[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Āraṇyakas (forest texts)](https://indike.org/pramana/in.veda.aranyaka) › [Taittirīyāraṇyaka](https://indike.org/pramana/in.veda.aranyaka.taittiriya) › [Taittiriya Āraṇyak](https://indike.org/pramana/in.veda.aranyaka.taittiriya*complete) › 12.15.p1 # Taittirīya Āraṇyaka 12.15.p1 Taittirīyāraṇyaka (complete text) 12.15.p1 - **Language:** Sanskrit ### [12.15.p1](https://indike.org/pramana/in.veda.aranyaka.taittiriya*complete.12.15.p1) 16 kūrkuraḥ sukūrkuraḥ kūrkuro vālabandhanaḥ | upariṣṭādyadejāya tṛtīyasyā ito divaḥ | aulaba ittamupāhvayathārjīñchyāmaḥ śabalaḥ | adhorāma ulumbalaḥ sārameyoha dhāvati samudramavacākaśat | bibhranniṣkaṃ ca rukmaṃ ca śunāmagraṃ subīriṇaḥ | subīriṇa sṛjasṛja śunaka sṛjaikavrātya sṛjacchat | tathsatyaṃ yattvendro'bravīdgāḥ spāśayasveti tāstva2ṃ spāśayitvā''gacchastaṃ tvā'bravīdavida hā 3 ityavidaṃhīti varaṃ vṛṇīṣveti kumāramevāhaṃ varaṃ vṛṇa ityabravīrvigṛhya bāhū plavase dyāmavacākaśat | bibhranniṣkaṃ ca rukmaṃ ca śunāmagraṃ subīriṇaḥ | subīriṇa sṛjasṛja śunaka sṛjaikavrātya sṛjacchat | tathsatyaṃ yatte saramā mātā lohitaḥ pitā | amī eke sarasyakā avadhāvati tṛtīyasyā ito divaḥ | tekaśca sasaramataṇḍaśca tūlaśca vitūlaścārjunaśca lohitaśca | dulā ha nāma vo mātā manthākako ha vaḥ pitā | saṃ takṣā hanti cakrī vo na sīsarīdata | chadapehi sīsarama sārameya namaste astu sīsara | samaśvā vṛṣaṇaḥ pado na sīsarīdata | chadapehi sīsarama sārameya namaste astu sīsara | śvānamicchvā'danna puruṣañchat | ete te pratidṛśyete samānavasane ubhe | te ahaṃ sārayeṇa musalenāvahanmyulūkhale | hataḥ śaṅkho hataḥ śaṅkhapitā hataḥ śaṅkhakuturvakaḥ | apyeṣāg sthapatirhataḥ | ṛṣirbodhaḥ prabodhassvapno mātariśvā | te te prāṇānthspariṣyanti mā bhaiṣīrna mariṣyasi | jagdho maśako jagdhā vitṛṣṭirjagdho vyadhvarassvāhā jagdho vyadhvaro jagdho maśako jagdhā vitṛṣṭissvāhā jagdhā vitṛṣṭirjagdho vyadhvaro jagdho maśakassvāhā || - [Previous: 12.15](https://indike.org/pramana/in.veda.aranyaka.taittiriya*complete.12.15) - [Next: 12.16](https://indike.org/pramana/in.veda.aranyaka.taittiriya*complete.12.16) - [Up: 12.15](https://indike.org/pramana/in.veda.aranyaka.taittiriya*complete.12.15) ## Linked texts (2) - [Bhāradvājagṛhyasūtra](https://indike.org/pramana/in.vedanga.kalpa.grhya.bharadvaja.2.7.v-2a) — Sanskrit - [Ekāgnikāṇḍa](https://indike.org/pramana/in.vedanga.kalpa.grhya.ekagnikanda.2.21601) — Sanskrit --- Source: [https://indike.org/pramana/in.veda.aranyaka.taittiriya*complete.12.15.p1](https://indike.org/pramana/in.veda.aranyaka.taittiriya*complete.12.15.p1) · Pramāṇa