[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Āraṇyakas (forest texts)](https://indike.org/pramana/in.veda.aranyaka) › [Taittirīyāraṇyaka](https://indike.org/pramana/in.veda.aranyaka.taittiriya) › [Taittiriya Āraṇyak](https://indike.org/pramana/in.veda.aranyaka.taittiriya*complete) › 11.8 # Taittirīya Āraṇyaka 11.8 Taittirīyāraṇyaka (complete text) 11.8 - **Language:** Sanskrit ### [11.8](https://indike.org/pramana/in.veda.aranyaka.taittiriya*complete.11.8) jīvatoḥ prajā vāmekaṃ ca || ### [11.8.p1](https://indike.org/pramana/in.veda.aranyaka.taittiriya*complete.11.8.p1) 9 iha gāvaḥ prajāyadhvamihāśvā iha pūruṣāḥ | iho sahasradakṣiṇo rāyaspoṣo niṣīdatu | somenādityā balinassomena pṛthivī dṛḍhā | atho nakṣatrāṇāmeṣāmupasthe soma ādhitaḥ | prasvassthaḥ preyaṃ prajayā bhuvane śoceṣṭa | iha priyaṃ prajayā te samṛdhyatāmasmin gṛhe gārhapatyāya jāgṛhi | enā patyā tanvaṃ saṃ sṛjasvāthā jīvrī vidathamāvadāsi | sumaṅgalīriyaṃ vadhūrimāṃ sameta paśyata | saubhāgyamasyai datvāyāthāstaṃ viparetana | dhruvakṣitirdhruvayonirdhruvamasi dhruvatassthitam | tvaṃ nakṣatrāṇāṃ methyasi sa mā pāhi pṛtanyataḥ | sapta ṛṣayaḥ prathamāṃ kṛttikānāmarundhatīṃ yaddhruvatāṃ ha ninyuḥ | ṣaṭkṛttikā mukhyayogaṃ vahantīyamasmākamedhatvaṣṭamī | sadasaspatimadbhutaṃ priyamindrasya kāmyam | saniṃ medhāmayāsiṣam | uddīpyasva jātavedo'paghnannirṛtiṃ mama | paśūgśca mahyamāvaha jīvanaṃ ca diśo diśa | māno hiṃsījjātavedo gāmaśvaṃ puruṣaṃ jagat | abibhradagna āgahi śriyā mā pari pātaya || ## Linked texts (3) - [Baudhāyanagṛhyasūtra](https://indike.org/pramana/in.vedanga.kalpa.grhya.baudhayana.1.5.14) — Baudhāyana, Sanskrit - [Bhāradvājagṛhyasūtra](https://indike.org/pramana/in.vedanga.kalpa.grhya.bharadvaja.1.19.2) — Sanskrit - [Ekāgnikāṇḍa](https://indike.org/pramana/in.vedanga.kalpa.grhya.ekagnikanda.1.10901) — Sanskrit --- Source: [https://indike.org/pramana/in.veda.aranyaka.taittiriya*complete.11.8](https://indike.org/pramana/in.veda.aranyaka.taittiriya*complete.11.8) · Pramāṇa