[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Adhvarakanda](https://indike.org/pramana/in.veda.brahmana.adhvarakanda) › 8 # Adhvarakanda 8 Adhvarakāṇḍa 8 - **Language:** Sanskrit ### [8.1](https://indike.org/pramana/in.veda.brahmana.adhvarakanda.8.1) 'ekaikenānte paṇate śaphena padā ardhena gavā' | 'gavā te krīṇāmītyantāḥ' 'krītaḥ somo rājetyanaye vayāṃsi prabrūhi somavikrayī' (kā. śrau sū. 7|212) śukraṃ tvā śukreṇa krīṇāmi candraṃ candreṇāmṛtamamṛtena ||iti 'parimāgne duścaritād bādhasvā mā sucarite bhaja || iti 'pratipanthāmapadmahi svasti gāmane hasam' yena viśvāḥ pari dviṣo vṛṇakti vindate vasu' iti “sa yad rājānaṃ paṇate tasmādidaṃ sakṛt sarvaṃ paṇyam” somavikrayin krayyaste somo rājā iti (praśnārthe plutaḥ) krayya- ityāha somavikrayī adhvaryuḥ-taṃ vai te krīṇāni-iti "krīṇīhītyāha somavikrayī kalayā te krīṇāni iti | bhūyo vā'grtaḥ somo rājārhatītyāha somavikrayī | bhūya evātaḥ somo rājārhati mahāṃstveva gormahisā ityadhvaryuḥ" ### [8.2](https://indike.org/pramana/in.veda.brahmana.adhvarakanda.8.2) "gorve pratidhuk" | tasyai (tasyāḥ) śṛtam | tasyai śaraḥ | tasyai dadhi tasyai mastu | tasyā'ātañcanam | tasyai navanītam | tasyai ghṛtam | tasyā'śrāmikṣā | tasyai vājinam" ### [8.3](https://indike.org/pramana/in.veda.brahmana.adhvarakanda.8.3) "śaphena te krīṇānīti | bhūyo vā'taḥ somo rājārhatītyāha-somavikrayī | bhūya evātaḥ somo rājā'rhati, mahāṃstveva gormahimetyadhvaryuretānyeva daśa vīryāṇyudākhyāyāha-padā te-(krīṇānīti-bhūyo vā ataḥ ityādi pūrvoktam sarvaṃ vaktavyam) ardhena te (krīṇānīti sarvaṃ vaktavyam ) gavā te krīṇāmi iti | krītaḥ somo rājetyāha somavikrayī" "vayāṃsi prabrūhīti (ityāha somavikrayīti śeṣaḥ)" ### [8.4](https://indike.org/pramana/in.veda.brahmana.adhvarakanda.8.4) "sa āha-candraṃ te (dāsyāmīti śeṣaḥ)| vastraṃ te | chāgā te | dhenuste mithunau te gāvau | tisraste'nyā iti" "sa yadarvāk paṇante-paraḥ sampādayanti | tasmādidaṃ sakṛt sarvaṃ paṇṇamarvākpaṇante paraḥ sampādayanti" "atha yadadhvaryureva gorvīryāṇyudācaṣṭe-na somasya somavikrayī| mahito vai somaḥ| devo hi somaḥ" "athaitadadhvaryurgāṃ mahayati | tasyai paśyan vīryāṇi krīṇīyāt iti | tasmādadhvaryureva gorvīryāṇyudācaṣṭe-na somasya somavikrayī" ### [8.5](https://indike.org/pramana/in.veda.brahmana.adhvarakanda.8.5) "atha yat (yasmāt) pañca kṛtvaḥ paṇate (taducyate-iti śeṣaḥ )" "saṃvatsarasaṃmito vai yajñaḥ | pañca vā'ṛtavaḥ saṃvatsarasya | taṃ pañcabhirāpnoti | tasmāt pañca kṛtvaḥ paṇate" ### [8.6](https://indike.org/pramana/in.veda.brahmana.adhvarakanda.8.6) "śukraṃ tvā śukreṇa krīṇāmi, candraṃ candreṇāmṛtamamṛtena" “śukraṃ hyetat śukreṇa krīṇāti-yatsomaṃ hiraṇyena" “candraṃ hyetat | candreṇa krīṇāti yatsomaṃ hiraṇyena" “amṛtaṃ hyetat amṛtena krīṇāti yatsomaṃ hiraṇyena" ### [8.7](https://indike.org/pramana/in.veda.brahmana.adhvarakanda.8.7) “atha somavikrayiṇamabhiprekampayati (adhvaryuḥ)” “tadyajamānamabhyāhṛtya nyasyati | asme te candrāṇi” “sagme te gauriti yajamāne te gaurityevaitadāha | tadyajamānamabhyāhṛtya nyasyati | asme (adhvaryave) te candrāṇi iti | sa (adhvaryuḥ) ātmanyeva vīryaṃ (suvarṇa) dhatte | śarīrameva somavikrayī harate" "tattataḥ somavikrayyādatte" ### [8.8](https://indike.org/pramana/in.veda.brahmana.adhvarakanda.8.8) "tapasastanūrasi iti | prajāpatervarṇaḥ | parameṇa paśunā krīyase'iti sahasrapoṣaṃ puṣeyam"-iti "tapaso ha vā'eṣā prajāpateḥ saṃbhūtā-yadajā | tasmādāha