Adhvarakanda 7

Adhvarakāṇḍa 7

Language: Sanskrit

7.18 — 4 parts

7.1

iti somopanahanabrāhmaṇaṃ samāptam
iti tṛtīyādhyāye dvitīyaṃ brāhmaṇaṃ samāptam
[ mūla ] sa vai rājānaṃ paṇate | sa yadrājānaṃ paṇate tasmādidaṃ sakṛtsarvaṃ
paṇyaṃ sa āha somavikrayinkrayyaste somo rājā 3 iti | krayya ityāha somavikrayī, taṃ vai te krīṇānīti, krīṇīhītyāha somavikrayī kalayā te krīṇānīti,
bhūyo vā'śvataḥ somo rājārhatītyāha somavikrayī, bhūya evātaḥ somo rājārhati,
mahām̐stveva gormahimetyadhvaryuḥ

7.2

gorve pratidhuk | tasyai śṛtaṃ tasyai śarastasyai dadhi tasyai mastu tasyā'ścātañcanaṃ tasyai navanītaṃ tasyai ghṛtaṃ tasyā''mikṣā tasyai vājinaṃ

7.3

śaphena te krīṇānīti | bhūyo vā'śvataḥ somo rājārhatītyāha somavikrayī
bhūya evātaḥ somo rājārhati mahāṃstveva gormahimetyadhvaryuretānyeva daśavīryāṇyudākhyāyāha padā te'rdhena te gavā te krīṇāmīti krītaḥ somo rājetyāha somavikrayī
vayāṃsi prabrūhīti

7.4

sa āha | candraṃ te vastraṃ te chāgā te dhenuste mithunau te gāvau, tisraste'nyā
iti sa yadarvākpaṇante paraḥ sampādayanti tasmādidaṃ sakṛtsarvaṃ paṇyamarvākpaṇante paraḥ
sampādayantyatha yadadhvaryuṃreva gorvīryāṇyudācaṣṭe na somasya somavikrayī mahito vai
somo devo hi somo'thaitadadhvaryurgāṃ mahayati tasyai paśyanvīryāṇi krīṇāditi
tasmādadhvaryureva gorvīryāṇyudācaṣṭe na somasya somavikrayī

7.5

atha yatpañca kṛtvaḥ paṇate | saṃvatsarasaṃmito vai yajñaḥ pañca vā'ṛtavaḥ
saṃvatsarasya taṃ pañcabhirāpnoti tasmātpañca kṛtvaḥ paṇate

7.6

atha hiraṇye vācayati | śuklaṃ tvā śukreṇa krīṇāmīti śuklaṃ hyetacchukreṇa
krīṇāti yatsomaṃ hiraṇyena candraṃ candreṇeti candraṃ hyetaccandreṇa krīṇāti yatsomaṃ
hiraṇyena mṛtamamṛtenetyamṛtaṃ hyetadamṛtena krīṇāti yatsomaṃ hiraṇyena

7.7

atha somavikrayiṇamabhiprakampayati | sagve te goriti yajamāne te gaurityevaitadāha tadyajamānamabhyāhṛtya nyasyatyasme te candrāṇīti so'tmanyeva vīryaṃ
dhatte śarīrameva somavikrayī harate tattataḥ somavikrayyādatte

7.8

athājāyāṃ pratīcīnamukhyāṃ vācayati | tapasastanūrasīti tapaso ha vā'eṣā prajāpateḥ sambhūtā yadajā tasmādāha tapasastanūrasīti prajāpatervarṇo'iti sā
yattriḥ saṃvatsarasya vijāyate tena prajāpatervarṇaḥ parameṇa paśunā krīyasa'iti sā
yattriḥ saṃvatsarasya vijāyate tena paramaḥ paśuḥ sahasrapoṣaṃ puṣeyamityāśiṣamevaitadāśāste bhūmā vai sahasraṃ bhūmānaṃ gacchānītyevaitadāha

7.9

sa vā'anenaivājāṃ prayacchati | anena rājānamādatta'ājā ha vai nāmaiṣā yadajaitayā hyenamantata ājati tāmetatparo'kṣamajetyācakṣate

