Taittiriyabrahmana 4.22
Jñānayajña on the Taittirīya Brāhmaṇa (Bhaṭṭabhāskara) 4.22
- Language
- Sanskrit
4.22
"rātrirvā iti || piśa avayave, tamasā rūpāṇi gilati chādayatīti piśāṅgilā | pṛṣodarādiḥ | tasmāt prabhūtānno rātrimapi vidheyīkaroti ||
"śrīrvā iti || bhṛśaṃ prajānāṃ prīṇayitrī pilipipilā prīṇāteryaṅluki abhyāsasya ligāgamo varṇavikāropajanaśchāndasaḥ | tasmāt vidheyīkṛtāhorātratvāt mahato'nnādanasāmarthyasya lābhaḥ ||
asāai vā iti || ādityassarvadā ekākī carati senānyādīnāmanupalambhāt tasmāt ādityavattejasvī bhavati ||
"candramā vā iti || punaḥpunarjāyate candramāśśuklādau, tasmāt tejasvī bhūtvā āyuṣmānśca bhavati ||
10 agniau ityādi || āgneyatvādvrāhmaṇasya brahmavarcasatvalābhaḥ||
yajate, yaścainamevaṃ īdṛkprabhāvapaśuṃ kratuṃ veda, sa ca sarvamāpnoti jayati ca ||
iti tṛtīye navame dvāviṃśo'nuvākaḥ.
'yo vā ityādi || ahorātrādīnāṃ aśvāvayavarūpaṇena aśvaḥ stūyate | itthamidaṃ jñātavyamiti stutiphalam | aśvasya medhārhasya saṃvatsaraprajāpatyātmanaḥ lomnorveditā tasya lomni lomni sarveṣu lomasu hotā bahvīnāmāhutīnāṃ hotā bhavati, āhutibhūyastvāt phalabhūyastvamiti bhāvaḥ | ke tarhi mahānubhāve aśvasya lomanī ? ityāhaahorātre iti | saṃvatsaraprajāpatyātmano'śvasya lomasthānīye āhorātre, evaṃ viditvā sāyaṃ prātaragnihotraṃ juhvatā aśvasya medhyasya prajāpatereva lomni lomni hutaṃ bhavati | etadanukaraṇīyaṃ yasya tadetadanukṛti idamevānukurvantaḥ purākalpe aśvasya lomni
Linked texts (1)
- Taittirīyabrāhmaṇa — Sanskrit