Pramāṇa · Search · About · API

Taittiriyaruna 40

Taittirīyāruṇa 40

Language
Sanskrit

40.1

” iti
“savitā bhūtvā prathame'han pravṛjyate | tena kāmāᳵ eti | yad
dvitīye'han pravṛjyate | agnibhūtvā devāneti | yattṛtīye'han pravṛjyate | vāyurbhūtvā prāṇāneti | yaccaturthe'han pravṛjyate | ādityo
bhūtvā raśmīneti | yatpañcame'han pravṛjyate | candramā bhūtvā nakṣatrāṇyeti

40.2

yat ṣaṣṭhe'han pravṛjyate | ṛturbhūtvā saṃvatsarameti
yatsaptame'han pravṛjyate | dhātā bhūtvā śakkarīreti | yadaṣṭame'han
pravṛjyate | bṛhaspatirbhūtvā gāyatrīmeti | yannavame'han pravṛjyate
mitro bhūtvā triṣṛta 'imāṃllokāneti | yaddaśame'han pravṛjyate
varuṇo bhūtvā virājameti

40.1-2

yadekādaśe'han pravṛjyate | indro
bhūtvā triṣṭubhameti | yad dvādaśe'han pravṛjyate | somo bhūtvā sutyāmeti” iti | (5pra0|12a0|1ma0)
śnanastanno māhāsīt | oṃ śāntiḥ śāntiḥ
śāntiḥ | om
(1)devā vai satramāsata | ṛddhiparimitaṃ yaśaskāmāḥ | te'bruvan | yannaḥ prathamaṃ yaśa ṛcchāt | sarveṣānnastatsahāsaditi | teṣāṃ kurukṣetraṃ vedirāsīt | tasyai
khāṇḍavo dakṣiṇārdha āsīt | tūrghnamuttarārdhaḥ | parīṇajjaghanārdhaḥ | marava utkaraḥ

40.2-2

teṣāṃ makhaṃ vaiṣṇavaṃ yaśa ārchat(1) | (2)tan nya̍kāmayata | tenāpākrāmat | taṃ devā anvāyan | yaśo'varutsamānāḥ | tasyānvāgatasya | savyāddhanurajāyata
dakṣiṇādiṣavaḥ | tasmādiṣudhanvaṃ puṇyajanma | yajñajanmā hi

40.3

tamekam̐ santaṃ | bahvo nābhyadhṛṣṇuvan | tasmādekaṃmiṣudhanvinaṃ | bahvo'niṣudhanvā nābhidhṛṣṇuvanti(2)
(3)so'smayata | ekaṃ mā santaṃ bahavo nābhyadharṣiṣuriti
tasya̍ siṣmiyā̱ṇasya̱ tejo'pā̍krāmat| tadde̱vā oṣa̍dhīṣu
nya̍mṛjuḥ | te śyā̱mākā̍ abhavan | smā̱yākā̱ vai nāmai̱te

40.4

tat smā̱yākā̍nā̱m̐ smā̱yāka̍tvaṃ | tasmā̍ddīkṣi̱tenā̍pi̱
gṛtya̍ smeta̱vya̍ṃ | teja̍so dhṛtyai̍(3) | (4)sa dhanu̍ḥ prati̱ṣkabhyā̍'tiṣṭhat | tā u̍pa̱dīkā̍ abruva̱n vara̍ṃ vṛṇāmahai | atha̍ va
i̱mam̐ ra̍ndhayāma | yacca̱ kva̍ ca̱ khanā̍ma | tada̱po'bhi̱tṛ̍ṇadā̱meti̍ | tasmā̍dupa̱dīkā̱ yacca̱ kva̍ ca̱ khana̍nti | tada̱po'bhi̱tṛ̍ndanti

40.5

vārai̍ vṛta̱m̐ hyausā̍ṃ | tasya̱ jyāmapyā̍dan | tasya̱ dhanu̍rvi̱prava̍māṇa̱m̐ śira̱ uda̍varttayat | tad dyāvā̍pṛthi̱vī anu̱prāva̍rttata | yat prāva̍rttata | tat pra̍va̱rgya̍sya prava̱rgya̍tvaṃ | yaṅghā̱m̐3
ityapa̍tat | taddha̱rmasya̍ gha̱rmatvaṃ | ma̱hatā vī̱rya̍mapattaditi̍ | tanma̍hāvī̱rasya̍ mahāvī̱ratvaṃ

40.6

yasyā̱ḥ samabha̍ran | tat sa̱mrājña̍ḥ sa̱mrāṭtva̍ṃ(4)
(5)tam̐ sru̱taṃ de̱vatā̍stre̱dhā vya̍gṛhṇata | a̱gniḥ prā̱taḥsava̱naṃ | indro̍ mādyandi̱nam̐ sava̍naṃ | viśve̍ de̱vāstṛ̍tīyasa̱vana̍ | tenāpa̍śīrṣṇā ya̱jñena̱ yaja̍mānāḥ | nāśiṣo̍'vāru̍ndhata | na su̍va̱rgaṃ lo̱kamabhya̍jayan(5) | (6)te de̱vā
a̱śvino̍vabruvan

40.7

bhi̱ṣajau̱ vai stha̍ḥ | i̱daṃ ya̱jñasya̱ śira̱ḥ prati̍dhattamiti̍
tāva̍brūtā̱ṃ vara̍ṃ vṛṇāvahai | graha̍ e̱va nāvatrāpi̍ gṛhyatāmiti̍ | tābhyā̍me̱tamā̍śvi̱nama̍gṛhṇan | tāve̱tadya̱jñasya̱
śira̱ḥ pratya̍dhattāṃ(6) | (7)yat pra̍va̱rgya̍ḥ | tena̱ saśau̍rṣṇā ya̱jñena̱ yaja̍mānāḥ | avāśiṣo̍'rundhata | a̱bhi su̍va̱rgaṃ lo̱kama̍jayan || yat pra̍va̱rgya̍ṃ pravṛ̱ṇakti̍ | ya̱jñasyai̱va tacchira̱ḥ prati̍dadhāti | tena̱ saśī̍rṣṇā ya̱jñena̱
yaja̍mānaḥ | avāśiṣo̍ rundhe | a̱bhi su̍va̱rgaṃ lo̱kaṃ ja̍yati | tasmā̍de̱ṣa ā̍śvi̱napra̍vayā iva | yat pra̍va̱rgya̍ḥ(7)

Linked texts (4)