Brihadaranyaka 7
Bṛhadāraṇyaka 7
- Language
- Sanskrit
Contents
- 7.6 — 1 part
7.1
yo ha vai śiśum̐ sādhānam̐ sapratyādhānam̐ sasthūṇam̐ sadāmaṃ veda, sapta ha
dviṣato bhrātṛvyānavaruṇaddhi
ayaṃ vāva śiśuryeo'yaṃ madhyamaḥ prāṇaḥ| tasyedamevā''dhānamidaṃ
pratyādhānaṃ prāṇassthūṇā'nnaṃ dāma
7.2
tametāssaptākṣitaya upatiṣṭhante| tadyā imā akṣan lohinyo rājayastābhirenaṃ rudro'nvāyatto'tha yā akṣannāpastābhiḥ parjanyo yā kanīnikā
tayā''dityo yatkṛṣṇaṃ tenāgniryacchuklaṃ tenendro'dharayainaṃ vartanyā pṛthivyanvāyattā dyauruttarayā | nāsyānnaṃ kṣīyate ya evaṃ veda
7.3
tadeṣa śloko bhavati—
arvāgbilaścamasa ūrdhvabudhnastasmin yaśo nihitaṃ viśvarūpam
tasyāsata ṛṣayassapta tīre vāgaṣṭamī brahmaṇā saṃvidānā || iti
arvāgbilaścamasa ūrdhvabudhna iti | idaṃ tacchiraḥ | eṣa hyarvāgbi
laścamasa ūrdhvabudhnaḥ
tasmin yaśo nihitaṃ viśvarūpamiti | prāṇā vai yaśo nihitaṃ viśvarūpam
prāṇānevadāha | tasyāsata ṛṣayassapta tīre iti | prāṇā vā ṛṣayaḥ | prāṇānetadāha | vāgaṣṭamī brahmaṇā saṃvidāneti | vāgyaṣṭamī brahmaṇā saṃvittā ¹
7.4
imāveva gautamabharadvājau ayameva gautamo'yaṃ bharadvājaḥ; imāveva
viśvāmitrajamadagnī ayameva viśvāmitro'yaṃ jamadagniḥ; imāveva vasiṣṭhakaśyapau ayameva vasiṣṭho'yaṃ kaśyapaḥ
vāgevātrirvācā hyannamadyate'ttirhavai nāmaitadyadattiriti | sarvasyāttā
bhavati, sarvamasyānnaṃ bhavati, ya evaṃ veda
7.1-2
dve vāva brahmaṇo rūpe mūrtañcaivāmūrtañca, martyañcāmṛtañca, sthitañca yacca,
sacca tyacca
7.2-2
tadetanmūrtaṃ yadanyad vāyoścāntarikṣācca; etanmartyametatsthitametatsat
tasyaitasya mūrtasyaitasya martyasyaitasya sthitasyaitasya sata eṣa raso ya eṣa
tapati | sato hyeṣa rasaḥ
7.3-2
athāmūrtaṃ vāyuścāntarikṣañca; etadamṛtametadyadetatyat | tasyaitasyāmūrtasyaitasyāmṛtasyaitasya yata etasya tyasyaiṣa raso ya eṣa etasmin maṇḍale
puruṣaḥ | tyasya hyeṣa rasa ityadhidaivatam
7.4-2
athādhyātmamidameva mūrtaṃ yadanyat prāṇācca yaścāyamantarātmannākāśaḥ; etanmartyametatsthitametatsat
tasyaitasya mūrtasyaitasya martyasyaitasya sthitasyaitasya sata eṣa raso yaccakṣuḥ
sato hyeṣa rasaḥ
7.5
athāmūrtaṃ prāṇaśca yaścāyamantarātmannākāśaḥ; etadamṛtametadyadetattyat
tasyaitasyāmūrtasyaitasyāmṛtasyaitasya yata etasya tyasyaiṣa raso yo'yaṃ
dakṣiṇe'kṣan puruṣaḥ | tyasya hyeṣa rasaḥ
7.6
tasya haitasya puruṣasya rūpaṃ yathā mahārajanaṃ vāso yathā pāṇḍvāvikaṃ
yathendragopo yathānyarciryathā puṇḍarīkaṃ yathā sakṛdvidyuttam
sakṛdvidyutteva havā asya śrīrbhavati ya evaṃ veda
athāta ādeśo neti neti | na hyetasmāditi netyanyat paramasti | atha
nāmadheyaṃ satyasya satyamiti | prāṇā vai satyam; teṣāmeṣa satyam
7.6.p1
iti caturthādhyāye tṛtīyaṃ brāhmaṇam
Commentaries (1)
- Anubhūtiprakāśa — Mādhava, Sanskrit
Linked texts (1)
- Śatapathabrāhmaṇa or Bṛhadāraṇyakabrāhmaṇa — Sanskrit