7.10

atha rājānamādatte | mitro na ehi sumitradha iti śivo naḥ śānta'ehītyevaitadāha taṃ yajamānasya dakṣiṇa'ūrau pratyuhya vāso nidadhātīndrasyorumāviśa
dakṣiṇamityeṣa vā'atrendro bhavati yadyajamānastasmādāhendrasyorumāviśa dakṣiṇamityuśannuśantamiti priyaḥ priyamityevaitadāha syonaḥ syonamiti śivaḥ śivamityevaitadāha

7.11

atha somakrayaṇānanudiśati | svāna bhrājāṅghāre bambhāre hasta suhasta
kṛśānavete vaḥ somakrayaṇāstān rakṣadhvaṃ mā vo dabhanniti dhiṣṇyānāṃ vā'ete
bhājanenaitāni vai dhiṣṇyānāṃ nāmāni tānyevaibhya etadanvadikṣat

7.12

athātrāporṇute | garbho vā'eṣa bhavati yo dīkṣate prāvṛtā vai garbhā ulbeneva jarāyuṇeva tamatrājījanata tasmādaporṇuta'eṣa vā'atra garbho bhavati tasmātparivṛto
bhavati parivṛtā iva hi garbhā ulbeneva jarāyuṇeva

7.13

atha vācayati | pari māgne duścaritādvādhasvā mā sucarite bhajetyāsīnaṃ
vā'enameṣa āgacchati sa āgata'uttiṣṭhati tanmithyā karoti vrataṃ pramīṇāti
tasyo haiṣā prāyaścittistatho hāsyaitanna mithyākṛtaṃ bhavati na vrataṃ pramīṇāti
tasmādāha pari māgne duścaritādbādhasvā mā sucarite bhajeti

7.14

atha rājānamādāyottiṣṭhati | udāya̱ṣā svāyuṣodasthāmamṛtāṃ 2||'anvityamṛtaṃ vā'eṣo'nūttiṣṭhati yaḥ somaṃ krītaṃ tasmādāhodāya̱ṣā svāyuṣodasthāmamṛtāṃ 2||'anviti

7.15

atha rājānamādāyārohaṇamabhipraiti | prati panthāmapadmahi svastigāmanehasam | yena viśvāḥ pari dviṣo vṛṇakti vindate vasviti

7.16

devā ha vai yajñaṃ tanvānāḥ | te'surarakṣasebhya trāsaṅgādvibhayāṃcakrusta'etadyajuḥ svastyayanaṃ dadṛśusta'etena yajuṣā nāṣṭrā rakṣāṃsyapahatyaitasya yajuṣo'bhaye'nāṣṭre
nivāte svasti samāśnuvata tatho'evaiṣa etena yajuṣā nāṣṭrā rakṣāṃsyapahatyaitasya
yajuṣo'bhaye'nāṣṭre nivāte svasti samaśnute tasmādāha prati panthāmapadmahi svastigāmanehasam | yena viśvāḥ pari dviṣo vṛṇakti vindate vasviti

7.17

taṃ vā'iti haranti | anasā parivahanti mahayantyevainametattasmācchīrṣṇā
bījaṃ harantyanasodāvahanti

7.18

atha yadapāmante krīṇāti | raso vā'apaḥ sarasamevaitatkrīṇātyatha yaddhiraṇyaṃ bhavati saśukamevaitatkrīṇātyatha yadvāso bhavati satvacasamevaitatkrīṇātyatha
yadajā bhavati satapasamevaitatkrīṇātyatha yaddhenurbhavati sāśiramevaitatkrīṇātyatha yanmithunau bhavataḥ samithunamevaitatkrīṇāti taṃ vai daśabhireva krīṇīyānnādaśabhirdaśākṣarā
vai virāḍ vairājaḥ somastasmāddaśabhireva krīṇīyānnādaśabhiḥ

Linked texts (2)

Mādhyandina — Sanskrit
Kātyāyanaśrautasūtra — Kātyāyana (Vājasaneyi sūtrakāra), Sanskrit

Adhvarakanda 7

Contents

7.1

7.2

7.3

7.4

7.5

7.6

7.7

7.8

7.9