Taittirīya Āraṇyaka 4.19
Taittirīyāraṇyaka 4.19
- Language
- Sanskrit
4.19.1
agnír asi vaiśvānarò 'si \
saṃvatsarò 'si parivatsarò 'si \ parivatsarò,
idāvatsarò 'sīduvatsarò 'si \
idvatsarò 'si vatsarò 'si \
tásya te vasantáḥ śíraḥ \
grīṣmó dákṣiṇaḥ pakṣáḥ \
varṣā́ḥ púccham \
śarád úttaraḥ pakṣáḥ \
hemantó mádhyam \
pūrvapakṣā́ś cítayaḥ \
4.19.2
aparapakṣā́ḥ púrīṣam \
ahorātrā́ṇī́ṣṭakāḥ \
tásya te mā́sāś cārdhamāsā́ś ca kalpantām \
ṛtávas te kalpantām \
saṃvatsarás te kalpantām \
ahorātrāṇi te kalpantām \
éti préti vī́ti sám íty úd íti \
prajā́patis tvā sādayatu \
táyā devátayā 'ṅgirasvád dhruváḥ sīda \
Commentaries (2)
- Taittirīyāraṇyakabhāṣya (Sāyaṇa) — Sāyaṇa, Sanskrit
- Vedārthaprakāśa — Sāyaṇa alias Mādhava, Sanskrit
Linked texts (3)
- Yajurveda — Sanskrit
- Kaṭhāraṇyaka — Sanskrit
- A Vedic Concordance — Maurice Bloomfield, English