[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Atharvavedabrahmana](https://indike.org/pramana/in.veda.brahmana.atharvavedabrahmana) › 14 # Atharvavedabrahmana 14 Atharvavedabrāhmaṇa 14 - **Language:** Sanskrit ## Contents - [14.16](https://indike.org/pramana/in.veda.brahmana.atharvavedabrahmana.14.16) — 1 part ### [14.1](https://indike.org/pramana/in.veda.brahmana.atharvavedabrahmana.14.1) om | tānvā etān sampātān viśvāmitraḥ prathamamapaśyat, evā tvāmindra vajrinnatra yanna indraṃ jujuṣe yacca vaṣṭi kathāmahāmavṛdhat kasya hoturiti | tān viśvāmitreṇa dṛṣṭān vāmadevo asṛjata | sahe racāñcakre(1) viśvāmitro yān vāhaṃ sampātānadarśaṃ (2), stānvāmadevo asṛjata | kāni tvaṃ hi sūktāni sampātāṃstatpratimān sṛjeyamiti | sa etāni sūktāni sampātāṃ statpratimānanasṛjata, sadyo ha jāto vṛṣabhaḥ kanīna udu brahmāṇairatamavasyābhitaṣṭe (3) badodhayā manīṣāmiti viśvāmitraḥ indraḥ pūrbhidātiraddāsamarkairya eka idavyaścarṣaṇīnāṃ yastigmaśṛṅgo vṛṣabho na bhīma iti vasiṣṭhaḥ | imāmūṣupabhṛtiṃ sātayedhā icchanti tvā somyāsaḥ sakhāyaḥ śvāsadaṅgirduhiturnṛmṇaśrāditi(4) bharadvājaḥ | etairvai sampātaireta ṛṣaya imān lokān samapatan | tadyatsamapatan, tasmāt sampātāḥ, tat sampātānāṃ sampātatvaṃ | tato vā etāṃ stron sampātān maitrāvaruṇo viparyyāsamaikaikamaharahaḥ śaṃsati, evā tvāmindra vajrinnatreti prathame'hni, yanna indro jujuṣe yacca vaṣṭoti dvitīye, kathāmahāmavṛdhat kasya hoturiti tṛtīye | trīneva sampātān brāhmaṇācchaṃsī viparyyāsamaikaikamaharahaḥ śaṃsati, indraḥ pūrbhidātiraddāsamarkairiti prathame'hni, ya eka idavyaścarṣaṇīnāmiti dvitīye, yastigmaśṛṅgo vṛṣabho na bhīma iti tṛtīye | trīneva sampātānacchāvāko viparyāsamakaikamaharahaḥ śaṃsati, māmūṣaprabhṛtiṃ sātayedhā iti prathame'hani, icchanti tvā somyāsaḥ sakhāya iti dvitīye, śāsadvahnirduhiturnapāṅgāditi(1) tṛtīye| tāni vā etāni nava trīṇi cāharahaḥśasyāni| tāni dvādaśa bhavanti| dvādaśa ha vai māsāḥ saṃvatsaraḥ, saṃvatsaraḥ prajāpatiḥ, prajāpatiryajñaḥ, tat saṃvatsaraṃ prajāpatiṃ yajñamāpnoti| tasmin saṃvatsare prajāpatau yajñe aharahaḥ pratitiṣṭhanto yanti, pratitiṣṭhante| idaṃ sarvamanupratitiṣṭhati| pratitiṣṭhati prajayā paśubhiḥ, ya evaṃ veda| tānyantareṇāvāpamāvaperan, anyūkhā(2) virājañcaturthe'hani, traipadīñca paṅktīḥ pañcame, pārucchepo ṣaṣṭhetha yānyānyāni mahāstotrāyadṛṣṭvā̍nyāvaperan ### [14.2](https://indike.org/pramana/in.veda.brahmana.atharvavedabrahmana.14.2) ko adya naryo devakāma iti maitrāvaruṇaḥ| vanena vā yo̍nyadhāyi cākanniti brāhmaṇācchaṃsī| āyāhyarvāṅupabandhureṣṭha ityacchāvākaḥ| etāni vā āvapanāni, etairevāvapanairhaivādya ṛṣayaśca svargaṃ lokamāyan| tathaivaitadyajamānā etairevāvapanaiḥ svargaṃ lokaṃ yanti| sadyo ha jāto vṛṣabhaḥ kanīna iti maitrāvaruṇaḥ purastāt sampātānāmaharahaḥ śaṃsati| tadetat sūktaṃ, svargametena sūktena devāśca ṛṣayaśca svargaṃ lokamāyan| tathaivaitadyajamānā etenaiva sūktena svargaṃ lokaṃ yanti| tadvṛṣabhavat paśumadbhavati paśūnāmāptyai| tatpañcarcaṃ bhavati, annaṃ vai paṅktiḥ, annādyasyāvarudhyai(3), ariṣṭairnaḥ pathibhiḥ pārayanviti svargatāyā evaitadaharahaḥ śaṃsati| udu brahmāṇyairataśravasyeti brāhmaṇācchaꣲsī| brahmaṇv detat sūktaṃ, samṛddhametena sūktena devāśca ṛṣayaśca svargaṃ lokamāyan| tathaivaitadyajamānā etenaiva sūktena svargaṃ lokaṃ yanti| tadu vai ṣaḍarcaṃ, ṣaḍ vā ṛtavaḥ, ṛtūnāmāptyai| tadupariṣṭāt sampātānāmaharahaḥ śaṃsati| abhitaṣṭaṃ vadīdhayā manīṣāmityacchāvāko aharahaḥ śaṃsati| abhivadati tasyai rūpamabhipriyāṇi marmṛśatparāṇīti, yānyeva parāṇyahāni, tāni priyāṇi, tānyeva tadbhimṛśanto yantyabhyārabhamāṇāḥ| paro vā asmāllokāt(1) svargo lokaḥ, svargameva taṃ lokamabhimṛśanti| kavīṃ ṛcchāmi(2) sandṛśe sumedhā iti, ye ha vā anena pūrve prītāste vai kavayaḥ, tānyeva tadabhyabhivadati| yadu