Adhvarakanda 3
Adhvarakāṇḍa 3
- Language
- Sanskrit
3.1
iti somākhyānabrāhmaṇaṃ samāptam
iti tṛtīyakāṇḍe dvitīyo'dhyāyaśca samāptaḥ
atha
tṛtīyādhyāye prathamaṃ brāhmaṇam
'somakrayaṇī brāhmaṇam'
[mūla ] sapta padānyanuniṣkrāmati | vṛṅktaevaināmetattsmātsapta padānyanu
niṣkrāmati yatra vai vācaḥ prajātāni chandāṃsi saptapadā vai teṣāṃ parāddharcā śakvarī
tāmevaitatparastādarvācīṃ vṛṅkte tasmātsapta padānyanu niṣkrāmati
3.2
sa vai vāca eva rūpeṇānu niṣkrāmati | vasyasyaditirasyādityāsi rudrāsi
candrāsīti vasvī hyaṣāditihya ṣādityā hyaṣā rudrā hyeṣā candrā hyeṣā bṛhaspatiṣṭvā sumne ramaṇātviti brahma vai bṛhaspatirbṛhaspatiṣṭvā sādhunāvartayatvityevaitadāha rudro vasubhirācaka 'ityapraṇāśāyaitadāha rudraṃ hi nāti paśavaḥ
3.3
atha saptamaṃ padaṃ paryupaviśanti | sa hiraṇyaṃ pade nidhāya juhoti na
vā'nagnāvāhutirhū yate'gniretasaṃ vai hiraṇyaṃ tatho hāsyaiṣāgnimantyevāhutirhutā
bhavati vajro vā'grājyaṃ vajreṇaivaitadājyena spṛṇute tāṃ spṛtvā svīkurute
3.4
sa juhoti | adityāstvā mūrddhannājigharmītīyaṃ vai pṛthivyaditirasyai hi
mūrddhan juhoti devayajane pṛthivyā'iti devajayane hi pṛthivyai juhotīḍāyāspadamasi
ghṛtavat svāheti gaurvā'iḍā gorhi pade juhoti ghṛtavatsvāheti ghṛtavaddhahye tadabhihutaṃ
bhavati
3.5
atha sphyamādāya parilikhati | vajro vai sphyo vajre ṇaivaitatparilikhati
triṣkṛtvaḥ parilikhati trivṛtaivaitadvajre ṇa samantaṃ parigṛhṇātyanatikramāya
3.6
sa parilikhati | asme ramasveti yajamāne ramasvetyevaitadāhātha samullikhya
padaṃ sthālyāṃ saṃvapatyasme te bandhuriti yajamāne te bandhurityevaitadāha
3.7
athāpa upaninayati | yatra vā'asyai khanantaḥ krūrīkurvantyapaghnanti
śāntirāpastadbhiḥ śāntyā śamayati tadbhiḥ saṃdadhāti tasmādapa upaninayati
3.8
atha yajamānāya padaṃ prayacchati | tve rāya iti paśavo vai rāyastvayi
paśava ityevaitadāha tadyajamānaḥ pratigṛhṇāti me rāya iti paśavo vai rāyo mayi
paśava ityevaitadāha
3.9
athādhvaryurātmāna mupaspṛśati | mā vayaṃ rāyaspoṣeṇa viyauṣmeti tatho
hādhvaryuḥ paśubhya ātmānaṃ nāntareti
3.10
atha patnyai padaṃ pratiparāharanti | gṛhā vai patnyai pratiṣṭhā tad gṛheṣvevainā
metat pratiṣṭhāyāṃ pratiṣṭhāpayati tasmāt patnyai padaṃ pratiparāharanti
3.11
tāṃ neṣṭā vācayati | toto rāya ityathaināṃ somakrayaṇyā saṃkhyāpayati
vṛṣā vai somo yoṣā patnyeṣa vā'atra somo bhavati yat somakrayaṇī mithuna mevaitat
prajananaṃ kriyate tasmādenāṃ somakrayaṇyā saṃkhyāpayati
3.12
sa saṃkhyāpayati | samakhye devyā dhiyā saṃ dakṣiṇayorucakṣasā | mā ma'āyuḥ pramoṣīrmo'ahaṃ tava vīraṃ videya tava devi saṃdṛśītyāśiṣa mevaitadāśāste putro
vai vīraḥ putraṃ videya tava saṃdṛśītyevaitadāha
3.13
sā yā babhruḥ piṅgākṣī | sā somakrayaṇī yatra vā'indrāviṣṇū tredhā
sahasraṃ vyairayetāṃ tadekātyaricyata tāṃ tredhā prājanayatāṃ tasmādyo'pyetarhi tredhā
sahasraṃ vyākuryādekaivātiricyeta
3.14
sā yā babhruḥ piṅgākṣī | sā somakrayaṇyatha yā rohiṇī sā vārtraghnī
yā midaṃ rājā saṃgrāmaṃ jitvodākurute'tha yā rohiṇī śyetākṣī sā pitṛdevatyā
yā midaṃ pitṛbhyo ghnanti
3.15
sā yā babhruḥ piṅgākṣī | sā somakrayaṇī syādyadi babhruṃ piṅgākṣīṃ
na vindedaruṇā syādyadyaruṇāṃ na vindedrohiṇī vārtraghnī syādrohiṇyai ha tveva
śyetākṣyā'aṃśāṃ neyāt
3.16
sā syādapravītā | vāgvā'eṣā nidānena yatsomakrayaṇyayātayāmnī
vā'iyaṃ vāgayātayāmyapravītā tasmādapravītā syāt sā syādaṣaṇḍākūṭākāṇākarṇālakṣitāsaptaśaphā sā hyekarūpaikarūpā hīyaṃ vāk
Linked texts (1)
- Mādhyandina — Sanskrit