Pramāṇa · Search · About · API

Taittiriyabrahmana 4.28

Jñānayajña on the Taittirīya Brāhmaṇa (Bhaṭṭabhāskara) 4.28

Language
Sanskrit

4.28

meveti | svargamanāyaivedaṃ karma bhavatyasyā ratyarthaṃ chādanaṃ yatkriyate chāditatvātsvargasya ||
7 evaṃ prahelikāsthānīyānyanyaparāṇi etāni vākyāni karmaprāśastyapratipādanaparatayā vyākhyāyante brāhmaṇena - prajā vā iti || garbhadhāraṇavācoyuktiḥ sarvaprajāpaśudhāraṇasāmarthyaṃ karmaṇaḥ khyāpayati ||
8 devā vā ityādi || vyākhyātam | yatsūcībhiriti | viśasanakāle yaiḥ pathibhirasirgacchati tān asimārgān sūcībhiḥ kalpayanti mahiṣyādayaḥ | tanmārgajñānaṃ svargasya prajñātyai bhavati| gāyatrītyādi | 'gāyatrī triṣṭup' ityārabhya dvābhyāṃ dvābhyāmṛgbhyāṃ mahiṣyādayaḥ krameṇa kalpayanti | yathāyajuriti | gāyatryādibhirevāsimārgāḥ pravartitā bhavanti tataḥ ṛtvijāṃ nāparādhaḥ||
9 trayya iti || trayo'vayavā āsāāmiti | 'dvitribhyāṃ tayasyāyac' ityayajādeśaḥ | ayasmayya iti | 'ayasmayādīni

Linked texts (1)