[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Āraṇyakas (forest texts)](https://indike.org/pramana/in.veda.aranyaka) › [Taittirīya Āraṇyaka](https://indike.org/pramana/in.veda.aranyaka.taittiriya) › 4.20 # Taittirīya Āraṇyaka 4.20 Taittirīyāraṇyaka 4.20 - **Language:** Sanskrit ### [4.20.1](https://indike.org/pramana/in.veda.aranyaka.taittiriya.4.20.1) bhū́r bhúvaḥ súvaḥ \ ūrdhvá ū ṣú ṇa ūtáye \ ūrdhvó naḥ pāhy ám̐hasaḥ \ vidhúṃ dadrāṇám̐ sámane bahūnā́m \ yúvānam̐ sántaṃ palitó jagāra \ devásya paśya kā́vyaṃ mahitvā́ 'dyā́ mamā́ra \ sá hyaḥ sámāna \ yád ṛté cid abhiśriṣaḥ \ purā́ jartṛ́bhya ātṛ́daḥ \ sáṃdhātā saṃdhiṃ maghávā purovásuḥ \ ### [4.20.2](https://indike.org/pramana/in.veda.aranyaka.taittiriya.4.20.2) níṣkartā víhrutaṃ púnaḥ \ púnar ūrjā́ sahá ráyyā́ \ mā́ no gharma vyathitó vivyathó naḥ \ mā́ naḥ páram ádharaṃ mā́ rájo naiḥ \ mó ṣv àsmām̐s támasy antarā́ dhāḥ \ mā́ rudríyāso abhígur vṛdhā́naḥ \ mā́ naḥ krátubhir hīḍitébhir asmā́n \ dvíṣā sunīte mā́ párā dāḥ \ mā́ no rudró nírṛtir mā́ no ástā́ \ mā́ dyā́vāpṛthivī́ hīḍiṣātām \ ### [4.20.3](https://indike.org/pramana/in.veda.aranyaka.taittiriya.4.20.3) úpa no mitrāvaruṇāv ihā́vatam \ anvā́dīdhyāthām ihá naḥ sakhāyā \ ādityā́nāṃ prásitir hetíḥ \ ugrā́ śatā́pāṣṭhā gha víṣā pári ṇo vṛṇaktu \ imáṃ me varuṇa tát tvā yāmi \ tváṃ no agne sá tváṃ no agne \ tvám agne ayā́si \ úd vayáṃ támasas pári \ úd u tyaṃ citrám \ váyaḥ suparṇā́ḥ \ \\ purovásur hīḍiṣātām̐ suparṇā́ḥ \\ ## Linked texts (2) - [Baudhāyanaśrautasūtra](https://indike.org/pramana/in.vedanga.kalpa.srauta.baudhayana.9.17.291.3) — Baudhāyana, Sanskrit - [Kaṭhāraṇyaka](https://indike.org/pramana/in.veda.aranyaka.katha) — Sanskrit --- Source: [https://indike.org/pramana/in.veda.aranyaka.taittiriya.4.20](https://indike.org/pramana/in.veda.aranyaka.taittiriya.4.20) · Pramāṇa