[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Śatapathabrāhmaṇa](https://indike.org/pramana/in.veda.brahmana.satapatha) › [Citikanda](https://indike.org/pramana/in.veda.brahmana.satapatha.citikanda) › 31.6 # Citikanda 31.6 Citikāṇḍa 31.6 - **Language:** Sanskrit ### [31.6](https://indike.org/pramana/in.veda.brahmana.satapatha.citikanda.31.6) supa̱rṇo'si garutmā̍niti | vīryyaṃ vai supa̱rṇo garutmā̱nvīryyeṇaivaitametada̱bhisaṃskaroti trivṛtte śira'iti trivṛtamasya stomarthaṃ śiraḥ karoti gāya̱traṃ cakṣuriti gāyatraṃ cakṣuḥ karoti bṛhadrathantare pakṣāviti bṛhadrathantare pakṣau karoti stoma 'ātmeti stomamātmānaṃ karoti pañcavim̐śaṃ chandām̐syaṅgānīti cchandām̐si vā'etasyāṅgāni yajūṃṣi nāmeti yadenamagnirityācakṣate tadasya yajūṃṣi nāma sāma te tanūrvāmadevyamityātmā vai tanūrātmā te tannvāmadevyamityetadyajñāyajñiyaṃ pucchamiti yajñāyajñiyaṃ pucchaṃ karoti dhiṣṇyāḥ śaphā 'iti dhiṣṇyairvā'eṣo'smim̐lloke pratiṣṭhitaḥ suparṇo'si garutmāndivaṃ gaccha svaḥ pateti tadenam̐ suparṇaṃ garutmantaṃ kṛtvā''ha devānāccha svargaṃ lokaṃ pateti - [Previous: 31.5](https://indike.org/pramana/in.veda.brahmana.satapatha.citikanda.31.5) - [Next: 31.7](https://indike.org/pramana/in.veda.brahmana.satapatha.citikanda.31.7) - [Up: 31](https://indike.org/pramana/in.veda.brahmana.satapatha.citikanda.31) --- Source: [https://indike.org/pramana/in.veda.brahmana.satapatha.citikanda.31.6](https://indike.org/pramana/in.veda.brahmana.satapatha.citikanda.31.6) · Pramāṇa