[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Śatapathabrāhmaṇa](https://indike.org/pramana/in.veda.brahmana.satapatha) › [Adhvarakanda](https://indike.org/pramana/in.veda.brahmana.satapatha.adhvarakanda) › 14 # Adhvarakanda 14 Adhvarakāṇḍa 14 - **Language:** Sanskrit ### [14.1](https://indike.org/pramana/in.veda.brahmana.satapatha.adhvarakanda.14.1) \[ mūla \] ātithyena vai devā iṣṭvā | tānsamadavindatte caturdhā vyadravannanyo'nyasya śriyā 'atiṣṭhamānā agninaivasubhiḥ somo rudrairvaruṇa ādityairindro marudbhirbṛ haspatirviśvairdevairityu haika'āhurete ha tveva te viśve devā ye te caturdhā vyadravaṃstānvidrutānasurarakṣasānyanu vyaveyuḥ ### [14.2](https://indike.org/pramana/in.veda.brahmana.satapatha.adhvarakanda.14.2) te'viduḥ | pāpīyāṃso vai bhavāmo'surarakṣasāni vai no'nuvyavāgurdviṣadbhyo vai radhyāmo hanta saṃjānāmahā'ekasya śriyai tiṣṭhāmahā'iti ta'indrasya śriyā'atiṣṭhanta tasmādāhurindraḥ sarvā devatā indra śreṣṭhā devā iti ### [14.3](https://indike.org/pramana/in.veda.brahmana.satapatha.adhvarakanda.14.3) tasmādu ha na svā ṛtīyeran | ya eṣāṃ parastarāmiva bhavati sa enānnuvyavaiti te priyaṃ dviṣatāṃ kurvanti dviṣadbhyo radhyanti tasmānna'rttīyerantasa yo haivaṃ vidvānna'rtīyate'priyaṃ dviṣatāṃ karoti na dviṣadbhyo radhyati tasmānna'rttīyeta ### [14.4](https://indike.org/pramana/in.veda.brahmana.satapatha.adhvarakanda.14.4) te hocuḥ | hantedaṃ tathā karavāmahai yathā na idamāpradivamevājaryamasaditi ### [14.5](https://indike.org/pramana/in.veda.brahmana.satapatha.adhvarakanda.14.5) te devāḥ | juṣṭāstanūḥ priyāṇi dhāmāni sārdhaṃ samavadadire te hocuretena naḥ sa nānāsadetena viṣvaṅ‌yo na etadatikrāmāditi kasyopadraṣṭuriti tanūūnapttureva śākvarasyeti yo vā'śrayaṃ pavata'eṣa tanūnapācchākvaraḥ so'yaṃ prajānāmupadraṣṭā praviṣṭastāvimau prāṇodānau ### [14.6](https://indike.org/pramana/in.veda.brahmana.satapatha.adhvarakanda.14.6) tasmādāhuḥ | mano devā manuṣyasyājānantīti manasā saṃkalpayati tatprāṇamapipādyate prāṇo vātaṃ vāto devebhya ācaṣṭe yathā puruṣasya manaḥ ### [14.7](https://indike.org/pramana/in.veda.brahmana.satapatha.adhvarakanda.14.7) tasmādetadṛṣiṇā'bhyanūktam | manasā saṃkalpayati tadvātamapi gacchati | vāto devebhya ācaṣṭe yathā puruṣa te mana iti ### [14.8](https://indike.org/pramana/in.veda.brahmana.satapatha.adhvarakanda.14.8) te devāḥ | juṣṭāstanūḥ priyāṇi dhāmāni sārdhaṃ, samavadadire te hocuretena naḥ sa nānāsadetena viṣṭhvaṅ‌yo na etadatikrāmāditi taddevā apyerhi nātikrāmanti ke hi syuryadatikrāmeyuranṛtaṃ hi vadeyurekaṃ ha vai devā vrataṃ caranti satyameva tasmādeṣāṃ jitamanapajayyaṃ tasmādyaśa evaṃ ha vā'asya jitamanapajayyamevaṃ yaśo bhavati ya evaṃ vidvā satyaṃ vadati tadettatānūnaptraṃ nidānena ### [14.9](https://indike.org/pramana/in.veda.brahmana.satapatha.adhvarakanda.14.9) te