Chandogabrahmana 15

Chandogabrāhmaṇa 15

Language: Sanskrit

15.18 — 1 part
15.19 — 1 part

15.1

vāstoṣpate pratijānīhyasmāntsvāveśo'namīvo bhavā naḥ
'yatte mahe' prati tanno juṣasva śaṃ no bhava dvipade śaṃ catuṣpade

15.2

haye rāke sinīvāli sinīvāli pṛthuṣṭuke
subhadre pathye revati pathā no yaśa ā vaha svāhā

15.3

ye yanti prāñcaḥ panthāno ya u cottarata āyayuḥ
ye ceme sarve panthānastebhirno yaśa ā vaha svāhā

15.4

⁵yathā yanti prapado⁵ yathā māsā aharjeram
evaṃ mā śrīdhātāraḥ samava yantu sarvataḥ svāhā

15.5

yathā samudraṃ sravantīḥ samavayanti diśo diśaḥ
evaṃ mā sakhāyo brahmacāriṇaḥ samava yantu diśo diśaḥ svāhā

15.6

vasuvana edhi vasuvana edhi vasuvana edhi

15.7

yajuridaṃ tripādgāyatraṃ vā
vaśāṅgamau devayānau yuvaṃ stho yathā yuvayoḥ sarvāṇi bhūtāni
vaśamāyantyevaṃ mamāsau vaśametu svāhā

15.8

śāṅgaśca mana āyuśca devayānau yuvaṃ stho yathā yuvayoḥ
sarvāṇi bhūtāni vaśamāyantyevaṃ mamāsau vaśametu svāhā

ākrūtīṃ devīṃ manasā prapadye yajñasya mātaraṃ suhavā me astu
yasyāsta ekamakṣaraṃ paraṃ sahasrā ayutaṃ ca śākhāstasyai
vāce nihve juhomyā mā varo gacchatu śrīryaśaśca svāhā ||9||⁵
śobhanāhvānā me mama astu bhavatu| saiva pratyakṣīkṛtyocyate| yasyāste tava ekamakṣaramomityetadbrahma vāṅmayamūlam| paraṃ prakṛṣṭam| sahasrā vahuprakārāḥ| ayutaṃ ca daśasahasrasaṃkhyākāśca śākhāḥ| tasyai evaṃbhūtāyai vāce nihave āhvāne sati juhomi tvaduddeśenāgnau haviḥ prakṣipāmi| mā māṃ varaḥ abhipretaṃ phalam āgacchatu| śrīryaśaśca āgacchatu| svāhā