தத்தினுக்குச் சபக்க ஆகாச பரமாணுக்களின் ஆகாசத்து நிகழ்ந்து மூர்த்தம் ஆம் ### [29.261](https://indike.org/pramana/in.sangam.five_great_epics.manimekalai.29.261) பரமாணுவின் நிகழாமையானும் விபக்கமான கட சுக ஆதிகளில் சுகத்து நிகழ்ந்து கடத்து ஒழிந்தமையினும் ஏகதேசத்து நிகழ்வது ஏகாந்தம் அன்று "அமூர்த்தம் ஆகாசம்போல நித்தமோ? ### [29.266](https://indike.org/pramana/in.sangam.five_great_epics.manimekalai.29.266) அமூர்த்தம் சுகம் போல் அநித்தமோ?" எனல் விருத்த வியபிசாரி திருந்தா ஏது ஆய் விருத்த ஏதுவிற்கும் இடம் கொடுத்தல் "சத்தம் அநித்தம் செயலிடைத் தோன்றலின் ஒத்தது" எனின் அச் செயலிடைத் தோன்றற்குச் ### [29.271](https://indike.org/pramana/in.sangam.five_great_epics.manimekalai.29.271) சபக்கமாயுள்ள கட ஆதி நிற்க "சத்தம் நித்தம் கேட்கப்படுதலின் சத்தத்துவம் போல்" எனச் சாற்றிடுதல் இரண்டினும் சங்கயம் ஆய் ஏகாந்தம் அல்ல விருத்தம் தன்னைத் திருத்தக விளம்பின் ### [29.276](https://indike.org/pramana/in.sangam.five_great_epics.manimekalai.29.276) தன்மச் சொரூப விபரீத சாதனம் தன்ம விசேட விபரீத சாதனம் தன்மிச் சொரூப விபரீத சாதனம் தன்மி விசேட விபரீத சாதனம் என்ன நான்கு வகையது ஆகும் அத் ### [29.281](https://indike.org/pramana/in.sangam.five_great_epics.manimekalai.29.281) தன்மச் சொரூப விபரீத சாதனம் சொன்ன ஏதுவின் சாத்திய தன்மத்து உருவம் கெடுதல் "சத்தம் நித்தம் பண்ணப்படுதலின்" என்றால் பண்ணப் படுவது அநித்தம் ஆதலின் பண்ணப்பட்ட ### [29.286](https://indike.org/pramana/in.sangam.five_great_epics.manimekalai.29.286) ஏதுச் சாத்திய தன்ம நித்தத்தை விட்டு அநித்தம் சாதித்தலான் விபரீதம் தன்ம விசேட விபரீத சாதனம் சொன்ன ஏதுச் சாத்திய தன்மம் தன்னிடை விசேடம் கெடச் சாதித்தல் ### [29.291](https://indike.org/pramana/in.sangam.five_great_epics.manimekalai.29.291) "கண் முதல் ஓர்க்கும் இந்திரியங்கள் எண்ணின் பரார்த்தம் தொக்கு நிற்றலினால் சயன ஆசனங்கள் போல" என்றால் "தொக்கு நிற்றலின்" என்கின்ற ஏதுச் சயன ஆசனத்தின் பராத்தம்போல் கண் முதல் ### [29.296](https://indike.org/pramana/in.sangam.five_great_epics.manimekalai.29.296) இந்தியங்களியும் பரார்த்தத்தில் சாதித்துச் சயன ஆசனவானைப் போல் ஆகிக் கண் முதல் இந்தியத்துக்கும் பரனாய்ச் சாதிக்கிற நிர் அவயவமாயுள்ள ஆன்மாவைச் சாவயவமாகச் ### [29.301](https://indike.org/pramana/in.sangam.five_great_epics.manimekalai.29.301) சாதித்துச் சாத்திய தன்மத்தின் விசேடம் கெடுத்தலின் விபரீதம் தன்மிச் சொரூப விபரீத சாதனம் தன்மியுடைய சொரூப மாத்திரத்தினை ஏதுத் தானே விபரீதப்படுத்தல் ### [29.306](https://indike.org/pramana/in.sangam.five_great_epics.manimekalai.29.306) "பாவம் திரவியம் கன்மம் அன்று குணமும் அன்று எத் திரவியம் ஆம் எக் குண கன்மத்து உண்மையின் வேறாதலால் சாமானிய விசேடம்போல்" என்றால் "பொருளும் குணமும் கருமமும் ஒன்றாய் ### [29.311](https://indike.org/pramana/in.sangam.five_great_epics.manimekalai.29.311) நின்றவற்றின்னிடை உண்மை வேறு ஆதலால்" என்று காட்டப்பட்ட ஏது மூன்றினுடை உண்மை பேதுப்படுத்தும் பொதுவாம் உண்மை