Pramāṇa · Search · About · API

Chandogabrahmana 1

Chandogabrāhmaṇa 1

Language
Sanskrit

Contents

1.1

śaṅkarāya namastasmai bhaktānāṃ yatprasādataḥ
sūkṣmāntarhitadūrasthā bhāvā bhānti yathā'grataḥ ||¹
praṇipatya gurūnādyān ²pāṭhakān bodhakāṃstathā²
yatprasādena jānanti pravaktuṃ mādṛśā api
sadā ³svaparavaiṣamyanirābādhatvahetubhiḥ
chāndogyamantrabhāṣyaṃ vai ⁴guṇaviṣṇurvidhāsyati
ahaṃ ⁵yadyapi śābdārthapramāvākyoktiviplavaḥ⁵
tathāpyāśrayasaundaryājjano'muṣmin pravartsyati⁶
vāgīśādyā: sumanasaḥ sarvārthānāmupakrame
yaṃ natvā kṛtakṛtyāḥ syustaṃ namāmi gajānanam
yasya niḥśvasitaṃ vedā yo vedebhyo'khilaṃ jagat
nirmame tamahaṃ vande vidyātīrthamaheśvaram
tatkaṭākṣeṇa tadrūpaṃ dadhadbhukmahīpatiḥ
ādiśat sāyaṇācāryaṃ vedārthasya prakāśane
ye pūrvottaramīmāṃse te vyākhyāyātisaṃgrahāt
kṛpāluḥ sāyaṇācāryo vedārthaṃ vaktumudyataḥ
vyākhyātā ṛgyajurvedau sāmavede'pi saṃhitā
vyākhyātā brāhmaṇasyātha vyākhyānaṃ sampravartate
aṣṭau hi brāhmaṇagranthāḥ prauḍhaṃ brāhmaṇamādimam
ṣaḍviṃśākhyaṃ dvitīyaṃ syāttataḥ sāmavidhirbhavet
ārṣeyaṃ devatādhyāyo bhavedupaniṣattataḥ
saṃhitopaniṣadvaṃśo granthāvaṣṭābudīritāḥ
talopaniṣadākhyo yaḥ ṣaṣṭho granthaḥ sa ca dvidhā
mantraparvaṃ ca vidyeti vidyāṅgatvena parveṇaḥ
yathā vedādimantrāṇāmasti vidyāṅgatā tathā
rahasyatvāttu mantrāṇāṃ vidyāsannidhipāṭhyatā
asūtrayat spaṣṭametad bhagavān bādarāyaṇaḥ
vedhādīnāmarthabhedāditi¹ sūtrayeha cintyate
adite'numanyasva ||ka
anumate'numanyasva ||kha
sarasvatyanumanyasva ||ga
deva savitaḥ prasuva yajñaṃ prasuva yajñapatiṃ bhagāya
divyo gandharvaḥ ketapūḥ ketaṃ naḥ punātu vācaspatirvācaṃ naḥ svadatu

1.2

kāma veda te nāma mado nāmāsi samānayāmuṃ surā te abhavat
paramaṃ janmāsi tapaso nirmito'si svāhā

1.2.p1

[go gṛ 2, 1, 10]

1.3

imaṃ ta upasthaṃ madhunā saṃsṛjāmi prajāpatermukhametaddvitīyam
tena puṃso'bhi bhavāsi sarvānavaśān vaśinyasi rājñī svāhā

1.4

agniṃ kravyādamakruṇvan guhānāḥ strīṇāmupasthamṛṣayaḥ purāṇāḥ
tenājyamakruṇvaṃsvaiśvaṅgaṃ tvāṣṭraṃ tvayi taddhātu svāhā

1.5

ahatena vāsasā tāṃ patiḥ paridadhāha
yā akṛntannavayan yā atanvata yāśca devyo antānabhito tatantha
tāstvā devyo jarasā saṃvyayantvāyuṣmatīdaṃ paridhatsva vāsaḥ

1.6

paridhatta dhatta vāsasaināṃ śatāyuṣī kṛṇuta dīrghamāyuḥ
śatañca jīva śaradaḥ suvarcā vasūni cāryai bibhṛjāsi jīvan

1.7

vāsasā caināṃ prāvārayata¹ | śatāyuṣīṃ bahukālajīvinīṃ² kṛṇuta kuruta āśīsomo'dadadgandharvāya gandharvo'dadadagnaye
rayiṃ ca putrāṃścādādagnirmahyamatho imām

1.8

pra me pati yā naḥ panthāḥ kalpatām
śivā ariṣṭā patilokaṃ gameyam

1.9

prāsyāḥ pati yā naḥ panthāḥ kalpatām
śivā ariṣṭā patilokaṃ gamyāḥ

1.10

agniretu prathamo devatābhyaḥ so'syai prajāṃ muñcatu² mṛtyupāśāt
tadayaṃ rājā varuṇo'numanyatāṃ yatheyaṃ strī pautramaghaṃ na rodāt svāhā

1.11

imāmagnistrāyatāṃ gārhapatyaḥ prajāmasyai jaradaṣṭiṃ kṛṇotu
aśūnyopasthā jīvatāmastu mātā pautramānandamabhi vibudhyatāmiyaṃ
svāhā

1.12

dyauste pṛṣṭhaṃ rakṣatu vāyurūrū aśvinau ca stanandhayāṃste putrān savitā'bhirakṣatu
ā vāsasaḥ paridhānād bṛhaspatirviśve devā abhirakṣantu paścāt
svāhā

1.13

mā te gṛheṣu niśi ghoṣa utthādanyatra tvaddutyaḥ saṃviśantu
mā tvaṃ rudatyura ā vadhiṣṭhā jovapatnī patiloke virāja
paśyantī prajāṃ sumanasyamānām svāhā

1.14

rudatyaḥ striyaḥ saṃviśantu praviśantu tvadīyeṣu śatrugṛheṣu
aprajasyaṃ pautramartyaṃ pāpmānamuta vā agham
śīrṣṇaḥ srajamivonmucya dviṣadbhyaḥ pratimuñcāmi pāśam
svāhā

1.15

atha pañcamamāhā'prajasyamiti
paraitu mṛtyuramṛtaṃ ma āgād vaivasvato no abhayaṃ kṛṇotu
paraṃ mṛtyo anu parehi panthāṃ yatra no anya itaro devayānāt
cakṣuṣmate śṛṇvate te bravīmi mā naḥ prajāṃ rīriṣo mota vīrān
svāhā

Linked texts (10)