Pramāṇa · Search · About · API

Brihadaranyaka 40

Bṛhadāraṇyaka 40

Language
Sanskrit

40.1

sa yaḥ kāmayeta mahat prāpnuyāmiti, udagayana āpūryamāṇapakṣasya
puṇyāhe dvādaśāhamupasadvratī bhūtvaudumbare kam̐se camase vā sarvauṣadhaṃ phalānīti
saṃbhṛtya, parisamūhya parilipyāgnimupasamādhāya paristīryā''vṛtā''jyam̐
sam̐skṛtya, puṃsā nakṣatreṇa mantham̐ saṃnīya, juhoti -
yāvanto devāstvayi jātavedastiryañco ghnanti puruṣasya kāmān
tebhyo'haṃ bhāgadheyaṃ juhomi
te mā tṛptāssarvaiḥ kāmaistarpayantu svāhā ;
yā tiraścī nipadyate'haṃ vidharaṇī iti
tāṃ tvā ghṛtasya dhārayā yaje sam̐rādhanīmaham̐ svāhā

40.2

;
jyeṣṭhāya svāhā; śreṣṭhāya svāhetyagnau hutvā manthe sam̐sravamavanayati
prāṇāya svāhā vasiṣṭhāyai svāhetyagnau hutvā manthe sam̐sravamavanayati
vāce svāhā pratiṣṭhāyai svāhetyagnau hutvā manthe sam̐sravamavanayati | cakṣuṣe
svāhā saṃpade svāhetyagnau hutvā manthe sam̐sravamavanayati | śrotrāya svāhā''yatanāya svāhetyagnau hutvā manthe sam̐sravamavanayati | manase svāhā prajātyai
svāhetyagnau hutvā manthe sam̐sravamavanayati
retase svāhetyagnau hutvā manthe sam̐sravamavanayati

40.3

agnaye svāhetyagnau hutvā manthe sam̐sravamavanayati | somāya svāhetyagnau
hutvā manthe sam̐sravamavanayati | bhūḥ svāhetyagnau hutvā manthe sam̐sravamavanayati | bhuvaḥ svāhetyagnau hutvā manthe sam̐sravamavanayati | ¹svaḥ svāhetyagnau hutvā manthe sam̐sravamavanayati | bhūrbhuvassvaḥ svāhetyagnau hutvā manthe
sam̐sravamavanayati | brahmaṇe svāhetyagnau hutvā manthe sam̐sravamavanayati
kṣatrāya svāhetyagnau hutvā manthe sam̐sravamavanayati | bhūtāya svāhetyagnau
hutvā manthe sam̐sravamavanayati | bhaviṣyate svāhetyagnau hutvā manthe
sam̐sravamavanayati | viśvāya svāhetyagnau hutvā manthe sam̐sravamavanayati
sarvāya svāhetyagnau hutvā manthe sam̐sravamavanayati | prajāpataye svāhetyagnau
hutvā manthe sam̐sravamavanayati

40.4

athainamabhimṛśati, bhramadasi jvaladasi pūrṇamasi prastabdhamasyekasabha'masi hiṅkṛtamasi hiṃkriyamāṇamasyudgīthamasi udgīyamānamasi
śrāvitamasi pratyāśrāvitamasyārde saṃdīptamasi vibhūrasi prabhūrasyannamasi
jyotirasinidhanamasi saṃvargo'sīti

40.5

athainamudyacchati, āmam̐syāmam̐hitemahi sa hi rājeśāno'dhipatiḥ sa
mām̐ rājeśāno'dhipatiṃ karotviti

40.6

athainamācāmati, tat saviturvareṇyam, madhu vātā ṛtāyate madhu
kṣaranti sindhavaḥ mādhvīrnaḥ santvoṣadhīrbhūḥsvāhā | bhargo devasya dhīmahi,
madhunaktamutoṣaso madhumat pārthivam̐ rajaḥ madhu dyaurastu naḥ pitā, bhuvaḥ svāhā
dhiyo yo naḥ pracodayāt, madhumānno vanaspatirmadhumām̐ astu sūryaḥ mādhvīrgāvo bhavantu naḥ, svaḥ svāheti
sarvāñca sāvitrīmanvāha sarvāśca madhumatīḥ [sarvāśca vyāhṛtīḥ],
ahamevedam̐ sarvaṃ bhūyāsam, bhūrbhuvassvaḥ svāhetyantata ācamya pāṇī prakṣālya
jaghanenāgniṃ prākśirāḥ saṃviśati
prātarādityamupatiṣṭhate, diśāmekapuṇḍarīkamasyahaṃ manuṣyāṇāmekapuṇḍarīkaṃ bhūyāsamiti | yathetametya jaghanenāgnimāsīno vaṃśaṃ japati

40.7

taṃ haitamuddālaka āruṇirvājasaneyāya yājñavalkyāyāntevāsina
uktvovāca — api ya enam̐ śuṣke sthāṇau niṣiñcet, jāyerañchākhāḥ,
praroheyuḥ palāśānīti

40.8

etamu haiva vājasaneyo yājñavalkyo madhukāya paiṅgyāyāntevāsina
uktvovāca — api ya enam̐ śuṣke sthāṇau niṣiñcet, jāyerañchākhāḥ,
praroheyuḥ palāśānīti

40.9

etamu haiva madhukaḥ paiṅgyaścūlāya bhāgavittaye'ntevāsina uktvovāca — api ya enam̐ śuṣke sthāṇau niṣiñcet , jāyeran śākhāḥ, praroheyuḥ
palāśānīti

40.10

etamu haiva cūlo bhāgavittirjānakaya āyasthūṇāyāntevāsina uktvovāca — api ya enam̐ śuṣke sthāṇau niṣiñcet , jāyeran śākhāḥ, praroheyuḥ
palāśānīti

40.11

etamu haiva jānakirāyasthūṇaḥ satyakāmāya jābālāyāntevāsine
uktvovāca — api ya enam̐ śuṣke sthāṇau niṣiñcet , jāyerañchākhāḥ,
praroheyuḥ palāśānīti

40.12

etamu haiva satyakāmo jābālo'ntevāsibhya uktvovāca — api
ya enam̐ śuṣke sthāṇau niṣiñcet , jāyerañchākhāḥ praroheyuḥ palāśānīti
tametaṃ nāputrāya vā'nanyevāsine vā brūyāt

40.13

caturaudumbaro bhavati, audumbaraḥ sruva audumbaraścamasa audumbara idhma
audumbaryāvuṣamanthanthau | daśa grāmyāṇi dhānyāni bhavanti, vrīhiyavāstilamāṣā aṇupriyaṅgavo godhūmāśca masūrāśca khalvāśca khalakulāśca
tān piṣṭvā dadhani madhuni ghṛta upasiñcati | ājyasya juhoti

Commentaries (1)

Linked texts (9)