Brihadaranyaka 12
Bṛhadāraṇyaka 12
- Language
- Sanskrit
Contents
- 12.2 — 1 part
12.1
atha hainam̐ bhujyurlāhyā(hyā)yaniḥ papraccha | yājñavalkyeti hovāca -
madreṣu carakāḥ paryavrajāma | te patañcalasya kāpyasya gṛhānaima | tasyāsīdduhitā gandharvagṛhītā | tamapṛcchāma ko'sīti | so'bravīt sudhanvā''ṅgirasa
iti | taṃ yadā lokānāmantānapṛcchāma, athainaṃ 'brūma kva pārikṣitā
abhavanniti | kva pārikṣitā abhavan ? sa tvā pṛcchāmi, yājñavalkya !
kva pārikṣitā abhavanniti
12.2
sa hovāca, uvāca vai[sma]so'gacchan vai te tat yatrāśvamedhayājino
gacchantīti | kva nvaśvamedhayājino gacchantīti | dvātrim̐śataṃ vai devarathāhnānyayaṃ lokaḥ| tam̐ samantaṃ pṛthivī dvistāvat paryeti
tām̐ samantaṃ pṛthivīṃ dvistāvat samudraḥ paryeti | tadyāvatī kṣurasya dhāga, yāvadvā
makṣikāyāḥ pattram , tāvānantareṇākāśaḥ | tānindraḥ suparṇo bhūtvā vāyave
prāyacchat ; tān vāyurātmani dhitvā tatrāgamayat yatrāśvamedhayājino'bhavanniti| evamiva vai sa vāyumeva praśaśaṃsa | tasmādvāyureva vyaṣṭirvāyussamaṣṭiḥ
apa punarmṛtyuṃ jayati ya evaṃ veda | tato ha bhujyurlāhyāyanirupararāma
12.2.p1
iti pañcamādhyāye tṛtīyaṃ brāhmaṇam
Commentaries (1)
- Anubhūtiprakāśa — Mādhava, Sanskrit
Linked texts (4)
- Īśādiviṃśottaraśatopaniṣadaḥ — Sanskrit
- Kāṇva — Sanskrit
- Different Upaniṣads — Sanskrit
- Vājasaneyi bṛhadāraṇyaka — Sanskrit