vai daśarcaṃ, daśa vai prāṇāḥ, prāṇāneva tadāpnoti prāṇānāṃ santatyai| yadu vai śadacaṃ, daśa vai puruṣe prāṇāḥ, daśa svargā lokāḥ, prāṇāṃścaiva tat svargāṃśca lokānāpnoti prāṇeṣu caivaitat svargeṣu ca lokeṣu pratitiṣṭhanto yanti| yadu vai daśarcaṃ, daśākṣarā virāṭ, iyaṃ vai virāṭ, iyaṃ vai svargasya lokasya pratiṣṭhā, tadetadasyāṃ pratiṣṭhāyāṃ pratiṣṭhāpayati| sasradindraṃ nirāhate, nendrādrūpāt pracavate, tadupariṣṭāt sampātānāmaharahaḥ śaṃsati ### [14.3](https://indike.org/pramana/in.veda.brahmana.atharvavedabrahmana.14.3) kastamindra tvā vasuṃ marttavyo atasonāṃ kadrūkṛnvasyātaṃ(3) iti kahantaḥ pragāthā aharahaḥ śaṃsati| eko vai prajāpatiḥ, prajāpaterāptyai| yadeva kahantaḥ, tat svargasya lokasya rūpaṃ| yadeva kahantaḥ, atho annaṃ vai kaṃ, atho annasyāvaruddhyai| yadeva(1)kahantaḥ, atho sukhaṃ vai kaṃ, atho sukhasyāvaruddhyai| yadeva(2) kahantaḥ, athāharaharvā ete, śāntānyahīnasūktānyupayuñjānā yanti, tāni kahadbhiḥ pragāthaiḥ śamayanti| tānyebhyaḥ śāntānikāṃ bhavanti(3), tānyetāñ śāntāni svargaṃ lokamabhivahanti| triṣṭubhaḥ sūktāḥ pratipadaḥ śaṃseyuḥ, tā heke purastāt pragāthānāṃ śaṃsanti, dhāyyā iti vadantastadu tathā na kuryāt| kṣatraṃ vai hotā, viśo hotrāśaṃsinaḥ, kṣatrasyaiva tadviṣaṃ pratyavrāminīṅkuryuḥ| pāvamānasya(4) sanviṣṭubho mā imā(5) sūktaḥ pratipad ityevaṃ vidyāt, yathā vai samudraṃ praplaveyuḥ, evaṃ haivaite praplavayante(6) ye saṃvatsaraṃ dvādaśāhaṃ vopāsante, tadyathā mairāvatī nāvaṃ pārakāmāḥ samāroheyuḥ, evaṃ haivaitāstriṣṭubhaḥ svargakāmāḥ samārohanti| na ha vā etacchando gamayitvā svargaṃ lokamupāvarttante(7)| vīryyavantaṃ saṃhitābhyo nadyāvahyīta, samānaṃ hi chandaḥ, atho'nye dhāyyā karavāṇīti | yadenāḥ śaṃsanti(1), tat svargasya lokasya rūpaṃ yaddevenāḥ śaṃsanti(2), indramevaitairnihvayante, yatha ṛṣabhaṃ(3) vāsitāyai ### [14.4](https://indike.org/pramana/in.veda.brahmana.atharvavedabrahmana.14.4) apaindra prāco maghavannamitrāniti, maitrāvaruṇaḥ purastāt sampaśatānāmaharahaḥ śaṃsati | apāpāco abhibhūte nudasvāpodīco apa śūrā dharāca urau yathā tava śarman mademeti, abhayasya rūpamabhayamiva hyanviccheti, brahmaṇā te brahmayujā yunajmīti, brāhmaṇācchaṃ syetāmaharahaḥ śaṃsati | yuktavatīṃ yukta ivāhyahīnohīnasya rūpamuru no lokamanuneṣīti, acchāvāko 'harahaḥ śaṃsati anuneṣotyeta ivāhyahīno'hīnasya rūpaṃ neṣīti satrāyaṇarūpa' okaḥsārī haivaiṣāmindro bhavati, yathā gauḥ prajñātaṃ goṣṭhaṃ, yathā ṛṣabhaṃ(4) vāsitāyāḥ, evaṃ haivaiṣāmindro yajñamāgacchanti(5) na śūnaṃ yathāhonasya(6) paridadhyāt | kṣatriyo ha rāṣṭrādbhavate, yo haiva paro bhavati, tamabhibhvahyati ### [14.5](https://indike.org/pramana/in.veda.brahmana.atharvavedabrahmana.14.5) athātohīnasya yuktiśca vimuktiśca vyantarikṣamatiradityahīnaṃ yuṅkte | evedindramiti vimuñcati | nūnaṃ sā ta ityahīnaṃ yuṅkte nūṣṭuta iti vimuñcati | eṣa ha vā ahīnaṃ tantumarhati, ya enaṃ yoktañca vimoktañca veda, tasya haiṣaiva yuktireṣā vimuktiḥ tadyat prathame'hani caturviṃśa ekākikobhiḥ paridadhyuḥ, prathama evāhani yajñaṃ saṃsthāpayeyurnāhīnakarmma kuryuḥ | atha yahahīnaḥ paridhānīyābhiḥ paridadhyuḥ, tadyathā yukto vimucyamānā utkṛtyeta, evaṃ yajamānā utkṛtyeran, nāhīnakarma kuryuḥ | atha yadubhayobhiḥ paridadhyuḥ, tadyathā dorghādhva upavimokaṃ yājyāḥ, tādṛk tat samānībhiḥ paridadhyuḥ | tadāhuḥ, ekayā dvābhyāṃ vā stomamatiśaṃset, dīrdhāraṇyāni bhavanti, yatra bahvobhiḥ stomotiśasyate, atho kṣiprandevebhyo'nnāyaṃ samprayacchāmīti, aparimittābhiruttarayoḥ savanayoḥ | aparimito vai svargo lokaḥ, svargasya lokasya samaṣṭyai | tadyathā abhiheṣate pipāsate kṣipraṃ prayacchet, tādṛk tat samānībhiḥ paridadhyuḥ | santato haivaiṣāmārabdho visrasto yajño bhavati, santatañcā vaṣaṭ kṛtyaṃ santatyai sandhoyate prajayā paśubhiḥ, ya evaṃ veda ### [14.6](https://indike.org/pramana/in.veda.brahmana.atharvavedabrahmana.14.6) tadāhuḥ, kathaṃ hyakye hotaikasūkta ekokthā hotā dvisūktā iṃti | asau vai hotā yo'sau tapati, sa vā eka eva, tasmādekasūktaḥ | sa yadidhyāto dvāvivā bhavati, teja eva maṇḍalaṃ bhā aparaṃ śukramaparaṃ kṛṣṇaṃ, tasmāddvyukthaḥ | raśmayo vāva hotrāḥ, te vā ekaikaṃ, tasmādekokthāḥ | tadyadekaikasya raśmedvai dvau varṇau bhavataḥ, tasmād dvisūktāḥ | saṃvatsaro vāva hotā, sa vā eka eva, tasmādekasūktaḥ | tasya yad dvayānyahāni bhavanti, śautānyānyuṣṇānyanyāni, tasmāhu 'kthaḥ | ṛtavo vāva hotrāḥ, te vā ekaikaṃ, tasmādekokthāḥ | tadyadekaikasyattauṃ dvau dvau māsau bhavataḥ, tasmādvisūktāḥ puruṣo vāva hotā, sa vā eka eva, tasmādekasūktaḥ | sa yatpuruṣo bhavatyanyathaiva pratyaṅ bhavatyanyathā prāṅ(1), tasmād dvukthaḥ| aṅgāni vāva hotā', tāni vā ekaikaṃ, tasmādekokthāḥ| taṃ yadekaikamaṅgaṃ dyutirbhavati, tasmād dvisūktāḥ| tadāhuḥ, yad dvuktho hotaikasūkta ekokthā hotā dvisūktāḥ, kathaṃ tat samaṃ bhavati, yadeva dvidevatyābhiryajanti, atho yad dvisūktā hotā iti brūyāt, tadāhuḥ, ya dagniṣṭoma eva sati yajñe he hoturukthe atiricyete, kathaṃ tato hotrā na vyavacchidyanta iti| yadeva dvidevatyābhiryajanti, atho yad dvisūktā hotā iti brūyāt, tadāhuḥ, yadagniṣṭoma eva sati yajñe sarvā devatāḥ sarvāṇi chandāṃsyāpyāyayanti, atha katamena chandasāyātayāmānyukthāni praṇayanti, kayā devatayeti| gāyatreṇa chandasāgninā devatayeti brūyāt| devān ha yajñaṃ tanvānā asurarakṣāṃsyabhicerira yannaparvāṇi, yajñameṣāṃ haniṣyāmastṛtīyasavanaṃ prati tṛtīyasavane ha yajñastvariṣṭo baliṣṭhaḥ prattanumeṣāṃ yajñaṃ haniṣyāma iti| te varuṇaṃ dakṣiṇato'yojayan, madhyato bṛhaspatimuttarato viṣṇuṃ| te'bruvan, ekaikāḥ smaḥ, nedamutsahāmaheti, stuno dvitīyo yenedaṃ saha vyañjavāmahā iti| tānindro'bravīt, sarve madvitīyā stheti| te sarvaṃ indraṃ dvitīyāḥ, tasmādaindrāvāruṇamaindrābārhaspatyamaindrāvaiṣṇavamanuśasyate| dvitīyavanto ha vā etena smā bhavanti, dvitīyavanto manyate, ya evaṃ veda ### [14.7](https://indike.org/pramana/in.veda.brahmana.atharvavedabrahmana.14.7) āgneyīṣu maitrāvaruṇasyokthaṃ praṇayanti, vīryyaṃ vā agniḥ, vīryeṇaivāsmai tat praṇayanti| aindrāvāruṇamanuśasyate, vīryaṃ vā indraḥ, kṣatraṃ varuṇaḥ, paśava ukthāni, vīryeṇaiva tat kṣatreṇa cobhayataḥ paśūn parigṛhlāti sthityā anapakrāntyai | aindrīṣu brāhmaṇācchaṃsina ukthaṃ praṇayanti, vīryaṃ vā indraḥ vīryeṇaivāsmai tat praṇayanti | aindrāvārhaspatyamanuśasyate, vīryaṃ vā indraḥ, brahma bṛhaspatiḥ, paśava ukthāni, voryeṇaiva tadbrahmaṇā cobhayataḥ paśūn parigṛhlāti sthityā anapakrāntyai | aindrīṣvacchāvākasyokthaṃ praṇayanti, vīryaṃ vā indraḥ, voryeṇaivāsmai tat praṇayanti | aindrāvaiṣṇavamanuśasyate, voryyaṃ vā indraḥ, yajño viṣṇuḥ, paśava ukthāni, vīryeṇaiva tadyajñena cobhayataḥ paśūn parigṛhya kṣatrentataḥ pratiṣṭhāpayati | tasmādu kṣatriyo bhūyiṣṭhaṃ hi paśūnāmīśate yādhiṣṭhātā pradātā, yasmai prattā vedā avaruddhāḥ, tānyetānyaindrāṇi | jāgatāni śaṃsanti, atho etairevesendraṃ tṛtīyasavanametairjāgataṃ savanaṃ, dharāṇi ha vā asaitānyukthāni bhavanti, yannābhānidiṣṭo vālakhilyo vṛṣākapiraiva yā marut, tasmāt tāni sārddhamevopeyuḥ, sārddhamidaṃ retaḥ siktaṃ samṛddhyaṃ, ekadhā prajanayāmeti ye ha vā etāni nānūpeyuḥ, yathā retaḥ siktaṃ vimṛmyeta kumāraṃ vā jātamaṅgaśo vibhajettādṛk tat | tasmātttāni sārddhamevopaiyuḥ sārddhamidaṃ retaḥ siktaṃ samṛddhamekadhā prajanayāmeti | śilpāni śaṃsati, yadevaśilpāni, eteṣāṃ vai śilpānāmanukṛtirihaṃ śilpamadhigamyate | hastī kaṃso vāso hiraṇyamaśvatarī rathaśilpaṃ, śilpaṃ hāsya(1) samadhigamyate | ya evaṃ veda yadeva śilpāni śaṃsati, tat svargasyalokasya rūpaṃ | yaddeva śilpāni, ātmasaṃskṛtirvai śilpāmyātmānamevāsya tat saṃskurvvanti ### [14.8](https://indike.org/pramana/in.veda.brahmana.atharvavedabrahmana.14.8) nābhānediṣṭhaṃ śaṃsati, reto vai nābhānediṣṭhaḥ| reta evāsya tat kalpayati| tadvetomiśraṃ bhavati, tmayā retaḥ maṅgama māno niṣiñcaditi(1),retamaḥ samṛddhyā eva| taṃ nārāśaṃ saṃgaṃsati(2),prajā vai naraḥ, vāk śaṃsaḥ, prajāsu taddācaṃ dadhāti| tasmādimāḥ prajā adantyo jāyante| taṃ haike purastāt pragāthānāṃ śaṃsanti, purastādāyatanā vāgiti vadante, upariṣṭādeke| upariṣṭadāyatanā vāgiti vadanto madhya eva śaṃset, madhyāyatanā vā iyaṃ vāg, upariṣṭānnedīyasrauva taṃ hotā retobhūtaṃ śastvā maitrāvaruṇāya samprayacchati| etasya tvaṃ prāṇān kalpayati, bālakhilyāḥ śaṃsanti(3), prāṇā vai bālakhilyāḥ, prāṇānevāsya tat kalpayati| tāvihṛtāḥ(4) śaṃsati, vihṛtā(5) vai prāṇāḥ, prāṇenāpāno apānena vyānaḥ sa pacchaḥ prathame sūkte viharati, ardharcaśo dvitīye, ṛkśastṛtīye sa yat prathame sūkte viharati, vācaṃ caiva tanmanaśca viharati yad dvitīye cakṣuścaiva, tacchrotraṃ ca viharati| yattṛtīye prāṇaṃ caiva, tadātmānaṃ ca viharati| tadupāsau viharet, kāmaḥ, anye tu vai pragāthāḥ kalpayanteti(6) marma sameva viharet| tathā vai pragāthāḥ kalpayante(7)| yaddevātimarma, tat svargasya lokasya rūpaṃ| yaddevātimarśaṃ, ātmā vai bṛhatī, prāṇāḥ satobṛhatī, sa bṛhatīmaśaṃsot | sa ātmātha satobṛhatīṃ(1), te prāṇā atha bṛhatīmatha satobṛhatīṃ, tadātmānaṃ prāṇaiḥ paridṛḍhanveti(2) | yadvevātimarśaḥ, ātmā vai bṛhatī, prajāḥ satobṛhatī, sa bṛhatīmaśaṃsot sa ātmātha satobṛhatīṃ, te prajā atha bṛhatīmatha satobṛhatīṃ, tadātmānaṃ prajayā paridṛḍhanveti | yaddevātimarśaṃ(3), ātmā vai bṛhatī, paśavaḥ satobṛhatī, sa bṛhatīmaśaṃsot | sa ātmātha satobṛhatīṃ, te paśavotha bṛhatīṃ, atha satobṛhatīṃ, tadātmānaṃ paśubhiḥ paridṛḍhanveti | ∙ tasya maitrāvaruṇaḥ prāṇān kalpayitvā brāhmaṇācchaṃsine samprayacchati | etasya tvaṃ prajanayeti, sukīrttiṃ śaṃsati, devayonirve sukīrttiḥ, tadyajñiyāyāṃ devayonyāṃ yajamānaṃ prajanayeti | vṛṣākapiṃ śaṃsati, ātmā vai vṛṣākapiḥ, ātmānamevāsya tat kalpayati | tanyūnūṃkha(4) iti, annaṃ vai n‍yūṅkhaḥ(5), annādyamevāsmai tat samprayacchati, yathā kumārāya jātāya stanaṃ sa pāṅkto bhavati, pāṅkto hyayaṃ puruṣaḥ pañcadhā vihitaḥ, lomāni tvagasthimajjāmastiṣkaṃ | sa yāvāneva puruṣastāvantaṃ yajamānaṃ saṃskṛtyācchāvākāya samprayacchati | etasya tvaṃ pratiṣṭhāṃ kalpaya, ityeva yā marutaṃ śaṃsati, pratiṣṭhā vā eva, yā marut, pratiṣṭhāyā evainamantaḥ pratiṣṭhāpayati| yājyayā yajati, annaṃ vai yājyā, gannādyamevāsmai tat prayacchati ### [14.6-2](https://indike.org/pramana/in.veda.brahmana.atharvavedabrahmana.14.6-2) tāni vā etāni sahacaraṇītyācakṣate, yannābhānediṣṭho bālakhilyaḥ| vṛṣākapiratha yā marutvāni saha vā śaṃset saha vā na śaṃset| yadeṣāmantaroyāt(1) tadyajamānasyāntararīyāt| yadi nābhānediṣṭhaṃ retosyāntaroyāt,yadi bālakhilyāḥ prāṇānasyāntarauyāt, yadi vṛṣākapimātmānamasyāntaroyāt, yadeva yā(2) marutaṃ, pratiṣṭhā vā eva yā marut, pratiṣṭhāyā evainanta'pnāvayet| daivyāśca manuṣyāśca tāni saha vā śaṃset, saha vā na śaṃset sa ha buḍila(3) āśvitarā sthurviśvajito hotā sadaukṣāñcakre (4), eteṣāṃ vā eṣāṃ śilpānāṃ viśvajiti sāṃvatsarike he hoturukthe mādhyandinamabhi pracyavete| hantāhamicchameva yā marutaṃ śasyānīti, taṅa tathā śasyayāñcakre| taḍa tathā śasyamāne gośru ājagāma| sa hovāca, hotaḥ kathā te(5) śastaṃ vicakraṃ plavata iti, kiṃ hyabhūyadityeva yā marudayamuttarataḥ śasyata iti| sa hovāca, indro vai mādhyandinaḥ, kathendraṃ mādhyandināntyanokamoti, nendraṃ mādhyandināntyanoṣāmiti(6)| sa hovāca, kunṭāsvidam mādhyandinaṃ, sātijāgataṃ vāti, jāgataṃ vā sa u māruto mevaṃ(1) saṃsṛṣṭeti sa hovāca, aramācchāvākenvayāsminnanuśāsanamauṣe | sa hovāca, indramiśra viṣṇvā̍nyaṅgāni(2) śaṃsati, atha tvaṃ hoturupariṣṭādraudriyā dhāyyā, yā purastānmārutasya sūktasyāpyastṛdhā