devāḥ | juṣṭāstanūḥ priyāṇi dhāmāni sārdhaṃ samavadadire'thaita'ājyānyeva gṛhṇānā juṣṭāstanūḥ priyāṇi dhāmāni sārdhaṃ samavadyante tasmādu ha na sarveṇeva samabhyaveyānnenme juṣṭāstanvaḥ priyāṇi dhāmāni sārdhaṃ samabhyavāyānīti yeno ha samabhyaveyānnāsmai druhyedidaṃ hyāhurna satānūnaptriṇe drogdhavyamiti ### [14.10](https://indike.org/pramana/in.veda.brahmana.satapatha.adhvarakanda.14.10) athāto gṛhṇātyeva | āpataye tvā paripataye gṛhṇāmīti yo vā'śrayaṃ pavata'eṣa ā ca patati pari ca patatyetasmā'u hi gṛhṇāti tasmādāhāpataye tvā paripataye gṛhṇāmīti ### [14.11](https://indike.org/pramana/in.veda.brahmana.satapatha.adhvarakanda.14.11) tanūnaptre śākvarāyeti | yo vā'śrayaṃ pavata'eṣa tanūptā śākvara etasmā'u hi gṛhṇāti tasmādāha tanūnaptre śākvarāyeti ### [14.12](https://indike.org/pramana/in.veda.brahmana.satapatha.adhvarakanda.14.12) śakvanna'ojiṣṭhāyeti | eṣa vai śakvaujiṣṭha etasmā'u hi gṛhṇāti tasmādāha śakvanna'ojiṣṭhāyeti ### [14.13](https://indike.org/pramana/in.veda.brahmana.satapatha.adhvarakanda.14.13) athātaḥ samavamṛśantyeva | etadva devā bhūyaḥ samāmira'itthaṃ naḥ so'muthāsadyo na etadatikrāmāditi tatho'evaita'etatsamamanta'itthaṃ naḥ so'muthāsadyo na etadatikrāmāditi ### [14.14](https://indike.org/pramana/in.veda.brahmana.satapatha.adhvarakanda.14.14) te samavamṛśanti | 'anādhṛṣṭamasyanādhṛṣyaṃ devānābhoja' ityanādhṛṣṭā hi devā āsannanādhṛṣyāḥ sahasantaḥ samānaṃ vadantaḥ samānaṃ dadhrāṇā devānābhoja iti devānāṃ vai juṣṭāstanvaḥ priyāṇi dhāmānyanabhiśastyabhiśastipā anabhiśastenyamiti sarvāṃ hi devā abhiśastiṃ tīrṇā añjasā satyamupageṣamiti satyaṃ vadāni medamatikramiṣamityevaitadāha svite mā'dhā iti svite hi taddevā ātmānamadadhata yatsatyamavadanyatsatyamakurvaṃstasmādāha svite mā'dhā iti ### [14.15](https://indike.org/pramana/in.veda.brahmana.satapatha.adhvarakanda.14.15) atha yāstaddevāḥ | juṣṭāstanūḥ priyāṇi dhāmāni sārdhaṃ samavadadire tadindre saṃnyadadhataiṣa vā'indro ya eṣa tapati na ha vā'eṣo'gre tatāpa yathā haivedamanyatkṛ ṣṇamevaṃ haivāsa tenaivaitadvīryeṇa tapati tasmādyadi bahavo dīkṣerangṛhapataya'eva vratamabhyutsisya prayaccheyuḥ sa hi teṣāmindrabhājanaṃ bhavati yadyu dakṣiṇāvatā dīkṣeta yajamānāyaiva vratamabhyutsisya prayaccheyuridaṃ hyāhurindro yajamāna iti ### [14.16](https://indike.org/pramana/in.veda.brahmana.satapatha.adhvarakanda.14.16) atha yāstaddevāḥ juṣṭāstanūḥ priyāṇi dhāmāni sārdhaṃ samavadadire tatsārdhaṃ saṃjaghne tatsāmābhavattasmādāhuḥ satyaṃ sāma devajaṃ sāmeti ## Linked texts (1) - [Vaidikakośa (Haṃsarāja)](https://indike.org/pramana/in.vedanga.nirukta.vaidikakosa-hamsaraja.2566.4-6) — Haṃsarāja, Sanskrit --- Source: [https://indike.org/pramana/in.veda.brahmana.satapatha.adhvarakanda.14](https://indike.org/pramana/in.veda.brahmana.satapatha.adhvarakanda.14) · Pramāṇa