[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Atharvavedabrahmana](https://indike.org/pramana/in.veda.brahmana.atharvavedabrahmana) › 9.21 # Atharvavedabrahmana 9.21 Atharvavedabrāhmaṇa 9.21 - **Language:** Sanskrit ### [9.21](https://indike.org/pramana/in.veda.brahmana.atharvavedabrahmana.9.21) vaiśvadevena vai prajāpatiḥ prajā asṛjata, tāḥ sṛṣṭā aprasūtā varuṇasya yavāṃ jattuḥ(1) | tāḥ varuṇo varuṇapāśaiḥ pratyabadhnāt (2), tāḥ prajāḥ prajāpatiṃ pitarametyopāvadan, upa taṃ yajñakratuṃ jānīhi, yeneṣṭvā varuṇamaprīṇāt | sa prīto varuṇo varuṇapāśebhyaḥ sarvasmātpāpmanaḥ(3) sampramucyanta iti | tata etaṃ prajāpatiṃ yajñakratumapaśyat, varuṇapraghāsaṃ tamāharat, tenāyajata, teneṣṭvā varuṇamaprīṇāt | sa prīto varuṇo varuṇapāśebhyaḥ sarvvasmātpāpmanaḥ(1) prajāḥ prāmuñcat pra ha vā etasya prajā varuṇapāśebhyaḥ sarvvasmācca pāpmano mucyante ya evaṃ veda | atha yadagniṃ praṇayanti, yamevāmuṃ vaiśvadeve manthanti (2) tameva tat praṇayanti| yanmanthate, tasyoktaṃ brāhmaṇam | atha yat saptadaśasāmidhenyaḥ, sahantāvājyabhāgau, virājau saṃyājye, teṣāmuktaṃ brāhmaṇam | atha yannava prayājāḥ, navānuyājāḥ, navaitāni havīṃṣi samānāni tveva pañca sañcarāṇi (3) havīṃṣi bhavanti pauṣṇāntāni, teṣāmuktaṃ brāhmaṇam - [Previous: 9.20](https://indike.org/pramana/in.veda.brahmana.atharvavedabrahmana.9.20) - [Next: 9.22](https://indike.org/pramana/in.veda.brahmana.atharvavedabrahmana.9.22) - [Up: 9](https://indike.org/pramana/in.veda.brahmana.atharvavedabrahmana.9) ## Linked texts (2) - [Kauṣītakibrāhmaṇa](https://indike.org/pramana/in.veda.brahmana.kausitaki.5.3.10) — Kauṣītaki, Sanskrit - [Gopathabrāhmaṇa (ed. Gaastra 1919)](https://indike.org/pramana/in.veda.brahmana.gopatha*gaastra.2.1.21) — Sanskrit --- Source: [https://indike.org/pramana/in.veda.brahmana.atharvavedabrahmana.9.21](https://indike.org/pramana/in.veda.brahmana.atharvavedabrahmana.9.21) · Pramāṇa