Atharvavedabrahmana 12.6-2

12.6-2

prajāpatirvai yat prajā asṛjata, tā vai tāntā asṛjata | tā
hiṅkāreṇaivābhyajighrat | tāḥ prajā amāran(6), taddahyate vā etadyajño yahavīṃṣi pacante | yat somaḥ sūyate, yat paśurālabhyate,
hiṅkāreṇa vā etat prajāpatirhi tamabhijighrati, yajñasyāhatāyai
(7)yajñasyāsyai yajñasya vīryyavattayā iti | tasmādu hiṅkriyate,
tasmādu ya eva pitā putrāṇāṃ mūrddhati, sa śreṣṭho bhavati, prajāpatirhi tamabhijighrati | yacchakunirāṇḍamadhyāste(8) yatra sūyate,
tadvi sāpi hiṅkṛṇoti | atho khalvāhuḥ, maharṣirvā (1) etadyajñasyāgre geyamapaśyat | tadetadyajñasyāgre geyaṃ, yadiṅkāraḥ | taṃ
devāśca ṛṣayaścābruvan, vasiṣṭhoyamastu, yo no yajñasyāgre geyamadrāgiti(2) | tadetadyajñasyāgre geyaṃ, yadiṅkāraḥ | tato vai sa
devānāṃ śreṣṭhobhavat | ye na vai śreṣṭhaḥ, tena vasiṣṭhaḥ | tasmād
yasminvāsiṣṭho brāhmaṇaḥ syāt, taṃ dakṣiṇāyā nāntarīyāt | tathā
hāsya prīto hiṅkārī bhavati | atha devāśca ha vā ṛṣayaśca
yadṛksāme apaśyan | te ha smaine(3) apaśyan | te yatraine apaśyan, tata evainaṃ sarvaṃ dohamaduhan | te vā ete dugdhe yātayāme,
ya ṛksāme | te hiṅkāreṇaivāpyāyete | hiṅkāreṇa vā ṛksāme āpīne yajamānāya dohaṃ duhāte | tasmādu hiṅkṛtyādhvaryavaḥ
somamabhiṣuvanti | hiṅkṛtyodgātāraḥ sāmnā stuvanti | hiṅkṛtyokthaśa ṛtvijyaṃ kurvanti | hiṅkṛtyātharvāṇo brahmatvaṃ kurvīnta
tasmādu hiṅkriyate | prajāpatirhi tamabhijighrati | atho khalvāhuḥ, eko vai prajāpatervrataṃ bibhartti gaurèva, tadubhaye paśava
upajīvanti, ye ca grāmyā ye cāraṇyā iti