iti(3) | tatheti tadapyetarhi tathaiva śasyate, yathā ṣaṣṭhe pṛṣṭyāhani(4)| kalpata eva(5) yajñaḥ, kalpate yajamānasya prajāpatiḥ, kathamatrāśasta eva nābhānediṣṭo bhavati ! atha bālakhilyāḥ śaṃsati, reto vā agretha prāṇā evaṃ brāhmaṇācchaṃsyaśasta eva nābhānediṣṭo bhavati | atha vṛṣākapiṃ śaṃsati, reto vā agrethātmā, kathamatra yajamānasya prajāpatiḥ, kathaṃ prāṇā avaruddhā bhavantīti | yajamānaṃ vā etena sarveṇa yajñakratunā saṃskurvanti, sa yathā garbho yonyāmantarevasambhavacchete, na ha vai sakṛdevā(6) agre sarvaṃ sambhavati, ekaikaṃ vāṅgaṃ sambhavati sarvāṇi cetsamānehani kriyeran, kalpayata eva yajñaḥ, kalpate yajamānasya prajāpatiḥ | atha haiva eva yā marutaṃ hotā śaṃset, tasyāsya pratiṣṭhā, tasyā evainamantataḥ pratiṣṭhāpayati pratiṣṭhāpayati ### [14.10](https://indike.org/pramana/in.veda.brahmana.atharvavedabrahmana.14.10) devakṣetraṃ vai ṣaṣṭhamahaḥ | devakṣetraṃ vā eta āgacchanti, ye ṣaṣṭhamaharāgacchanti | na vai devā anyonyasya gṛhe vasanti, narttu ṛto gṛhe vasatītyāhuḥ, tadyathāyathamṛtvija ṛtuyājān yajantṝsampadāyam, tadyadṛtn kalpayati, yathāyathaṃ janitā | tadāhuḥ, narttapraiṣo preṣyeyurnerttupraiṣo vaṣaṭ kuryuḥ, vāgvā ṛtupreṣā(1), āpyāyate vai vāk ṣaṣṭhe'hanīti | yadṛtpraiṣo preṣyeyuḥ, yadṛtpraiṣaurvaṣaṭ kuryuḥ, vācameva tadāptāṃ śāntāmṛktavatīṃ vaharāvaṇīmutsṛjeyuḥ, acyutādyajñasya caveran, yajñān prāṇān prajāyāḥ paśubhyo jihmāyeyuḥ, tasmādṛgmebhya eva preṣitavyamṛgmebhyodhiṣaṣaṭkṛtyaṃ | tanna vācamāptāṃ śāntāmṛktāvatīṃ vaharāvaṇīmutsṛjanti, nācyutādyajñasya caveran, yajñān prāṇān prajāyāḥ, paśubhyo jihmāyanti | pārucchepīrupadadhati, dvayoḥ savanayoḥ purastāt prasthitayājyānāṃ | rohitaṃ vai nāmaitacchandaḥ, yat pārucchepaṃ etena ha vā indraḥ sapta svargāṃllokānārohat | ārohanti saptasvargāṃllokān, ya evaṃ veda | tadāhuḥ, yatpañcapada eva pañcamasyānho rūpaṃ, ṣaṭpadāt ṣaṣṭhasya, atha kasmāt saptapadāt ṣaṣṭhe'hani śasyanta iti | ṣaḍbhireva padaiḥ ṣaṣṭhamaharaharvāpnuvanti, vicchidye vai tadahaḥ, yat saptamaṃ | tadeva saptamena padenābhyāruhya vasanti, santatyaistva hairavyavacchinnairyanti, ya evaṃ vidvāṃsa upayanti ### [14.11](https://indike.org/pramana/in.veda.brahmana.atharvavedabrahmana.14.11) devāsurā vā eṣu lokeṣu samayatanta | te devā ṣaṣṭhenānhā ebhyo lokebhyo'surān parāṇudanta | teṣāṃ yānyantarhastāni(2) vamūnyāsan, tānādāyan(1) samudra prāruṣyanta | teṣāṃ vai devā(2) anuhāyaitenaiva cchandasā antarhastāni vasūnyādadata | tadevaitat padaṃ, punaḥpadaṃ | sa vāṃ kuśa ākuñcanāyādviṣato vasu(3) datte, nirevainamebhyaḥ sarvebhyo lokebhyo nudate, ya evaṃ veda | dyaurvai devatāḥ ṣaṣṭhamaharvahati, trayastriṃśastomo raivataṃ sāmāticchandacchando(4) yathādaivatamanena(5) yathāstomaṃ yathāsāma yathāchandaḥ samṛddhoti, ya evaṃ veda | yadvai samānodarkaṃ, tat ṣaṣṭhasyānho rūpaṃ yadyeva prathamamahaḥ, taduttamamahaḥ, tadevaitat padaṃ | punaryat ṣaṣṭhaṃ, yadaśvavadyadrathavadyat punarāvṛttaṃ, yat punarnihastaṃ, yadantarūpaṃ, yadasau lokobhyuditaḥ, yannābhānediṣṭaṃ, yat prāruccheyaṃ, yannārāśaṃsaṃ, yad dvepadā, yat saptapadā, yat kṛtaṃ, yadaivataṃ, tattṛtīyasyānho rūpaṃ | etāni vai ṣaṣṭhasyānho rūpāṇi chandasām ha ṣaṣṭhenānhāktānāṃ raso ninejat, taṃ prajāpatirudānae nārāśaṃsyā gāyatryā raibhyā viṣṭubhā pārikṣityā jagatyā gāthayā anuṣṭubhā etāni vai chandāṃsi ṣaṣṭhehani śastāni bhavanti ayātayāmāni, chandasāmeva tat sarasatayā ayātayāmatāyai | sarasāni hāsya chandāṃsi ṣaṣṭhe hani śastāni bhavanti, sarasaiḥ chandobhiriṣṭaṃ bhavati, sarasaiḥ chandobhiryajñaṃ tanute, ya evaṃ veda ### [14.12](https://indike.org/pramana/in.veda.brahmana.atharvavedabrahmana.14.12) atha yad dvaipadau stotriyānurūpau bhavataḥ, imā nu kaṃ bhuvanāsīṣadhāmeti | dvipādvai puruṣaḥ, dvipratiṣṭhaḥ (1) puruṣaḥ, puruṣo vai