Taittirīya Āraṇyaka 4.3
Taittirīyāraṇyaka 4.3
- Language
- Sanskrit
4.3.1
vṛ́ṣṇo áśvasya niṣpád asi \
váruṇas tvā dhṛtávrata ā́dhūpayatu \
mitrā́váruṇayor dhruvéṇa dhármaṇā \
arcíṣe tvā \
śocíṣe tvā \
jyótiṣe tvā \
tápase tvā \
abhī́máṃ mahinā́ dívam \
mitró babhūva sapráthāḥ \
utá śrávasā pṛthivī́m \
4.3.2
mitrásya carṣaṇīdhṛ́taḥ \
śrávo devásya sānasím \ sānasí
dyumnáṃ citráśravastamam \
síddhyai tvā \
devás tvā savitódvapatu \
supāṇiḥ svàṅguriḥ \
subāhúr utá śáktyā \
ápadyamānaḥ pṛthivyā́m \
ā́śā díśa ā́pṛṇa \
út tiṣṭha bṛhán bhava \
4.3.3
ūrdhvás tiṣṭha dhruvás tvám \
sū́ryasya tvā cákṣuṣā́nvīkṣe \
ṛjáve tvā \
sādháve tvā \
sukṣityái tvā bhū́tyai tvā \
idám ahám amúm āmuṣyāyaṇáṃ viśā́ paśúbhir brahmavarcaséna páry ūhāmi \
gāyatréṇa tvā chandasā́cchṛṇadmi \
tráiṣṭubhena tvā chandasā́cchṛṇadmi \
jā́gatena tvā chandasā́cchṛṇadmi \
chṛṇáttu tvā vā́k \
chṛṇáttu tvórk \
chṛṇáttu tvā havíḥ \
chṛndhí vā́cam \
chṛndhy ū́rjam \
chṛndhí havíḥ \
déva puraścara saghyā́saṃ tvā́ \
\\ pṛthivī́ṃ bhava vā́k ṣáṭ ca \\
Commentaries (2)
- Taittirīyāraṇyakabhāṣya (Sāyaṇa) — Sāyaṇa, Sanskrit
- Vedārthaprakāśa — Sāyaṇa alias Mādhava, Sanskrit
Linked texts (3)
- Yajurveda — Sanskrit
- Kaṭhāraṇyaka — Sanskrit
- A Vedic Concordance — Maurice Bloomfield, English