சாத்தியத்து இல்லாமையினும் திட்டாந்தத்தில் சாமானியம் விசேடம் ### [29.316](https://indike.org/pramana/in.sangam.five_great_epics.manimekalai.29.316) போக்கிப் பிறிதொன்று இல்லாமையானும் பாவம் என்று பகர்ந்த தன்மியினை அபாவம் ஆக்குதலான் விபரீதம் தன்மி விசேட விபரீத சாதனம் தன்மி விசேட அபாவம் சாதித்தல் ### [29.321](https://indike.org/pramana/in.sangam.five_great_epics.manimekalai.29.321) முன்னம் காட்டப்பட்ட ஏதுவே பாவம் ஆகின்றது கருத்தாவுடைய கிரியையும் குணமும் ஆம் அதனை விபரீதம் ஆக்கியது ஆதலான் தன்மி விசேடம் கெடுத்தது தீய எடுத்துக்காட்டு ஆவன ### [29.326](https://indike.org/pramana/in.sangam.five_great_epics.manimekalai.29.326) தாமே திட்டாந்த ஆபாசங்கள் திட்டாந்தம் இரு வகைப் படும் என்று முன் கூறப்பட்டன இங்கண் அவற்றுள் சாதன்மிய திட்டாந்த ஆபாசம் ஓதில் ஐந்து வகை உளதாகும் ### [29.331](https://indike.org/pramana/in.sangam.five_great_epics.manimekalai.29.331) சாதன தன்ம விகலமும் சாத்திய தன்ம விகலமும் உபய தன்ம விகலமும் அநன்னுவயம் விபரீதான் னுவயம் என்ன வைதன்மிய திட் டாந்த ஆபாசமும் ஐ வகைய ### [29.336](https://indike.org/pramana/in.sangam.five_great_epics.manimekalai.29.336) சாத்தியா வியாவிருத்தி சாதனா வியாவிருத்தி உபயா வியாவிருத்தி அவ்வெதிரேகம் விபரீத வெதிரேகம் என்ன இவற்றுள் சாதன தன்ம விகலம் ஆவது ### [29.341](https://indike.org/pramana/in.sangam.five_great_epics.manimekalai.29.341) திட்டாந்தத்தில் சாதனம் குறைவது "சத்தம் நித்தம் அமூர்த்தம் ஆதலான் யாதொன்று யாதொன்று அமூர்த்தம் அது நித்தம் ஆதலான் காண்புற்றது பரமாணுவில்" எனின் திட்டாந்தப் பரமாணு ### [29.346](https://indike.org/pramana/in.sangam.five_great_epics.manimekalai.29.346) நித்தத்தோடு மூர்த்தம் ஆதலான் சாத்திய தன்ம நித்தத்துவம் நிரம்பிச் சாதன தன்ம அமூர்த்தத்துவம் குறையும் சாத்திய தன்ம விகலம் ஆவது காட்டப்பட்ட திட்டாந்தத்தில் ### [29.351](https://indike.org/pramana/in.sangam.five_great_epics.manimekalai.29.351) சாத்திய தன்மம் குறைவுபடுதல் "சத்தம் நித்தம் அமூர்த்தம் ஆதலால் யாதொன்று யாதொன்று அமூர்த்தம் அது நித்தம் புத்திபோல்" என்றால் திட்டாந்தமாகக் காட்டப்பட்ட ### [29.356](https://indike.org/pramana/in.sangam.five_great_epics.manimekalai.29.356) புத்தி அமூர்த்தம் ஆகி நின்றே அநித்தம் ஆதலான் சாதன அமூர்த்தத்துவம் நிரம்பி சாத்திய நித்தத்துவம் குறையும் உபய தன்ம விகலம் ஆவது காட்டப்பட்ட திட்டாந்தத்திலே ### [29.361](https://indike.org/pramana/in.sangam.five_great_epics.manimekalai.29.361) சாத்திய சாதனம் இரண்டும் குறைதல் அன்றியும் அது தான் சன்னும் அசன்னும் என்று இரு வகையாம் இவற்றுள் சன்னா உள உபய தன்ம விகலம் ஆவது உள்ள பொருட்கண் சாத்திய சாதனம் ### [29.366](https://indike.org/pramana/in.sangam.five_great_epics.manimekalai.29.366) கொள்ளும் இரண்டும் குறையக் காட்டுதல் "சத்தம் நித்தம் அமூர்த்தம் ஆதலான் யாதொன்று யாதொன்று அமூர்த்தம் அது நித்தம் கடம் போல்" எனின் திட்டாந்தமாகக் காட்டப்பட்ட