yajñaḥ, tasmād dvepadau stotriyānurūpau bhavataḥ | atha sukorttiṃ śaꣲsati, apendra prāco maghavannamitrāniti | devayonirvai sukorttiḥ, sa ya evametāṃ devayomyāṃ sukīrttiṃ vedakorttiṃ pratiṣṭhāpayati, bhūtānāṃ korttimān svarge loke pratitiṣṭhati | pratitiṣṭhati prajayā paśubhiḥ, ya evaṃ veda | atha vṛṣākapiṃ śaṃsati, viddi sotorasṛkṣateti ādityovai vṛṣākapiḥ, tyyat kampayamāno (2) reto varṣati, tasmādvṛṣākapiḥ, taddṛṣākapervṛṣākapitvaṃ kapirikhavai sarveṣu lokeṣu bhāti, ya evaṃ veda | tasya tṛtīyeṣu pādeṣvādyantayonyaṃ khaninardau (3) karoti, annaṃ vainyūṅkhaḥ, balaṃ (4) ninardaḥ, annādyamevāsmai tad bale nidadhāti | atha kuntāpaṃ śaṃsati, kuyaṃ ha vai nāma kutsitaṃ bhavati, tadyattapati, tasmāt kuntāpāḥ, tat kuntāpānāṃ kuntāpatvaṃ | tapyantesmai (5) kuryāditi tamakuyaḥ svarge loke pratitiṣṭhati | pratitiṣṭhati prajayā paśubhiḥ, ya evaṃ veda | tasya caturdaśaprathamā (6) bhavanti, idaṃ janā upaśruteti | tāḥ pragāthaṃ śaṃsati, yathā vṛṣākapiṃ vārṣarūpaṃ hi vṛṣākapemtanyāyamityeva | atha raibhoḥ śaṃsati, vacasva rebhavacasveti | rebhanto vai devāsa ṛṣayaśca svargam̐ lokamāyan, tathaivaitadyajamānā rebhanta eva svargaṃ lokaṃ yanti, tāḥ pragrāhamityeva atha pārikṣitoḥ śaṃsati, rājño viśvajanīnasyeti | saṃvatsaro vai parikṣit, saṃvatsaro hīdaṃ sarvaṃ pariciyatauti | atho khalvāhuḥ, agnirve parikṣit agnihīṃ daṃ sarvaṃ pariciyatauti | atho khalvā huḥ, gāthā evaitāḥ kāravyā rājñaḥ parikṣita iti | sa nastadyathā kuryāt, yathākuryāt(1), gāthā evaitāsya śastābhavanti | yadyu vai gāthā agnereva(2) gāthāḥ saṃvatsarasya veti brūyāt, yadyu vai mantrognereva mantraḥ saṃvatsarasya veti brūyāt, tāḥ pragrāhamityeva | atha kāravyāḥ śaṃsati, indraḥ kārumabūbudhaditi | yadeva devāḥ kalyāṇaṃ karma kurvaṃstat kāravyābhiravāpnuvan, tathaivaitat yajamānāḥ yadeva devāḥ kalyāṇaṃ karma kurvanti, tat kāravyābhiravāpnuvanti, tāḥ pragrāhamityeva | atha diśāṃ klṛptoḥ, pūrvaṃ śastvā yaḥ sabheyo vidathya iti | janakalpā uttarāḥ śaṃsati, yonāktāco anabhyakta iti, ṛtavo vai diśaḥ prajananaḥ, tadyadi śāṅklṛptoḥ pūrvaṃ śastvā yaḥ sabheyo vidathya iti janakalpā uttarāḥ śaṃsati, ṛtūneva tat kalpayati, ṛtuṣu pratiṣṭhāpayati | pratiṣṭhantīridaṃ sarvamanupratiṣṭhati(3) | pratitiṣṭhati prajayā paśubhiḥ, ya evaṃ veda tā ardharcaśaḥ śaṃsati, pratiṣṭhityā eva | athendragāthāḥ śaṃsati, yadindrodo daśarātra iti | indragāthābhirha vai devā asurānājñāyāyainānanvayan, tathaivaitat yajamānā indragāthābhirevāpriyaṃ bhrātṛvyamāgāyāthainamatiyanti, tāmardharcaśaḥ śaṃsati, pratiṣṭhityai eva ### [14.13](https://indike.org/pramana/in.veda.brahmana.atharvavedabrahmana.14.13) athaitaśapralāpaṃ śaṃsati, etā aśvā āplavanta iti | aitaśo ha muniryyajñasyāyurdadarśa | sa ha puttrānuvāca, puttrakā yajñasyāyurabhidadṛśaṃstadabhilapiṣyāmi mā mā dṛptaṃ (1) manyadhvamiti | tatheti tadabhilalāpa | tasya ha ityagniretaśāyano jyeṣṭhaḥ putrobhidrutya mukhamapi jagrāha, muvaṃ, dṛpto naḥ piteti | sa hovāca, dhik tvā jālmāparasya pāpiṣṭhānte prajāṅkariṣyāmīti | yo me mukhaṃ prāgrahīṣyo yadi jālma me mukhaṃ prāgrahīṣyaḥ (2), śatāyuṣaṃ gāmakariṣyaṃ sahasrāyuṣaṃ puruṣamiti | tasmādabhyagnaya aitaśāyanā ājāneyāḥ santaḥ pāpiṣṭhāmanyeṣāṃ balihṛtaḥ (3) pitāyacchaṃ tāḥ svena prajāpatinā svayā devatayā | yadaitaśaḥ pralāpaḥ, tat svargasya lokasya rūpaṃ yadvevaitaśaḥ pralāpaḥ, yātayāmā vā cittiḥ, aitaśaitaśaḥ pralāpo yātayāmā me yajñaḥ sadaciti me yajñosaditi | taṃ vā aitaśaitaśapralāpaṃ śaṃsati, padāvagrāhantāsāmuttamena padena praṇauti, yathā nividaḥ | atha pravalhikāḥ pūrvvaśastvā vitatau kiraṇau dvāviti pratirādhānuttarāḥ śaṃsati, bhṛgillabhigata iti pravalhikābhihaṃ vai devā asurāṇāṃ rasāmnavalhayuḥ | tadyathābhirha vai devā asurāṇāṃ rasāṃ pravavalhuḥ, tasmāt pravahlikāḥ, tat pravahlikānāṃ pravahlikatvam| tā vai pratirādhaiḥ pratyarārddhavan | tadyat pratirādhaiḥ pratyarārddhavan, tasmāt pratirādhāḥ, tat pratirādhānāṃ pratirādhatvaṃ | pravalrhikābhireva dviṣatāṃ bhrātṛvyāṇāṃ rasāṃ pravahlikāstā vai pratirādhaiḥ pratirāpnuvanti, tāḥ pragrāhamityeva | athājijñāsenyāḥ(1) śaṃsati, iheccha prāgapāgudagadharāgiti | ājijñāsenyābhirha vai devā asurānājñāya athainānanyāyan, tathaivaitadyajamānā ajijñāsenyābhirevāpriyaṃ bhrātṛvyabhāgayāthainamatiyanti | tā ardharcaśaḥ śaṃsati, pratiṣṭhityā eva | athātivādaṃ śaṃsati, vo3me devā akrāṃsateti strīrvā ativādastamekacaṃ (2) śaṃsati, ekastā vai strīstāṃ vai virebhaṃ(3) śaṃsati, virebhaiḥ(4) striyaṃ puruṣo vahatīti | tāmardharcaśaḥ śaṃsati, pratiṣṭhityai eva ### [14.14](https://indike.org/pramana/in.veda.brahmana.atharvavedabrahmana.14.14) athādityāsvāṅgirasīya śaṃsati, ādityāha jaritaraṅgirobhyodakṣiṇāmanayanniti | taddevanoyamityācakṣate (5) | ādityāśca ha vā āṅgirasaśca svarge loke'spardhanta, vayaṃ pūrve svareṣyāmo vayaṃ pūrvaṃ iti te hāṅgirasaḥ śvaḥsutyāṃ dadṛśuḥ | te hāgniramṛcuḥ, parehyādityebhyaḥ śvaḥsutyāṃ prabrūhīti | athādityā adyasutyāndadṛśuḥ, tehāgmiramūcuḥ, adyasutyāsmākaṃ teṣāṃ naskhaṃ hotāsodupamaskhāmiti | sa etyāgniruvāca, athādityāḥ adyasutyāmīccante, kaṃ vo hotāramavocan, vāhvayante,1) yuṣmākaṃ vayamiti | te(2) hāṅgiramasakrudhuḥ(3), mā tvaṃ gamo nu vayamiti| netihāgniruvāca, aninyā vai māhvayante kilviṣaṃ hi tayoninyasya havanna dūti | tasmādatidūramasalpamiti, yajamānasya havamiyā devāḥ | kilviṣaṃ hi tayoninyasya havaleti | tān hādityānaṅgiraso yājayāñcakruḥ, tebhyo hīmāṃ pṛthivīṃ dakṣiṇāṃ ninyuḥ, taṃ ha na pratijagṭahuḥ| sā hīyaṃ, nivṛttobhayataḥśorṇī (4) dakṣiṇā śucāviddhā śocamānā vyacaran kupitāḥ, mā naḥ pratigṭahoṣuriti | tasmā etā niradauryyante (5), ya ete pratarā adhigamyante | tasmānnivṛttadakṣiṇāṃ nopākuryyāt(6) naināṃ prasṛjenneddakṣiṇāṃ pramṭaṇajānīti | tasmādya evāsya samānajanmā bhrātṛvyaḥ syādṛguṅgayuḥ, tasmā enāṃ dadyāt | tannaḥ parācī (7) dakṣiṇā viṣṇakti, dviṣati bhrātṛvyentataḥ śucaṃ pratiṣṭhāpayati yo'sau tapati sa vai śaṃrūti, ādityā ha jaritaraṅgirobhyo daciśāmanayan tāṃ ha jaritaḥ pratyāyanniti, na homāṃ pṛthivīṃ pratyāyaṃstāmu ha jaritaḥ pratyāyanniti, pratihiteṣu māyaṃstāṃ ha jaritarmaḥ pratyagṛbhṇanniti, na homāṃ pṛthivīṃ pratyagṛbhṇaṃstāmu ha jaritarmaḥ pratyagṛbhṇanniti, pragdṛśyāditya magṛbhṇan na hānetarasanna vicetanānoti| eṣa ha vā anrhāṃ vicetā, yo'sau tapati| sa vai śaṃsati, yajñānetarasaṃ na purogavāma iti| eṣa ha vai yajñasya purogavo, yaddakṣiṇā yathārcāmaḥ svastabhitiretadantetyeṣa eveśvara unnetuā| uta śveta āśuṣa lā utopadyābhiryyaviṣṭhaḥ(1) utemāśrumā naḥ(2) pipartītyeṣa eva śveta eṣa śiṣupatyeṣa(3) utopadyābhiryyaviṣṭhaḥ(1) utemāśrumānaṃ piparttīti, ādityā rudrā vasavaste nṛtaḥ(4)idaṃ rādhaḥ pratigṛhṇītāṅgiraḥ| idaṃ rādho vibhuḥ prabhuridaṃ rādho bṛhatapṛthuḥ| devā dadatvāṃmurantaho astu sucetanaṃ yuṣmā' astu dive dive pratyeva gṛbhāyateti(5)| tadyadādityāścāṅgirasośca śaṃsati, svargatāyā evaitadaharahaḥ śaṃsati, yathā nividotha bhūtecchandaḥ śaṃsati, tvamindra garma riṇetome(6) vai lokā bhūtecchando'surān ha vai devā annaṃ secire| bhūtena bhūtena jighāṃsantastitīrṣamāṇāṃstānime devāḥ sarvebhyo bhūtebhyocchādayan tadyadetānnime devāḥ sarvebhyo bhūtebhyo'cchādayan, tasmādbhūtecchandastadbhūtecchandāṃ bhūtecchandatvaṃ | chādayanti ha vāparamime lokāḥ sarvebhyo bhūtebhyo niraghnan | sarvebhyo bhūtebhyaśchandate, ya evaṃ veda ### [14.15](https://indike.org/pramana/in.veda.brahmana.atharvavedabrahmana.14.15) athāha nasyāḥ śaṃsati, yadasyā aṃhu bhedyā ityāha, na svāhāidaṃ sarvaṃ prajātamāha, na svāhā etadadhiprajāyatesyaiva sarvasyāsyai prajātyai | tā vai ṣaṭ śaṃset, ṣaḍvā ṛtavaḥ, ṛtavaḥ pitaraḥ, pitaraḥ prajāpatiḥ, prajāpatirāha, na syāt tādṛśaṃ śaṃsediti | śāmbavyasya vacaḥ, daśākṣarā virāḍ, vairājo yajñaḥ, tadgarbhā upajoṣanti śrīrvai virāḍ, yaśonnādyaṃ, śriyameva tadvirājaṃ yaśasyannādye pratiṣṭhāpayati | pratiṣṭhantīridaṃ sarvamanu pratitiṣṭhati | pratitiṣṭhati prajayā paśubhiḥ, ya evaṃ veda | tisraḥ śaṃsediti vātsyaḥ | trihavai retaḥ siktaṃ sambhavatyāṇḍamalpaṃ jarāyusvihat pratyathaṃ, mātā pitā yajjāyate, tat tṛtīyaṃ, abhūtodyamevaitat, yaccaturthī śaṃset sarvā eva ṣoḍaśa śaṃsediti haike | kāmātī vai retaḥ(1) siñcati, retaḥ saktāḥ prajāḥ prajāyante, prajānāṃ prajananāya | prajāvān prajanayiṣṇurbhavati, prajātyai prajāyate prajayā paśubhiḥ, ya ā veda ### [14.16](https://indike.org/pramana/in.veda.brahmana.atharvavedabrahmana.14.16) atha dādhikrīṃ śaṃsati, dadhikrāvṇo akāriṣamiti(2)| 'ta uttarāḥ pāvamānīḥ śaṃsati, sutāso madhumattamā iti | annaṃ dadhikrā, pavitraṃ pāvamānyaḥ, tadu haike pāvamānībhireva pūrvaṃ śa tata uttarā dādhikrīṃ śaṃsati | iyaṃ vāgannādyā, yaḥ pavata .. vadantastadu tathā na kuryyāt, upanaśyati ha vāgaprajāyatau | sa dādhikrīmiva pūrvaṃ śastvā tata uttarāḥ pāvamānīḥ śaṃsati tadyadādhikrīṃ śaṃsati, iyaṃ vāgāh, nasyāṃ vācamavādīt, taddevapavitreṇaiva vācaṃ punīte | sa vā anuṣṭup(1) bhavati | vāgvā anuṣṭup, tat svenaiva chandasāṃ vācaṃ punīte | tāmarḍarcaśaḥ(2) śaṃsati, pratiṣṭhityā eva | atha pāvamānīḥ śaṃsati, pavitraṃ vai pāvamānyaḥ, iyaṃ vāgāha nasyāṃ vācamavādīt, tatpāvamānībhireva vācaṃ punīte tāḥ sarvvā anuṣṭubho bhavanti, vāgvā anuṣṭup, tatsvenaiva chandasāṃ vācaṃ punīte | tā arddharcaśaḥ śaṃsati, pratiṣṭhityā eva ava drapso aṃśumatomatiṣṭhaditi | etaṃ tṛcamaindrāvārhaspatyaṃ sūktaṃ śaṃsati atha haitadusṛṣṭaṃ, tadyadetaṃ tṛcamaindrābārhaspatyamanyaṃ tṛcamaindrājāgataṃ śaṃsati, savanadhāraṇamidaṃ gulmāha iti vadantastadu tathā na kuryyāt | triṣṭubhāyatanā vā iyaṃ vāk eṣāṃ hotrakāṇāṃ, yadendrābārhaspatyā tṛttīyasavane | tadyadetaṃ tṛcamaindrāvārhaspatyamanyaṃ tṛcamaindrājāgataṃ śaṃsati, sva evainaṃ tadāyatane prīṇāti, svayonayoḥ kāmaṃ nityameva paridadhyāt, kāmaṃ tṛcasyottamayā āhuḥ, saṃśaṃset ṣaṣṭhe'hani na saṃśaṃset, kathamanveṣvahaḥsu saṃśaṃsīta thamatra na saṃśaṃsetīti | atho khalvāhuḥ, naiva saṃśaṃset, svargo vai kaḥ, ṣaṣṭhamahassramā ye vai svarge lokaḥ kaścidvai svarge loke śamayati | tasmānna saṃśaṃmati | yadeva na saṃśaṃsati, tat svargasya kasya rūpaṃ | yaddevenāḥ saṃśaṃsati, yannābhānediṣṭe bālakhilyo vṛṣākapireva yā marut| etāni vā atrokthāni bhavanti tasmānna śaṃsati| aindro vṛṣākapiḥ sarvāṇi chandāṃsyetaśaḥpralāpa upāpno yadaindrāvārhaspatyā tṛtīyasavane, tadyadetaṃ tṛcamaindrāvārhaspatyaṃ sūktaṃ śaṃsati, aindrāvārhaspatyā paridhānīyā viśo adevorabhyācarantīriti| aparajanā ha vai viśo adevoḥ, na hyasyāparajanaṃ bhayaṃ bhavati, śāntāḥ prajāḥ kṣumāḥ sahante, yatnaivaṃvidaṃ śaṃsati yatnaivaṃvidaṃ śaṃsatīti brāhmaṇam ### [14.16.p1](https://indike.org/pramana/in.veda.brahmana.atharvavedabrahmana.14.16.p1) ityatharvavedottaragopathabrāhmaṇasya ṣaṣṭhaḥ prapāṭhakaḥ ## Linked texts (5) - [Gopathabrāhmaṇa (ed. Gaastra 1919)](https://indike.org/pramana/in.veda.brahmana.gopatha*gaastra.2.6.1_4) — Sanskrit - [Aitareyabrāhmaṇa](https://indike.org/pramana/in.veda.brahmana.aitreya.6.19) — Mahidāsa Aitareya, Sanskrit - [Vaitānaśrautasūtra](https://indike.org/pramana/in.vedanga.kalpa.srauta.vaitana.641) — Sanskrit - [Kauṣītakibrāhmaṇa](https://indike.org/pramana/in.veda.brahmana.kausitaki.30.4.23) — Kauṣītaki, Sanskrit - [Ṣaṣṭhapañcikā](https://indike.org/pramana/in.veda.brahmana.sasthapancika.p26) — Sanskrit --- Source: [https://indike.org/pramana/in.veda.brahmana.atharvavedabrahmana.14](https://indike.org/pramana/in.veda.brahmana.atharvavedabrahmana.14) · Pramāṇa