[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Śatapathabrāhmaṇa](https://indike.org/pramana/in.veda.brahmana.satapatha) › [Adhvarakanda](https://indike.org/pramana/in.veda.brahmana.satapatha.adhvarakanda) › 22 # Adhvarakanda 22 Adhvarakāṇḍa 22 - **Language:** Sanskrit ### [22.1](https://indike.org/pramana/in.veda.brahmana.satapatha.adhvarakanda.22.1) iti avāntaradīkṣābrāhmaṇaṃ samāptam iti caturthādhyāye tṛtīyaṃ brāhmaṇam samāptam \[mūla\] grīvā vai yajñasyopasadaḥ| śiraḥ pravargyaḥ| tasmādyadi pravargyavānbhavati pravargyeṇa pracaryāthopasadbhiḥ pracaranti tad grīvāḥ pratidadhati ### [22.2](https://indike.org/pramana/in.veda.brahmana.satapatha.adhvarakanda.22.2) tadyāḥ pūrvāhne'nuvākyā bhavanti| tā aparāhne yājyā yā yājyāstā anuvākyāstadvyatiṣajati tasmādimāni grīvāṇāṃ parvāṇi vyatiṣaktānīmānyasthīni ### [22.3](https://indike.org/pramana/in.veda.brahmana.satapatha.adhvarakanda.22.3) devāśca vā'surāśca| ubhaye prājāpatyāḥ paspṛdhire tato'surā eṣu lokeṣu puraścakrire'yasmayīmevāsmiṃlloke rajatāmantarikṣe hariṇīṃ divi ### [22.4](https://indike.org/pramana/in.veda.brahmana.satapatha.adhvarakanda.22.4) tadvai devā aśṛṇvata| ta'etābhirupasadbhirupāsīdaṃstadyadupāsīdaṃstasmādupasado nāma te puraḥ prābhindannimām̐llokānprājayaṃstasmādāhurupasadā puraṃ jayantīti yadahopāsate tenemāṃ mānuṣīṃ puraṃ jayanti ### [22.5](https://indike.org/pramana/in.veda.brahmana.satapatha.adhvarakanda.22.5) etābhirvai devā upasadbhiḥ| puraḥ prābhindannimām̐llokānprājayaṃstatho'evaiṣa etannāhaivāsmā'asmiṃlloke kaścana puraḥ kuruta'imānevaitallokānprabhinattīmām̐llokānprajayati tasmādupasadbhiryajate ### [22.6](https://indike.org/pramana/in.veda.brahmana.satapatha.adhvarakanda.22.6) tā vā'ājyahaviṣo bhavanti| vajro vā'ājyametena vai devā vajreṇājyena puraḥ prābhindannimām̐llokānprājayaṃstatho'evaiṣa etena vajreṇājyenemām̐llokānprabhinattīmām̐llokānprajayati tasmādājyahaviṣo bhavanti ### [22.7](https://indike.org/pramana/in.veda.brahmana.satapatha.adhvarakanda.22.7) sa vā'aṣṭau kṛtvo juhvāṃ gṛhṇāti| caturupabhṛtyatho'itarathāhuruścatureva kṛtvo juhvāṃ gṛhṇīyādaṣṭau kṛtva upabhṛtīti ### [22.8](https://indike.org/pramana/in.veda.brahmana.satapatha.adhvarakanda.22.8) sa vā'aṣṭāveva kṛtvo juhvāṃ gṛhṇāti| caturupabhṛti tadvajramabhibhāraṃ karoti tena vajreṇābhibhāreṇemām̐llokānprabhinattīmām̐llokānprajayati ### [22.9](https://indike.org/pramana/in.veda.brahmana.satapatha.adhvarakanda.22.9) agnīṣomau vai devānāṃ sayujau | tābhyāṃ sārdhaṃ gṛhṇāti viṣṇava 'ekākine'nyataramevāghāramāghārayati