Atharvavedabrahmana 12.8-3

12.8-3

aṅgūhāṃ vidhāmyāmekāṣṭakāyāmapūpañcatuḥśarāvaṃ paktvā prātaretena kacchamupoṣet | yadi dahati puṇyasamaṃ bhavati, yadi na dahati
pāpasamaṃ bhavati| etena ha sma vā aṅgirasaḥ purā vijñānena dorghasattramupayanti| yo ha vā upadraṣṭāramupaśrotāramanukhyātārameva
vidvānyajate, samamuṣmiṃlloka dṛṣṭāpūrttena gacchate| agnirvvā upadraṣṭā,
vāyurvvā upaśrotā, ādityovā anukhyātā, tānya evaṃ vidvānyajate, samamuṣmiṃlloka iṣṭāpūrttena gacchate| yanno nabhasaspatirityāha, agnirvai nabhasaspatiragnimeva tadāha| etanno gopāyeti
sa tvaṃ no nabhasaspatirityāha, vāyurvai nabhasaspatirvāyumeva tadāha
etanno gopāyeti deva saṃ snānetyāha(1), ādityo vai devasaṃsnānaḥ,
ādityameva tadāha| etanno gopāyetyayaṃ te yoniriti, araṇyoragniṃ(2) samāropayet| tadāhuḥ, yadaraṇyoḥ samārūḍho naśyedudasyāgniḥ sodet, punarādheyaḥ syāditi| yā te agneryajñiyā
tanūstayā me hyāroha tayā me hyāviśāyante yonirityātmannagnīn
samāropayet| eṣa ha vā agneryoniḥ, svasyāmevainaṃ tadyonyāṃ
sādayati