கடம் தான் உண்டாகிச் ### [29.371](https://indike.org/pramana/in.sangam.five_great_epics.manimekalai.29.371) சாத்தியமாய் உள நித்தத்துவமும் சாதனமாய் உள அமூர்த்தத்துவமும் குறையும் அசன்னா உள்ள உபய தன்ம விகலம் இல்லாப்பொருட்கண் சாத்திய சாதனம் என்னும் இரண்டும் குறையக் காட்டுதல் ### [29.376](https://indike.org/pramana/in.sangam.five_great_epics.manimekalai.29.376) "சத்தம் அநித்தம் மூர்த்தம் ஆதலான் யாதொன்று யாதொன்று மூர்த்தம் அது அநித்தம் ஆகாசம் போல்" எனும் திட்டாந்தத்து சாத்திய தன்மமாய் உள்ள அநித்தமும் சாதன தன்மமாய் உள்ள மூர்த்தமும் ### [29.381](https://indike.org/pramana/in.sangam.five_great_epics.manimekalai.29.381) இரண்டும் "ஆகாசம் அசத்து" என்பானுக்கு அதன்கண் இன்மையானே குறையும் "உண்டு" என்பானுக்கு ஆகாசம் நித்தம் அமூர்த்தம் ஆதலால் அவனுக்கும் குறையும் அநன்னுவயம் ஆவது சாதன சாத்தியம் ### [29.386](https://indike.org/pramana/in.sangam.five_great_epics.manimekalai.29.386) தம்மில் கூட்டம் மாத்திரம் சொல்லாதே இரண்டனுடைய உண்மையைக் காட்டுதல் "சத்தம் அநித்தம் கிருத்தம் ஆதலின் யாதொன்று யாதொன்று கிருத்தம் அது அநித்தம்" எனும் அன்னுவயம் சொல்லாது "குடத்தின்கண்ணே ### [29.391](https://indike.org/pramana/in.sangam.five_great_epics.manimekalai.29.391) கிருத்த அநித்தம் காணப்பட்ட" என்றால் அன்னுவயம் தெரியாதாகும் விபரீதான்னுவயம் வியாபகத்துடைய அன்னுவயத்தாலே வியாப்பியம் விதித்தல் "சத்தம் அநித்தம் கிருத்தத்தால்" எனின் ### [29.396](https://indike.org/pramana/in.sangam.five_great_epics.manimekalai.29.396) "யாதொன்று யாதொன்று கிருத்தம் அநித்தம்" என வியாப்பியத்தால் வியாபக்கத்தைக் கருதாது "யாதொன்று யாதொன்று அநித்தம் அது கிருத்தம்" என வியாபகத்தால் வியாப்பியத்தைக் கருதுதல் அப்படிக் கருதின் வியாபகம் வியாப்பியத்தை ### [29.401](https://indike.org/pramana/in.sangam.five_great_epics.manimekalai.29.401) இன்றியும் நிகழ்தலின் விபரீதம் ஆம் வைதன்மிய திட்டாந்தத்துச் சாத்தியா வியாவிருத்தி ஆவது சாதன தன்மம் மீண்டு சாத்திய தன்மம் மீளாதுஒழிதல் ### [29.406](https://indike.org/pramana/in.sangam.five_great_epics.manimekalai.29.406) "சத்தம் நித்தம் அமூர்த்தத்து" என்றால் "யாதொன்று யாதொன்று நித்தமும் அன்று அது அமூர்த்தமும் அன்று பரமாணுப் போல்" எனின் அப்படித் திட்டாந்தமாகக் காட்டப்பட்ட பரமாணு நித்தம் ஆய் மூர்த்தம் ஆதலின் ### [29.411](https://indike.org/pramana/in.sangam.five_great_epics.manimekalai.29.411) சாதன அமூர்த்தம் மீண்டு சாத்திய நித்தம் மீளாதுஒழிதல் சாதனா வியாவிருத்தி ஆவது சாத்திய தன்மம் மீண்டு சாதன தன்மம் மீளாது ஒழிதல் ### [29.416](https://indike.org/pramana/in.sangam.five_great_epics.manimekalai.29.416) "சத்தம் நித்தம் அமூர்த்தத்து" என்றால் "யாதொன்று யாதொன்று நித்தம் அன்று அஃது அமூர்த்தமும் அன்று கன்மம்போல்" என்றால் வைதன்மிய திட்டாந்தமாகக் காட்டப்பட்ட கன்மம் ### [29.421](https://indike.org/pramana/in.sangam.five_great_epics.manimekalai.29.421) அமூர்த்தமாய் நின்றே அநித்தம் ஆதலின் சாத்தியமான நித்தியம் மீண்டு சாதனமான அமூர்த்தம் மீளாது உபயா வியாவிருத்தி காட்டப்பட்ட வைதன்மிய திட்டாந்தத்தினின்று ### [29.426](https://indike.org/pramana/in.sangam.five_great_epics.manimekalai.29.426) சாதன சாத்தியங்கள் மீளாமை அன்றியும் உண்மையின் உபயா வியாவிருத்தி இன்மையின் உபயா வியாவிருத்தி என இருவகை உண்மையின் உபயா வியாவிருத்தி உள்ள பொருட்கண் ### [29.431](https://indike.org/pramana/in.sangam.five_great_epics.manimekalai.29.431) சாத்திய சாதனம் மீளாதபடி வைதன்மிய திட்டாந்தம் காட்டல் "சத்தம் நித்தம் அமூர்த்தம் ஆதலின்" என்றாற்கு "யாதொன்று யாதொன்று நித்தம் அன்று அமூர்த்தமும் அன்று ஆகாசம்போல்" என்றால் ### [29.436](https://indike.org/pramana/in.sangam.five_great_epics.manimekalai.29.436) "வைதன்மிய திட்டாந்தமாகக் காட்டப்பட்ட ஆகாசம் பொருள்" என்பாற்கு ஆகாசம் நித்தமும் அமூர்த்தமும் ஆதலான் சாத்திய நித்தமும் சாதனமா உள்ள அமூர்த்தமும் இரண்டும் மீண்டில இன்மையின் ### [29.441](https://indike.org/pramana/in.sangam.five_great_epics.manimekalai.29.441) உபயா வியாவிருத்தி ஆவது "சத்தம் அநித்தம் மூர்த்தம் ஆதலான்" என்ற இடத்து "யாதொன்று யாதொன்று அநித்தம் மூர்த்தமும் அன்ன்று ஆகாசம் போல்" என வைதன்மிய திட்டாந்தம் காட்டில் ### [29.446](https://indike.org/pramana/in.sangam.five_great_epics.manimekalai.29.446) "ஆகாசம் பொருள் அல்ல" என்பானுக்கு ஆகாசம் தானே உண்மை இன்மையினால் சாத்திய அநித்தமும் சாதன மூர்த்தமும் மீட்சியும் மீளாமையும் இலையாகும் அவ்வெதிரேகம் ஆவது சாத்தியம் ### [29.451](https://indike.org/pramana/in.sangam.five_great_epics.manimekalai.29.451) இல்லா இடத்துச் சாதனம் இன்மை சொல்லாதே விடுதல் ஆகும் "சத்தம் நித்தம் பண்ணப்படாமையால்" என்றால் "யாதொன்று யாதொன்று நித்தம் அன்று பண்ணப்படுவது அல்லாது அதுவும் ### [29.456](https://indike.org/pramana/in.sangam.five_great_epics.manimekalai.29.456) அன்று" எனும் இவ் வெதிரேகம் தெரியச் சொல்லாது "குடத்தின்கண்ணே பண்ணப் படுதலும் அநித்தமும் கண்டேம் ஆதலான்" என்னின் வெதிரேகம் தெரியாது விபரீத வெதிரேகம் ஆவது ### [29.461](https://indike.org/pramana/in.sangam.five_great_epics.manimekalai.29.461) பிரிவைத் தலைதடுமாறாச் சொல்லுதல் "சத்தம் நித்தம் மூர்த்தம் ஆதலின்" என்றால் என்று நின்ற இடத்து "யாதோர் இடத்து நித்தமும் இல்லை அவ் இடத்து மூர்த்தமும் இல்லை" எனாதே ### [29.466](https://indike.org/pramana/in.sangam.five_great_epics.manimekalai.29.466) "யாதோர் இடத்து மூர்த்தமும் இல்லை அவ் இடத்து நித்தமும் இல்லை" என்றால் வெதிரேகம் மாறுகொள்ளும் எனக் கொள்க நாட்டிய இப்படி தீய சாதனத்தால் காட்டும் அனுமான ஆபாசத்தின் ### [29.471](https://indike.org/pramana/in.sangam.five_great_epics.manimekalai.29.471) மெய்யும் பொய்யும் இத்திற விதியால் ஐயம் இன்றி அறிந்து கொள் ஆய்ந்து என் ## Commentaries (1) - [Maṇimēkalai urai](https://indike.org/pramana/in.sangam.five_great_epics.manimekalai!urai.30.1) — Tamil --- Source: [https://indike.org/pramana/in.sangam.five_great_epics.manimekalai.29](https://indike.org/pramana/in.sangam.five_great_epics.manimekalai.29) · Pramāṇa