Pramāṇa · Search · About · API

Taittirīya Āraṇyaka 1.3

Taittirīyāraṇyaka 1.3

Language
Sanskrit

1.3.P1-M8

sākaṃjā́nāṁ saptátham āhurekajám / ṣáḍ udyamā́ ṛ́ṣayo devajā́ íti /
téṣām iṣṭā́ni víhitāni dhāmaśáḥ / sthātré rejante víkṛtāni rūpáśaḥ /
kó nu maryā ámithitaḥ / sákhā sákhāyam abravīt / jáhāko asmád īṣate /
yás tityā́ja sakhivídaṁ sákhāyam / ná tásya vācy ápi bhogó asti /
yád īṁ śṛṇóty alákaṁ śṛṇoti // P1 = M8 //
ná hí pravéda sukṛtásya pánthām íti /
ṛtúr ṛtunā nudyámānaḥ / vínanādābhídhāvaḥ / ṣáṣṭíś cá tríṁśakā valgā́ḥ / śuklákṛṣṇau ca ṣáṣṭikau /
sārāgavastráir jarádakṣaḥ / vasantó vásubhiḥ sahá / saṃvatsarásya savitúḥ / praiṣakṛ́t prathamáḥ smṛtaḥ
amū́n ādáyatety anyā́n // P2 = M9//

1.3.P3-M10

amū́ṁś ca parirákṣataḥ / etā́ vācáḥ prayujyánte / yátráitad upadṛ́śyate /
etád evá vijānīyā́t / pramā́ṇaṃ kālapáryaye /
viśeṣaṇáṃ tu vakṣyāmáḥ / ṛtū́nāṃ tan nibódhata /
śúklávā́sā rudragáṇaḥ / grīṣméṇāvartaté saha / nijáhan pṛ́thivīṁ sarvā́m // P3 = M10 //

1.3.P4-M11

jyotíṣā 'pratikhyéna -ṣāprati-. saḥ /
viśvarūpā́ṇi vāsāṁsí / ādityā́nāṃ nibódhata /
sáṃvátsárī́ṇaṃ karmaphálám / várṣā́bhír dadatāṁ sáhá /
ádúḥkho dúḥkhácakṣur ivá / tád mā pīta iva dṛ́śyate /
śī́ténāvyáthyann ivá / rurúdakṣa ivá dṛ́śyate /
hlā́dáyáte jválataś caivá / śāmyátaś cāsya cákṣuṣī /
yā́ vái prájā́ bhraṁśyanté / sáṃvátsárā́t tā́ bhraṁśyanté /
yāḥ práti tiṣṭhantí / sáṃvátsáré tā́ḥ práti tiṣṭhantí /
varṣā́bhyá íty artháḥ // P4 = M11 //
śṛṇoty anyā́n sarvā́m evá ṣáṭ ca -- 3 --

Commentaries (2)