tapasastanūrasīti" "sā yattriḥ saṃvatsarasya vijāyate tena prajāpatervarṇaḥ” “sā yat triḥsaṃvatsarasya vijāyate tena paramaḥ paśuḥ” "sahasrapoṣaṃ puṣeyam” "āśiṣamevaitadāśāste, bhūmā vai sahasraṃ | bhūmānaṃ gacchānītyevaitadāha” ### [8.9](https://indike.org/pramana/in.veda.brahmana.adhvarakanda.8.9) "sa vā'anenaivājāṃ prayacchati-anena rājānamādatte" "ājā ha vai nāmaiṣā yadajā | etayā hyenaṃ ( som ) antataḥ ājati tāmetparo'kṣamajetyācakṣate" ### [8.5-2](https://indike.org/pramana/in.veda.brahmana.adhvarakanda.8.5-2) "mitro na 'ehi sumitradhaḥ" "śivo naḥ śānta 'ehītyavaitadāha" "indrasyorumāviśa dakṣiṇam" “yajña indramavardhayat-yadadbhūmiṃ vyavartayat | cakrāṇa opaśaṃ divi”—iti ( ṛgveda maṃ0 8|14 ### [8.10](https://indike.org/pramana/in.veda.brahmana.adhvarakanda.8.10) ) “eṣa vā'atrendro bhavati yadyajamānaḥ | tasmādāha-indrasyorumāviśa dakṣiṇamityuśannuśantamiti” “priyaḥ priyamityevaitadāha syonaḥ syonamiti śivaḥ śivamisyevaitadāha” ### [8.11](https://indike.org/pramana/in.veda.brahmana.adhvarakanda.8.11) "svāna bhrājāṅghāre bambhāre hastasuhasta kṛśānavete vaḥ somakrayaṇāstān rakṣadhvam | mā vo dabhan" "dhiṣṇyānāṃ vā'ete bhājanenaitāni vai dhiṣṇyānāṃ nāmāni tānyevaibhya 'etadanvadikṣat" ### [8.12](https://indike.org/pramana/in.veda.brahmana.adhvarakanda.8.12) "athātrāporṇute” “athātrāporṇute | garbho vā'eṣa bhavati yo dīkṣate | prāvṛtā vai garbhā 'ulbeneva jarāyuṇeva tamatrājījanata | tasmādaporṇutaḥ” “eṣa vā'atra garbho bhavati tasmāt parivṛto bhavati parivṛtā 'iva hi garbhā ulbeneva jarāyuṇeva” ### [8.13](https://indike.org/pramana/in.veda.brahmana.adhvarakanda.8.13) “pari māgne duścaritād bādhasvā mā sucarite bhaja-iti” "āsīnaṃ vā'enameṣa (soma) āgacchati | sa (yajamānaḥ) āgata'uttiṣṭhati tanmithyā karoti vrataṃ pramīṇāti tasyo haiṣā prāyaścittiḥ | tatho hāsyaitanna mithyākṛtaṃ bhavati na vrataṃ pramīṇāti, tasmādāha parimāgne ityādi" ### [8.14](https://indike.org/pramana/in.veda.brahmana.adhvarakanda.8.14) "atha rājānamādāyottiṣṭhati | udāyuṣā svāyuṣodasthāmamṛtā" "amṛtaṃ vā'eṣo'nūttiṣṭhati yaḥ somaṃ krītaṃ tasmādāhodāyuṣā-ityādi" ### [8.15](https://indike.org/pramana/in.veda.brahmana.adhvarakanda.8.15) “pratipanthāmapadmahi svastigāmanehasam yena viśvāḥ pari dviṣo vṛṇakti vindate vasu ### [8.16](https://indike.org/pramana/in.veda.brahmana.adhvarakanda.8.16) devā ha vai yajñaṃ tanvānāḥ | te'surarakṣasebhya trāsaṅgādvibhayāṃcakruḥ | ta'etadyajuḥ svastyayanaṃ dadṛśuḥ | ta'etena yajuṣā nāṣṭrā rakṣāṃsyapahatyāṃtasya yajuṣo'bhaye'nāṣṭre nivāte svasti samāśnuvata tatho'evaiṣa etena yajuṣā nāṣṭrā rakṣāṃsyapahatyaitasya yajuṣo'bhaye'nāṣṭre nivāte svasti samnute tasmādāha-prati panthāmityādi” ### [8.17](https://indike.org/pramana/in.veda.brahmana.adhvarakanda.8.17) “taṃ vā'iti (pūrvokta prakāreṇa śirasā dhṛtvā) haranti anasā parivahanti mahayantyevainametat (karmaṇā)” “tasmācchīrṣṇā bījaṃ haranti | anasodāvahanti” ### [8.18](https://indike.org/pramana/in.veda.brahmana.adhvarakanda.8.18) “athāgreṇa rājānaṃ vicinvanti tadudakumbha upanihito bhavati” (śata0 3|3|2|5) “raso vā'āpaḥ | sarasamevaitat krīṇāti” ## Linked texts (1) - [Kātyāyanaśrautasūtra](https://indike.org/pramana/in.vedanga.kalpa.srauta.katyayana.7.8.10) — Kātyāyana (Vājasaneyi sūtrakāra), Sanskrit --- Source: [https://indike.org/pramana/in.veda.brahmana.adhvarakanda.8](https://indike.org/pramana/in.veda.brahmana.adhvarakanda.8) · Pramāṇa