yaṃ sruveṇa pratkrāmati vā'uttaramāghāramādhāryābhijityā'abhijayānīti tasmādanyataramevāghāramāghārayati yaṃ sruveṇa ### [22.10](https://indike.org/pramana/in.veda.brahmana.satapatha.adhvarakanda.22.10) athāśrāvya na hotāraṃ pravṛṇīte | sīda hotarityevāhopaviśati hotā hotṛṣadana'upaviśya prasauti prasūto'dhvaryuḥ srucāvādatte ### [22.11](https://indike.org/pramana/in.veda.brahmana.satapatha.adhvarakanda.22.11) sa āhātikrāmannagnaye'nubrūhīti | āśrāvyāhāgniṃ yajeti vaṣaṭkṛte juhoti ### [22.12](https://indike.org/pramana/in.veda.brahmana.satapatha.adhvarakanda.22.12) athāha somāyānubrūhīti | āśrāvyāha somaṃ yajeti vaṣaṭkṛte juhoti ### [22.13](https://indike.org/pramana/in.veda.brahmana.satapatha.adhvarakanda.22.13) atha yadupabhṛtyājyaṃ bhavati | tatsamānayamāna āha viṣṇave'nubrūhītyāśrāvyāha viṣṇuṃ yajeti vaṣaṭkṛte juhoti ### [22.14](https://indike.org/pramana/in.veda.brahmana.satapatha.adhvarakanda.22.14) sa yatsamānatra tiṣṭhañjuhoti | na yathedaṃ pracarantasañcarantyabhijityā'abhijayānītyatha yadetā devatā yajati vajramevaitatsaṃskarotyagnimanīkaṃ somaṃ śalyaṃ viṣṇuṃ kulmalam ### [22.15](https://indike.org/pramana/in.veda.brahmana.satapatha.adhvarakanda.22.15) saṃvatsaro hi vajraḥ agnirarvā''haḥ somo rātriratha yadantareṇa tadviṣṇure tadvai paripvalamānaṃ saṃvatsaraṃ karoti ### [22.16](https://indike.org/pramana/in.veda.brahmana.satapatha.adhvarakanda.22.16) saṃvatsaro vajraḥ | etena vai devāḥ saṃvatsareṇa vajreṇa puraḥ prābhindannimāṃllokānprājayaṃstatho'evaiṣa etena saṃvatsareṇa vajreṇemāṃllokānprabhinattīmāṃllokānprajayati tasmādetā devatā yajati ### [22.17](https://indike.org/pramana/in.veda.brahmana.satapatha.adhvarakanda.22.17) sa vai tisra upasada upeyāt | trayo vā'ṛtavaḥ saṃvatsarasya saṃvatsarasyaivaitadrūpaṃ kriyate saṃvatsaramevaitatsaṃskaroti dvirekayā pracarati dvirekayā ### [22.18](https://indike.org/pramana/in.veda.brahmana.satapatha.adhvarakanda.22.18) tāḥ ṣaṭ sampadyante | ṣaḍvā'ṛtavaḥ saṃvatsarasya saṃvatsarasyaivaitadrūpaṃ kriyate saṃvatsaramevaitatsaṃskaroti ### [22.19](https://indike.org/pramana/in.veda.brahmana.satapatha.adhvarakanda.22.19) yadyu dvādaśopasada'upeyād | dvādaśa vai māsāḥ saṃvatsarasya saṃvatsarasyaivaitadrūpaṃ kriyate saṃvatsaramevaitatsaṃskaroti dvirekayā pracarati dvirekayā ### [22.20](https://indike.org/pramana/in.veda.brahmana.satapatha.adhvarakanda.22.20) tāścaturviṃśatiḥ sampadyante | caturviṃśatirvai saṃvatsarasyārdhamāsāḥ saṃvatsarasyaivaitadrūpaṃ kriyate saṃvatsaramevaitatsaṃskaroti ### [22.21](https://indike.org/pramana/in.veda.brahmana.satapatha.adhvarakanda.22.21) sa yatsāyamprātaḥ pracarati | tathā hyeva sampatsampadyate sa yatpūrvāhṇe pracarati tajjayatyatha yadaparāh‍ṇe pracarati sujitamasadityatha yajjuhotīdaṃ vai puraṃ yudhyanti tāṃ jitvā svāṃ satīṃ prapadyante ### [22.22](https://indike.org/pramana/in.veda.brahmana.satapatha.adhvarakanda.22.22) sa yatpracarati | tadyudhyatyatha yatsantiṣṭhate tajjayatyatha yajjuhoti svāmevaitatsata prapadyate ### [22.23](https://indike.org/pramana/in.veda.brahmana.satapatha.adhvarakanda.22.23) sa juhoti | yayā dvirekasyāhnaḥ pracariṣyanbhavati yā te'agne'yaḥśayā tanūrvarṣiṣṭhā gahvareṣṭhā | ugraṃ vaco'apāvadhīttveṣaṃ vaco'apāvadhītsvāhetyevaṃrūpā hi sāsīdayasmayī hi sā''sīt ### [22.24](https://indike.org/pramana/in.veda.brahmana.satapatha.adhvarakanda.22.24) atha juhoti | yayā dvirekasyāhnaḥ pracariṣyanbhavati yā te'agne rajaḥśayā tanūrvarṣiṣṭhā gahvareṣṭhā | ugraṃ vaco'apāvadhīttveṣaṃ vaco'apāvadhītsvāhetyevaṃrūpā hi sā''sīdrajatā hi sā''sīt ### [22.25](https://indike.org/pramana/in.veda.brahmana.satapatha.adhvarakanda.22.25) atha juhoti | yayā dvirekasyāhnaḥ pracariṣyanbhavati yā te'agne hariśayā tanūrvarṣiṣṭhā gahvareṣṭhā | ugraṃ vaco apāvadhīttveṣaṃ vaco'apāvadhītsvāhetyevaṃrūpā hi sā''sīddhariṇī hi sā''sīdyadyu dvādaśopasada upeyāccaturahamekayā pracareccaturahamekayā ### [22.26](https://indike.org/pramana/in.veda.brahmana.satapatha.adhvarakanda.22.26) athāto vratopasadāmeva | paraurvīrvā'anyā upasadaḥ paro'hvīranyāḥ sa yāsāmekaṃ prathamamahaṃ dogdhyatha dvāvatha trīṃstāḥ paraurvīstha yāsāṃ trīnprathamamahaṃ dogdhyatha dvāvathaikaṃ tāḥ paro'hvīryā vai paro'hvīstāḥ paraurvīryāḥ paraurvīstāḥ paro'hvīḥ ### [22.27](https://indike.org/pramana/in.veda.brahmana.satapatha.adhvarakanda.22.27) tapasā vai lokaṃ jayanti | tadasyaitatparaḥ para eva varīyastapo bhavati paraḥ paraḥ śreyāṃsaṃ lokaṃ jayati vasīyānu haivāsmim̐lloke bhavati ya evaṃ vidvānparo'hrīrupasada upaiti tasmādu paro'hrīrevopasada upeyādyadyu dvādaśopasada upeyāntrīṃścaturahaṃ dohayed dvau caturahamekaṃ caturaham ### [22.8-2](https://indike.org/pramana/in.veda.brahmana.satapatha.adhvarakanda.22.8-2) “yā te agne'yaḥ śayā tanūrvarṣiṣṭhā gahvareṣṭhā ugraṃvaco apāvadhītteṣaṃ vaco'pāvadhīt svāhā” || iti “yā te'agne hariśayā…………vaco'apāvadhīt svāhā” iti "śiro vā etadyajñasya yadātithyaṃ-grīvā upasadaḥ" | ( ai0 brā0 4 --- Source: [https://indike.org/pramana/in.veda.brahmana.satapatha.adhvarakanda.22](https://indike.org/pramana/in.veda.brahmana.satapatha.adhvarakanda.22) · Pramāṇa