Taittiriyabrahmana 1.3
Jñānayajña on the Taittirīya Brāhmaṇa (Bhaṭṭabhāskara) 1.3
- Language
- Sanskrit
1.3
'catuṣṭayya iti || catvāro'vayavā yāsāṃ tāḥ catuṣṭayyaḥ | 'saṃkhyāyā avayave tayap' catuṣprakārā ityarthaḥ | āpa iti | varṣyāḥ kūpyāḥ sthāvarāḥ vahantyaśca | evaṃ catuṣṭayīnāmapāṃ anvayaḥ samṛddhayai bhavati, aśvasya catuśśaphatvāt tasya prājāpatyatvāt | prajāpatyakṣipariṇāmatvāttasya prājāpatyatvam | tāḥ catuṣṭayyaḥ āpaścatasṛbhyo digbhyaḥ samāhṛtāḥ bhavanti naikasyā eva | sarvāsu hi dikṣu āpassanti | āpaśca annahetavaḥ, tadadhīnajanmatvāt | tasmāt yāvatkiñcit apkāraṇakamannaṃ tatsarvaṃ avarundhe sarvadiganvayāt ||
tāsviti || devayajanādhyavasānāntaraṃ aupāsane śrapaṇaṃ brahmodanasya | tatprajāsṛṣṭayarthaṃ retaḥ sthāpayati | catuśśarāva iti | caturṣu śarāveṣu saṃskṛtaścatuśśarāvaḥ pramāṇe vā śarāva āḍhakaḥ | 'dvigoḥ' iti luk, 'igantakāla' iti pūrvapadaprakṛtisvaratvam ||
Linked texts (1)
- Taittirīyabrāhmaṇa — Sanskrit