Atharvavedabrahmana 9.16-2

9.16-2

athātaścāturmāsyānāṃ(1) cāturmāsyānāṃ prayogaḥ, phālgunyāṃ
paurṇamāsyāṃ cāturmāsyāni prayuñjīta | mukhaṃ vā etatsaṃvatsarasya,
yat phālgunī paurṇamāsī, mukham uttare phalgunyau, pucchaṃ pūrve,
tadyathāpravṛttasyāntau sametau syātām, evamevaitatsaṃvatsarasyāntau
sametau bhavataḥ | tadyat phālgunyāṃ paurṇamāsyāṃ cāturmāsyairyajate,
mukhata evaitat saṃvatsaraṃ prayuṅkte | atho bheṣajyayajñā vā ete,
yaccāturmāsyāni | tasmādṛtusandhiṣu prayujyante, ṛtusandhiṣu vai
vyādhirjāyate | tānyetānyaṣṭau havīṃṣi bhavanti, aṣṭau vai catasṛṇāṃ
paurṇamāsīnāṃ havīṃṣi bhavanti, catasṛṇāṃ vai paurṇamāsīnāṃ vaiśvadevaṃ
samāsaḥ | atha yadagniṃ manthanti, prajāpatirvai vaiśvadevaṃ prajātyā
eva(2) | agnyenaṃ daivaṃ garbhaṃ prajanayati | atha yat saptadaśasāmi
dhenyaḥ, saptadaśo vai prajāpatiḥ, prajāpaterāptyai | atha yatsrahantāvājyabhāgāvasisantoti vai sahantau bhavataḥ | atha yadirājau saṃyājye, annaṃ vai śrorvirāḍ, annādyasya śriyovarudhyai | atha yannava prayājā
navānuyājā aṣṭau havīṃṣi vājinannavamaṃ, tannākṣarīyāṃ virājamāpnoti | atho āhurhaśamīṃ virājamiti prayājānuyājā havīṃṣyāghārāvājyabhāgāviti