Atharvavedabrahmana 12.15

Atharvavedabrāhmaṇa 12.15

Language: Sanskrit

12.15

indrāgnī abravīt, yuvanna imaṃ yajñasyāṅgamanusamāharatāmacchāvākīyāṃ | tathetyabrūtām | tau sayujo sabalo bhūtvā
prāsahā mṛtyumatyetām | tau hyasyaitadyajñasyāṅgamanusamāharatāmacchāvākīyāṃ | tasmādacchāvākaḥ prātaḥsavana aindrāgnāni
śaṃsati | tau hyasyaitadyajñasyāṅgamanusamāharatāṃ | yadvaivendrāgnāni
śaṃsati, prātaryāvabhirāgatandevebhirjenyā vasū | indrāgnī somapītaya iti, ṛcābhyanūktam | indrāgno āgatantauśā vṛtrahaṇā
huva iti, acchāvākasya stotriyānurūpau | iṃdrāgnī apasasparautyukthamukhaṃ | ihendrāgnī upahvaya iti paryāsaḥ | indrāgnī āgatamiti, yajati | ete eva taddevate yathābhāgaṃ prīṇāti vaṣaṭkṛtyānuvaṣaṭ karoti | pratyevābhimṛśante nāpyāyayanti na hyanārāśam̐sāḥ sīdanti

Previous: 12.14
Next: 12.16
Up: 12

Linked texts (1)

Gopathabrāhmaṇa (ed. Gaastra 1919) — Sanskrit